Read news in NepalBhasa text-- www.hamroschool.com BACK 𑐳𑐴𑐎𑐵𑐬𑐷𑐫𑐵 𑐎𑐵𑐬𑑀𑐧𑐵𑐬𑐫𑑂 𑐳𑐔𑐾𑐟 𑐖𑐸𑐂𑐟 𑐂𑐣𑐵𑐥 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐳𑐴𑐎𑐵𑐬𑐷𑐫𑐵 𑐎𑐵𑐬𑑀𑐧𑐵𑐬𑐫𑑂 𑐳𑐔𑐾𑐟 𑐖𑐸𑐂𑐟 𑐂𑐣𑐵𑐥

𑐫𑐾𑑃(𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐬𑐵𑐲𑑂𑐚𑑂𑐬𑐶𑐫 𑐳𑐴𑐎𑐵𑐬𑐷 𑐩𑐴𑐵𑐳𑑄𑐑𑑄 𑐳𑐴𑐎𑐵𑐬𑐷𑐫𑐵 𑐎𑐵𑐬𑑀𑐧𑐵𑐬𑐫𑑂 𑐳𑐟𑐬𑑂𑐎, 𑐳𑑄𑐫𑐩𑐶𑐟 𑐰 𑐳𑐔𑐾𑐟 𑐖𑐸𑐂𑐟 𑐂𑐣𑐵𑐥 𑐫𑐵𑑅𑐐𑐸 𑐡𑐸 𑑋 𑐩𑐴𑐵𑐳𑑄𑐑𑑄 𑐐𑐸𑑄𑐐𑐹 𑐧𑐸𑑃𑐡𑐵𑐫𑐵 𑐕𑐐𑐹 𑐀𑐥𑐶𑐮 𑐖𑐵𑐬𑐷 𑐫𑐵𑐳𑐾𑑄 𑐄𑐎𑐠𑑄 𑐂𑐣𑐵𑐥 𑐫𑐵𑑅𑐐𑐸 𑐏𑑅 𑑋

𑐳𑑂𑐰𑐣𑐶𑐐𑐮𑐫𑑂 𑐳𑑄𑐔𑐵𑐮𑐣 𑐖𑐸𑐫𑐵𑐔𑑂𑐰𑑄𑐐𑐸 𑐳𑐴𑐎𑐵𑐬𑐷 𑐳𑑄𑐳𑑂𑐠𑐵𑐟 𑐕𑐐𑐹 𑐮𑐶𑐥𑐵 𑐩𑐾𑐐𑐸 𑐧𑐶𑐳𑐶𑐄𑑃 𑐰𑐣𑐾𑐐𑐸 𑐰 𑐁𑐬𑑂𑐠𑐶𑐎 𑐳𑑄𑐎𑐚𑐫𑑂 𑐮𑐵𑐣𑐵𑐔𑑂𑐰𑑄𑐐𑐸 𑐢𑐵𑐳𑐾𑑄 𑐄𑐎𑐠𑑄 𑐳𑑄𑐫𑐩𑐶𑐟, 𑐳𑐟𑐬𑑂𑐎 𑐰 𑐳𑐔𑐾𑐟 𑐖𑐸𑐂𑐟 𑐂𑐣𑐵𑐥 𑐫𑐵𑑅𑐐𑐸 𑐏𑑅 𑑋 𑐩𑐴𑐵𑐳𑑄𑐑𑑄 𑐖𑐵𑐬𑐷 𑐫𑐵𑑅𑐐𑐸 𑐀𑐥𑐶𑐮𑐫𑑂 𑐎𑑀𑐬𑑀𑐣𑐵 𑐩𑐴𑐵𑐩𑐵𑐬𑐷, 𑐬𑐸𑐳 𑐫𑐸𑐎𑑂𑐬𑐾𑐣 𑐫𑐸𑐡𑑂𑐢𑐮𑐶𑐳𑐾𑑄 𑐰𑐳𑑂𑐟𑐸 𑐰 𑐳𑐾𑐰𑐵𑐫𑑂 𑐖𑐹𑐐𑐸 𑐩𑐹𑐮𑑂𑐫𑐰𑐺𑐡𑑂𑐢𑐶, 𑐩𑐸𑐡𑑂𑐬𑐵𑐳𑑂𑐦𑐶𑐟𑐶𑐫𑐵 𑐮𑐶𑐔𑑂𑐰𑑅 𑐣𑐾𑐥𑐵𑑅𑐫𑐵 𑐰𑐶𑐟𑑂𑐟𑐷𑐫 𑐎𑑂𑐲𑐾𑐟𑑂𑐬𑐫𑑂 𑐣𑑄 𑐮𑐵𑐣𑐵𑐔𑐰𑑄𑐐𑐸 𑐰 𑐄𑐎𑐶𑑄 𑐫𑐵𑐣𑐵𑑅 𑐮𑐐𑐵𑐣𑐷 𑐫𑑀𑐐𑑂𑐫 𑐢𑑂𑐫𑐧𑐵𑐫𑐵 𑐀𑐨𑐵𑐰 𑐖𑐸𑐫𑐵𑐔𑑂𑐰𑑄𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋

𑐠𑐸𑐎𑐠𑑄𑐫𑐵 𑐮𑐶𑐔𑑂𑐰𑑅𑐫𑐵 𑐎𑐵𑐬𑐞𑑄 𑐐𑐸𑐮𑐶𑐏𑐾 𑐳𑐴𑐎𑐵𑐬𑐷 𑐳𑑄𑐳𑑂𑐠𑐵𑐫𑑂 𑐟𑐬𑐮𑐟𑐵𑐫𑐵 𑐔𑐵𑐥 𑐀𑐥𑑂𑐰𑐫𑐵 𑐰𑐣𑐵𑑅 𑐳𑐡𑐳𑑂𑐫𑐟𑐫𑑂𑐟 𑐧𑐔𑐟 𑐫𑐵𑐫𑐾𑐟 𑐟𑐎𑑄 𑐠𑐵𑐎𑐸𑐫𑐵𑐔𑑂𑐰𑑄𑐐𑐸 𑐢𑐂𑐐𑐸 𑐟𑐠𑑂𑐫 𑐳𑐵𑐬𑑂𑐰𑐖𑐣𑐶𑐎 𑐖𑐸𑐫𑐵𑐔𑑂𑐰𑑄𑐐𑐸 𑐂𑐮𑐫𑑂 𑐖𑑀𑐏𑐶𑐩 𑐡𑐸𑐐𑐸 𑐎𑑂𑐲𑐾𑐟𑑂𑐬𑐫𑑂 𑐮𑐐𑐵𑐣𑐷 𑐩𑐫𑐵𑐫𑐾𑐟, 𑐎𑐬𑑂𑐖𑐵 𑐳𑐸𑐬𑐎𑑂𑐲𑐞𑐫𑐵 𑐰𑑂𑐫𑐰𑐳𑑂𑐠𑐵𑐥𑐣 𑐫𑐵𑐫𑐾𑐟, 𑐳𑐴𑐎𑐵𑐬𑐷𑐫𑐵 𑐩𑐹𑐮𑑂𑐫 𑐰 𑐩𑐵𑐣𑑂𑐫𑐟𑐵𑐎𑐠𑑄 𑐎𑐵𑐬𑑀𑐧𑐵𑐬 𑐳𑑄𑐔𑐵𑐮𑐣 𑐫𑐵𑐫𑐾𑐟, 𑐳𑐴𑐎𑐵𑐬𑐷 𑐧𑐿𑑄𑐎𑐮𑐶𑐳𑐾𑑄 𑐎𑐾𑐣𑑂𑐡𑑂𑐬 𑐰 𑐥𑑂𑐬𑐡𑐾𑐱 𑐰 𑐖𑐶𑐮𑑂𑐮𑐵𑐳𑑂𑐟𑐬𑐫𑐵 𑐳𑑄𑐑𑐫𑑂 𑐣𑐶𑐫𑐩𑐶𑐟 𑐬𑐸𑐥𑑄 𑐳𑐩𑑂𑐥𑐬𑑂𑐎 𑐰 𑐳𑐩𑐣𑑂𑐰𑐫 𑐫𑐵𑐫𑐾𑐟 𑐰 𑐁𑐰𑐱𑑂𑐫𑐎 𑐳𑐴𑐖𑐷𑐎𑐬𑐞 𑐫𑐵𑐫𑐾𑐟 𑐣𑑄 𑐂𑐣𑐵𑐥 𑐫𑐵𑑅𑐐𑐸 𑐡𑐸 𑑋

𑐀𑐠𑐾 𑐴𑐾 𑐳𑐴𑐎𑐵𑐬𑐷𑐫𑐵 𑐡𑐸𑐖𑑅𑐥𑐶𑑄𑐳𑑄 𑐀𑐳𑑂𑐰𑐵𑐨𑐵𑐖𑐶𑐎 𑐰𑑂𑐫𑐵𑐖𑐫𑐵 𑐮𑑀𑐨𑐫𑑂 𑐟𑐩𑐎𑑂𑐫𑑃𑐳𑐾 𑐳𑑄𑐳𑑂𑐠𑐵𑐐𑐟 𑐎𑑂𑐲𑐩𑐟𑐵, 𑐳𑐸𑐱𑐵𑐳𑐣𑐫𑑂 𑐳𑑄𑐔𑐵𑐮𑐣 𑐖𑐸𑐫𑐵𑐔𑑂𑐰𑑄𑐐𑐸 𑐳𑑄𑐳𑑂𑐠𑐵𑐫𑑂 𑐖𑐎 𑐎𑐵𑐬𑑀𑐧𑐵𑐬 𑐫𑐵𑐫𑐾𑐟 𑐣𑑄 𑐂𑐣𑐵𑐥 𑐫𑐵𑑅𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS