Read news in NepalBhasa text-- www.hamroschool.com BACK 𑐳𑐶𑐮𑐸 𑐟𑐷𑐬𑑂𑐠𑐫𑑂 𑐗𑐶𑐡𑑂𑐰𑐮𑑄 𑐩𑐮𑑂𑐫𑐵𑐎 𑐨𑐎𑑂𑐟𑐖𑐣 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐳𑐶𑐮𑐸 𑐟𑐷𑐬𑑂𑐠𑐫𑑂 𑐗𑐶𑐡𑑂𑐰𑐮𑑄 𑐩𑐮𑑂𑐫𑐵𑐎 𑐨𑐎𑑂𑐟𑐖𑐣

𑐫𑐾𑑃(𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐐𑐸𑑄𑐥𑐸𑐣𑑂𑐴𑐶𑐫𑐵 𑐗𑑂𑐰𑐮𑐫𑑂 𑐟𑑅𑐖𑐶𑐐𑐸 𑐩𑐾𑐮𑐵 𑐮𑐐𑐾 𑐖𑐸𑐂𑐐𑐸 𑐳𑐶𑐮𑐸 𑐟𑐷𑐬𑑂𑐠𑐫𑑂 𑐠𑐸𑐐𑐸𑐳𑐷 𑐗𑐶𑐡𑑂𑐰𑐮𑑄 𑐩𑐮𑑂𑐫𑐵𑐎 𑐨𑐎𑑂𑐟𑐖𑐣 𑐠𑑂𑐫𑑄𑐐𑐸 𑐡𑐸 𑑋 𑐐𑐸𑐥𑐸𑐣𑑂𑐴𑐶𑐎𑐸𑐣𑑂𑐴𑐸 𑐰𑐶𑐱𑐾𑐲 𑐩𑐾𑐮𑐵 𑐖𑐸𑐂𑐐𑐸 𑐳𑐶𑐮𑐸𑐂 𑐩𑑂𑐰𑑅𑐮𑑂𑐴𑐸𑐂𑐟 𑐰 𑐥𑐸𑐖𑐵 𑐫𑐵𑐫𑐾𑐟 𑐁𑐥𑐵𑐮𑑄 𑐠𑐵𑐳𑑄 𑐨𑐎𑑂𑐟𑐖𑐣 𑐰𑐣𑐾𑐐𑐸 𑐫𑐵𑐂 𑑋

𑐐𑐸𑑄𑐥𑐸𑐣𑑂𑐴𑐶𑐫𑐵 𑐂𑐮𑐫𑑂 𑐖𑐸𑐂𑐐𑐸 𑐳𑐶𑐮𑐸 𑐟𑐷𑐬𑑂𑐠𑐫𑐵 𑐩𑐾𑐮𑐵𑐫𑑂 𑐳𑐴𑐨𑐵𑐐𑐶𑐟 𑐖𑐸𑐂𑐟 𑐬𑐳𑐸𑐰𑐵𑐰𑐵𑐳𑐷𑐮𑐶𑐳𑐾𑑄 𑐫𑐾𑑃, 𑐫𑐮, 𑐏𑑂𑐰𑐥, 𑐎𑐵𑐨𑑂𑐬𑐾𑐥𑐮𑐵𑐘𑑂𑐔𑑀𑐎, 𑐳𑐶𑐣𑑂𑐢𑐸𑐥𑐵𑐮𑑂𑐔𑑀𑐎, 𑐢𑐵𑐡𑐶𑐒, 𑐣𑐸𑐰𑐵𑐎𑑀𑐚, 𑐎𑐵𑐳𑑂𑐎𑐷, 𑐥𑐬𑑂𑐰𑐟, 𑐮𑐩𑐖𑐸𑐒, 𑐟𑐣𑐴𑐸𑑃, 𑐬𑑁𑐟𑐴𑐚, 𑐩𑐎𑐰𑐵𑐣𑐥𑐸𑐬, 𑐡𑑂𑐰𑐵𑐮𑑂𑐏𑐵, 𑐌𑐏𑐮𑐝𑐸𑑄𑐐𑐵, 𑐧𑐵𑐬𑐵, 𑐥𑐬𑑂𑐳𑐵, 𑐬𑐵𑐩𑐾𑐕𑐵𑐥 𑐮𑐐𑐵𑐫𑐟𑐫𑐵 𑐁𑐥𑐵𑐮𑑄 𑐖𑐶𑐮𑑂𑐮𑐵𑑄 𑐨𑐎𑑂𑐟𑐖𑐣𑐟 𑐳𑐶𑐮𑐸 𑐟𑐷𑐬𑑂𑐠 𑐰𑑄𑐐𑐸 𑐏𑑅 𑑋 𑐳𑐶𑐮𑐸 𑐟𑐷𑐬𑑂𑐠𑐫𑑂 𑐩𑑂𑐰𑑅𑐮𑑂𑐴𑐸𑐂𑐐𑐸 𑐰 𑐥𑐸𑐖𑐵𑐫𑐵 𑐣𑐶𑑄𑐟𑐶𑑄 𑐩𑐶𑐳𑐵, 𑐩𑐳𑑂𑐟, 𑐖𑑂𑐫𑐵𑐠𑐖𑐶𑐠𑐶𑐥𑐶𑑄 𑐟𑐎𑑄 𑐳𑐩𑐸𑐡𑑂𑐬𑐷 𑐳𑐟𑐴𑑄 𑑔,𑑓𑑘𑑐 𑐩𑐶𑐚𑐬 𑐟𑐰𑐵𑑅𑐐𑐸 𑐠𑐵𑐳𑐫𑑂 𑐔𑑂𑐰𑑄𑐐𑐸 𑐟𑐷𑐬𑑂𑐠𑐫𑑂 𑐠𑑂𑐫𑑄𑐎𑑅 𑐰𑑄𑐐𑐸 𑐏𑑃 𑐳𑐷𑐡𑐸𑐐𑐸 𑐡𑐸 𑑋

𑐳𑐶𑐮𑐸𑐂 𑐰𑐂𑐥𑐶𑑄𑐟 𑐳𑑂𑐰𑐵𑐳𑑂𑐠𑑂𑐫𑐫𑑂 𑐳𑐩𑐳𑑂𑐫𑐵 𑐩𑐖𑐸𑐂𑐩𑐵 𑐢𑐎𑐵𑑅 𑐄𑐥𑐔𑐵𑐬 𑐰 𑐕𑐸𑑄 𑐣𑑄 𑐑𑐚𑐣𑐵 𑐖𑐹𑐐𑐸 𑐟𑐟𑑂𑐎𑐵𑐮 𑐄𑐡𑑂𑐢𑐵𑐬𑐫𑐵 𑐣𑐶𑑄𑐟𑐶𑑄 𑐣𑐾𑐥𑐵𑐮𑐷 𑐳𑐾𑐣𑐵 𑐣𑐵𑐥𑑄 𑐴𑐶𑐩𑐵𑐮𑐫 𑐄𑐡𑑂𑐢𑐵𑐬 𑐳𑑄𑐑𑐥𑐵𑐏𑐾𑑄 𑐁𑐰𑐱𑑂𑐫𑐎 𑐰𑑂𑐫𑐰𑐳𑑂𑐠𑐵 𑐫𑐵𑐣𑐵𑐟𑑅𑐐𑐸 𑐡𑐸 𑑋 𑐳𑐶𑐮𑐸 𑐟𑐷𑐬𑑂𑐠𑐫𑑂 𑐩𑑂𑐰𑑅𑐮𑑂𑐴𑐸𑐂𑐐𑐸 𑐂𑐮𑐫𑑂 𑐖𑐸𑐂 𑐦𑐸𑐐𑐸 𑐖𑑀𑐏𑐶𑐩𑐫𑐵𑐟 𑐢𑑂𑐫𑐵𑐣𑐫𑑂 𑐟𑐫𑐵𑑅 𑐬𑐳𑐸𑐰𑐵𑐫𑐵 𑐱𑑂𑐫𑐵𑐩𑐾𑐰𑐵𑐒𑐦𑐾𑐮 𑐰𑐶𑐡𑑂𑐫𑐵𑐮𑐫𑐫𑐵 𑑒𑑖 𑐩𑑂𑐴 𑐬𑐾𑐜𑐎𑑂𑐬𑐳𑐎𑐬𑑂𑐩𑐶𑐟𑐎𑑄 𑐥𑐬𑐶𑐔𑐵𑐮𑐣 𑐫𑐵𑐣𑐵𑐟𑑅𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS