Read news in NepalBhasa text-- www.hamroschool.com BACK 𑐧𑑁𑐡𑑂𑐢 𑐳𑑄𑐳𑑂𑐎𑐺𑐟𑐶𑐂 𑐣𑑅𑐮𑐵𑐳𑑂𑐰𑐵𑑄 ! – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐧𑑁𑐡𑑂𑐢 𑐳𑑄𑐳𑑂𑐎𑐺𑐟𑐶𑐂 𑐣𑑅𑐮𑐵𑐳𑑂𑐰𑐵𑑄 !

𑐁𑐣𑐣𑑂𑐡 𑐩𑐸𑐣𑐶 𑐧𑐖𑑂𑐬𑐵𑐔𑐵𑐬𑑂𑐫

𑐩𑑀𑐴𑐣𑐶 𑐣𑑅𑐏𑑅 𑐢𑐵𑐫𑐾𑐰𑑄 𑐮𑑂𑐰𑑅𑐩𑑄𑐎𑐾 𑐩𑐦𑐂𑐐𑐸 𑐣𑐶𑐟𑐵 𑐔𑐷𑐖 𑐡𑐸 𑑋 𑐰 𑐏𑑅 𑐳𑐮𑐶𑐏𑐫𑑂 𑐦𑐫𑐵𑐟𑑅𑐐𑐸 𑐥𑐸𑐂𑑃 𑐔𑐶𑐣𑐵𑑅 𑐴𑐵𑐎𑐸𑐳𑐾 𑐔𑑂𑐰𑑄𑐐𑐸 𑐳𑐶𑐣𑑂𑐴𑑅 𑐩𑑀𑐴𑐣𑐶 𑐰 𑐨𑑂𑐫𑐐𑐟𑐫𑑂 𑐖𑑂𑐰𑐵“𑐫𑑂𑐖𑑂𑐰𑐵“𑐫𑑂 𑐴𑑂𑐰𑐫𑐵𑐔𑑂𑐰𑑄𑐐𑐸 𑐩𑑂𑐴𑐵𑐳𑐸𑐳𑐾 𑐔𑑂𑐰𑑄𑐐𑐸 𑐣𑑅𑐮𑐵𑐳𑑂𑐰𑐵𑑄 𑑋

𑐩𑑀𑐴𑐣𑐶𑐫𑐵 𑐣𑑂𑐴𑐵𑐥𑐵𑑄𑐐𑐸 𑐡𑐶𑑄 𑐀𑐬𑑂𑐠𑐵𑐟𑑂 𑐎𑑁𑐮𑐵𑐠𑑂𑐰 𑐥𑐵𑐬𑐸 (𑐀𑐳𑑀𑐖 𑐱𑐸𑐎𑑂𑐮 𑐥𑑂𑐬𑐟𑐶𑐥𑐡𑐵) 𑐎𑐸𑐣𑑂𑐴𑐸 𑐳𑐸𑐠 𑐣𑑂𑐴𑐵𑐥𑐵𑑄 𑐣𑐷𑐳𑐷 𑐫𑐵𑐣𑐵𑑅 𑐥𑐸𑐖𑐵 𑐎𑑂𑐰𑐠𑐵𑐫𑑂 𑐎𑐸𑐮𑐡𑐾𑐰𑐟𑐵𑐫𑐵 𑐁𑐴𑑂𑐰𑐵𑐣 𑐫𑐵𑐣𑐵𑑅 𑐣𑑅𑐮𑐵𑐳𑑂𑐰𑐵𑑄 𑐥𑐷𑐐𑐸 𑐫𑐵𑐂 𑑋 𑐠𑑂𑐰𑐫𑐵𑐟 𑐣𑑅𑐮𑐵 𑐳𑑂𑐰𑐣𑐾𑐐𑐸 𑐢𑐵𑐂 𑑋 𑐠𑐠𑐾𑐴𑐾 𑐎𑑁𑐮𑐵𑐠𑑂𑐰 𑐣𑐰𑐩𑐶 𑐀𑐬𑑂𑐠𑐵𑐟𑑂 𑐩𑐴𑐵𑐣𑐰𑐩𑐶𑐎𑐸𑐣𑑂𑐴𑐸 𑐎𑐸𑐮𑐡𑐾𑐰𑐟𑐵𑐫𑐵 𑐁𑐴𑑂𑐰𑐵𑐣 𑐫𑐵𑐣𑐵𑑅 𑐳𑐮𑐶𑐏𑐫𑑂 𑐩𑑀𑐴𑐣𑐶 𑐦𑐫𑐾𑐐𑐸 𑐫𑐵𑐂 𑑋 𑐎𑑁𑐮𑐵𑐠𑑂𑐰 𑐡𑐱𑐩𑐶 𑐀𑐬𑑂𑐠𑐵𑐟𑑂 𑐰𑐶𑐖𑐫 𑐡𑐱𑐩𑐶𑐎𑐸𑐣𑑂𑐴𑐸 𑐧𑐶𑐢𑐶𑐰𑐟 𑐥𑐸𑐖𑐵 𑐎𑑂𑐰𑐔𑐵𑐫𑐾𑐎𑐵𑑅 𑐩𑑀𑐴𑐣𑐶 𑐰 𑐣𑑅𑐮𑐵𑐳𑑂𑐰𑐵𑑄𑐮𑐶𑐳𑐾𑑄 𑐩𑐾𑐩𑐾𑐐𑐸 𑐥𑑂𑐬𑐳𑐵𑐡 𑐎𑑂𑐰𑐎𑐫𑐵𑑅 𑐥𑑂𑐬𑐳𑐵𑐡𑐫𑐵 𑐬𑐸𑐥𑐫𑑂 𑐩𑑀𑐴𑐣𑐶 𑐳𑐶𑐣𑑂𑐴𑑅 𑐟𑐶𑐣𑐵𑑅 𑐣𑑅𑐮𑐵𑐳𑑂𑐰𑐵𑑄 𑐕𑑂𑐫𑐣𑐫𑑂 𑐕𑐸𑐂𑐐𑐸 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐠𑐸𑐧𑐮𑐫𑑂 𑐠𑐎𑐵𑐮𑐶𑐥𑐶𑑄𑐳𑑄 𑐠𑑅 𑐩𑐳𑑂𑐟𑐫𑑂𑐟 𑐣𑑂𑐴𑐵𑐥𑐵 𑐣𑑄 𑐎𑐮𑑂𑐫𑐵𑐞, 𑐁𑑅 𑐣𑑄 𑐎𑐮𑑂𑐫𑐵𑐞 𑐴𑐾 𑐖𑐸𑐂 𑐀𑐮𑐾 𑐮𑐶𑐥𑐵 𑐣𑑄 𑐎𑐮𑑂𑐫𑐵𑐞 𑐴𑐾 𑐖𑐸𑐂𑐩𑐵 𑐢𑐎𑐵𑑅 𑐁𑐱𑐶𑐎𑐵 𑐧𑐶𑐫𑐵𑐰𑐫𑐵𑐔𑑂𑐰𑑄𑐐𑐸 𑐖𑐸𑐮 𑑋

𑐣𑑅𑐮𑐵𑐳𑑂𑐰𑐵𑑄 𑐐𑐧𑐮𑐾𑐣𑐶𑐳𑐾𑑄 𑐥𑐷𑐐𑐸 𑐥𑑂𑐬𑐔𑐮𑐣 𑐱𑐸𑐬𑐸 𑐖𑐹𑐐𑐸 𑐏𑑅 𑐢𑐂𑐐𑐸 𑐏“ 𑐀𑐣𑐸𑐳𑐣𑑂𑐢𑐵𑐣𑐫𑐵 𑐰𑐶𑐲𑐫 𑐴𑐾 𑐟𑐶𑐣𑐶 𑑋 𑐟𑐬 𑐣𑐾𑐰𑐵𑑅𑐟𑐫𑑂 𑐡𑐎𑐮𑐫𑑂 𑐟𑑅𑐢𑑄𑐐𑐸 𑐳𑐵𑑄𑐳𑑂𑐎𑐺𑐟𑐶𑐎 𑐣𑐏𑑅 𑐩𑑀𑐴𑐣𑐶 𑐥𑑂𑐬𑐖𑑂𑐘𑐵 𑐰 𑐄𑐥𑐵𑐫𑑂 𑐳𑑂𑐰𑐬𑐸𑐥 𑐴𑐵𑐎𑐸𑐐𑐸 𑐩𑑀𑐴𑐣𑐶 𑐳𑐶𑐣𑑂𑐴𑑅 𑐟𑐶𑐣𑐵𑑅 𑐩𑑂𑐴𑐵𑐳𑐸𑐐𑐸 𑐣𑑅𑐮𑐵𑐳𑑂𑐰𑐵𑑄 𑐕𑐸𑐣𑐵𑑅 𑐠𑑅 𑐳𑐶𑐧𑐾𑑄 𑐠“𑐖𑐶𑐥𑐶𑐣𑐶𑐥𑐵𑐏𑐾𑑄 𑐁𑐱𑐶𑐎𑐵 𑐎𑐵𑐫𑐾𑐐𑐸 𑐢𑐂𑐐𑐸 𑐳𑐡𑐵𑑄 𑐨𑐶𑑄–𑐄𑐳𑐵“𑐫𑑂, 𑐡𑐕𑐶𑐫𑑄𑐎𑑄 𑐳𑐎𑐟𑐵𑑄 𑐖𑑂𑐫𑐵 𑐏𑑂𑐫𑐮𑐫𑑂 𑐳𑐦𑐮𑐟𑐵, 𑐠“𑐖𑐶𑐥𑐶𑑄𑐥𑑂𑐬𑐟𑐶 𑐳𑐩𑑂𑐩𑐵𑐣 𑐰 𑐎𑑂𑐰𑐵𑐟𑐸𑐐𑐸 𑐥𑐵𑐬𑐶𑐰𑐵𑐬𑐶𑐎 𑐳𑑂𑐰𑐵𑐥𑐹𑐫𑐵 𑐕𑐸𑐩𑐵𑑄 𑐏𑑅 𑑋 𑐁𑐐𑐩𑐫𑑂 𑐎𑐸𑐮 𑐡𑐾𑐰𑐟𑐵𑐫𑐵 𑐳𑐵𑐢𑐣𑐵 𑐫𑐵𑐣𑐵𑑅 𑐥𑐶𑐖𑑂𑐰𑑅𑐐𑐸 𑐥𑑂𑐬𑐖𑑂𑐘𑐵 𑐰 𑐄𑐎𑐶𑐫𑐵𑐟 𑐀𑐔𑐹𑐎𑐬𑐸𑐥𑑄 𑐄𑐥𑐵𑐫𑐫𑐵 𑐩𑐵𑐢𑑂𑐫𑐩𑑄 𑐕𑑂𑐫𑐮𑐾𑐐𑐸 𑐴𑐾 𑐳𑐦𑐮 𑐩𑐵𑐣𑐰 𑐖𑐷𑐰𑐣𑐫𑐵𑐥𑐵𑐣𑐫𑐵 𑐣𑐶𑑄𑐟𑐶𑑄 𑐩𑑀𑐴𑐣𑐶𑐫𑐵 𑐥𑑂𑐬𑐳𑐵𑐡 𑐏𑑅 𑑋 𑐰𑐿𑐖𑑂𑐘𑐵𑐣𑐶𑐎𑐟𑐫𑑂𑐎𑐠𑑄 𑐣𑑅𑐮𑐵𑐳𑑂𑐰𑐵𑑄𑐫𑐵 𑐥𑐸𑐳𑐵 𑐏𑐸𑐡𑑂𑐰𑑅 𑐡“ 𑐩𑐮𑑂𑐫𑐵𑐎 𑐥𑐸𑐮𑐵𑑄 𑑋

𑐣𑑅𑐮𑐵𑐳𑑂𑐰𑐵𑑄𑐫𑐵𑐟 𑐣𑑅𑐮𑐶𑐳𑑂𑐰𑐵𑑄 𑐣𑑄 𑐢𑐵𑐫𑐾𑐐𑐸 𑐫𑐵𑑅 𑑋 𑐣𑑅𑐮𑐶 𑐢𑐵𑐫𑐾𑐧𑐮𑐫𑑂 𑐣𑐔𑑂𑐔𑐵𑐐𑐸 𑐖𑐸𑐮 𑐀𑐬𑑂𑐠𑐵𑐟𑑂 𑐎𑑀𑐩𑐮 𑐰𑐵 𑐎𑑂𑐫𑐵𑐟𑐸𑐐𑐸, 𑐣𑐎𑐟𑐶𑐣𑐶 𑐴𑑂𑐰𑑅𑐐𑐸 𑑋 𑐏𑐫𑑂𑐟𑐮𑐵 𑐳𑑂𑐰𑐫𑐾𑐧𑐮𑐫𑑂 𑐣𑑄 𑐣𑑅𑐮𑐶 𑐴𑐾 𑐏𑐣𑐾𑐡𑐸 𑑋 𑐕𑑂𑐫𑐣𑐫𑑂 𑐕𑐸𑐂𑐟 𑐰𑑄 𑐧𑐵𑑄𑐮𑐵𑑅𑐐𑐸 𑐖𑐎 𑐩𑐏𑐳𑐾 𑐠𑑂𑐰 𑐳𑑂𑐰𑐵𑐣𑑄 𑐧𑐶𑐱𑐾𑐲𑐎𑐠𑑄𑐫𑐵 𑐧𑑁𑐡𑑂𑐢 𑐱𑐶𑐎𑑂𑐲𑐵 𑐣𑑄 𑐧𑐶𑐫𑐵𑐔𑑂𑐰𑑄𑐐𑐸 𑐡𑐸 𑑋

𑐧𑑁𑐡𑑂𑐢 𑐡𑐬𑑂𑐱𑐣 𑐢𑐫𑐵𑐐𑐸 𑐢𑐬𑑂𑐩 𑐩𑐏𑐸 𑐠𑑂𑐰 𑐕𑐐𑐹 𑐳𑐦𑐮 𑐖𑐷𑐰𑐣𑐫𑐵𑐥𑐣𑐫𑐵 𑐟𑐬𑐶𑐎𑐵 𑐏𑑅 𑐀𑐬𑑂𑐠𑐵𑐟 𑐢𑐧𑐠 𑐫𑐵 𑐨𑐶𑐧𑐏𑐲𑑂𑐮𑐣 𑐏𑑅 𑑋 𑐄𑐎𑐶𑑄 𑐩𑑀𑐴𑐣𑐶 𑐢𑐎𑐵𑑅 𑐥𑐸𑐖𑐵 𑐫𑐵𑐫𑐾𑐰𑑄 𑐢𑐬𑑂𑐩 𑐮𑐵𑐂 𑐩𑐏𑐸 𑑋 𑐳𑐴𑐶 𑐬𑐸𑐥𑑄 𑐖𑑂𑐘𑐵𑐣𑐫𑐵𑐟 𑐰𑑂𑐫𑐰𑐴𑐵𑐬𑐫𑑂 𑐕𑑂𑐫𑐮𑐾 𑐦𑐫𑐾𑐎𑐾𑐐𑐸 𑐴𑐾 𑐩𑐵𑐣𑐰 𑐢𑐬𑑂𑐩 𑐏𑑅 𑑋 𑐣𑑅𑐮𑐵𑐳𑑂𑐰𑐵𑑄 𑐣𑑄 𑐠𑐠𑐾𑐴𑐾 𑐖𑑂𑐘𑐵𑐣𑐫𑐵𑐟 𑐩𑑂𑐴𑐳𑐷𑐎𑐵𑑅 𑐰𑑂𑐫𑐰𑐴𑐵𑐬𑐫𑑂 𑐕𑑂𑐫𑐮𑐾𑐐𑐸 𑐮“𑐥𑐸 𑐰𑐵 𑐣𑐩𑐹𑐣𑐵 𑐏𑑅 𑑋 𑐧𑑁𑐡𑑂𑐢 𑐡𑐬𑑂𑐱𑐣𑐫𑐵𑐟 𑐄𑐮𑐵 𑐳𑑂𑐰𑐫𑐾𑐐𑐸 𑐏𑑅𑐳𑐵 𑐕𑐸𑑄 𑐣𑑄 𑐔𑐷𑐖 𑐠𑑅 𑐴𑐾 𑐄𑐟𑑂𑐥𑐟𑑂𑐟𑐶 𑐰𑐵 𑐳𑐺𑐖𑐣𑐵 𑐖𑐹𑐐𑐸 𑐣𑑄 𑐩𑐏𑐸 𑐀𑐮𑐾 𑐰𑐶𑐣𑐵𑐱 𑐖𑐸𑐫𑐵𑐰𑑄𑐐𑐸 𑐣𑑄 𑐩𑐏𑐸 𑑋

𑐕𑐸𑑄 𑐣𑑄 𑐔𑐷𑐖𑐫𑐵 𑐄𑐟𑑂𑐥𑐟𑑂𑐟𑐶 𑐰 𑐰𑐶𑐣𑐵𑐱 𑐖𑐸𑐂𑐟 𑐄𑐎𑐶𑐫𑐵 𑐎𑐵𑐬𑐞𑐟 𑐡𑐸 𑑋 𑐩𑐡𑐸𑐐𑐸 𑐀𑐰𑐳𑑂𑐠𑐵𑑄 𑐴𑐾 𑐡𑐫𑐵 𑐰𑐂𑐐𑐸 𑐏𑑅 𑑋 𑐀𑐮𑐾 𑐡𑐫𑐵𑐔𑑂𑐰𑑄𑐐𑐸 𑐢𑐫𑐵𑐐𑐸 𑐣𑑄 𑐩𑐡𑐫𑐵 𑐰𑐣𑐷𑐐𑐸 𑐴𑐾 𑐧𑑁𑐡𑑂𑐢 𑐡𑐬𑑂𑐱𑐣𑐫𑐵 𑐩𑐹𑐮 𑐰𑐶𑐱𑐾𑐲𑐟𑐵 𑐏𑑅 𑑋 𑐟𑐬 𑐠𑑂𑐰 𑐀𑐠𑐾𑑄 𑐖𑐸𑐫𑐵𑐔𑑂𑐰𑑄𑐐𑐸 𑐰𑐵 𑐳𑐸𑐣𑐵 𑐣𑑄 𑐫𑐵𑐣𑐵 𑐧𑐶𑐫𑐵𑑅 𑐖𑐸𑐫𑐵𑐔𑑂𑐰𑑄𑐐𑐸 𑐢𑐵𑑅𑐳𑐵 𑐩𑐏𑐸 𑑋 𑐠𑑂𑐰 𑐴𑐾 𑐳𑑄𑐳𑐵𑐬𑐫𑐵 𑐥𑑂𑐬𑐰𑐺𑐟𑑂𑐟𑐶𑐫𑐵𑐟 𑐠𑐸𑐂𑐎𑐾 𑐦𑐫𑐾𑐎𑐾𑐐𑐸 𑐥𑑂𑐬𑐖𑑂𑐘𑐵 𑐖𑑂𑐘𑐵𑐣 𑐏𑑅 𑑋 𑐥𑑂𑐬𑐖𑑂𑐘𑐵 𑐖𑑂𑐘𑐵𑐣𑐫𑐵 𑐳𑑂𑐬𑑀𑐟 𑐢𑐂𑐐𑐸 𑐔𑐶𑐟𑑂𑐟 𑐊𑐎𑐵𑐐𑑂𑐬𑐟𑐵 𑐏𑑅 𑑋 𑐔𑐶𑐟𑑂𑐟 𑐊𑐎𑐵𑐐𑑂𑐬𑐟𑐵 𑐢𑐵𑐫𑐾𑐧𑐮𑐫𑑂 𑐎𑐵𑐫, 𑐰𑐵𑐎 𑐰 𑐔𑐶𑐟𑑂𑐟𑐫𑐵 𑐊𑐎𑐵𑐎𑐵𑐬 𑐬𑐸𑐥 𑐏𑑅 𑑋 𑐠𑐖𑑂𑐫𑐵𑑅𑐐𑐸 𑐀𑐰𑐳𑑂𑐠𑐵𑐫𑑂 𑐥𑑂𑐬𑐖𑑂𑐘𑐵 𑐖𑑂𑐘𑐵𑐣𑐫𑐵 𑐰𑐶𑐎𑐵𑐳 𑐖𑐸𑐂 𑑋 𑐥𑑂𑐬𑐖𑑂𑐘𑐵 𑐖𑑂𑐘𑐵𑐣𑑄 𑐏𑑄𑐐𑐸 𑐳𑐟𑑂𑐫𑐟𑐵𑐫𑐵𑐟 𑐠𑐸𑐂𑐎𑐵𑑅 𑐳𑐴𑐶 𑐄𑐥𑐵𑐫 𑐣𑐵𑐮𑐵𑑅 𑐣𑑂𑐴𑑂𑐫𑐵𑑅 𑐰𑐣𑐾𑐐𑐸 𑐧𑑀𑐢𑐶𑐳𑐟𑑂𑐰 𑐔𑐬𑑂𑐫𑐵 𑐰𑐵 𑐣𑐶𑐬𑑂𑐰𑐵𑐞𑐫𑐵 𑐮“𑐫𑑂 𑐰𑐣𑐾𑐐𑐸 𑐏𑑅 𑑋 𑐥𑑂𑐬𑐖𑑂𑐘𑐵 𑐖𑑂𑐘𑐵𑐣𑑄 𑐴𑐾 𑐖𑐎 𑐫𑐠𑐵𑐨𑐹𑐟 𑐰𑐳𑑂𑐟𑐸 𑐰𑐵 𑐖𑐐𑐟𑐫𑐵 𑐰𑐵𑐳𑑂𑐟𑐰𑐶𑐎 𑐀𑐰𑐳𑑂𑐠𑐵 𑐀𑐰𑐧𑑀𑐢 𑐖𑐸𑐂 𑑋 𑐩𑑀𑐴𑐣𑐶 𑐔𑐶𑐟𑑂𑐟 𑐊𑐎𑐵𑐐𑑂𑐬𑐟𑐵𑐫𑐵 𑐥𑑂𑐬𑐟𑐷𑐎 𑐏𑑅 𑑋 𑐣𑑅𑐮𑐵𑐳𑑂𑐰𑐵𑑄 𑐧𑑁𑐡𑑂𑐢 𑐡𑐬𑑂𑐱𑐣𑐫𑐵 𑐥𑑂𑐬𑐫𑑀𑐐𑐵𑐟𑑂𑐩𑐎 𑐮𑐶𑐔𑑂𑐰𑑅 𑐏𑑅 𑑋

𑐕𑐸𑑄 𑐣𑑄 𑐔𑐷𑐖 𑐄𑐟𑑂𑐥𑐟𑑂𑐟𑐶 𑐖𑐸𑐂𑐟 𑐰𑐵 𑐰𑐶𑐣𑐵𑐱 𑐖𑐸𑐂𑐟 𑐩𑐾𑐐𑐸 𑐕𑐸𑑄 𑐣𑑄 𑐕𑐸𑑄 𑐀𑐰𑐳𑑂𑐠𑐵𑐫𑐵 𑐁𑐰𑐱𑑂𑐫𑐎𑐟𑐵 𑐡𑐸 𑑋 𑐢𑐵𑐂𑐐𑐸 𑐣𑑄 𑐡𑐸 𑐎𑐵𑐬𑐞 𑐩𑐡𑐫𑐾𑐎𑑄 𑐮𑐶𑐔𑑂𑐰𑑅 𑐥𑐶𑐡𑐣𑐷 𑐩𑐏𑐸 𑑋 𑐕𑐸𑑄 𑐣𑑄 𑐎𑑂𑐬𑐶𑐫𑐵 𑐖𑐸𑐮 𑐎𑐶 𑐄𑐎𑐶𑐫𑐵 𑐥𑑂𑐬𑐟𑐶𑐎𑑂𑐬𑐶𑐫𑐵 𑐖𑐸𑐂𑐐𑐸 𑐰𑐵 𑐮𑐶𑐔𑑂𑐰𑑅 𑐥𑐶𑐡𑐣𑐷𑐐𑐸 𑐳𑑂𑐰𑐵𑐨𑐵𑐰𑐶𑐎 𑐏𑑅 𑑋 𑐠𑑂𑐰 𑐢𑐫𑐵𑐐𑐸 𑐐𑐖𑑂𑐫𑐵𑑅𑐐𑐸 𑐎𑐬𑑂𑐩𑐫𑐵𑐟 𑐮𑐶𑐔𑑂𑐰𑑅 𑐣𑑄 𑐀𑐖𑑂𑐫𑐵𑑅𑐐𑐸 𑐴𑐾 𑐥𑐶𑐡𑐣𑐷 𑑋 𑐳𑑄𑐳𑐵𑐬𑐫𑐵 𑐳𑑄𑐬𑐔𑐣𑐵 𑐢𑐂𑐐𑐸 𑐔𑐵, 𑐩𑐶, 𑐮𑑅 𑐰 𑐦𑐫𑑂 𑐴𑐾 𑐏𑑅 𑑋 𑐣𑑂𑐴𑑂𑐫𑐵𑐠𑐵𑐫𑑂 𑐳𑑂𑐰𑑅𑐳𑐵𑑄 𑐣𑑂𑐴𑑂𑐫𑐵𑐐𑐸𑐮𑐶𑐂 𑐳𑑂𑐰𑑅𑐳𑐵𑑄 𑐀𑐣𑑂𑐟𑐫𑑂 𑐮𑐸𑐫𑐵 𑐰𑐂𑐐𑐸 𑐠𑐸𑐮𑐶 𑐴𑐾 𑐏𑑅 𑑋 𑐟𑐬 𑐠𑑂𑐰 𑐥𑑂𑐫𑐟𑐵𑐩𑐢𑑂𑐫𑐾 𑐕𑐟𑐵𑐫𑐵 𑐀𑐨𑐵𑐰 𑐴𑐾 𑐳𑐺𑐲𑑂𑐚𑐶 𑐰𑐵 𑐳𑐺𑐖𑐣𑐵𑐫𑑂 𑐰𑐂𑐐𑐸 𑐴𑐶𑐄𑐥𑐵𑑅 𑐏𑑅 𑑋 𑐠𑑂𑐰𑐫𑐵𑐟 𑐧𑐵𑑄𑐮𑐵𑐎 𑐠𑐸𑐂𑐎𑐾𑐐𑐸 𑐴𑐾 𑐥𑑂𑐬𑐖𑑂𑐘𑐵 𑐖𑑂𑐘𑐵𑐣 𑐏𑑅 𑑋 𑐩𑐾𑐎𑐠𑑄 𑐢𑐵𑐫𑐾𑐐𑐸 𑐏𑑅𑐳𑐵 𑐱𑐶𑐎𑑂𑐲𑐵 𑐏𑑅 𑑋 𑐥𑑂𑐬𑐎𑐺𑐟𑐶𑐫𑐵 𑐳𑐸𑐎𑑂𑐲𑑂𑐩 𑐀𑐢𑑂𑐫𑐫𑐣 𑐏𑑅 𑑋 𑐥𑑂𑐬𑐖𑑂𑐘𑐵𑐥𑐵𑐬𑐩𑐶𑐟𑐵 𑐰𑐵 𑐣𑐵𑐩𑐳𑑄𑐐𑐷𑐟𑐶𑐂 𑐳𑐸𑐮𑐵𑐔𑑂𑐰𑑄𑐐𑐸 𑐡𑐬𑑂𑐱𑐣 𑐖𑑂𑐘𑐵𑐣 𑐣𑑄 𑐠𑑂𑐰 𑐴𑐾 𑐏𑑅 𑑋 𑐥𑑂𑐬𑐎𑐺𑐟𑐶𑐫𑐵𑐟 𑐠𑐸𑐂𑐎𑐵𑑅 𑐠𑐸𑐎𑐶𑑄 𑐧𑑂𑐰𑐮𑐣𑐷𑐐𑐸 𑐬𑐵𑐐, 𑐡𑑂𑐰𑐾𑐲, 𑐩𑑀𑐴 𑐰 𑐃𑐲𑑂𑐬𑑂𑐫𑐵𑐫𑐵𑐟 𑐣𑐲𑑂𑐚 𑐫𑐵𑐫𑐾𑐐𑐸 𑐴𑐾 𑐩𑑀𑐴𑐣𑐶 𑐰 𑐣𑑅𑐮𑐵𑐳𑑂𑐰𑐵𑑄𑐫𑐵 𑐰𑐶𑐱𑐾𑐲 𑐖𑑂𑐘𑐵𑐣 𑐏𑑅 𑑋 𑐳𑐩𑑂𑐬𑐵𑐚 𑐀𑐱𑑀𑐎𑑄 𑐠𑑂𑐰 𑐴𑐾 𑐖𑑂𑐘𑐵𑐣𑐫𑐵𑐟 𑐠𑐸𑐂𑐎𑐵𑑅 𑐩𑑀𑐴𑐣𑐶𑐫𑐵 𑐨𑐶𑑄𑐐𑐸 𑐡𑐶𑐣𑐫𑑂 𑐠𑑂𑐰 𑐖𑑂𑐘𑐵𑐣𑐫𑐵𑐟 𑐣𑐵𑐮𑐵 𑐎𑐫𑐵𑑅 𑐠𑑅𑐟 𑐳𑐡𑐵𑑄 𑐩𑐵𑐣𑐰 𑐎𑐮𑑂𑐫𑐵𑐞𑐫𑐵 𑐣𑐶𑑄𑐟𑐶𑑄 𑐧𑐸𑐡𑑂𑐢 𑐢𑐬𑑂𑐩𑐫𑑂 𑐡𑐷𑐎𑑂𑐲𑐶𑐟 𑐖𑐸𑐮 𑑋 𑐩𑑀𑐴𑐣𑐶𑐫𑐵 𑐗𑐶𑐣𑑂𑐴𑐸𑐫𑐵 𑐡𑐶𑑄𑐫𑐵𑐟 𑐠𑑁𑑄𑐟𑐎𑑄 𑐗𑐷 𑐳𑐎𑐳𑐶𑐣𑑄 𑐀𑐳𑑂𑐟𑑂𑐬 𑐟𑑂𑐰𑑅𑐟𑐵𑑅 𑐖𑑂𑐘𑐵𑐣𑐫𑐵 𑐰𑐶𑐖𑐫 𑐖𑐹𑐐𑐸 𑐥𑑂𑐬𑐟𑐷𑐎 𑐩𑑀𑐴𑐣𑐶 𑐳𑐶𑐣𑑂𑐴𑑅 𑐟𑐶𑐣𑐵𑑅 𑐰𑐶𑐖𑐫𑐵 𑐡𑐱𑐩𑐷 𑐢𑐎𑐵𑑅 𑐴𑐣𑐵𑐰𑐫𑐵𑐔𑑂𑐰𑐣𑐵 𑑋

𑐥𑑂𑐬𑐎𑐺𑐟𑐶𑐫𑐵 𑐣𑐶𑐫𑐩 𑐠𑐸𑐂𑐎𑐾 𑐩𑐦𑐫𑐾𑐎𑑄 𑐧𑑁𑐡𑑂𑐢 𑐢𑐬𑑂𑐩 𑐠𑐸𑐂𑐎𑐾 𑐦𑐂𑐩𑐏𑐸 𑑋 𑐳𑐵𑐩𑐵𑐣𑑂𑐫𑐟𑑅 𑐕𑐸𑑄 𑐣𑑄 𑐳𑑂𑐰𑐵𑑄 𑐥𑐷𑐧𑐮𑐫𑑂 𑐰𑐫𑐵 𑐴𑑅𑐟 𑐰𑐵𑐄“𑐳𑐾 𑐔𑑂𑐰𑐣𑐾𑐩𑐵𑑅𑐐𑐸 𑐏𑑅 𑑋 𑐠𑑂𑐰 𑐥𑑂𑐬𑐎𑐺𑐟𑐶𑐫𑐵 𑐣𑐶𑐫𑐩 𑐴𑐾 𑐏𑑅 𑑋 𑐟𑐬 𑐣𑑅𑐮𑐵𑐳𑑂𑐰𑐵𑑄 𑐰𑐵𑐄“𑐳𑐾 𑐔𑑂𑐰𑐣𑐾𑐩𑐵𑑅𑐐𑐸 𑐣𑐶𑐫𑐩 𑐏𑐫𑐵𑑅 𑐣𑑄 𑐩𑑂𑐴𑐵𑐳𑐸𑐳𑐾 𑐔𑑂𑐰𑐣𑐷 𑑋 𑐠𑐸𑐎𑐶𑐫𑐵 𑐎𑐵𑐬𑐞 𑐥𑑂𑐬𑐎𑐺𑐟𑐶𑐫𑐵 𑐣𑐶𑐫𑐩 𑐀𑑅𑐏𑑅 𑐥𑐷𑐐𑐸 𑐥𑑂𑐬𑐔𑐮𑐣𑑄 𑐏𑑅 𑑋 𑐠𑐸𑐎𑐶𑑄 𑐧𑑁𑐡𑑂𑐢 𑐢𑐬𑑂𑐩, 𑐥𑑂𑐬𑐎𑐺𑐟𑐶𑐫𑐵 𑐣𑐶𑐫𑐩 𑐀𑐢𑑂𑐫𑐫𑐣 𑐫𑐵𑐫𑐾𑐐𑐸 𑐧𑐵𑑄𑐮𑐵𑑅𑐐𑐸 𑐀𑐰𑐳𑐬 𑐧𑐶𑐫𑐵𑐟𑑅𑐐𑐸 𑐡𑐸 𑑋 𑐣𑑅𑐮𑐵𑐳𑑂𑐰𑐵𑑄 𑐥𑑂𑐬𑐔𑐮𑐣𑐎𑐠𑑄 𑐁𑐐𑑄 𑐐𑐣 𑐳𑐸𑐡𑑂𑐬𑑂𑐫𑑅𑐫𑐵 𑐖𑑅 𑐧𑐵𑑄𑐮𑐵𑐎 𑐏𑐂 𑐩𑐏𑐸, 𑐀𑐖𑑂𑐫𑐵𑑅𑐐𑐸 𑐠𑐵𑐳𑐫𑑂 𑐥𑐷𑐐𑐸 𑐫𑐵𑐂 𑑋 𑐔𑑂𑐫𑐵𑐣𑑂𑐴𑐸𑐟𑐎𑑂𑐎 𑐂𑐮𑐫𑑂𑐧𑑂𑐫𑐮𑐫𑑂 𑐮𑑅 𑐧𑐷𑐐𑐸 𑐃 𑐟𑑂𑐰𑑅𑐟𑐵𑑅 𑐣𑑂𑐴𑐶𑐕𑐶𑐔𑐕𑐶𑑄 𑐨𑑂𑐫𑐐𑐟𑑄 𑐟𑑂𑐰𑐥𑐸𑐫𑐵 𑐟𑐂 𑑋 𑐐𑐸𑐣𑑂𑐴𑐸 𑐡𑐸𑐎𑐸𑐣𑑂𑐴𑐸 𑐟𑐶𑐣𑐶 𑐧𑐶𑐢𑐶𑐰𑐟𑑂 𑐥𑐹𑐖𑐵 𑐫𑐵𑐣𑐵𑑅 𑐄𑐮𑐷 𑑋 𑐠𑐠𑐾 𑐢𑐫𑐵𑐐𑐸 𑐕𑐸𑑄 𑐣𑑄 𑐔𑐸𑐮𑐶 𑐴𑑂𑐰𑐫𑐾𑐟 𑐩𑐵𑑅𑐐𑐸 𑐦𑐫𑑂 𑐰 𑐣𑐶𑐨𑐵𑐮𑑄 𑐀𑐮𑐐 𑐟𑐫𑐾𑐐𑐸 𑐏𑑅 𑑋

𑐠𑑁𑑄𑐎𑐣𑑂𑐴𑐫𑑂𑐫𑐵 𑐰𑐿𑐖𑑂𑐘𑐵𑐣𑐶𑐎 𑐟𑐬𑐶𑐎𑐵 𑐕𑐎𑑂𑐰𑑅 𑐡𑐸𑐰𑐵𑐮𑐵𑑅 𑐳𑑂𑐰𑐫𑐾𑐐𑐸 𑐏𑑅𑐳𑐵 𑐕𑐸𑑄 𑐣𑑄 𑐥𑐸𑐳𑐵 𑐥𑐶𑐮𑐎𑐷 𑐀𑐣 𑐰𑐵𑐄“𑐳𑐾𑐔𑑂𑐰𑑄𑐐𑐸 𑐥𑐸𑐰𑐵𑐔𑐵 𑐰𑐵 𑐔𑐸𑐮𑐶 𑐥𑐶𑐡𑐣𑐵 𑐰𑐂 𑑋 𑐠𑐸𑐎𑐶𑐫𑐵 𑐎𑐵𑐬𑐞 𑐏𑑅 ‘𑐎𑑂𑐮𑑀𑐬𑑀𑐦𑐷𑐮’ 𑐢𑐵𑑅𑐐𑐸 𑐟𑐟𑑂𑐰 𑑋 𑐐𑐸𑐐𑐸 𑐴𑐬𑐾𑐎 𑐕𑐐𑐹 𑐳𑐾𑐮𑐫𑑂 𑐡𑐂 𑑋 𑐠𑑂𑐰𑐫𑐵𑐟 ‘𑐥𑑂𑐮𑐵𑐲𑑂𑐚𑐶𑐜’ 𑐢𑐵𑐂 𑑋 𑐎𑑂𑐮𑑀𑐬𑑀𑐦𑐷𑐮𑑄 𑐖𑑂𑐫𑐵 𑐫𑐵𑐫𑐾𑐟 𑐖𑑅 𑐁𑐰𑐱𑑂𑐫𑐎 𑐖𑐹 𑐟𑐬 𑐣𑑅𑐮𑐵𑐳𑑂𑐰𑐵𑑄 𑐏𑐶𑐄“𑐠𑐵𑐫𑑂 𑐟𑐫𑐵𑑅 𑐨𑑂𑐫𑐐𑐟𑑄 𑐟𑑂𑐰𑐥𑐸𑐂𑐐𑐸𑐮𑐶𑑄 𑐖𑐮𑑄 𑐏𑐂 𑐩𑐏𑐸 𑐐𑐸𑐎𑐶𑑄 𑐎𑑂𑐮𑑀𑐬𑑀𑐦𑐷𑐮𑑄 𑐖𑑂𑐫𑐵 𑐫𑐵𑐫𑐾 𑐦𑐂𑐩𑐏𑐸 𑑋 𑐀𑐮𑐾 𑐰𑐵𑑄𑐐𑐸𑐫𑐵 𑐠𑐵𑐳𑐫𑑂 𑐩𑑂𑐴𑐵𑐳𑐸𑐳𑐾 𑐔𑑂𑐰𑐣𑐵𑑅 𑐴𑑂𑐰𑐂 𑑋

𑐠𑐸𑐎𑐶𑑄 𑐠𑑂𑐰 𑐳𑑂𑐥𑐲𑑂𑐚 𑐫𑐵𑑅 𑐎𑐶 𑐣𑐾𑐰𑐵𑑅 𑐳𑑄𑐳𑑂𑐎𑐺𑐟𑐶𑐫𑐵 𑐣𑑅𑐮𑐵𑐳𑑂𑐰𑐵𑑄 𑐢𑐫𑐵𑐐𑐸 𑐳𑐵𑐩𑐵𑐣𑑂𑐫𑐬𑐸𑐥𑑄 𑐳𑑂𑐰𑐵𑑄 𑐖𑐎 𑐩𑐏𑐸 𑐄𑐐𑐸 𑐃𑐫𑐵 𑐡𑐬𑑂𑐱𑐣, 𑐖𑑂𑐘𑐵𑐣 𑐏𑑅 𑑋 𑐧𑑁𑐡𑑂𑐢 𑐢𑐬𑑂𑐩 𑐢𑐂𑐐𑐸 𑐐𑐠𑐾𑐫𑐵𑐟 𑐀𑐠𑐾𑐴𑐾 𑐮𑐶𑐔𑑂𑐰𑑅 𑐥𑐶𑐡𑐣𑐷𑐐𑐸 𑐏𑑅 𑑋 𑐳𑐸𑐫𑐵𑐟𑑄 𑐨𑐎𑑂𑐟𑐶𑐨𑐵𑐰 𑐫𑐵𑐣𑐵𑑅 𑐟𑐬𑐾 𑐖𑐸𑐂𑐐𑐸 𑐩𑐏𑐸 𑑋 𑐠𑑂𑐰 𑐢𑐫𑐵𑐐𑐸 𑐀𑐧𑐐𑐎𑐨 𑐧𑐮𑐩 𑐨𑐵𑐵𑐨𑐀𑐟 𑐏𑑅 𑑋 𑐣𑑅𑐮𑐵𑐳𑑂𑐰𑐵𑐣𑐫𑑂 𑐣𑑄 𑐠𑐖𑑂𑐫𑐵𑑅𑐐𑐸 𑐴𑐾 𑐡𑐬𑑂𑐱𑐣 𑐳𑐸𑐮𑐵𑐔𑑂𑐰𑑄𑐐𑐸 𑐡𑐸 𑑋 𑐔𑐵, 𑐩𑐶, 𑐮𑑅, 𑐦𑐫𑑂 𑐩𑐵𑑅𑐠𑐵𑐫𑑂 𑐖𑑅 𑐀𑐬𑑂𑐠𑐵𑐟𑑂 𑐩𑐶𑐫𑐵 𑐨𑐵𑐐 𑐮𑐶𑐎𑐫𑐵 𑐧𑐷𑐰𑑄 𑐰𑐵𑐄“𑐳𑐾 𑐔𑑂𑐰𑐣𑐾𑐩𑐵𑑅𑐐𑐸 𑐠𑐵𑐳𑐫𑑂 𑐩𑑂𑐴𑐵𑐳𑐸𑐫𑐵 𑐰𑐣𑐷 𑑋 𑐀𑐬𑑂𑐠𑐵𑐟𑑂 𑐖𑑅𑐫𑐵 𑐧𑑂𑐰 𑐮𑐶𑐎𑐵𑐫𑐾𑐐𑐸 𑐢𑐫𑐵𑐐𑐸 𑐎𑐵𑐬𑑂𑐫 𑐏𑑅𑐳𑐵 𑐳𑑂𑐰𑐵𑑄 𑐩𑑂𑐴𑐵𑐳𑐸𑐂𑐐𑐸 𑐠𑑂𑐰𑐫𑐵 𑐮𑐶𑐔𑑂𑐰𑑅 𑐏𑑅 𑑋 𑐠𑐠𑐾𑐴𑐾 𑐥𑑂𑐬𑐵𑐞𑐷 𑐩𑐵𑐟𑑂𑐬𑐫𑐵 𑐖𑐷𑐰𑐣𑐫𑑂 𑐣𑑄 𑐕𑐟𑐵 𑐔𑐷𑐖𑐫𑐵 𑐀𑐨𑐵𑐰 𑐖𑐸𑐮 𑐎𑐶 𑐠𑑂𑐰𑐫𑐵 𑐮𑐶𑐔𑑂𑐰𑑅 𑐩𑐾𑐐𑐸 𑐴𑐾 𑐥𑐶𑐡𑐣𑐷 𑐢𑐫𑐵𑐐𑐸 𑐠𑐸𑐎𑐶𑑄 𑐎𑑂𑐫𑐣𑐵𑐔𑑂𑐰𑑄𑐐𑐸 𑐡𑐸 𑑋

𑐠𑑂𑐰 𑐮𑑂𑐫𑐵𑐏𑑄 𑐳𑑂𑐰𑐫𑐾𑐧𑐮𑐫𑑂 𑐣𑑅𑐮𑐵 𑐳𑑂𑐰𑐵𑑄 𑐥𑐷𑐐𑐸 𑐢𑐂𑐐𑐸 𑐩𑑀𑐴𑐣𑐶 𑐣𑐏𑑅 𑐖𑐎 𑐴𑐣𑐾𑐐𑐸 𑐩𑐏𑐸 𑐳𑐩𑐐𑑂𑐬 𑐱𑐿𑐎𑑂𑐲𑐶𑐎 𑐀𑐨𑑂𑐫𑐵𑐳 𑐫𑐵𑐫𑐾𑐐𑐸 𑐏𑑅 𑑋 𑐐𑐸𑐎𑐶 𑐕𑐟𑐵 𑐔𑐷𑐖𑐫𑐵 𑐳𑑄𑐫𑑀𑐖𑐣 𑐮𑐶𑐎𑐫𑐵 𑐧𑐷𑐰𑑄 𑐮𑐶𑐔𑑂𑐰𑑅 𑐩𑑂𑐴𑐳𑐷𑐎𑐾𑐐𑐸 𑐏𑑅 𑑋 𑐠𑐠𑐾 𑐖𑐸𑐫𑐵𑑅 𑐧𑑁𑐡𑑂𑐢 𑐢𑐬𑑂𑐩𑐫𑐵 𑐀𑐨𑑂𑐫𑐵𑐳 𑐫𑐵𑐫𑐾𑐧𑐮𑐫𑑂 𑐣𑑂𑐴𑑂𑐫𑐵𑐧𑐮𑐾𑑄 𑐡𑑅𑐳𑐵 𑐕𑐸 𑐖𑐸𑐂 ? 𑐩𑐡𑐸𑐳𑐵 𑐕𑐸 𑐖𑐸𑐂 ? 𑐢𑐎𑐵𑑅 𑐢𑑂𑐰𑐵𑐠𑐸𑐂𑐎 𑐳𑑂𑐰𑐫𑐾𑐐𑐸 𑐫𑐵𑐂 𑑋 𑐠𑑂𑐰𑐫𑐵𑐟 𑐀𑐣𑐸𑐮𑑀𑐣 𑐧𑐶𑐮𑑀𑐣 𑐢𑐎𑐵𑑅 𑐢𑐵𑐂 𑑋 𑐠𑑂𑐰 𑐮𑑂𑐫𑐵𑐏𑑄 𑐳𑑂𑐰𑐫𑐾𑐧𑐮𑐫𑑂 𑐧𑑁𑐡𑑂𑐢 𑐢𑐬𑑂𑐩 𑐢𑐂𑐐𑐸 𑐖𑑂𑐘𑐵𑐣𑐫𑐵 𑐏𑐵𑐣𑐷, 𑐱𑐶𑐎𑑂𑐲𑐵 𑐏𑑅 𑑋 𑐱𑐶𑐎𑑂𑐲𑐵𑐫𑐵𑐟 𑐣𑐾𑐰𑐵𑑅𑐟𑐳𑐾𑑄 𑐳𑑄𑐳𑑂𑐎𑐺𑐟𑐶𑐫𑐵 𑐩𑐵𑐢𑑂𑐫𑐩𑑄 𑐠𑑅𑐠𑑅𑐐𑐸 𑐕𑐾“𑐫𑑂𑐕𑐾“𑐫𑑂 𑐠𑑂𑐫𑑄𑐎𑐵𑐔𑑂𑐰𑑄𑐐𑐸 𑐡𑐸 𑑋 𑐳𑐬𑐮 𑐰 𑐳𑐴𑐖 𑐟𑐬𑐶𑐎𑐵𑑄 𑐥𑑂𑐬𑐫𑑀𑐐𑐵𑐟𑑂𑐩𑐎 𑐬𑐸𑐥𑑄 𑐠𑑅𑐐𑐸 𑐴𑐾 𑐕𑐾“𑐫𑑂 𑐱𑐶𑐎𑑂𑐲𑐵 𑐎𑐵𑐫𑐾𑐐𑐸 𑐰𑑂𑐫𑐰𑐳𑑂𑐠𑐵 𑐗𑐷𑐐𑐸 𑐳𑑄𑐳𑑂𑐎𑐺𑐟𑐶𑐂 𑐡𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐠𑑂𑐰 𑐢𑐂𑐐𑐸 𑐗𑐷 𑐣𑐾𑐰𑐵𑑅𑐟𑐫𑑂 𑐐𑐸𑐮𑐶 𑐔𑑂𑐰𑐣𑑂𑐴𑑂𑐫𑐵𑑅𑐐𑐸 𑐱𑐶𑐎𑑂𑐲𑐵 𑐏𑑅 ? 𑐐𑐸𑐮𑐶 𑐐𑑁𑐬𑐰𑐩𑐫 𑐳𑑄𑐳𑑂𑐎𑐺𑐟𑐶 𑐏𑑅 ? 𑐄𑐎𑐶𑑄 𑐳𑑄𑐳𑑂𑐎𑐺𑐟𑐶 𑐴𑐣𑐾𑐐𑐸 𑐢𑐬𑑂𑐩 𑐫𑐵𑐫𑐾𑐐𑐸 𑐖𑐎 𑐩𑐏𑐸 𑐖𑑂𑐘𑐵𑐣𑐫𑐵 𑐀𑐨𑐶𑐰𑐺𑐡𑑂𑐢𑐶 𑐫𑐵𑐫𑐾𑐐𑐸 𑐣𑑄 𑐏𑑅 𑑋 𑐖𑑂𑐘𑐵𑐣 𑐡𑐫𑐾𑐰𑑄 𑐡𑐸𑑅𑐏 𑐟𑐣𑐵𑐰𑐣𑐷𑐐𑐸 𑐮𑐵 𑐖𑐸 𑐴𑐾 𑐖𑐸𑐮 𑑋 𑐡𑐸𑑅𑐏 𑐩𑐡𑐸𑐐𑐸 𑐀𑐰𑐳𑑂𑐠𑐵 𑐢𑐂𑐐𑐸 𑐳𑐨𑑂𑐫 𑐳𑐩𑐵𑐖𑐫𑐵 𑐡𑐳𑐸 𑐏𑑅 𑑋

𑐖𑐣𑐩𑐵𑐣𑐳𑐫𑑂 𑐣𑑅𑐮𑐶𑐳𑑂𑐰𑐵𑑄 𑐰 𑐖𑐩𑐬𑐵 𑐰 𑐴𑐾 𑐏𑑅 𑐢𑐂𑐐𑐸 𑐨𑐵𑐰𑐣𑐵𑐟𑑂𑐩𑐎 𑐳𑑂𑐰𑐵𑐥𑐹 𑐡𑐫𑐵𑐔𑑂𑐰𑑄𑐐𑐸 𑐏𑐣𑐾𑐡𑐸 𑑋 𑐟𑐬 𑐣𑐶𑐐𑐸𑐮𑐶𑑄 𑐕𑐟𑐵 𑐴𑐾 𑐩𑐏𑐸 𑑋 𑐕𑐸𑑄 𑐨𑐔𑐵 𑐥𑐵𑐣𑐵𑐔𑑂𑐰𑑄𑐐𑐸 𑐏𑑄𑐎𑐾𑐦𑐸 𑑋 𑐣𑑅𑐮𑐶𑐳𑑂𑐰𑐵𑑄 𑐎𑐵𑐫, 𑐰𑐵𑐎, 𑐔𑐶𑐟𑑂𑐟𑐫𑐵𑐟 𑐥𑐹𑐖𑐵 𑐰 𑐳𑐵𑐢𑐣𑐵𑐫𑐵 𑐩𑐵𑐢𑑂𑐫𑐩𑑄 𑐊𑐎𑐵𑐎𑐵𑐬 𑐫𑐵𑐣𑐵𑑅 𑐦𑐫𑑂 𑐰 𑐖𑑅𑐫𑐵𑐟 𑐀𑐮𑐐 𑐫𑐵𑐣𑐵𑑅 𑐥𑐶𑐣𑐵 𑐟𑐂𑐐𑐸 𑐏𑑅 𑑋 𑐧𑑁𑐡𑑂𑐢 𑐳𑑄𑐳𑑂𑐎𑐺𑐟𑐶𑐎𑐠𑑄 𑐐𑐸𑐬𑐸 𑐰𑐖𑑂𑐬𑐳𑐟𑑂𑐰 𑐰𑐵 𑐔𑐎𑑂𑐬𑐳𑐩𑑂𑐧𑐬𑐫𑐵 𑐥𑐸𑐖𑐵 𑐫𑐵𑐣𑐵𑑅 𑐥𑐷𑐐𑐸 𑐖𑐸𑐫𑐵𑑅 𑐧𑐮𑐶 𑐧𑐷𑐐𑐸 𑐔𑐮𑐣 𑐩𑐡𑐸 𑑋 𑐟𑐬 𑐖𑐩𑐬𑐵 𑐡𑐾𑐰𑐷 𑐡𑐸𑐬𑑂𑐐𑐵𑐫𑐵 𑐁𑐬𑐵𑐢𑐣𑐵 𑐫𑐵𑐣𑐵𑑅 𑐱𑐎𑑂𑐟𑐶 𑐥𑑂𑐬𑐵𑐥𑑂𑐟𑐶𑐫𑐵 𑐴𑐾𑐟𑐸𑑄 𑐐𑐣𑑄 𑐐𑐣𑑄 𑐧𑐮𑐶 𑐟𑐎 𑐣𑑄 𑐧𑐶𑐫𑐵𑑅 𑐥𑐶𑐣𑐵 𑐟𑐂𑐐𑐸 𑐏𑑅 𑑋 𑐣𑑅𑐮𑐵𑐳𑑂𑐰𑐵𑑄 𑐁𑐐𑐩𑐫𑑂 𑐡𑐸𑐣𑐾 𑐟𑐫𑐵𑑅 𑐖𑑅 𑐰 𑐦𑐫𑑂 𑐣𑐶𑐐𑐸𑐮𑐶𑑄𑐥𑐵𑐏𑐾𑑄 𑐀𑐮𑐐 𑐫𑐵𑐣𑐵𑑅 𑐨𑑂𑐫𑐐𑑅 𑐰𑐵 𑐧𑐵𑐟𑐵𑑄 𑐟𑑂𑐰𑐥𑐸𑐫𑐵𑑅 𑐥𑐷, 𑐟𑐬 𑐖𑐩𑐬𑐵 𑐥𑐸𑐖𑐵 𑐎𑑀𑐛𑐵𑐫𑑂 𑐟𑐸𑑄 𑐟𑐂𑐐𑐸 𑐏𑑅𑐳𑐵𑑄 𑐨𑑂𑐫𑐐𑑅 𑐰𑐵 𑐧𑐵𑐚𑐵𑑄 𑐟𑑂𑐰𑐥𑐸𑐫𑐵 𑐖𑑅 𑐰 𑐦𑐳𑑄 𑐀𑐮𑐐 𑐟𑐫𑐾𑐩𑐵𑑅 𑐢𑐂𑐐𑐸 𑐩𑐡𑐸 𑑋 𑐀𑐗 𑐚𑐥𑐬𑐷 𑐰𑐵 𑐡𑑀𑐮𑑂𑐔𑐵𑐫𑑂 𑐥𑐷𑐐𑐸 𑐖𑐹𑐐𑐸𑐮𑐶𑑄 𑐮𑑅𑐫𑐵 𑐩𑐵𑐟𑑂𑐬𑐵 𑐣𑑄 𑐥𑑂𑐬𑐱𑐳𑑂𑐟 𑐡𑐫𑐵𑐔𑑂𑐰𑐣𑐷 𑑋

𑐠𑐠𑐾 𑐖𑐸𑐫𑐵𑑅 𑐣𑑅𑐮𑐵𑐳𑑂𑐰𑐵𑑄 𑐩𑑂𑐴𑐵𑐳𑐸𑐳𑐾 𑐔𑑂𑐰𑐣𑐷 𑐳𑐵 𑐖𑐩𑐬𑐵 𑐰𑐵𑐄“𑐳𑐾 𑐔𑑂𑐰𑐣𑐷 𑐰𑐵 𑐰𑐵𑐄“𑐳𑐵𑑄 𑐖𑐶𑐄 𑑋 𑐣𑑅𑐮𑐵𑐳𑑂𑐰𑐵𑑄 𑐀𑐧𑐐𑐎𑐨 𑐧𑐮𑐩 𑐨𑐵𑐵𑐨𑐀𑐟 𑐫𑐵 𑐮𑐶𑐔𑑂𑐰𑑅 𑐏𑑅 𑐐𑐸𑐎𑐶𑑄 𑐐𑐣𑑄 𑐡𑐿𑐰𑐷 𑐱𑐎𑑂𑐟𑐶 𑐰𑐵 𑐀𑐡𑐺𑐱𑑂𑐫 𑐱𑐎𑑂𑐟𑐶𑐫𑐵 𑐮𑐶𑐢𑑄𑐳𑐵 𑐡𑐂𑐩𑐏𑐸 𑑋 𑐟𑐬 𑐖𑐩𑐬𑐵 𑐣𑐰𑐡𑐸𑐬𑑂𑐐𑐵 𑐡𑐾𑐰𑐷𑐫𑐵 𑐳𑐵𑐢𑐣𑐵 𑐫𑐵𑐂𑐐𑐸 𑐖𑐹𑐐𑐸𑐮𑐶𑑄 𑐡𑐿𑐰𑐷 𑐱𑐎𑑂𑐟𑐶 𑐡𑐂 𑐢𑐂𑐐𑐸 𑐠𑑅𑐠𑑅𑐐𑐸 𑐰𑐶𑐱𑑂𑐰𑐵𑐳 𑐡𑐸 𑑋 𑐣𑑅𑐮𑐵𑐳𑑂𑐰𑐵𑑄 𑐖𑑂𑐘𑐵𑐣𑐫𑐵 𑐥𑑂𑐬𑐫𑑀𑐐 𑐏𑑅 𑑋 𑐱𑐶𑐎𑑂𑐲𑐵𑐫𑐵 𑐕𑐐𑐹 𑐥𑐸𑐮𑐵𑑄𑐐𑐸 𑐟𑐬𑐶𑐎𑐵 𑐏𑑅 𑑋 𑐖𑑂𑐘𑐵𑐣𑐫𑐵 𑐳𑐴𑐷 𑐥𑑂𑐬𑐫𑑀𑐐𑑄 𑐰𑐂𑐐𑐸 𑐮𑐶𑐔𑑂𑐰𑑅 𑐴𑐾 𑐣𑑅𑐮𑐵𑐳𑑂𑐰𑐵𑑄𑐫𑐵 𑐰𑐶𑐱𑐾𑐲𑐟𑐵 𑐏𑑅 𑑋 𑐖𑐷𑐰𑐣 𑐎𑑂𑐲𑐞𑐶𑐎 𑐰 𑐖𑐷𑐰𑐣𑐫𑑂 𑐩𑐡𑐫𑐾𑐎 𑐩𑐐𑐵𑑅𑐐𑐸 𑐰𑐵 𑐄𑐟𑑂𑐥𑐟𑑂𑐟𑐶 𑐕𑐟𑐵 𑐰𑐳𑑂𑐟𑐸𑐫𑐵 𑐀𑐨𑐵𑐰 𑐰𑐵 𑐮𑐶𑐎𑐫𑐵 𑐧𑐷𑐰𑑄 𑐧𑑂𑐰𑐮𑐣𑐷𑐐𑐸 𑐮𑐶𑐔𑑂𑐰𑑅𑐫𑐵 𑐡𑐳𑐸 𑐰𑐵 𑐱𑐶𑐎𑑂𑐲𑐵𑐫𑐵 𑐥𑑂𑐬𑐫𑑀𑐐𑐵𑐟𑑂𑐩𑐎 𑐀𑐨𑑂𑐫𑐵𑐳 𑐏𑑅 𑐣𑑅𑐮𑐵𑐳𑑂𑐰𑐵𑑄 𑑋

𑐥𑑂𑐬𑐖𑑂𑐘𑐵 𑐖𑑂𑐘𑐵𑐣𑐫𑐵 𑐥𑑂𑐬𑐫𑑀𑐐𑑄 𑐳𑐎𑐮 𑐖𑐐𑐟𑐳𑐟𑑂𑐰𑐫𑐵 𑐎𑐮𑑂𑐫𑐵𑐞 𑐫𑐵𑐣𑐵𑑅 𑐠𑑅𑐣𑑄 𑐨𑐶𑑄𑐐𑐸 𑐮“𑐫𑑂 𑐰𑐣𑐾𑐐𑐸 𑐩𑐾𑐥𑐶𑑄𑐟 𑐣𑑄 𑐨𑐶𑑄𑐐𑐸 𑐮“𑐫𑑂 𑐫𑑄𑐎𑐵𑑅 𑐩𑐵𑐣𑐰 𑐎𑐮𑑂𑐫𑐵𑐞 𑐣𑑅𑐮𑐵𑐳𑑂𑐰𑐵𑑄𑐫𑐵 𑐩𑐹𑐁𑐖𑐸 𑐏𑑅 𑑋 𑐖𑐩𑐬𑐵 𑐰𑐶𑐱𑐸𑐡𑑂𑐢 𑐡𑐾𑐰𑐷𑐫𑐵 𑐳𑐵𑐢𑐣𑐵 𑐫𑐵𑐣𑐵𑑅 𑐟𑐂𑐐𑐸 𑐖𑐸𑐫𑐵𑑅 𑐖𑐷𑐰𑐣𑐮𑐶𑐳𑐾 𑐩𑐳𑑂𑐰𑐵𑐳𑐾 𑐀𑐡𑐺𑐱𑑂𑐫 𑐡𑐿𑐰𑐷 𑐱𑐎𑑂𑐟𑐶 𑐩𑐵𑐬𑑂𑐦𑐟 𑐩𑐵𑐣𑐰 𑐎𑐮𑑂𑐫𑐵𑐞 𑐰𑐵 𑐠𑑅𑐐𑐸 𑐩𑐣𑑀𑐎𑐵𑑄𑐎𑑂𑐲𑐵 𑐥𑐹𑐰𑐣𑐷𑐐𑐸 𑐰𑐶𑐱𑑂𑐰𑐵𑐳 𑐏𑑅 𑑋

𑐎𑑂𑐰𑐠𑐷𑐎 𑐳𑑂𑐰𑐫𑐾𑐐𑐸 𑐏𑑅𑐳𑐵 𑐣𑑅𑐮𑐵𑐳𑑂𑐰𑐵𑐣𑑄 𑐧𑐸𑐡𑑂𑐢 𑐢𑐬𑑂𑐩𑐫𑐵 𑐡𑐬𑑂𑐱𑐣 𑐖𑑂𑐘𑐵𑐣𑐫𑐵𑐟 𑐄𑐮𑐵𑐔𑑂𑐰𑑄𑐐𑐸 𑐡𑐸 𑑋 𑐕𑐾“𑐫𑑂 𑐡𑐸𑐣𑐾 𑐴𑐾 𑐀𑑅𑐥𑐸𑐎 𑐳𑐫𑐾𑐎𑐾 𑐡𑐂𑐐𑐸 𑐥𑐬𑐶𑐞𑐵𑐩𑐩𑐸𑐏𑐷 𑑙𑐔𑐨𑐎𑐐𑐟𑐶 𑐫𑐔𑐲𑑂𑐨𑐮𑐟𑐨𑐩𑑐 𑐱𑐶𑐎𑑂𑐲𑐵 𑐖𑐹𑐐𑐸𑐮𑐶𑑄 𑐩𑐵𑐣𑐰𑐷𑐫 𑐖𑐷𑐰𑐣𑐫𑑂 𑐩𑑀𑐴𑐣𑐶 𑐰 𑐣𑑅𑐮𑐵𑐳𑑂𑐰𑐵𑐣𑑄 𑐱𑐵𑐣𑑂𑐟𑐶, 𑐳𑑂𑐰𑐵𑐳𑑂𑐠𑑂𑐫, 𑐳𑐸𑐏 𑐰 𑐄𑐣𑑂𑐣𑐟𑐶 𑐧𑐶𑐫𑐵𑑅 𑐬𑐵𑐐, 𑐡𑑂𑐰𑐾𑐲, 𑐩𑑀𑐴, 𑐃𑐲𑑂𑐬𑑂𑐫𑐵 𑐠𑐾𑑄𑐖𑐵𑑅𑐐𑐸𑐫𑐵𑐟 𑐴𑐵𑐎𑐸𑐟𑐶𑐣𑐵 𑐕𑑂𑐰𑐂 𑑋 𑐠𑐠𑐾 𑐖𑐸𑐫𑐵𑑅 𑐧𑐸𑐡𑑂𑐢 𑐢𑐬𑑂𑐩 𑐰 𑐳𑑄𑐳𑑂𑐎𑐺𑐟𑐶 𑐢𑐬𑑂𑐩 𑐖𑐎 𑐩𑐏𑐳𑐾 𑐖𑐷𑐰𑐣𑐫𑐵𑐥𑐣𑐫𑐵 𑐁𑐢𑐵𑐬𑐱𑐷𑐮𑐵 𑐣𑑄 𑐏𑑅 𑑋
𑐩𑑀𑐴𑐣𑐶 𑐣𑐏𑑅𑐫𑐵 𑐳𑐎𑐳𑐶𑐟𑑄 𑐨𑐶𑑄𑐟𑐸𑐣𑐵 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS