Read news in NepalBhasa text-- www.hamroschool.com BACK 𑐣𑐾𑐰𑐵𑑅 𑐐𑐸𑐠𑐶 𑐣𑑂𑐫𑐹𑐫𑑀𑐬𑑂𑐎𑐫𑐵 𑐂𑐴𑐶 𑐩𑐸𑐣𑐵 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐣𑐾𑐰𑐵𑑅 𑐐𑐸𑐠𑐶 𑐣𑑂𑐫𑐹𑐫𑑀𑐬𑑂𑐎𑐫𑐵 𑐂𑐴𑐶 𑐩𑐸𑐣𑐵

𑐫𑐾𑑃(𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐣𑐾𑐰𑐵𑑅 𑐐𑐸𑐠𑐶 𑐣𑑂𑐫𑐹𑐫𑑀𑐬𑑂𑐎𑐫𑐵 𑐐𑑂𑐰𑐳𑐵𑐮𑐫𑑂 𑐩𑑄𑐎𑐵𑑅 𑐂𑐴𑐶 𑐖𑑂𑐫𑐵𑐗𑑂𑐰𑑅 𑐖𑐸𑐮 𑑋 𑐡𑑃𑐫𑑂𑐡𑐳𑑄 𑐂𑐴𑐶 𑐖𑑂𑐫𑐵𑐗𑑂𑐰𑑅 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐐𑐸𑐠𑐶𑐫𑐵 𑐐𑑂𑐰𑐳𑐵𑐮𑐫𑑂 𑐠𑐸𑐐𑐸𑐳𑐷 𑐣𑑂𑐫𑐵𑐎𑑂𑐰𑑅𑐏𑐸𑐷 𑐩𑑄𑐎𑐵𑑅 𑐂𑐴𑐶 𑐩𑐸𑐣𑐵 𑐖𑑂𑐫𑐵𑐗𑑂𑐰𑑅 𑐖𑐹𑐐𑐸 𑐏𑑅 𑑋

𑐄𑐐𑐸 𑐂𑐴𑐶 𑐖𑑂𑐫𑐵𑐗𑑂𑐰𑑅 𑐰𑐵𑐳𑐧 𑐬𑐵𑐖𑑀𑐥𑐵𑐢𑑂𑐫𑐵𑐫𑑄 𑐳𑑄𑐔𑐵𑐮𑐣 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐢𑐵𑐬𑑂𑐩𑐶𑐎 𑐰𑐶𑐢𑐶 𑐰 𑐥𑐬𑐩𑑂𑐥𑐬𑐵𑐐𑐟 𑐬𑐸𑐥𑑄 𑐂𑐴𑐶 𑐖𑑂𑐫𑐵𑐗𑑂𑐰𑑅 𑐖𑐹𑐐𑐸 𑐐𑐸𑐠𑐶𑐫𑐵 𑐡𑐵𑑄𑐨𑐬𑐶𑑄 𑐴𑐺𑐡𑐫 𑐟𑐸𑐮𑐵𑐢𑐬𑑄 𑐎𑐣𑐵𑐡𑐷𑐐𑐸 𑐡𑐸 𑑋 𑐰𑐫𑑂𑐎𑑅𑐫𑐵 𑐎𑐠𑑄 𑐠𑐸𑐐𑐸𑐳𑐷 𑐀𑐩𑐾𑐬𑐶𑐎𑐵𑐫𑐵 𑐠𑐷𑐠𑐷 𑐠𑐵𑐳𑐫𑑂 𑐔𑑂𑐰𑑄𑐥𑐶𑑄 𑐣𑐾𑐰𑐵𑑅 𑐩𑐶𑐳𑐵 𑐩𑐳𑑂𑐟𑐫𑑂 𑐂𑐴𑐶 𑐫𑐵𑐫𑐾𑐐𑐸 𑐖𑑂𑐫𑐵 𑐖𑐹𑐐𑐸 𑐏𑑅 𑑋 𑐠𑐸𑐐𑐸𑐳𑐷𑐫𑐵 𑐂𑐴𑐶 𑐖𑑂𑐫𑐵𑐗𑑂𑐰𑐮𑐫𑑂 𑑖 𑐡𑑃𑐣𑐶𑐳𑐾𑑄 𑑙 𑐡𑑃 𑐡𑐸𑐥𑐶𑑄 𑐣𑑂𑐴𑐫𑑂𑐩𑑂𑐴 𑐩𑐶𑐳𑐵 𑐩𑐳𑑂𑐟𑐫𑑂 𑐂𑐴𑐶 𑐫𑐵𑑅𑐐𑐸 𑐏𑑅𑑋 𑐖𑑂𑐫𑐵𑐗𑑂𑐰𑐮𑐫𑑂 𑐣𑑀𑐨𑐵 𑐀𑐩𑐵𑐟𑑂𑐫, 𑐱𑑂𑐬𑐷𑐱𑐵 𑐱𑑂𑐬𑐾𑐲𑑂𑐛, 𑐀𑐣𑑂𑐫𑐵𑐎𑐶𑐬𑐞 𑐱𑑂𑐬𑐾𑐲𑑂𑐛, 𑐬𑐸𑐰𑐶𑐱𑐵 𑐱𑑂𑐬𑐾𑐲𑑂𑐛, 𑐳𑐣𑐫𑐵 𑐎𑐵𑐬𑑄𑐖𑐶𑐟, 𑐎𑐶𑐀𑐬𑐵 𑐟𑐵𑐩𑑂𑐬𑐵𑐎𑐵𑐬, 𑐁𑐬𑑂𑐫𑐵 𑐀𑐩𑐵𑐟𑑂𑐫𑐫𑐵 𑐂𑐴𑐶 𑐫𑐵𑑅𑐐𑐸 𑐏𑑅 𑑋

𑐂𑐴𑐶𑐫𑐵 𑐣𑐶𑑄𑐟𑐶𑑄 𑐳𑐎𑐟𑐵𑑄 𑐰𑑂𑐫𑐰𑐳𑑂𑐠𑐵𑐥𑐣 𑐐𑐸𑐠𑐶𑑄 𑐫𑐵𑑅𑐐𑐸 𑐏𑑅𑐳𑐵 𑐴𑐺𑐡𑐫 𑐟𑐸𑐮𑐵𑐢𑐬, 𑐣𑐶𑐬𑑂𑐩𑐮 𑐔𑐶𑐟𑑂𑐬𑐎𑐵𑐬, 𑐎𑐺𑐲𑑂𑐞𑐵 𑐩𑐴𑐬𑑂𑐖𑐣, 𑐎𑐰𑐶𑐣𑐵𑐳𑐶𑑄𑐴 𑐩𑐴𑐬𑑂𑐖𑐣𑑄 𑐰𑐶𑐱𑐾𑐲 𑐐𑑂𑐰𑐵𑐴𑐵𑐮𑐶 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐀𑐠𑐾 𑐴𑐾 𑐖𑐩𑐸𑐣𑐵 𑐎𑐥𑐵𑐮𑐷, 𑐬𑐖𑑂𑐖𑐸 𑐮𑑀𑐴𑐣𑐶 𑐔𑐶𑐟𑑂𑐬𑐎𑐵𑐬, 𑐀𑐣𑐶𑐟𑐵 𑐣𑐎𑑅𑐩𑐶𑑄 𑐣𑑄 𑐐𑑂𑐰𑐵𑐴𑐵𑐮𑐶 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS