Read news in NepalBhasa text-- www.hamroschool.com BACK 𑐣𑑂𑐴𑐹𑐡𑑃 𑐴𑐣𑐾𑐟 𑑒𑑖 𑐐𑐹 𑐳𑐩𑐶𑐟𑐶 𑐳𑑂𑐰𑐣 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐣𑑂𑐴𑐹𑐡𑑃 𑐴𑐣𑐾𑐟 𑑒𑑖 𑐐𑐹 𑐳𑐩𑐶𑐟𑐶 𑐳𑑂𑐰𑐣

𑐫𑐾𑑃 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)÷ 𑐣𑐾𑐥𑐵𑐮 𑐳𑑄𑐰𑐟𑑂 𑑑𑑑𑑔𑑓 𑐣𑑂𑐴𑐹𑐡𑑃 𑐟𑑅𑐖𑐶𑐎 𑐣𑑂𑐫𑐵𑐫𑐾𑐎𑐾𑐐𑐸 𑐣𑐶𑐟𑐶𑑄 𑐣𑐾𑐥𑐵𑐮 𑐳𑑄𑐰𑐟𑑂 𑐬𑐵𑐲𑑂𑐚𑑂𑐬𑐶𑐫 𑐣𑑂𑐴𑐹𑐡𑑃 𑐳𑐩𑐵𑐬𑑀𑐴 𑐳𑐩𑐶𑐟𑐶𑑄 𑐠𑐷𑐠𑐷 𑐳𑐩𑐶𑐟𑐶 𑐰 𑐄𑐥𑐳𑐩𑐶𑐟𑐶 𑐫𑐵𑐣𑐵𑑅 𑑒𑑖 𑐐𑐹 𑐳𑐩𑐶𑐟𑐶𑐟 𑐣𑐷𑐳𑑂𑐰𑑄𑐐𑐸 𑐡𑐸 𑑋

𑐳𑐩𑐵𑐬𑑀𑐴 𑐳𑐩𑐶𑐟𑐶𑐫𑐵 𑐣𑐵𑐫𑑅 𑐥𑑂𑐬𑐵.𑐜𑐵. 𑐣𑐬𑐾𑐱𑐩𑐵𑐣 𑐧𑐖𑑂𑐬𑐵𑐔𑐵𑐬𑑂𑐫𑐫𑐵 𑐄𑐥𑐳𑑂𑐠𑐶𑐟𑐶𑐂 𑐩𑑂𑐴𑐶𑐐𑑅 𑐧𑐸𑐢𑐰𑐵𑑅 𑐫𑐾𑑃𑐫𑐵 𑐣𑐾𑐥𑐵𑑅 𑐧𑑂𑐫𑐵𑑄𑐎𑑂𑐰𑐾𑐚𑐫𑑂 𑐔𑑂𑐰𑑄𑐐𑐸 𑐩𑐸𑑃𑐖𑑂𑐫𑐵 𑐠𑐷𑐠𑐷 𑐳𑐩𑐶𑐟𑐶 𑐰 𑐄𑐥𑐳𑐩𑐶𑐟𑐶 𑐣𑐷𑐳𑑂𑐰𑑄𑐐𑐸 𑐏𑑅 𑑋

𑐳𑐩𑐵𑐬𑑀𑐴 𑐳𑐩𑐶𑐟𑐶𑑄 𑐧𑑂𑐫𑐹𑐐𑐸 𑐖𑐵𑐣𑐎𑐵𑐬𑐷 𑐎𑐠𑑄 𑐎𑐕𑐮𑐵𑐠𑑂𑐰 𑐥𑐵𑐬𑐸𑐫𑐵 𑐣𑑂𑐴𑐶 𑐎𑐸𑐣𑑂𑐴𑐸 𑐫𑐾𑑃𑐫𑐵 𑐧𑐳𑐣𑑂𑐟𑐥𑐸𑐬𑐫𑑂 𑐖𑐸𑐂𑐐𑐸 𑐨𑐶𑑄𑐟𑐸𑐣𑐵 ¥𑐫𑐵𑐮𑐷 𑐰 𑐨𑐶𑑄𑐟𑐸𑐣𑐵 𑐳𑐨𑐵 𑐟𑐵𑑅𑐮𑐵𑐎𑐾𑐐𑐸 𑐣𑐶𑐟𑐶𑑄 𑐰 𑐣𑑂𑐴𑐹𑐡𑑃𑐫𑐵 𑐨𑐶𑑄𑐟𑐸𑐣𑐵 𑐳𑐨𑐵 𑐰 ¥𑐫𑐵𑐮𑐷 𑐮𑐶𑐥𑐵 𑐡𑐔𑑂𑐕𑐶𑐫𑑄𑐎𑑄 𑐠𑐷𑐠𑐷 𑐖𑑂𑐫𑐵𑐗𑑂𑐰𑑅 𑐫𑐵𑐫𑐾𑐐𑐸 𑐣𑐶𑐟𑐶𑑄 𑐠𑐠𑐾 𑐄𑐥𑐳𑐩𑐶𑐟𑐶 𑐣𑐷𑐳𑑂𑐰𑑄𑐐𑐸 𑐏𑑅 𑑋

𑐳𑐩𑐵𑐬𑑀𑐴 𑐳𑐩𑐶𑐟𑐶𑑄 𑐳𑑄𑐔𑐵𑐬 𑐄𑐥𑐳𑐩𑐶𑐟𑐶, 𑐁𑐬𑑂𑐠𑐶𑐎 𑐄𑐥𑐳𑐩𑐶𑐟𑐶, 𑐳𑑂𑐰𑐫𑑄𑐳𑐾𑐰𑐎 𑐄𑐥𑐳𑐩𑐶𑐟𑐶, 𑐳𑐵𑑄𑐳𑑂𑐎𑐺𑐟𑐶𑐎 𑐧𑐵𑐖𑐵 𑐳𑐩𑐣𑑂𑐰𑐫 𑐄𑐥𑐳𑐩𑐶𑐟𑐶, 𑐡𑐾𑐫𑑂𑐣𑑂𑐫𑑄𑐎 𑐣𑑂𑐴𑐹𑐡𑑃 𑐖𑑂𑐫𑐵𑐗𑑂𑐰𑑅 𑐢𑐮𑑅 𑐄𑐥𑐳𑐩𑐶𑐟𑐶, 𑐩𑐶𑐳𑐵 𑐡𑐸𑐖𑑅 𑐩𑐣𑑀𑐣𑐫𑐣 𑐄𑐥𑐳𑐩𑐶𑐟𑐶, 𑐎𑑂𑐬𑐶𑐫𑐵𑐱𑐷𑐮 𑐰𑑂𑐫𑐎𑑂𑐟𑐶𑐟𑑂𑐰 𑐩𑐣𑑀𑐣𑐫𑐣 𑐄𑐥𑐳𑐩𑐶𑐟𑐶, 𑐖𑐵𑐟𑐷𑐫 𑐏𑐮𑑅 𑐥𑐸𑐔𑑅 𑐄𑐥𑐳𑐩𑐶𑐟𑐶, 𑐩𑐘𑑂𑐔 𑐰 𑐩𑐵𑐂𑐎 𑐰𑑂𑐫𑐰𑐳𑑂𑐠𑐵𑐥𑐣 𑐄𑐥𑐳𑐩𑐶𑐟𑐶, 𑐐𑐿𑐬𑐣𑐾𑐰𑐵𑑅 𑐩𑐣𑑀𑐣𑐫𑐣 𑐄𑐥𑐳𑐩𑐶𑐟𑐶, 𑐣𑐵𑐳𑑅 𑐥𑐹𑐖𑐵 𑐖𑑂𑐫𑐵𑐗𑑂𑐰𑑅 𑐄𑐥𑐳𑐩𑐶𑐟𑐶, 𑐣𑑂𑐴𑐶𑐮𑑂𑐫𑐵𑑅𑐥𑑁𑑄 𑐥𑑂𑐬𑐎𑐵𑐱𑐣 𑐄𑐥𑐳𑐩𑐶𑐟𑐶, 𑐳𑐵𑑄𑐳𑑂𑐎𑐺𑐟𑐶𑐎 𑐖𑑂𑐫𑐵𑐗𑑂𑐰𑑅 𑐄𑐥𑐳𑐩𑐶𑐟𑐶, 𑐩𑐹 𑐣𑐵𑐬𑐵 𑐎𑑂𑐰𑑅𑐕𑐶𑐣𑐵 𑐄𑐥𑐳𑐩𑐶𑐟𑐶, 𑐎𑑂𑐮𑐧 𑐳𑑄𑐑𑐳𑑄𑐳𑑂𑐠𑐵 𑐥𑐬𑐶𑐔𑐵𑐮𑐣 𑐄𑐥𑐳𑐩𑐶𑐟𑐶, 𑐣𑐳𑐵𑐟𑑂𑐰𑑃𑐳𑐵 𑐰 𑐖𑑂𑐫𑐵𑐗𑑂𑐰𑑅𑐫𑐵 𑐠𑐵𑐫𑑂 𑐧𑑂𑐫𑐰𑐳𑑂𑐠𑐵𑐥𑐣 𑐄𑐥𑐳𑐩𑐶𑐟𑐶, 𑐩𑐵𑐂𑐣𑑂𑐫𑐸𑐚 𑐥𑐸𑐳𑑂𑐟𑐶𑐎𑐵 𑐰𑑂𑐫𑐰𑐳𑑂𑐠𑐵𑐥𑐣 𑐄𑐥𑐳𑐩𑐶𑐟𑐶𑐮𑐶𑐳𑐾𑑄 𑐠𑐷𑐠𑐷 𑐄𑐥𑐳𑐩𑐶𑐟𑐶𑐟 𑐣𑐷𑐳𑑂𑐰𑑄𑐐𑐸 𑐏𑑅 𑑋

𑐠𑐠𑐾 𑐣𑐷𑐳𑑂𑐰𑑄𑐐𑐸 𑐄𑐥𑐳𑐩𑐶𑐟𑐶𑐫𑐵 𑐩𑐸𑑃𑐖𑑂𑐫𑐵 𑐩𑑀𑐴𑐣𑐷 𑐣𑐏𑑅 𑐎𑑂𑐰𑐔𑐵𑐫𑐾𑐰𑑄 𑐴𑐾 𑐣𑑂𑐴𑑂𑐫𑐵𑐎𑐾𑐐𑐸 𑐏𑑃𑐫𑐵 𑐖𑐵𑐣𑐎𑐵𑐬𑐷 𑐣𑑂𑐴𑐹𑐡𑑃 𑐳𑐩𑐵𑐬𑑀𑐴 𑐳𑐩𑐶𑐟𑐶𑑄 𑐧𑑂𑐫𑐹𑐐𑐸 𑐡𑐸 𑑋

𑐀𑐠𑐾𑐴𑐾, 𑐣𑑂𑐴𑐹𑐡𑑃 𑑑𑑑𑑔𑑓 𑐫𑐵 𑐳𑐎𑐟𑐵𑑄 𑐖𑑂𑐫𑐵𑐗𑑂𑐰𑑅 𑐣𑑂𑐴𑑂𑐫𑐵𑐎𑐾𑐐𑐸 𑐣𑐶𑐟𑐶𑑄 𑑑𑑙 𑐩𑑂𑐴 𑐡𑐸𑐖𑑅 𑐡𑐸𑐐𑐸 𑐰𑑂𑐫𑐰𑐳𑑂𑐠𑐵𑐥𑐣 𑐳𑐩𑐶𑐟𑐶 𑐣𑑄 𑐣𑐷𑐳𑑂𑐰𑑄𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS