Read news in NepalBhasa text-- www.hamroschool.com BACK ‘𑐦𑐸𑐚𑐥𑐵𑐠 𑐥𑐳𑑅 𑐔𑐶𑐂𑐎𑐾𑐐𑐸 𑐖𑑂𑐫𑐵 𑐡𑐷𑐬𑑂𑐑𑐎𑐵𑐮𑐶𑐣 𑐖𑐸𑐂’ – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

‘𑐦𑐸𑐚𑐥𑐵𑐠 𑐥𑐳𑑅 𑐔𑐶𑐂𑐎𑐾𑐐𑐸 𑐖𑑂𑐫𑐵 𑐡𑐷𑐬𑑂𑐑𑐎𑐵𑐮𑐶𑐣 𑐖𑐸𑐂’

𑐫𑐾𑑃 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑑄 𑐳𑐟𑐎 𑐳𑐶𑐠𑑄 𑐣𑐶𑐬𑑂𑐰𑐵𑐢 𑐬𑐸𑐥𑑄 𑐣𑑂𑐫𑐵𑐳𑐶 𑐰𑐣𑐾𑐐𑐸 𑐮𑑃𑐖𑐸𑐰𑐵𑑅𑐟𑐫𑑂𑐐𑐸 𑐀𑐢𑐶𑐎𑐵𑐬 𑐖𑐹𑐐𑐸 𑐏𑑃 𑐢𑐫𑐵𑐡𑐷𑐐𑐸 𑐡𑐸 𑑋 𑐧𑐶𑐴𑐷𑐰𑐵𑑅 𑐕𑐐𑐹 𑐰𑐶𑐖𑑂𑐘𑐥𑑂𑐟𑐶 𑐖𑐵𑐬𑐷 𑐫𑐵𑐳𑐾𑑄 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑑄 𑐳𑐟𑐎 𑐳𑐶𑐠𑑄 𑐣𑐶𑐬𑑂𑐰𑐵𑐢 𑐣𑑂𑐫𑐵𑐳𑐶 𑐰𑐣𑐾𑐐𑐸 𑐮𑑃𑐖𑐸𑐰𑐵𑑅𑐟𑐫𑑂𑐐𑐸 𑐀𑐢𑐶𑐎𑐵𑐬 𑐳𑑂𑐠𑐵𑐥𑐶𑐟 𑐫𑐵𑐎𑐾𑐟 𑐫𑐾𑑃𑐩𑐣𑐥𑐵𑑄 𑐣𑑂𑐴𑑂𑐫𑐵𑐎𑐹𑐐𑐸 𑐖𑑂𑐫𑐵 𑐁𑑄𑐱𑐶𑐎 𑐬𑐸𑐥𑐫𑑂 𑐩𑐏𑐸𑐳𑐾 𑐥𑐹𑐬𑑂𑐞 𑐡𑐷𑐬𑑂𑐑𑐎𑐵𑐮𑐷𑐣 𑐬𑐸𑐥𑐫𑑂 𑐣𑑂𑐴𑑂𑐫𑐵𑐎𑐾𑐐𑐸 𑐏𑑃 𑐢𑐵𑑅𑐐𑐸 𑐏𑑅 𑑋

𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐥𑑂𑐬𑐰𑐎𑑂𑐟𑐵 𑐣𑐰𑐷𑐣 𑐩𑐵𑐣𑐣𑑂𑐢𑐬𑑄 𑐴𑐳𑑂𑐟𑐵𑐎𑑂𑐲𑐬 𑐫𑐵𑐣𑐵𑑅 𑐥𑐶𑐟𑐧𑐶𑐄𑐐𑐸 𑐰𑐶𑐖𑑂𑐘𑐥𑑂𑐟𑐶𑐂 𑐳𑐟𑐎𑐫𑑂 𑐟𑐫𑐵𑐟𑑅𑐐𑐸 𑐦𑐸𑐚𑐥𑐵𑐠 𑐥𑐳𑑅 𑐔𑐷𑐎𑐾𑐐𑐸 𑐖𑑂𑐫𑐵 𑐥𑐬𑑂𑐰 𑐰𑐶𑐱𑐾𑐲 𑐰𑐵 𑐩𑐾𑐐𑐸 𑐎𑐵𑐬𑐞𑑄 𑐳𑑂𑐠𑐐𑐶𑐟 𑐰𑐵 𑐮𑐔𑐶𑐮𑑀 𑐩𑐖𑐸𑐂𑐐𑐸 𑐏𑑃 𑐣𑑄 𑐢𑐫𑐵𑐟𑑅𑐐𑐸 𑐡𑐸 𑑋 𑐦𑐸𑐚𑐥𑐵𑐠 𑐰𑑂𑐫𑐵𑐥𑐵𑐬𑐫𑐵𑐟 𑐩𑑀𑐴𑐣𑐶 𑐣𑐏𑑅𑐮𑐶𑐳𑐾 𑐳𑑂𑐰𑐵𑐣𑐵𑑅 𑐥𑑂𑐬𑐎𑐵𑐱𑐣 𑐰 𑐥𑑂𑐬𑐳𑐵𑐬𑐞 𑐖𑐹𑐐𑐸 𑐳𑐩𑐵𑐔𑐵𑐬𑐥𑑂𑐬𑐟𑐶 𑐠𑑅𑐐𑐸 𑐢𑑂𑐫𑐵𑐣𑐵𑐎𑐬𑑂𑐲𑐞 𑐖𑐹𑐐𑐸 𑐢𑐵𑐳𑐾𑑄 𑐳𑐟𑐎𑐫𑑂 𑐮𑑃𑐖𑐸𑐰𑐵𑑅𑐟𑐫𑑂𑐐𑐸 𑐣𑑂𑐴𑐵𑐥𑐵𑑄𑐐𑐸 𑐀𑐢𑐶𑐎𑐵𑐬 𑐖𑐹𑐐𑐸 𑐏𑑃 𑐣𑑄 𑐢𑐫𑐵𑐟𑑅𑐐𑐸 𑐡𑐸 𑑋

𑐰𑐶𑐖𑑂𑐘𑐥𑑂𑐟𑐶𑐂 𑐢𑐫𑐵𑐟𑑅𑐐𑐸 𑐡𑐸, ‘𑐮𑑃𑐖𑐸𑐰𑐵𑑅𑐟𑐫𑑂𑐐𑐸 𑐀𑐢𑐶𑐎𑐵𑐬 𑐳𑑂𑐠𑐵𑐥𑐶𑐟 𑐫𑐵𑐎𑐾𑐟 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑑄 𑐠𑑅𑐐𑐸 𑐣𑐷𑐟𑐶 𑐟𑐠𑐵 𑐎𑐵𑐬𑑂𑐫𑐎𑑂𑐬𑐩 𑐟𑐬𑑂𑐖𑐸𑐩𑐵 𑐫𑐵𑑅𑐐𑐸 𑐡𑐸, 𑐱𑐴𑐬𑐫𑐵 𑐰𑐶𑐎𑐵𑐳, 𑐳𑐸𑐢𑐵𑐬 𑐰 𑐳𑐩𑐺𑐡𑑂𑐢𑐶𑐫𑐵 𑐣𑐶𑑄𑐟𑐶𑑄 𑐎𑐵𑐣𑐸𑐣𑑄 𑐧𑐶𑐄𑐐𑐸 𑐀𑐢𑐶𑐎𑐵𑐬 𑐎𑐵𑐬𑑂𑐫𑐵𑐣𑑂𑐰𑐫𑐣 𑐫𑐵𑐣𑐵𑑅 𑐣𑐵𑐐𑐬𑐶𑐎 𑐖𑐷𑐰𑐣𑐫𑑂 𑐳𑐸𑐢𑐵𑐬𑐫𑐵 𑐩𑐴𑐳𑐸𑐳 𑐫𑐵𑐎𑐾𑐐𑐸 𑐖𑐶𑐩𑐶𑐐𑐸 𑐥𑑂𑐬𑐟𑐶𑐰𑐡𑑂𑐢𑐟𑐵 𑐎𑐵𑐫𑐩 𑐡𑐸 𑑋’

𑐄𑐎𑐠𑑄 𑐴𑐾 𑐱𑐴𑐬𑐷 𑐳𑐸𑐣𑑂𑐡𑐬𑐟𑐵 𑐎𑐵𑐫𑐩 𑐫𑐵𑐎𑐾𑐐𑐸 𑐠𑐾𑑄𑐖𑑂𑐫𑐵𑑅𑐐𑐸 𑐰𑐶𑐲𑐫𑐫𑐵𑐟 𑐫𑐾𑑃 𑐩𑐣𑐥𑐵𑑄 𑐣𑐷𑐟𑐶𑐐𑐟 𑐰𑑂𑐫𑐰𑐳𑑂𑐠𑐵 𑐎𑐵𑐬𑑂𑐫𑐵𑐣𑑂𑐰𑐫𑐣𑐫𑐵 𑐣𑐶𑐟𑐶𑑄 𑐖𑑂𑐫𑐵𑐗𑑂𑐰𑑅 𑐣𑑂𑐴𑑂𑐫𑐵𑐎𑐵𑐔𑑂𑐰𑐣𑐵𑐐𑐸 𑐏𑑃 𑐣𑑄 𑐢𑐫𑐵𑐟𑑅𑐐𑐸 𑐡𑐸 𑑋 𑐄𑐎𑐠𑑄 𑐴𑐾 𑐰𑐶𑐖𑑂𑐘𑐥𑑂𑐟𑐶𑐂 𑐁𑐬𑑂𑐠𑐶𑐎 𑐡𑑃 𑑒𑑐𑑗𑑙÷𑑘𑑐 𑐫𑐵 𑐰𑐵𑐬𑑂𑐲𑐶𑐎 𑐣𑐷𑐟𑐶 𑐀𑐣𑑂𑐟𑐬𑑂𑐐𑐟 𑐥𑐹𑐬𑑂𑐰𑐵𑐢𑐵𑐬 𑐰𑐶𑐎𑐵𑐳 𑐳𑐩𑑂𑐧𑐣𑑂𑐢𑐷 𑐣𑐷𑐟𑐶𑐂 𑐮𑑃𑐖𑐸𑐰𑐵𑑅𑐟𑐫𑑂𑐐𑐸 𑐳𑐴𑐖 𑐁𑐰𑐵𑐐𑐩𑐣𑐫𑐵 𑐣𑐶𑑄𑐟𑐶𑑄 𑐦𑐸𑐚𑐥𑐵𑐠𑐫𑐵 𑐄𑐥𑐫𑑀𑐐 𑐀𑐥𑐸𑐂𑐎𑐾𑐐𑐸 𑐰𑐶𑐲𑐫 𑐣𑑂𑐴𑑂𑐫𑐠𑐣𑐵𑐟𑑅𑐐𑐸 𑐏𑑃 𑐣𑑄 𑐢𑐫𑐵𑐟𑑅𑐐𑐸 𑐡𑐸 𑑋

𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑑄 𑐫𑐾𑑃𑐫𑐵 𑐠𑐷𑐠𑐷 𑐠𑐵𑐳𑐫𑑂 𑐟𑐫𑐵𑐟𑑅𑐐𑐸 𑐦𑐸𑐚𑐥𑐵𑐠 𑐥𑐳𑑅 𑐔𑐷𑐎𑐾𑐐𑐸 𑐀𑐨𑐶𑐫𑐵𑐣 𑐣𑑂𑐴𑑂𑐫𑐵𑐎𑐵𑐔𑑂𑐰𑑄𑐐𑐸 𑐡𑐸𑐳𑐵 𑐐𑐸𑐮𑐶𑐏𑐾 𑐠𑐵𑐳𑐫𑑂 𑐡𑐾𑐐𑑅 𑐴𑐾 𑐟𑑂𑐰𑐥𑐸𑐂𑐎 𑐟𑐫𑐵𑐟𑑅𑐐𑐸 𑐥𑐳𑑅 𑐣𑑄 𑐔𑐷𑐎𑐾𑐐𑐸 𑐖𑑂𑐫𑐵 𑐫𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐄𑐎𑐠𑑄 𑐴𑐾 𑐠𑐷𑐠𑐷 𑐠𑐵𑐳𑐫𑑂 𑐀𑐟𑐶𑐎𑑂𑐬𑐩𑐞 𑐫𑐵𑐣𑐵𑐔𑑂𑐰𑑄𑐐𑐸 𑐳𑑄𑐬𑐔𑐣𑐵 𑐠𑐸𑐣𑐾𑐐𑐸 𑐖𑑂𑐫𑐵 𑐣𑑄 𑐫𑐾𑑃𑐩𑐣𑐥𑐵𑑄 𑐣𑑂𑐴𑑂𑐫𑐵𑐎𑐵𑐔𑑂𑐰𑑄𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS