Read news in NepalBhasa text-- www.hamroschool.com BACK 𑐬𑐵𑐖𑑀𑐥𑐵𑐢𑑂𑐫𑐵𑐫 𑐳𑐩𑐵𑐖𑐫𑐵 𑐥𑐘𑑂𑐔𑐵𑐨𑐶𑐲𑐾𑐎 𑐬𑐹𑐡𑑂𑐬𑐷 𑐎𑑂𑐰𑐔𑐵𑐮 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐬𑐵𑐖𑑀𑐥𑐵𑐢𑑂𑐫𑐵𑐫 𑐳𑐩𑐵𑐖𑐫𑐵 𑐥𑐘𑑂𑐔𑐵𑐨𑐶𑐲𑐾𑐎 𑐬𑐹𑐡𑑂𑐬𑐷 𑐎𑑂𑐰𑐔𑐵𑐮

𑐫𑐾𑑃 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐬𑐵𑐖𑑀𑐥𑐵𑐢𑑂𑐫𑐵𑐫 𑐳𑐩𑐵𑐖𑑄 𑐮𑐫𑑂𑐥𑐟𑐶𑐎𑑄 𑐣𑑂𑐴𑑂𑐫𑐵𑐎𑐵 𑐰𑐫𑐵𑐔𑑂𑐰𑑄𑐐𑐸 𑐥𑐘𑑂𑐔𑐵𑐨𑐶𑐲𑐾𑐎 𑐬𑐹𑐡𑑂𑐬𑐷 𑐰𑑄𑐐𑐸 𑐩𑑄𑐐𑐮𑐰𑐵𑑅 𑐳𑐩𑐵𑐥𑐣 𑐫𑐵𑑅𑐐𑐸 𑐡𑐸 𑑋 𑐩𑐏𑐣𑐫𑑂 𑐩𑐴𑐵𑐡𑑂𑐫𑑅𑐫𑐵𑐠𑐵𑐫𑑂 𑐟𑑅𑐖𑐶𑐐𑐸 𑐢𑐵𑐬𑑂𑐩𑐶𑐎 𑐀𑐣𑐸𑐲𑑂𑐛𑐵𑐣 𑐥𑐸𑐖𑐵 𑐫𑐵𑐳𑐾𑑄 𑐮𑐫𑑂𑐥𑐟𑐶𑐎𑑄 𑐣𑑂𑐴𑑂𑐫𑐵𑐎𑐵 𑐰𑐫𑐵𑐔𑑂𑐰𑑄𑐐𑐸 𑐥𑐘𑑂𑐔𑐵𑐨𑐶𑐲𑐾𑐎 𑐬𑐹𑐡𑑂𑐬𑐷𑐫𑐵 𑐳𑐩𑐵𑐥𑐣 𑐫𑐵𑑅𑐐𑐸 𑐏𑑅 𑑋

𑐳𑐩𑐵𑐖𑑄 𑐳𑑂𑐰𑐣𑐶𑐐𑑅𑐫𑐵 𑐳𑑂𑐰𑑄𑐐𑐸𑐮𑐶𑑄 𑐳𑐴𑐬𑑄 𑐳𑑂𑐰𑐷𑐣𑑂𑐫𑐵𑐩𑑂𑐴 𑐬𑐵𑐖𑑀𑐥𑐵𑐢𑑂𑐫𑐵𑐫𑐥𑐵𑐏𑐾𑑄 𑐠𑐷𑐠𑐷 𑐥𑐸𑐖𑐵 𑐥𑐵𑐛 𑐫𑐵𑐣𑐵𑑅 𑐥𑐘𑑂𑐔𑐵𑐨𑐶𑐲𑐾𑐎 𑐬𑐹𑐡𑑂𑐬𑐷 𑐥𑐸𑐖𑐵 𑐳𑐩𑐵𑐥𑐣 𑐫𑐵𑑅𑐐𑐸 𑐏𑑅 𑑋 𑑑𑑐𑑘 𑐎𑐮𑐱 𑐫𑐵𑐟𑑂𑐬𑐵 𑐫𑐵𑐣𑐵𑑅 𑐣𑑂𑐴𑑂𑐫𑐵𑑅𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑑑𑑑 𑐩𑑂𑐴 𑐡𑐾𑐰 𑐧𑑂𑐬𑐵𑐩𑑂𑐴𑐞𑐵𑐏𑐾𑑄 𑐮𑐑𑐸 𑐬𑐸𑐡𑑂𑐬𑐵𑐨𑐶𑐲𑐾𑐎, 𑐐𑐸𑐩𑑂𑐴𑐾𑐳𑐶𑐫𑐵𑐥𑐵𑐏𑐾𑑄 𑐣𑐰𑐔𑐞𑑂𑐜𑐷 𑐰 𑐱𑐶𑐰 𑐥𑐘𑑂𑐔𑐵· 𑐥𑐵𑐛 𑐫𑐵𑑅𑐐𑐸 𑐏𑑅𑐳𑐵 𑐗𑐶𑐡𑑂𑐰𑑅𑐫𑐵 𑐮𑑂𑐫𑐵𑐏𑐫𑑂 𑐀𑐫𑐸𑐟𑐵𑐴𑐸𑐟𑐶 𑐫𑐖𑑂𑐘 𑐣𑑄 𑐫𑐵𑑅𑐐𑐸 𑐏𑑅 𑑋
𑐳𑐩𑐵𑐥𑐣 𑐖𑑂𑐫𑐵𑐗𑑂𑐰𑐮𑐫𑑂 𑐳𑑄𑐳𑑂𑐎𑐺𑐟𑐶, 𑐥𑐬𑑂𑐫𑐚𑐣 𑐟𑐠𑐵 𑐣𑐵𑐐𑐬𑐶𑐎 𑐄𑐜𑑂𑐜𑐫𑐣 𑐩𑐣𑑂𑐟𑑂𑐬𑐷 𑐖𑐷𑐰𑐣𑐬𑐵𑐩 𑐱𑑂𑐬𑐾𑐲𑑂𑐛 𑐥𑐸𑐖𑐵 𑐫𑐵𑐣𑐵𑐡𑐷𑐐𑐸 𑐏𑑅𑑋 𑐮𑐶𑐳𑐾𑑄 𑐩𑐣𑑂𑐟𑑂𑐬𑐷 𑐱𑑂𑐬𑐾𑐲𑑂𑐛𑑄 𑐄𑐐𑐸 𑐂𑐮𑐫𑑂 𑐌𑐩𑐢𑐬𑐵𑐣𑐣𑑂𑐡 𑐬𑐵𑐖𑑀𑐥𑐵𑐢𑑂𑐫𑐵𑐫𑑄 𑐳𑑄𑐎𑐮𑐣 𑐫𑐵𑐣𑐵𑐡𑐷𑐐𑐸 ‘𑐬𑐹𑐡𑑂𑐬𑐵𑐨𑐶𑐲𑐾𑐎𑐥𑐡𑑂𑐢𑐟𑐶’ 𑐣𑐵𑑄𑐫𑐵 𑐳𑐦𑐹 𑐣𑑄 𑐥𑐶𑐟𑐧𑑂𑐰𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐳𑐩𑐵𑐖𑑄 𑐰𑐶𑐱𑑂𑐰𑐫𑑂 𑐩𑐴𑐵𑐩𑐵𑐬𑐷 𑐣𑑂𑐫𑐣𑐵𑐔𑑂𑐰𑑄𑐐𑐸 𑐎𑑀𑐬𑑀𑐣𑐵𑐥𑐵𑐏𑐾𑑄 𑐩𑐸𑐎𑑂𑐟𑐶𑐫𑐵 𑐎𑐵𑐩𑐣𑐵 𑐫𑐵𑐳𑐾𑑄 𑐡𑐕𑐶 𑐣𑑂𑐴𑑂𑐫𑑅𑐣𑐶𑐳𑐾𑑄 ‘𑐥𑐘𑑂𑐔𑐵𑐨𑐶𑐲𑐾𑐎 𑐬𑐹𑐡𑑂𑐬𑐷’ 𑐥𑐸𑐖𑐵 𑐥𑐵𑐛 𑐖𑑂𑐫𑐵𑐗𑑂𑐰𑑅 𑐱𑐸𑐬𑐸 𑐫𑐵𑑅𑐐𑐸 𑐏𑑅 𑑋 𑐠𑐐𑐸𑐣𑐾 𑐳𑐵𑐄𑐣 𑑑𑑘 𑐐𑐟𑐾 𑐣𑐶𑐳𑐾𑑄 𑐱𑐸𑐬𑐸 𑐖𑐹𑐐𑐸 𑐖𑑂𑐫𑐵𑐗𑑂𑐰𑑅 𑐳𑑂𑐰𑐣𑐶𑐐𑑅𑐫𑐵 𑐳𑑂𑐰𑑄𑐐𑐸𑐮𑐶𑑄 𑐳𑐴𑐬𑐫𑐵 𑐱𑐶𑐰𑐵𑐮𑐫𑐫𑑂 𑐕𑐣𑑂𑐴𑐸𑑄 𑐕𑐐𑐹 𑐴𑐾 𑐂𑐮𑐫𑑂 𑐣𑑂𑐫𑐵𑐩𑑂𑐴 𑐣𑑂𑐫𑐵𑐩𑑂𑐴 𑐡𑐾𑐰 𑐧𑑂𑐬𑐵𑐩𑑂𑐴𑐞𑐥𑐵𑐏𑐾𑑄 𑐬𑐸𑐡𑐷 𑐥𑐵𑐛 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐏𑑅 𑑋

𑐠𑐸𑐐𑐸 𑐥𑐸𑐖𑐵 𑐀𑐣𑑂𑐟𑐬𑑂𑐐𑐟 𑐫𑐾𑑃𑐫𑐵 𑐩𑐏𑐣𑐫𑑂 𑐔𑑂𑐰𑑄𑐐𑐸 𑐩𑐴𑐶𑐣𑑂𑐡𑑂𑐬𑐿𑐱𑑂𑐰𑐬 𑐩𑐴𑐵𑐡𑑂𑐫𑑅, 𑐫𑐮 𑐩𑑄𑐐𑐮𑐧𑐖𑐵𑐬𑐫𑑂 𑐔𑑂𑐰𑑄𑐐𑐸 𑐰𑐶𑐱𑑂𑐰𑐾𑐱𑑂𑐰𑐬 𑐩𑐴𑐵𑐡𑑂𑐫𑑅 𑐰 𑐏𑑂𑐰𑐥𑐫𑐵 𑐟𑑅𑐩𑐢𑐶𑐂 𑐔𑑂𑐰𑑄𑐐𑐸 𑐟𑐶𑐮𑐾𑐱𑑂𑐰𑐬 𑐩𑐴𑐵𑐡𑑂𑐫𑑅𑐫𑐵𑐠𑐵𑐫𑑂 𑐮𑐫𑑂𑐥𑐟𑐶𑐎𑑄 𑐬𑐸𑐡𑑂𑐬𑐷 𑐥𑐵𑐛 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS