Read news in NepalBhasa text-- www.hamroschool.com BACK 𑐳𑐵𑐥𑐵𑐬𑐸 𑐣𑐶𑐣𑑂𑐴𑐸 (𑐎𑐶𑐥𑐵 𑐳𑑂𑐰𑐫𑐵𑐡𑐶𑐳𑑃) – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐳𑐵𑐥𑐵𑐬𑐸 𑐣𑐶𑐣𑑂𑐴𑐸 (𑐎𑐶𑐥𑐵 𑐳𑑂𑐰𑐫𑐵𑐡𑐶𑐳𑑃)

𑐫𑐾𑑃 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)-𑐟𑐶𑐠𑐶𑐫𑐵 𑐐𑐜𑐧𑐜𑐷𑑄 𑐫𑐵𑐣𑐵𑑅 𑐱𑐸𑐎𑑂𑐬𑐰𑐵𑑅 𑐫𑐾𑑃𑐫𑑂 𑐳𑐵𑐫𑐵𑑅 𑐥𑐶𑐎𑐵𑑅𑐥𑐶𑑄 𑐩𑑂𑐴𑑀 𑐖𑐎 𑐏𑐣𑐾 𑐡𑐟 𑑋 𑐫𑐾𑑃𑐫𑑂 𑐱𑐣𑐶𑐰𑐵𑑅 𑐳𑐵𑐫𑐵𑑅 𑐣𑑂𑐫𑐵𑐫𑐾𑐎𑐾𑐐𑐸 𑐢𑐎𑐵𑑅 𑐠𑐷𑐠𑐷 𑐏𑐮𑑅 𑐥𑐸𑐔𑑅𑐟𑐫𑑂𑐳𑑄 𑐂𑐣𑐵𑐥 𑐫𑐵𑑅 𑐎𑐠𑑄 𑐎𑐣𑑂𑐴𑐫𑑂 𑐖𑐎 𑐳𑐵𑐥𑐵𑐬𑐸 𑐣𑑂𑐫𑐵𑐫𑐾𑐎𑐷𑐐𑐸 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐩𑑂𑐴𑐶𑐐𑑅 𑐳𑐵𑐥𑐵𑐬𑐸 𑐣𑑂𑐫𑐵𑐫𑐾𑐎𑐾 𑐎𑐠𑑄 𑐩𑑂𑐴𑑀 𑐖𑐎 𑐩𑐣𑐹𑐟𑐫𑑂𑐳𑑄 𑐳𑐵𑐫𑐵𑑅 𑐥𑐶𑐎𑐵𑑅𑐐𑐸 𑐏𑑅 𑑋 𑐫𑐮𑐫𑑂 𑐰 𑐏𑑂𑐰𑐥𑐫𑑂 𑐢𑐵𑑅𑐳𑐵 𑐩𑑂𑐴𑐶𑐐𑑅 𑐴𑐾 𑐳𑐵𑐥𑐵𑐬𑐸 𑐣𑑂𑐫𑐵𑐫𑐾𑐎𑐮 𑑋 𑐫𑐮𑐫𑑂 𑐠𑑁𑑄 𑐩𑐟𑐫𑐵𑑅 𑐥𑐶𑐎𑐵𑐫𑐾𑐐𑐸 𑐟𑐫𑐵𑐬𑐷 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋

𑐏𑑂𑐰𑐥𑐫𑑂 𑐠𑐵𑐿‌ 𑐟𑑅𑐖𑐶𑐎 𑐳𑐵𑐥𑐵𑐬𑐸 𑐣𑑂𑐫𑐵𑐫𑐾𑐎𑐹𑐐𑐸 𑐏𑑅 𑑋 𑐎𑐵𑐾𑐬𑐵𑐾𑐣𑐵𑐫𑐵 𑐎𑐵𑐬𑐞 𑐰‌𑑄𑐐𑐸 𑐳𑑂𑐰𑐡𑑃 𑐣𑑂𑐴𑑂𑐫𑑅𑐣𑐶𑐳𑐾‌𑑄 𑐠𑐣 𑐥𑐹𑐰‌𑑄𑐎 𑐳𑐵𑐥𑐵𑐬𑐸 𑐩𑐣𑑂𑐫𑐵𑐣𑐵𑐔𑑂𑐰‌𑑄𑐐𑐸 𑐏𑑅𑐳𑐵 𑐠𑑂𑐰 𑐥𑐵𑐮𑐫𑑂 𑐟𑑅𑐖𑐶𑐎 𑐳𑐵𑐥𑐵𑐬𑐸 𑐣𑑂𑐫𑐵𑐫𑐾𑐎𑐹𑐐𑐸 𑐏𑑅 𑑋 𑐠𑑂𑐰𑐥𑐵𑐮𑐫𑑂 𑐟𑐵𑐫𑐩𑐔𑐵 𑐖𑐎 𑐩𑐏𑐸 𑐑𑐶𑐣𑑂𑐟𑐵‌𑑄𑐎𑐶𑐳𑐶 𑐮𑐶𑐳𑐾‌𑑄 𑐠𑐷𑐠𑐷 𑐗𑐵𑑃𑐎𑐷 𑐳𑐴𑐶𑐟 𑐳𑐵𑐫𑐵𑑅 𑐥𑐶𑐴𑐵𑑄𑐰𑑅𑐐𑐸 𑐏𑑅 𑑋

𑐎𑐶𑐥𑐸𑐮𑐷 𑐣𑑄 𑐱𑐣𑐶𑐰𑐵𑑅 𑐖𑐎 𑐳𑐵𑐫𑐵𑑅 𑐥𑐶𑐡𑐣𑐷𑐐𑐸 𑐖𑐹𑐐𑐸 𑐡𑐸𑐳𑐵 𑐱𑐸𑐎𑑂𑐬𑐰𑐵𑑅 𑐐𑐸𑑄𑐥𑐸𑐣𑑂𑐴𑐶 𑐣𑑂𑐫𑐵𑐫𑐾𑐎𑐹𑐐𑐸 𑐡𑐸 𑑋 𑐠𑐣 𑐐𑐸𑑄𑐥𑐸𑐣𑑂𑐴𑐶 𑐎𑐸𑐣𑑂𑐴𑐸 𑐧𑐴𑐵𑑅 𑐥𑐸𑐖𑐵 𑐰𑐣𑐷𑐐𑐸 𑐔𑐮𑐣 𑐎𑐠𑑄 𑐧𑐴𑐣𑐷 𑐧𑐴𑐵𑑅 𑐔𑐵𑑅𑐴𑐶𑐄𑐰𑐣𑐵𑐔𑑂𑐰𑑄𑐐𑐸 𑐡𑐸 𑑋

𑐟𑐶𑐠𑐶 𑐟𑐸𑐟 𑐖𑐹𑐐𑐸𑐮𑐶𑑄 𑐀𑐣𑑂𑐫𑑁𑐮 𑐧𑑂𑐰𑐮𑑄𑐐𑐸 𑐖𑐸𑐫𑐵𑑅 𑐏𑐮𑑅 𑐥𑐸𑐔𑑅𑐟𑐫𑑂𑐳𑑄 𑐠𑑅𑐥𑐶𑐣𑐶 𑐎𑐸𑐮 𑐥𑐬𑐩𑑂𑐥𑐬𑐵 𑐰 𑐀𑐨𑑂𑐫𑐵𑐳 𑐎𑐠𑑄 𑐄𑐥𑐫𑐸𑐎𑑂𑐟 𑐣𑑂𑐴𑐶 𑐎𑐸𑐣𑑂𑐴𑐸 𑐣𑐏𑑅 𑐴𑑄𑐳𑐵𑑄 𑐕𑐸𑑄 𑐩𑐥𑐵𑑅 𑐢𑐎𑐵𑑅 𑐳𑐵𑐬𑑂𑐰𑐖𑐣𑐶𑐎 𑐂𑐣𑐵𑐥 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐏𑑅 𑑋

 

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS