Read news in NepalBhasa text-- www.hamroschool.com BACK 𑐣𑑂𑐫𑐵𑐫𑐶𑐎 𑐳𑐩𑐶𑐟𑐶𑐫𑐵 𑐖𑑂𑐫𑐵 𑐱𑐸𑐬𑐸 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐣𑑂𑐫𑐵𑐫𑐶𑐎 𑐳𑐩𑐶𑐟𑐶𑐫𑐵 𑐖𑑂𑐫𑐵 𑐱𑐸𑐬𑐸

𑐫𑐾𑑃(𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐫𑐾𑑃 𑐩𑐴𑐵𑐣𑐐𑐬 𑐥𑐵𑐮𑐶𑐎𑐵𑐫𑐵 𑐣𑑂𑐫𑐵𑐫𑐶𑐎 𑐳𑐩𑐶𑐟𑐶𑑄 𑐠𑑅𑐐𑐸 𑐖𑑂𑐫𑐵 𑐣𑑂𑐴𑑂𑐫𑐵𑐎𑐹𑐐𑐸 𑐡𑐸 𑑋 𑐩𑐴𑐵𑐣𑐐𑐬𑐫𑐵 𑐣𑑂𑐫𑐵𑐫𑐶𑐎 𑐳𑐩𑐶𑐟𑐶𑑄 𑐂𑐖𑐮𑐵𑐳𑐥𑐵𑐏𑐾𑑄 𑐣𑑂𑐫𑐵𑐫 𑐣𑐶𑐬𑐸𑐥𑐞𑐫𑐵 𑐖𑑂𑐫𑐵 𑐣𑑂𑐴𑑂𑐫𑐵𑐎𑐹𑐐𑐸 𑐏𑑅 𑑋 𑐩𑐴𑐵𑐣𑐐𑐬𑐫𑑂 𑐰𑐂𑐐𑐸 𑐠𑐷𑐠𑐷 𑐩𑐸𑐡𑑂𑐡𑐵𑐫𑐵𑐟 𑐎𑐫𑐵𑑅 𑐣𑑂𑐫𑐵𑐫𑐶𑐎 𑐳𑐩𑐶𑐟𑐶𑐂 𑐳𑐸𑐸𑐣𑐸𑐰𑐵𑐂 𑐫𑐵𑐫𑐾𑐐𑐸 𑐖𑐶𑐩𑑂𑐩𑐾𑐰𑐵𑐬𑐷 𑐧𑐶𑐫𑐵𑐟𑑅𑐐𑐸 𑐡𑐸 𑑋

𑐣𑑂𑐫𑐵𑐫𑐶𑐎 𑐳𑐩𑐶𑐟𑐶𑐫𑐵𑐟 𑐡𑐕𑐶𑐫𑐵 𑐎𑐿𑐡 𑐖𑐸𑐂 𑐦𑐂𑐐𑐸 𑐦𑑁𑐖𑐡𑐵𑐬𑐷 𑐩𑐸𑐡𑑂𑐡𑐵, 𑐩𑐾𑐮𑐩𑐶𑐮𑐵𑐥 𑐖𑐸𑐂 𑐩𑐦𑐸𑐐𑐸 𑐡𑐾𑐰𑐵𑐣𑐷 𑐩𑐸𑑂𑐡𑑂𑐡𑐵, 𑐀𑐥𑑂𑐰𑐮𑐫𑑂 𑑒𑑕 𑐐𑐹 𑐮𑐏 𑐟𑐎𑐫𑐵 𑐧𑐶𑐐𑑀 𑐧𑐬𑐵𑐧𑐬𑐫𑐵 𑐕𑐾𑑃 𑐧𑐵𑑅 𑐰 𑐕𑐾𑑃 𑐧𑐵𑑅𑐫𑐵 𑐳𑐸𑐰𑐶𑐢𑐵 𑐡𑐸𑐐𑐸 𑐩𑐸𑐡𑑂𑐡𑐵 𑐳𑑂𑐰𑐫𑐾𑐐𑐸 𑐖𑐶𑐩𑑂𑐩𑐾𑐰𑐵𑐬𑐷 𑐧𑐶𑐫𑐵𑐟𑑅𑐐𑐸 𑐡𑐸 𑑋

𑐫𑐾𑑃 𑐩𑐴𑐵𑐣𑐐𑐬 𑐄𑐥𑐥𑑂𑐬𑐩𑐸𑐏𑐮𑐶𑐳𑐾𑑄 𑐣𑑂𑐫𑐵𑐫𑐶𑐎 𑐳𑐩𑐶𑐟𑐶𑐫𑐵 𑐳𑑄𑐫𑑀𑐖𑐎 𑐳𑐸𑐣𑐶𑐟𑐵 𑐜𑑄𑐐𑑀𑐮𑑄 𑐰𑐜𑐵𑐫𑑂 𑐴𑐾 𑐩𑐾𑐮𑐩𑐶𑐮𑐵𑐥 𑐎𑐎𑑂𑐲 𑐡𑐫𑐾𑐎𑐵𑑅 𑐰𑐶𑐰𑐵𑐡𑐫𑐵𑐟 𑐀𑐣 𑐴𑐾 𑐳𑐩𑐵𑐢𑐵𑐣𑐫𑐵 𑐣𑐶𑑄𑐟𑐶𑑄 𑐎𑐸𑐟𑑅 𑐫𑐵𑐫𑐾𑐐𑐸 𑐰 𑐀𑐣 𑐳𑐴𑐩𑐟𑐶 𑐖𑐸𑐂 𑐩𑐦𑐫𑐵𑑅 𑐩𑐴𑐵𑐣𑐐𑐬𑐫𑑂 𑐰𑑅𑐐𑐸𑐫𑐵𑐟 𑐦𑐎𑑂𑐰 𑐫𑐵𑐎𑐣𑑄 𑐣𑐶𑐐𑐸𑐮𑐶𑑄 𑐥𑐎𑑂𑐲 𑐟𑑂𑐫𑐵𑐂𑐎𑐠𑑄𑐫𑐵 𑐰𑐶𑐢𑐶𑐥𑐵𑐏𑐾𑑄 𑐳𑐩𑐵𑐢𑐵𑐣𑐫𑐵 𑐣𑐶𑑄𑐟𑐶𑑄 𑐎𑐸𑐟𑑅 𑐫𑐵𑐫𑐾𑐐𑐸 𑐖𑐸𑐂 𑐢𑐫𑐵𑐡𑐷𑐐𑐸 𑐡𑐸 𑑋

𑐩𑐴𑐵𑐣𑐐𑐬𑐫𑐵 𑐣𑑂𑐫𑐵𑐫 𑐥𑑂𑐬𑐱𑐵𑐳𑐎 𑐬𑐵𑐩𑐥𑑂𑐬𑐳𑐵𑐡 𑐥𑑁𑐜𑐾𑐮𑑄 𑐳𑐩𑐶𑐟𑐶𑐂 𑐰𑑅𑐐𑐸 𑐄𑐖𑐸𑐬𑐷𑐫𑐵𑐟 𑐎𑐫𑐵𑑅 𑐩𑐾𑐮𑐩𑐶𑐮𑐵𑐥 𑐫𑐵𑐫𑐾𑐐𑐸𑐫𑐵𑐟 𑐴𑐾 𑐣𑑂𑐴𑐵𑐥𑐵𑑄 𑐥𑑂𑐬𑐵𑐠𑐩𑐶𑐎𑐟𑐵 𑐧𑐶𑐫𑐵 𑐰𑐣𑐾𑐐𑐸 𑐖𑐸𑐂 𑐢𑐵𑐳𑐾𑑄 𑐣𑐶𑐐𑐸𑐮𑐶𑑄 𑐥𑐎𑑂𑐲𑐫𑐵 𑐏𑑃 𑐣𑑂𑐫𑐣𑐾𑐩𑐵𑑅𑐐𑐸, 𑐟𑐠𑑂𑐫 𑐰 𑐥𑑂𑐬𑐩𑐵𑐞 𑐔𑐹𑐮𑐵𑐎𑐾𑐩𑐵𑑅𑐐𑐸 𑐣𑐵𑐥𑑄 𑐣𑐶𑐐𑐸𑐮𑐶𑑄 𑐥𑐎𑑂𑐲𑐫𑐵𑐟 𑐔𑐶𑐟𑑂𑐟 𑐧𑐸𑐗𑐾 𑐫𑐵𑐫𑐾𑐩𑐵𑑅𑐐𑐸 𑐖𑐹𑐐𑐸𑐮𑐶𑑄 𑐐𑐧𑐮𑐾𑑄 𑐐𑐧𑐮𑐾𑑄 𑐄𑐖𑐸𑐬𑐷 𑐰𑐵 𑐩𑐸𑐡𑑂𑐡𑐵 𑐦𑐳𑑂𑐬𑑂𑐫𑑁𑐚 𑐫𑐵𑐫𑐾𑐟 𑐃 𑐎𑐵𑐂𑐐𑐸 𑐣𑑄
𑐰𑐫𑑂𑐎𑐮𑑄 𑐢𑐫𑐵𑐡𑐶𑐮 𑑋

𑐣𑐾𑐥𑐵𑑅𑐫𑐵 𑐳𑑄𑐰𑐶𑐢𑐵𑐣𑐫𑐵 𑐢𑐵𑐬𑐵 𑑒𑑑𑑗 𑐫𑑂 𑐣𑑂𑐫𑐵𑐫𑐶𑐎 𑐳𑐩𑐶𑐟𑐶𑐫𑐵 𑐰𑑂𑐫𑐰𑐳𑑂𑐠𑐵 𑐫𑐵𑐣𑐵𑐟𑑅𑐐𑐸 𑐡𑐸 𑑋 𑐳𑐩𑐶𑐟𑐶𑐫𑐵 𑐎𑐵𑐬𑑂𑐫 𑐰𑑂𑐫𑐰𑐳𑑂𑐠𑐵, 𑐎𑐬𑑂𑐟𑐰𑑂𑐫 𑐰 𑐎𑑂𑐲𑐾𑐟𑑂𑐬𑐵𑐢𑐶𑐎𑐵𑐬 𑐳𑑂𑐠𑐵𑐣𑐷𑐫 𑐳𑐬𑐎𑐵𑐬 𑐳𑑄𑐔𑐵𑐮𑐣 𑐋𑐣 𑑒𑑐𑑗𑑔𑐫𑐵 𑐥𑐬𑐶𑐔𑑂𑐕𑐾𑐡 𑑘 𑐫𑑂 𑐰𑑂𑐫𑐰𑐳𑑂𑐠𑐵 𑐫𑐵𑐣𑐵𑐟𑑅𑐐𑐸 𑐡𑐸 𑑋 𑐳𑐩𑐶𑐟𑐶𑑄 𑐳𑑂𑐠𑐵𑐣𑐷𑐫 𑐳𑐬𑐎𑐵𑐬 𑐳𑑄𑐔𑐵𑐮𑐣 𑐋𑐣 𑑒𑑐𑑗𑑔𑐫𑐵 𑐡𑐦𑐵 𑑔𑑗 𑐎𑐠𑑄 𑐣𑑂𑐫𑐵𑐫𑐶𑐎 𑐳𑐩𑐶𑐟𑐶𑐫𑐵 𑐎𑑂𑐲𑐾𑐟𑑂𑐬𑐵𑐢𑐶𑐎𑐵𑐬, 𑐡𑐦𑐵 𑑔𑑘 𑐎𑐠𑑄 𑐀𑐢𑐶𑐎𑐵𑐬 𑐎𑑂𑐲𑐾𑐟𑑂𑐬𑐫𑐵 𑐥𑑂𑐬𑐫𑑀𑐐, 𑐡𑐦𑐵 𑑔𑑙 𑐎𑐠𑑄 𑐣𑑂𑐫𑐵𑐫 𑐳𑐩𑑂𑐥𑐵𑐡𑐣𑐫𑐵 𑐥𑑂𑐬𑐎𑑂𑐬𑐶𑐫𑐵𑐫𑑂 𑐔𑑂𑐰𑐣𑐵𑑅 𑐣𑑂𑐫𑐵𑐫 𑐳𑐩𑑂𑐥𑐵𑐡𑐣 𑐫𑐵𑐂 𑑋

𑐣𑑂𑐫𑐵𑐫𑐶𑐎 𑐳𑐩𑐶𑐟𑐶𑐂 𑑒𑑔𑑒 𑐐𑐹 𑐄𑐖𑐸𑐬𑐷 𑐮𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS