Read news in NepalBhasa text-- www.hamroschool.com BACK ‘𑐰 𑐩𑐣𑐹, 𑐳𑐸 𑐩𑐣𑐹’𑐫𑐵 𑐎𑐨𑐬 𑐩𑑂𑐫𑐾𑑃 𑐎𑐵𑐳𑐵 𑐖𑐸𑐂𑐐𑐸 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

‘𑐰 𑐩𑐣𑐹, 𑐳𑐸 𑐩𑐣𑐹’𑐫𑐵 𑐎𑐨𑐬 𑐩𑑂𑐫𑐾𑑃 𑐎𑐵𑐳𑐵 𑐖𑐸𑐂𑐐𑐸

𑐎𑐶𑐥𑐹 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐩𑐐𑐣 𑐂𑐣𑑂𑐚𑐬𑐚𑐾𑐣𑑂𑐩𑐾𑐣𑑂𑐚𑐫𑐵 𑐣𑑂𑐴𑑂𑐫𑐧𑑂𑐰𑐫𑐵 𑐕𑐸𑑄 𑐃 𑐣𑑂𑐴𑑂𑐫𑑅 𑐖𑐎 𑐥𑐶𑐟𑐧𑑂𑐰𑐖𑑂𑐫𑐵 𑐖𑐹𑐐𑐸 𑐩𑑂𑐫𑐾𑑃 ‘𑐰 𑐩𑐣𑐹, 𑐳𑐸 𑐩𑐣𑐹’𑐫𑐵 𑐎𑐨𑐬 𑐩𑑂𑐫𑐾𑑃 𑐎𑐵𑐳𑐵 𑐖𑐸𑐂𑐐𑐸 𑐖𑐹𑐐𑐸 𑐡𑐸 𑑋 𑐎𑐨𑐬 𑐩𑑂𑐫𑐾𑑃 𑐎𑐵𑐳𑐵𑐫𑐵 𑐣𑐶𑑄𑐟𑐶𑑄 𑐳𑐩𑑂𑐧𑐣𑑂𑐢𑐶𑐟 𑐥𑐎𑑂𑐲𑐮𑐶𑐳𑐾 𑐳𑐴𑐮𑐴 𑐧𑑂𑐫𑐵𑐎𑐾𑐐𑐸 𑐖𑑂𑐫𑐵 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋

𑐠𑐸𑐐𑐸 𑐩𑑂𑐫𑐾𑑃𑐫𑐵 𑐩𑑂𑐫𑐾𑑃 𑐔𑑂𑐰𑐩𑐶 𑐣𑐵𑐥𑑄 𑐮𑐫𑑂 𑐔𑐶𑐣𑐵𑐩𑐶 𑐨𑐸𑐰𑐣 𑐩𑐴𑐬𑑂𑐖𑐣𑑄 𑐎𑐨𑐬 𑐩𑑂𑐫𑐾𑑃 𑐎𑐵𑐳𑐵𑐫𑐵 𑐣𑐶𑑄𑐟𑐶𑑄 𑐳𑑄𑐐𑐷𑐟 𑐳𑑄𑐫𑑀𑐖𑐎 𑐳𑐸𑐬𑐾𑐣𑑂𑐡𑑂𑐬 𑐱𑑂𑐬𑐾𑐲𑑂𑐛𑐮𑐶𑐳𑐾𑑄 𑐳𑐩𑑂𑐧𑐣𑑂𑐢𑐶𑐟 𑐥𑐎𑑂𑐲𑐮𑐶𑐳𑐾 𑐳𑐴𑐮𑐴 𑐧𑑂𑐫𑐵𑐎𑐾 𑐢𑐸𑑄𑐐𑐸 𑐰 𑐫𑐵𑐎𑐣𑑄 𑐴𑐾 𑐎𑐨𑐬 𑐩𑑂𑐫𑐾𑑃 𑐢𑐾𑑄𑐢𑐾𑑄𑐧𑐮𑑂𑐮𑐵𑑅 𑐎𑐵𑐳𑐵 𑐣𑑂𑐴𑑂𑐫𑐵𑐎𑐾𑐐𑐸 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐷𑐐𑐸 𑐡𑐸 𑑋 𑐎𑐵𑐳𑐵 𑐫𑐵𑐎𑐣𑑄 𑐣𑑂𑐴𑑂𑐫𑐵𑐎𑐾𑐐𑐸 𑐟𑐫𑐵𑐬𑐷 𑐖𑐸𑐫𑐵𑐔𑑂𑐰𑑄𑐳𑐵𑑄 𑐎𑐵𑐳𑐵𑐫𑐵 𑐣𑐶𑑄𑐟𑐶𑑄 𑐩𑐵𑑅𑐐𑐸 𑐣𑐶𑐫𑐩, 𑐰𑑂𑐫𑐰𑐳𑑂𑐠𑐵𑐥𑐣 𑐰 𑐩𑐾𑐩𑐾𑐐𑐸 𑐖𑑂𑐫𑐵𑐏𑑃𑐫𑐵𑐟 𑐎𑐫𑐵𑑅 𑐀𑐗𑑄 𑐳𑐴𑐮𑐴 𑐖𑐸𑐫𑐵𑐔𑑂𑐰𑑄𑐐𑐸 𑐰 𑐳𑐩𑑂𑐨𑐰𑐟𑑅 𑐩𑑀𑐴𑐣𑐶 𑐖𑑅𑐏𑑅 𑐢𑐾𑑄𑐢𑐾𑑄𑐧𑐮𑑂𑐮𑐵𑑅 𑐎𑐵𑐳𑐵 𑐣𑑂𑐴𑑂𑐫𑐵𑐎𑐾𑐐𑐸 𑐐𑑂𑐰𑐳𑐵𑑅 𑐖𑐸𑐫𑐵𑐔𑑂𑐰𑑄𑐐𑐸 𑐩𑐴𑐬𑑂𑐖𑐣𑑄 𑐎𑐣𑐵𑐡𑐷𑐐𑐸 𑐡𑐸 𑑋

𑐣𑐾𑐥𑐵𑐮𑐨𑐵𑐲𑐵 𑐳𑐵𑑄𑐐𑐷𑐟𑐶𑐎 𑐏𑑂𑐫𑐮𑐫𑑂 𑐣𑐸𑐐𑑅 𑐎𑑂𑐰𑐳𑐵𑑅𑐥𑐶𑑄 𑐣𑑂𑐴𑐹𑐥𑐶𑑄 𑐰 𑐥𑐸𑐮𑐵𑑄𑐥𑐶𑑄 𑐩𑑂𑐫𑐾𑑃 𑐴𑐵𑐮𑐵𑐩𑐶𑐥𑐶𑑄𑐟 𑐴𑑅𑐥𑐵𑑅 𑐰 𑐟𑐶𑐧𑑅 𑐧𑐷𑐐𑐸 𑐮𑑂𑐫𑐵𑐏𑑄 𑐎𑐨𑐬 𑐩𑑂𑐫𑐾𑑃 𑐎𑐵𑐳𑐵 𑐫𑐵𑐫𑐾𑐟𑑂𑐫𑐣𑐵𑐐𑐸 𑐩𑑂𑐫𑐾𑑃𑐫𑐵 𑐳𑑄𑐐𑐷𑐟 𑐳𑑄𑐫𑑀𑐖𑐎𑐮𑐶𑐳𑐾𑑄 𑐣𑐵𑑄𑐖𑐵𑑅𑐩𑑂𑐴 𑐳𑑄𑐐𑐷𑐟𑐎𑐵𑐬 𑐳𑐸𑐬𑐾𑐣𑑂𑐡𑑂𑐬 𑐱𑑂𑐬𑐾𑐲𑑂𑐛𑑄 𑐎𑐣𑐵𑐡𑐶𑐮 𑑋

𑐕𑐸𑑄 𑐃 𑐣𑑂𑐴𑑂𑐫𑑅 𑐖𑐎 𑐳𑐵𑐬𑑂𑐰𑐖𑐣𑐶𑐎 𑐫𑐵𑑅𑐐𑐸 𑐏𑑅 𑐠𑐸𑐐𑐸 𑐩𑑂𑐫𑐾𑑃 𑐎𑐶𑐥𑐸𑐮𑐶𑐂 𑐟𑐵𑑅𑐃𑐟𑐎 𑐠𑑅𑐐𑐸 𑐖𑐷𑐰𑐣 𑐴𑑂𑐰𑐣𑐵 𑐰𑑄𑐩𑑂𑐴 𑐕𑐩𑑂𑐴 𑐰𑑂𑐫𑐎𑑂𑐟𑐶𑐫𑐵 𑐰𑐵𑐳𑑂𑐟𑐰𑐶𑐎𑐟𑐵𑐫𑑂 𑐟𑐫𑐵𑐬 𑐫𑐵𑐣𑐵𑐟𑑅𑐐𑐸 𑐏𑑅 𑑋 𑐎𑐶𑐥𑐸𑐮𑐶𑐂 𑐔𑑂𑐰𑐣𑐵𑑅 𑐠𑑅𑐐𑐸 𑐖𑐷𑐰𑐣 𑐴𑑂𑐰𑐣𑐵 𑐰𑑄𑐩𑑂𑐴 𑐄𑐩𑑂𑐴 𑐰𑑂𑐫𑐎𑑂𑐟𑐶 𑐟𑐳𑐎𑑄 𑐨𑐮𑐵𑐡𑐩𑐶, 𑐰 𑐱𑐶𑐎𑑂𑐲𑐶𑐟 𑐖𑐹𑐐𑐸 𑐟𑐬 𑐐𑐣𑑄 𑐰𑑅𑐩𑑂𑐴 𑐢𑐂𑐐𑐸 𑐕𑐸𑑄 𑐖𑐵𑐣𑐎𑐵𑐬𑐷 𑐩𑐡𑐸𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋 𑐕𑐸𑑄 𑐣𑑄 𑐳𑐶𑐟𑐶𑐎𑑄 𑐧𑐶𑐮 𑐢𑐵𑑅𑐳𑐵 𑐕𑐸𑑄 𑐣𑑄 𑐩𑐎𑐵𑐂𑐩𑑂𑐴 𑐄𑐩𑑂𑐴 𑐩𑐣𑐸𑐏𑑄 𑐖𑑂𑐫𑐵 𑐫𑐵𑑅𑐐𑐸 𑐰𑐵𑐥𑐟𑐫𑐵 𑐖𑐎 𑐢𑑂𑐫𑐧𑐵 𑐎𑐵𑐫𑐾𑐐𑐸 𑐫𑐵𑐣𑐵𑐔𑑂𑐰𑑄𑐐𑐸 𑐎𑐶𑐥𑐹𑐫𑐵 𑐳𑑂𑐠𑐵𑐣𑐷𑐫𑐟𑐫𑑂𑐳𑑄 𑐢𑐵𑐫𑐾𑐐𑐸 𑐫𑐵𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS