Read news in NepalBhasa text-- www.hamroschool.com BACK 𑐩𑑂𑐫𑐵𑐐𑑂𑐡𑐷𑐫𑐵 𑐧𑐾𑐣𑐷𑐂 𑐣𑑄 𑐮𑐵𑐏𑐾 𑐥𑐶𑐠𑐣 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐩𑑂𑐫𑐵𑐐𑑂𑐡𑐷𑐫𑐵 𑐧𑐾𑐣𑐷𑐂 𑐣𑑄 𑐮𑐵𑐏𑐾 𑐥𑐶𑐠𑐣

𑐫𑐾𑑃(𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐩𑑂𑐫𑐵𑐐𑑂𑐡𑐷𑐫𑐵 𑐳𑐡𑐬𑐩𑐸𑐎𑐵𑐩 𑐧𑐾𑐣𑐷𑐂 𑐣𑑄 𑐮𑐵𑐏𑐾 𑐥𑑂𑐫𑐵𑐏𑑄 𑐥𑐶𑐠𑑄𑐐𑐸 𑐡𑐸 𑑋 𑐧𑐾𑐣𑐷𑐂 𑐣𑑄 𑐰𑑄𑐐𑐸 𑐐𑐸𑑄𑐮𑐵𑐠𑑂𑐰 𑐥𑑄𑐔𑐩𑐶 (𑐣𑐵𑐐𑐥𑑄𑐔𑐩𑐶) 𑐩𑑄𑐐𑐮𑐰𑐵𑑅𑐎𑐸 𑐮𑐵𑐏𑐾 𑐥𑑂𑐫𑐵𑐏𑑄 𑐥𑐶𑐠𑑄𑐐𑐸 𑐏𑑅 𑑋

𑐫𑐾𑑃𑐫𑑂 𑐩𑐹𑐮𑐟𑑅 𑐫𑑃𑐫𑐵𑑅 𑐎𑐸𑐣𑑂𑐴𑐸 𑐩𑐖𑐶𑐥𑐵𑑅 𑐮𑐵𑐏𑐾 𑐥𑐶𑐠𑐣𑐾𑐐𑐸 𑐔𑐮𑐣 𑐡𑐸𑐳𑐵 𑐫𑐾𑑃𑐫𑑂 𑐣𑑄 𑐥𑐶𑐣𑐾 𑐣𑐾𑐰𑐵𑑅𑐟𑐫𑑂 𑐏𑑂𑐰𑐵𑐟𑐸𑐐𑐸 𑐰𑐳𑑂𑐟𑐷 𑐡𑐸𑐐𑐸 𑐠𑐷𑐠𑐷 𑐖𑐶𑐮𑑂𑐮𑐵𑐫𑑂 𑐢𑐵𑑅𑐳𑐵 𑐐𑐸𑑄𑐮𑐵𑐫𑐵 𑐂𑐮𑐫𑑂 𑐮𑐵𑐏𑐾 𑐥𑐶𑐠𑐣𑐾𑐐𑐸 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐧𑐾𑐣𑐷𑐂 𑐐𑐠𑐵𑑄𑐩𑐸𑐐𑑅𑐎𑐸𑐣𑑂𑐴𑐸 𑐥𑐬𑐵𑐥𑐹𑐬𑑂𑐰𑐎𑐵𑐮𑐫𑑂 𑐳𑐩𑐵𑐖𑐫𑐵𑐟 𑐀𑐟𑐶𑐎𑑄 𑐡𑐸𑑅𑐏 𑐧𑐶𑐄𑐩𑑂𑐴 𑐨𑐹𑐟𑐫𑐵 𑐥𑑂𑐬𑐟𑐷𑐎𑐎𑐠𑑄 𑐎𑐫𑐵𑐟𑑅𑐩𑑂𑐴 𑐐𑐠𑐵𑑄𑐩𑐸𑐐𑑅𑐫𑐵𑐟 𑐩𑑂𑐫𑐵𑐐𑑂𑐡𑐷 𑐏𑐸𑐳𑐶 𑐰 𑐎𑐵𑐮𑐷𑐐𑐞𑑂𑐜𑐎𑐷𑐫𑐵 𑐡𑑀𑐨𑐵𑐣𑐫𑑂 𑐰𑐵𑐫𑐾𑐢𑐸𑑄𑐎𑐵𑑅 𑐮𑐵𑐏𑐾 𑐥𑑂𑐫𑐵𑐏𑑄 𑐥𑐶𑐠𑐣𑐾𑐐𑐸 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋

𑐧𑐾𑐣𑐷𑐂 𑐎𑐬𑐶𑐧 𑑓𑑐𑑐 𑐡𑑃 𑐣𑑂𑐴𑑂𑐫𑐰𑑄𑐣𑐶𑐳𑐾𑑄 𑐣𑐾𑐰𑐵𑑅 𑐔𑑂𑐰𑐣𑐵 𑐰𑐫𑐵𑐔𑑂𑐰𑑄𑐐𑐸 𑐢𑐂𑐐𑐸 𑐂𑐟𑐶𑐴𑐵𑐳 𑐡𑐸𑐳𑐵 𑐀𑐣 𑐮𑐵𑐏𑐾 𑐥𑑂𑐫𑐵𑐏𑑄𑐫𑐵 𑐂𑐟𑐶𑐴𑐵𑐳 𑐣𑑄 𑐄𑐮𑐶 𑐴𑐾 𑐥𑐸𑐮𑐵𑑄 𑑋 𑐧𑐾𑐣𑐷𑐂 𑑒𑑕𑑐 𑐡𑑃 𑐣𑑂𑐴𑑂𑐫𑑅𑐣𑐶𑐳𑐾𑑄 𑐮𑐵𑐏𑐾 𑐥𑑂𑐫𑐵𑐏𑑄 𑐥𑐶𑐠𑐣𑐵 𑐰𑐫𑐵𑐔𑑂𑐰𑑄𑐐𑐸 𑐀𑐣𑐫𑐵 𑐳𑑂𑐠𑐵𑐣𑐷𑐫𑐟𑐫𑑂𑐳𑑄 𑐢𑐵𑑅𑐐𑐸 𑐡𑐸 𑑋

𑐳𑑂𑐠𑐵𑐣𑐷𑐫 𑐣𑐾𑐰𑐵𑑅 𑐣𑑂𑐴𑑂𑐫𑐮𑐸𑐰𑐵 𑐳𑐸𑐰𑐶𑐣 𑐱𑑂𑐬𑐾𑐲𑑂𑐛𑑄 𑐮𑐵𑐏𑐾 𑐥𑑂𑐫𑐵𑐏𑐣𑐫𑑂 𑐐𑐸𑑄𑐐𑐹 𑐥𑐸𑐳𑑂𑐟𑐵 𑐣𑑂𑐴𑑂𑐫𑐰𑑄𑐣𑐶𑐳𑐾𑑄 𑐁𑑅𑐟𑐎 𑐣𑑄 𑐰 𑐴𑐾 𑐕𑐥𑐵𑑅 𑐏𑑂𑐰𑐵𑑅𑐥𑐵𑑅 𑐥𑑂𑐬𑐫𑑀𑐐 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐏𑑃 𑐎𑐣𑐵𑐡𑐷𑐐𑐸 𑐡𑐸 𑑋 𑐃𑐎𑐠𑑄 𑐮𑐵𑐏𑐾 𑐖𑐸𑐂𑐩𑑂𑐴 𑐩𑐣𑐹 𑐴𑐶𑐮𑐵 𑐰𑐣𑐵𑐔𑑂𑐰𑑄𑐳𑐵𑑄 𑐮𑐵𑐏𑐾𑐫𑐵 𑐣𑐶𑑄𑐟𑐶𑑄 𑐥𑑂𑐬𑐫𑑀𑐐 𑐖𑐸𑐂𑐐𑐸 𑐏𑑂𑐰𑐵𑑅𑐥𑐵𑑅 𑐢𑐵𑑅𑐳𑐵 𑐮𑐵𑐏𑐾 𑐥𑑂𑐫𑐵𑐏𑑄𑐫𑐵 𑐂𑐟𑐶𑐴𑐵𑐳 𑐠𑐾𑑄 𑐥𑐸𑐮𑐵𑑄 𑐖𑐹𑐐𑐸 𑐰𑐫𑑂𑐎𑐮𑑄 𑐢𑐫𑐵𑐡𑐷𑐐𑐸 𑐡𑐸 𑑋

𑐧𑐾𑐣𑐷 𑐣𑐐𑐬𑐥𑐵𑐮𑐶𑐎𑐵 𑑗 𑐰𑐜𑐵𑐀𑐢𑑂𑐫𑐎𑑂𑐲 𑐬𑐩𑐾𑐱 𑐱𑑂𑐬𑐾𑐲𑑂𑐛𑑄 𑐡𑐾𑐫𑑂𑐣𑑂𑐫𑑄𑐎𑑄 𑐩𑐾𑐩𑐾𑐐𑐸 𑐠𑐵𑐫𑑂𑐫𑐵 𑐏𑑂𑐰𑐵𑑅𑐥𑐵𑑅 𑐳𑑂𑐰𑐫𑐵𑑄 𑐧𑐾𑐣𑐷𑐫𑐵 𑐮𑐵𑐏𑐾 𑐏𑑂𑐰𑐵𑑅𑐥𑐵𑑅 𑐧𑐶𑐳𑑂𑐎𑑄 𑐖𑐹𑐐𑐸 𑐣𑐵𑐥𑑄 𑐰𑐶𑐱𑐾𑐲 𑐁𑐎𑐬𑑂𑐲𑐞 𑐣𑑄 𑐡𑐸𑐐𑐸 𑐢𑐫𑐵𑐡𑐷𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS