Read news in NepalBhasa text-- www.hamroschool.com BACK 𑐥𑑂𑐰𑐵𑐠𑐫𑑂 𑐡𑐸𑐩𑑂𑐴 𑐥𑐫𑐬𑑂𑐚𑐎 𑐳𑐷𑐐𑐸𑐮𑐶𑑄 𑐥𑑀𑐔𑐸𑐬𑑂𑐐𑐮𑐫𑐵 𑐳𑑂𑐰𑐵𑐳𑑂𑐠𑑂𑐫𑐩𑐣𑑂𑐟𑑂𑐬𑐷 𑐥𑐵𑐏𑐾𑑄 𑐬𑐵𑐖𑐷𑐣𑐵𑐩𑐵 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐥𑑂𑐰𑐵𑐠𑐫𑑂 𑐡𑐸𑐩𑑂𑐴 𑐥𑐫𑐬𑑂𑐚𑐎 𑐳𑐷𑐐𑐸𑐮𑐶𑑄 𑐥𑑀𑐔𑐸𑐬𑑂𑐐𑐮𑐫𑐵 𑐳𑑂𑐰𑐵𑐳𑑂𑐠𑑂𑐫𑐩𑐣𑑂𑐟𑑂𑐬𑐷 𑐥𑐵𑐏𑐾𑑄 𑐬𑐵𑐖𑐷𑐣𑐵𑐩𑐵

𑐊𑐖𑐾𑐣𑑂𑐳𑐷- 𑐥𑑀𑐬𑑂𑐔𑐸𑐐𑐮𑐫𑐵 𑐳𑑂𑐰𑐵𑐳𑑂𑐠𑑂𑐫 𑐩𑐣𑑂𑐟𑑂𑐬𑐷 𑐩𑐵𑐬𑑂𑐚𑐵 𑐚𑐾𑐩𑐶𑐜𑑀𑑄 𑐥𑑂𑐰𑐵𑐠𑐫𑑂 𑐡𑐸𑐩𑑂𑐴 𑐥𑐬𑑂𑐫𑐚𑐎 𑐳𑐷𑐐𑐸𑐮𑐶𑑄 𑐬𑐵𑐖𑐷𑐣𑐵𑐩𑐵 𑐧𑐶𑐄𑐐𑐸 𑐡𑐸 𑑋 𑐥𑑂𑐬𑐳𑐸𑐟𑐶 𑐰𑐵𑐬𑑂𑐜𑐫𑐵 𑐀𑐨𑐵𑐰𑐫𑐵 𑐎𑐵𑐬𑐞𑑄 𑐕𑐩𑑂𑐴 𑐥𑑂𑐰𑐵𑐠𑐫𑑂 𑐡𑐸𑐩𑑂𑐴 𑐨𑐵𑐬𑐟𑐷𑐫 𑐥𑐬𑑂𑐫𑐚𑐎 𑐳𑐷𑐐𑐸𑐮𑐶𑑄 𑐳𑑂𑐰𑐵𑐳𑑂𑐠𑑂𑐫 𑐩𑐣𑑂𑐟𑑂𑐬𑐷 𑐚𑐾𑐩𑐶𑐜𑑀𑑄 𑐬𑐵𑐖𑐷𑐣𑐵𑐩𑐵 𑐧𑐶𑐄𑐐𑐸 𑐏𑑅 𑑋 𑑓𑑔 𑐡𑑃 𑐡𑐸𑐩𑑂𑐴 𑐄𑐩𑑂𑐴 𑐩𑐶𑐳𑐵 𑐥𑑂𑐬𑐳𑐸𑐟𑐶 𑐰𑐵𑐬𑑂𑐜𑐫𑐵 𑐀𑐨𑐵𑐰𑐫𑐵 𑐎𑐵𑐬𑐞𑑄 𑐕𑐐𑐹 𑐀𑐳𑑂𑐥𑐟𑐵𑐮𑑄 𑐩𑐾𑐐𑐸 𑐀𑐳𑑂𑐥𑐟𑐵𑐮𑐫𑑂 𑐫𑑄𑐎𑐾𑐐𑐸 𑐗𑑂𑐰𑐮𑐫𑑂 𑐎𑐵𑐬𑑂𑐜𑐶𑐫𑐵𑐎 𑐀𑐬𑐾𑐳𑑂𑐚 𑐖𑐸𑐫𑐵𑑅 𑐳𑐷𑐐𑐸 𑐏𑑅 𑑋

𑐧𑐷𑐧𑐷𑐳𑐷𑐫𑐵 𑐎𑐠𑑄 𑐳𑑂𑐰𑐵𑐳𑑂𑐠𑑂𑐫𑐩𑐣𑑂𑐟𑑂𑐬𑐷𑑄 𑐬𑐵𑐖𑐷𑐣𑐵𑐩𑐵 𑐧𑐶𑐄𑐐𑐸 𑐎𑐵𑐬𑐞 𑐢𑐵𑑅𑐳𑐵 𑐠𑑂𑐰 𑐴𑐾 𑐖𑐎 𑐩𑐏𑐸 𑑋 𑐕𑐸𑑄 𑐃 𑐣𑑂𑐴𑑂𑐫𑑅𑐣𑐶𑐳𑐾𑑄 𑐁𑐮𑑀𑐔𑐎𑐟𑐫𑑂𑐳𑑄 𑐥𑑀𑐬𑑂𑐔𑐸𑐐𑐮𑐫𑑂 𑐥𑑂𑐬𑐳𑐸𑐟𑐶𑐳𑐩𑑂𑐧𑐣𑑂𑐢𑐷 𑐖𑑂𑐫𑐵 𑐫𑐵𑐂𑐥𑐶𑑄 𑐩𑐣𑐹𑐟𑐫𑑂𑑂𑐐𑐸 𑐐𑐩𑑂𑐨𑐷𑐬 𑐀𑐨𑐵𑐰 𑐖𑐸𑐫𑐵𑐔𑑂𑐰𑑄𑐐𑐸 𑐡𑑂𑐰𑐥𑑄 𑐧𑐶𑐫𑐵𑐰𑐫𑐵𑐔𑑂𑐰𑑄𑐐𑐸 𑐏𑑅 𑑋

𑐬𑐵𑐖𑐷𑐣𑐵𑐩𑐵 𑐧𑐶𑐄𑐩𑑂𑐴 𑐥𑑀𑐬𑑂𑐔𑐸𑐐𑐮𑐫𑐵 𑐳𑑂𑐰𑐵𑐳𑑂𑐠𑑂𑐫𑐩𑐣𑑂𑐟𑑂𑐬𑐷 𑐜𑐵. 𑐩𑐵𑐬𑑂𑐚𑐵 𑐚𑐾𑐩𑐶𑐜𑑀 𑐳𑐣𑑂 𑑒𑑐𑑑𑑘 𑐫𑑂 𑐩𑐣𑑂𑐟𑑂𑐬𑐷 𑐖𑐹𑐐𑐸 𑐏𑑅 𑑋 𑐥𑑀𑐬𑑂𑐔𑐸𑐸𑐐𑐮𑐫𑑂 𑐎𑑀𑐬𑑀𑐣𑐵 𑐩𑐴𑐵𑐩𑐵𑐬𑐷𑐫𑐵𑐟 𑐣𑐶𑐫𑐣𑑂𑐟𑑂𑐬𑐞𑐫𑑂 𑐴𑐫𑐾𑐐𑐸 𑐱𑑂𑐬𑐾𑐫 𑐚𑐾𑐩𑐶𑐜𑑀𑐫𑐵𑐟 𑐡𑐸 𑑋 𑐥𑑀𑐬𑑂𑐔𑐸𑐐𑐮𑐫𑐵 𑐳𑐩𑐵𑐔𑐵𑐬 𑐊𑐖𑐾𑐣𑑂𑐳𑐷𑐟𑐫𑑂𑐎𑐠𑑄 𑐥𑑀𑐬𑑂𑐔𑐸𑐐𑐮𑐫𑐵 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐊𑐣𑑂𑐚𑑀𑐣𑐶𑐫𑑀 𑐎𑑀𑐳𑑂𑐚𑐵𑑄 𑐳𑑂𑐰𑐵𑐳𑑂𑐠𑑂𑐫𑐩𑐣𑑂𑐟𑑂𑐬𑐷𑐫𑐵 𑐬𑐵𑐖𑐷𑐣𑐵𑐩𑐵 𑐳𑑂𑐰𑐷𑐎𑐵𑐬 𑐫𑐵𑐳𑐾𑑄 𑐰𑑄 𑐫𑐵𑑅𑐐𑐸 𑐧𑐵𑑄𑐮𑐵𑑅𑐐𑐸 𑐖𑑂𑐫𑐵𑐫𑐵 𑐣𑐶𑑄𑐟𑐶𑑄 𑐳𑐸𑐨𑐵𑐫𑑂 𑐣𑑄 𑐧𑐶𑐄𑐐𑐸 𑐡𑐸 𑑋

𑐥𑑀𑐬𑑂𑐔𑐸𑐐𑐮𑐫𑐵 𑐳𑑂𑐠𑐵𑐣𑐷𑐫 𑐳𑐘𑑂𑐔𑐵𑐬 𑐩𑐵𑐢𑑂𑐫𑐩𑐟𑐫𑑂𑐎𑐠𑑄 𑐳𑐷𑐩𑑂𑐴 𑐥𑐫𑐬𑑂𑐚𑐎𑐫𑐵𑐟 𑐡𑐎𑐮𑐫𑑂 𑐣𑑂𑐴𑐵𑐥𑐵𑑄 𑐥𑑀𑐬𑑂𑐔𑐸𑐐𑐮𑐫𑐵 𑐬𑐵𑐖𑐢𑐵𑐣𑐷 𑐮𑐶𑐳𑑂𑐧𑐣𑐫𑐵 𑐡𑐎𑐮𑐫𑑂 𑐟𑑅𑐢𑑄𑐐𑐸 𑐀𑐳𑑂𑐥𑐟𑐵𑐮 𑐳𑐵𑐣𑑂𑐟𑐵 𑐩𑐵𑐬𑐶𑐫𑐵𑐫𑐵 𑐣𑐶𑐫𑑀𑐣𑐵𑐚𑑀𑐮𑑀𑐖𑐷 𑐂𑐎𑐵𑐃𑐮𑐫𑑂 𑐫𑑄𑐎𑐹𑐐𑐸 𑐏𑑅, 𑐟𑐬 𑐀𑐣 𑐧𑐾𑐜 𑐩𑐡𑐸𑐐𑐸𑐮𑐶𑑄 𑐩𑐾𑐐𑐸 𑐀𑐳𑑂𑐥𑐟𑐵𑐮𑐫𑑂 𑐫𑑄𑐎𑐾𑐩𑐵𑑅𑐐𑐸 𑐏𑑅𑐳𑐵 𑐩𑐾𑐐𑐸 𑐀𑐳𑑂𑐥𑐟𑐵𑐮𑐫𑑂 𑐫𑑄𑐎𑐾𑐐𑐸 𑐗𑑂𑐰𑐮𑐫𑑂 𑐄𑐩𑑂𑐴 𑐩𑐶𑐳𑐵 𑐳𑐷𑐐𑐸 𑐏𑑅 𑑋

𑐳𑐩𑐵𑐔𑐵𑐬 𑐳𑑄𑐳𑑂𑐠𑐵 𑐊𑐊𑐣𑐁𑐃𑐫𑐵 𑐎𑐠𑑄 𑐬𑐵𑐖𑐢𑐵𑐣𑐷 𑐮𑐶𑐳𑑂𑐧𑐣𑐫𑐵 𑐳𑐵𑐌 𑐦𑑂𑐬𑐵𑐣𑑂𑐳𑐶𑐎𑑀 𑐖𑐾𑐨𑐶𑐫𑐬 𑐀𑐳𑑂𑐥𑐟𑐵𑐮𑐫𑑂 𑐩𑐶𑐳𑐵𑐫𑐵 𑐀𑐥𑐬𑐾𑐱𑐣 𑐫𑐵𑐣𑐵 𑐩𑐔𑐵 𑐢𑐵𑑅𑐳𑐵 𑐧𑐸𑐂𑐎𑐹𑐐𑐸 𑐡𑐸 𑑋 𑐩𑐔𑐵 𑐩𑐟𑑂𑐫𑐰𑑄 𑐧𑐹𑐐𑐸𑐮𑐶𑑄 𑐩𑐔𑐵𑐫𑐵𑐟 𑐁𑐂𑐳𑐷𑐫𑐸𑐮𑐫𑑂 𑐟𑐫𑐵𑐟𑑅𑐐𑐸𑐸 𑐡𑐸 𑑋 𑐩𑐔𑐵 𑐳𑑂𑐰𑐳𑑂𑐠 𑐖𑐹𑐐𑐸 𑐣𑑄 𑐀𑐳𑑂𑐥𑐟𑐵𑐮𑑄 𑐢𑐵𑑅𑐐𑐸 𑐡𑐸 𑑋 𑐄𑐩𑑂𑐴 𑐩𑐶𑐳𑐵 𑐳𑐷𑐐𑐸𑐫𑐵𑐟 𑐎𑐫𑐵𑑅 𑐀𑐣𑐸𑐳𑐣𑑂𑐢𑐵𑐣 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS