Read news in NepalBhasa text-- www.hamroschool.com BACK ‘𑐳𑐩𑐺𑐡𑑂𑐢 𑐣𑐾𑐥𑐵𑐮’ 𑐡𑐸𑐣𑐾 𑐖𑐣𑐖𑐵𑐟𑐶 𑐩𑐣𑑂𑐴𑑂𑐫𑑄𑐐𑐸 𑐡𑐵𑐰𑐷 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

‘𑐳𑐩𑐺𑐡𑑂𑐢 𑐣𑐾𑐥𑐵𑐮’ 𑐡𑐸𑐣𑐾 𑐖𑐣𑐖𑐵𑐟𑐶 𑐩𑐣𑑂𑐴𑑂𑐫𑑄𑐐𑐸 𑐡𑐵𑐰𑐷

𑐫𑐾𑑃 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)÷ 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐮𑐶𑐳𑐾𑑄 𑐣𑐾𑐥𑐵𑐮𑐷 𑐎𑐵𑑄𑐐𑑂𑐬𑐾𑐳𑐫𑐵 𑐳𑐨𑐵𑐥𑐟𑐶 𑐱𑐾𑐬𑐧𑐴𑐵𑐡𑐸𑐬 𑐡𑐾𑐄𑐰𑐵𑑄 𑐳𑐬𑐎𑐵𑐬𑑄 𑐁𑐡𑐶𑐰𑐵𑐳𑐷 𑐖𑐣𑐖𑐵𑐟𑐶𑐫𑐵 𑐴𑐶𑐟𑐫𑑂 𑐁𑐥𑐵𑐮𑑄 𑐩𑐴𑐟𑑂𑐰𑐥𑐹𑐬𑑂𑐞 𑐖𑑂𑐫𑐵 𑐫𑐵𑑅𑐐𑐸 𑐡𑐵𑐰𑐷 𑐫𑐵𑐣𑐵𑐡𑐷𑐐𑐸 𑐡𑐸 𑑋 𑐩𑑂𑐴𑐶𑐐𑑅 𑐫𑐾𑑃𑐫𑑂 𑐖𑐹𑐐𑐸 𑑒𑑘 𑐎𑑂𑐰𑑅𑐐𑐸 𑐰𑐶𑐱𑑂𑐰 𑐁𑐡𑐶𑐰𑐵𑐳𑐷 𑐡𑐶𑐰𑐳𑐫𑐵 𑐖𑑂𑐫𑐵𑐗𑑂𑐰𑐮𑐫𑑂 𑐣𑑂𑐰𑐰𑐵𑐳𑐾𑑄 𑐰𑐫𑑂𑐎𑐮𑑄 𑐄𑐐𑐸 𑐏𑑃 𑐢𑐫𑐵𑐡𑐷𑐐𑐸 𑐏𑑅 𑑋

𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐡𑐾𑐄𑐰𑐵𑑄 𑐳𑑄𑐰𑐶𑐢𑐵𑐣𑐫𑑂 𑐣𑑂𑐴𑑂𑐫𑐠𑐣𑐵 𑐟𑑅𑐎𑐠𑑄 𑐄𑐩𑐶𑐐𑐸 𑐴𑐎, 𑐀𑐢𑐶𑐎𑐵𑐬 𑐰 𑐳𑐸𑐰𑐶𑐢𑐵 𑐧𑐷𑐐𑐸 𑐏𑑃𑐫𑑂 𑐣𑑄 𑐳𑐬𑐎𑐵𑐬 𑐣𑑂𑐴𑑂𑐫𑐵𑐧𑐮𑐾𑑄 𑐎𑑂𑐬𑐶𑐫𑐵𑐱𑐷𑐮 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑐢𑐵𑐳𑐾𑑄 𑐁𑐡𑐶𑐰𑐵𑐳𑐷, 𑐖𑐣𑐖𑐵𑐟𑐶𑐫𑐵 𑐥𑐴𑐶𑐔𑐵𑐣 𑐫𑐵𑐫𑐾𑐐𑐸, 𑐄𑐩𑐶𑐐𑐸 𑐨𑐵𑐲𑐵, 𑐎𑐮𑐵, 𑐳𑑄𑐳𑑂𑐎𑐺𑐟𑐶𑐫𑐵 𑐳𑑄𑐬𑐎𑑂𑐲𑐞 𑐰 𑐳𑐩𑑂𑐰𑐡𑑂𑐬𑑂𑐢𑐣 𑐫𑐵𑐫𑐾𑐐𑐸 𑐣𑐶𑐟𑐶𑑄 𑐠𑑅𑐐𑐸 𑐣𑐾𑐟𑐺𑐟𑑂𑐰𑐫𑐵 𑐳𑐬𑐎𑐵𑐬𑑄 𑐴𑐾 𑐁𑐡𑐶𑐰𑐵𑐳𑐷, 𑐖𑐣𑐖𑐵𑐟𑐶 𑐄𑐟𑑂𑐠𑐵𑐣 𑐥𑑂𑐬𑐟𑐶𑐲𑑂𑐛𑐵𑐣 𑐣𑐷𑐳𑑂𑐰𑐣𑐵𑐐𑐸 𑐏𑑃 𑐣𑑂𑐴𑑂𑐫𑐠𑐣𑐵𑐡𑐶𑐮 𑑋

𑐥𑑂𑐬𑐩 𑐡𑐾𑐄𑐰𑐵𑑄 𑐁𑐡𑐶𑐰𑐵𑐳𑐷 𑐖𑐣𑐖𑐵𑐟𑐶𑐟𑐫𑑂𑐟 𑐬𑐵𑐖𑑂𑐫𑐫𑐵 𑐐𑐸𑐐𑐸𑑄 𑐣𑑄 𑐴𑑂𑐰𑑅𑐟𑐵𑑅𑐥𑐵𑐏𑐾𑑄 𑐧𑐘𑑂𑐔𑐶𑐟 𑐖𑐸𑐂𑐎𑐾 𑐩𑐧𑐷𑐟 𑐳𑐩𑑂𑐧𑐣𑑂𑐢𑐶𑐟 𑐦𑐸𑐎𑑂𑐎 𑐩𑐶𑐮𑐾 𑐖𑐸𑐫𑐵𑑅 𑐖𑑂𑐫𑐵 𑐫𑐵𑐫𑐾𑐩𑐵𑑅𑐐𑐸 𑐏𑑃 𑐣𑑄 𑐢𑐫𑐵𑐡𑐶𑐮 𑑋 𑐁𑐡𑐶𑐰𑐵𑐳𑐷 𑐖𑐣𑐖𑐵𑐟𑐶𑐫𑐵 𑐄𑐟𑑂𑐠𑐵𑐣 𑐩𑐖𑐸𑐂𑐎𑑄 𑐡𑐾𑐫𑑂𑐫𑐵𑐟 𑐳𑐩𑐺𑐡𑑂𑐢 𑐫𑐵𑐫𑐾𑐐𑐸 𑐩𑑂𑐴𑐐𑐳 𑐫𑐠𑐵𑐬𑑂𑐠𑐫𑑂 𑐥𑐬𑐶𑐞𑐟 𑐫𑐵𑐫𑐾 𑐩𑐦𑐂𑐐𑐸 𑐏𑑃𑐫𑐵𑐟 𑐁𑐟𑑂𑐩𑐳𑐵𑐟 𑐫𑐵𑐳𑐾𑑄 𑐣𑑂𑐴𑑂𑐫𑐵𑐫𑐾𑐩𑐵𑑅𑐐𑐸 𑐏𑑃𑐫𑑂 𑐧𑑅 𑐧𑐶𑐫𑐵𑐡𑐷𑐐𑐸 𑐡𑐸 𑑋

𑐄𑐎𑐠𑑄 𑐴𑐾 𑐎𑐵𑑄𑐐𑑂𑐬𑐾𑐳𑐫𑐵 𑐩𑐴𑐵𑐩𑐣𑑂𑐟𑑂𑐬𑐷 𑐐𑐐𑐣 𑐠𑐵𑐥𑐵𑑄 𑐦𑐸𑐎𑑂𑐎𑑄 𑐁𑐡𑐶𑐰𑐵𑐳𑐷, 𑐖𑐣𑐖𑐵𑐟𑐶𑐫𑐵 𑐄𑐟𑑂𑐠𑐵𑐣 𑐫𑐵𑐣𑐵𑑅 𑐖𑐎 𑐡𑐾𑐫𑑂𑐫𑐵 𑐳𑐩𑐸𑐣𑑂𑐣𑐟𑐶 𑐖𑐸𑐂𑐐𑐸 𑐏𑑃 𑐢𑐵𑐳𑐾𑑄 𑐄𑐎𑐶𑑄 𑐠𑑅𑐥𑐶𑑄𑐳𑑄 𑐐𑐩𑑂𑐨𑐷𑐬 𑐖𑐸𑐫𑐵𑑅 𑐖𑑂𑐫𑐵 𑐫𑐵𑐣𑐵𑐔𑑂𑐰𑐣𑐵𑐐𑐸 𑐡𑐵𑐰𑐷 𑐫𑐵𑐣𑐵𑐡𑐶𑐮 𑑋 𑐰𑐫𑑂𑐎𑐮𑑄 𑐊𑐩𑐵𑐮𑐾𑑄 𑐣𑑂𑐴𑑂𑐫𑑅𑐣𑐾 𑐴𑑅𑐐𑐸 𑐳𑐩𑐺𑐡𑑂𑐢 𑐡𑐾𑐫𑑂 𑐡𑐫𑐾𑐎𑐾𑐐𑐸 𑐀𑐨𑐶𑐫𑐵𑐣𑐫𑑂 𑐁𑐡𑐶𑐰𑐵𑐳𑐷 𑐖𑐣𑐖𑐵𑐟𑐶 𑐩𑐣𑑂𑐴𑑂𑐫𑐣𑐷𑐐𑐸 𑐡𑐵𑐰𑐷 𑐫𑐵𑐳𑐾𑑄 𑐎𑐵𑑄𑐐𑑂𑐬𑐾𑐳𑑄 𑐖𑐎 𑐁𑐡𑐶𑐰𑐵𑐳𑐷 𑐖𑐣𑐖𑐵𑐟𑐶𑐫𑐵 𑐀𑐢𑐶𑐎𑐵𑐬 𑐰 𑐳𑐸𑐰𑐶𑐢𑐵𑐫𑐵 𑐣𑐶𑐟𑐶𑑄 𑐖𑑂𑐫𑐵 𑐫𑐵𑐣𑐵𑐔𑑂𑐰𑑄𑐐𑐸 𑐏𑑃 𑐢𑐫𑐵𑐡𑐶𑐮 𑑋 𑐮𑐶𑐳𑐾𑑄 𑐰𑐫𑑂𑐎𑐮𑑄 𑐳𑑄𑐰𑐶𑐢𑐵𑐣 𑐡𑐫𑐾𑐎𑐾𑐐𑐸 𑐗𑑂𑐰𑐮𑐫𑑂 𑐣𑑄 𑐠𑑅𑐐𑐸 𑐥𑐵𑐬𑑂𑐚𑐷 𑐖𑐣𑐖𑐵𑐟𑐶𑐫𑐵 𑐩𑑂𑐴𑐳𑐷𑐎𑐵 𑐴𑐸𑐂𑐎𑐾 𑐩𑐧𑐷𑐟 𑐣𑐾𑐟𑐺𑐟𑑂𑐰𑐡𑐵𑐫𑐷 𑐨𑐹𑐩𑐶𑐎𑐵 𑐩𑑂𑐴𑐶𑐟𑐵𑐐𑐸 𑐡𑐵𑐰𑐷 𑐫𑐵𑐣𑐵𑐡𑐶𑐮 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS