Read news in NepalBhasa text-- www.hamroschool.com BACK 𑐳𑐹𑐔𑐣𑐵 𑐎𑐾𑐣𑑂𑐡𑑂𑐬𑐫𑐵 𑐣𑑂𑐫𑐵𑐡𑑃 𑐧𑐸𑐣𑑂𑐴𑐶 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐳𑐹𑐔𑐣𑐵 𑐎𑐾𑐣𑑂𑐡𑑂𑐬𑐫𑐵 𑐣𑑂𑐫𑐵𑐡𑑃 𑐧𑐸𑐣𑑂𑐴𑐶

𑐫𑐾𑑃(𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐣𑐾𑐰𑐵𑑅 𑐳𑐹𑐔𑐣𑐵 𑐎𑐾𑐣𑑂𑐡𑑂𑐬 𑐣𑑂𑐫𑐵𑐡𑑃 𑐎𑑂𑐫𑑄𑐐𑐸 𑐡𑐸 𑑋 𑐣𑐾𑐰𑐵𑑅 𑐳𑐩𑐸𑐡𑐵𑐫𑐫𑐵 𑐨𑐵𑐲𑐶𑐎, 𑐳𑐵𑐴𑐶𑐟𑑂𑐫𑐶𑐎𑐮𑐶𑐳𑐾𑑄 𑐠𑐷𑐠𑐷 𑐐𑐟𑐶𑐰𑐶𑐢𑐶 𑐥𑑂𑐬𑐔𑐵𑐬 𑐥𑑂𑐬𑐳𑐵𑐬 𑐫𑐵𑐫𑐾𑐐𑐸 𑐖𑑂𑐫𑐵 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐎𑐾𑐣𑑂𑐡𑑂𑐬𑑄 𑐁𑑅 𑐣𑐎𑐟𑐶𑐣𑐶 𑐠𑑅𑐐𑐸 𑐣𑑂𑐫𑐵𑐡𑑃 𑐧𑐸𑐣𑑂𑐴𑐶 𑐴𑐣𑐾𑐐𑐸𑐮𑐶𑐳𑐾𑑄 𑐣𑑂𑐴𑐹𑐢𑐵𑑅 𑐣𑑄 𑐫𑐵𑑅𑐐𑐸 𑐏𑑅 𑑋

𑐎𑐾𑐣𑑂𑐡𑑂𑐬𑐫𑐵 𑐣𑐶𑐰𑐬𑑂𑐟𑐩𑐵𑐣 𑐣𑐵𑐫𑑅 𑐣𑐬𑐾𑐣𑑂𑐡𑑂𑐬 𑐱𑑂𑐬𑐾𑐲𑑂𑐛𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐩𑐹𑐥𑐵𑐴𑐵𑑄𑐎𑐠𑑄 𑐰𑐬𑐶𑐲𑑂𑐛 𑐳𑐵𑐴𑐶𑐟𑑂𑐫𑐎𑐵𑐬 𑐴𑐶𑐟𑐎𑐬𑐰𑐷𑐬 𑐳𑐶𑑄𑐴 𑐎𑑄𑐳𑐵𑐎𑐵𑐬 𑐗𑐵𑐫𑐵𑐡𑐷𑐐𑐸 𑐏𑑅 𑑋 𑐄𑐐𑐸 𑐂𑐮𑐫𑑂 𑐣𑐾𑐥𑐵𑐮𑐨𑐵𑐲𑐵𑐫𑐵 𑐳𑐩𑐵𑐔𑐵𑐬 𑐩𑐹𑐮𑐎 𑐀𑐣𑐮𑐵𑐂𑐣 𑐣𑐾𑐰𑐵𑑅 𑐀𑐣𑐮𑐵𑐂𑐣 𑐣𑑂𑐫𑑂𑐸𑐖𑐫𑐵𑐟 𑐣𑑄 𑐳𑐩𑑂𑐩𑐵𑐣 𑐫𑐵𑑅𑐐𑐸 𑐏𑑅 𑑋 𑐀𑐠𑐾 𑐴𑐾 𑐎𑐾𑐣𑑂𑐡𑑂𑐬𑐫𑐵𑐟 𑐠𑐷𑐠𑐷𑐎𑐠𑑄 𑐐𑑂𑐰𑐵𑐴𑐵𑐮𑐶 𑐫𑐵𑐣𑐵𑐡𑐷𑐥𑐶𑑄 𑐁𑐏𑑂𑐫𑐵𑐣𑐎𑐵𑐬 𑐩𑐠𑐸𑐬𑐵 𑐳𑐵𑐫𑑂𑐩𑐶, 𑐳𑐶𑐡𑑂𑐢𑐶𑐰𑐶𑐮𑐵𑐳 𑐰𑐖𑑂𑐬𑐵𑐔𑐵𑐬𑑂𑐫𑐫𑐵 𑐥𑑂𑐬𑐟𑐶𑐣𑐶𑐢𑐶𑐎𑐠𑑄 𑐢𑐬𑑂𑐩𑐳𑐾𑐰𑐷 𑐳𑐬𑐳𑑂𑐰𑐟𑐷 𑐰𑐖𑑂𑐬𑐵𑐔𑐵𑐬𑑂𑐫 𑐰 𑐬𑐾𑐐𑐣 𑐬𑑄𑐖𑐶𑐟𑐫𑐵𑐟 𑐣𑑄 𑐴𑐣𑐾𑐖𑑂𑐫𑐵 𑐫𑐵𑑅𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐣𑐾𑐰𑐵𑑅 𑐡𑐾𑐫𑑂 𑐡𑐧𑐹𑐫𑐵 𑐣𑐵𑐫𑑅 𑐥𑐰𑐶𑐟𑑂𑐬 𑐰𑐖𑑂𑐬𑐵𑐔𑐵𑐬𑑂𑐫, 𑐣𑐾𑐰𑐵𑑅 𑐥𑐟𑑂𑐬𑐎𑐵𑐬 𑐬𑐵𑐲𑑂𑐚𑑂𑐬𑐶𑐫 𑐡𑐧𑐹𑐫𑐵 𑐣𑐵𑐫𑑅 𑐳𑐸𑐬𑐖𑐰𑐷𑐬 𑐰𑐖𑑂𑐬𑐵𑐔𑐵𑐬𑑂𑐫, 𑐳𑐸𑐬𑐾𑐱 𑐥𑑂𑐬𑐢𑐵𑐣, 𑐳𑐸𑐖𑐷𑐰 𑐰𑐖𑑂𑐬𑐵𑐔𑐵𑐬𑑂𑐫𑑄 𑐣𑐸𑐐𑑅𑐏𑑃 𑐟𑐫𑐵𑐡𑐷𑐐𑐸 𑐏𑑅 𑑋 𑐮𑐶𑐳𑐾𑑄 𑐬𑐩𑐶𑐟𑐵 𑐰𑐖𑑂𑐬𑐵𑐔𑐵𑐬𑑂𑐫𑐫𑐵 𑐀𑐢𑑂𑐫𑐎𑑂𑐲𑐟𑐵𑐫𑑂 𑐎𑐾𑐣𑑂𑐡𑑂𑐬𑐫𑐵 𑐖𑑂𑐫𑐵𑐳𑐣𑐵 𑐥𑐸𑐔𑑅𑐫𑐵 𑐣𑑂𑐴𑐹𑐢𑐵𑑅 𑐣𑑄 𑐫𑐵𑑅𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS