Read news in NepalBhasa text-- www.hamroschool.com BACK 𑐩𑐵𑐣𑐣𑑂𑐢𑐬 𑐫𑐸𑐰𑐵 𑐳𑐩𑐹𑐴𑐫𑐵 𑐬𑐖𑐟 𑐖𑐫𑐣𑑂𑐟𑐷 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐩𑐵𑐣𑐣𑑂𑐢𑐬 𑐫𑐸𑐰𑐵 𑐳𑐩𑐹𑐴𑐫𑐵 𑐬𑐖𑐟 𑐖𑐫𑐣𑑂𑐟𑐷

𑐠𑐶𑐩𑐶 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐠𑐣𑐫𑐵 𑐩𑐵𑐣𑐣𑑂𑐢𑐬 𑐫𑐸𑐰𑐵 𑐳𑐩𑐹𑐴𑐫𑐵 𑐬𑐖𑐟 𑐖𑐫𑐣𑑂𑐟𑐷 𑐖𑑂𑐫𑐵𑐗𑑂𑐰𑑅 𑐟𑑅𑐖𑐶𑐎 𑐴𑑄𑐐𑐸 𑐡𑐸 𑑋 𑐠𑐣𑐫𑐵 𑐔𑑀𑐜𑐾 𑐟𑑂𑐰𑐵𑐮𑐫𑑂 𑐠𑐣𑐶𑑄 𑐣𑐷𑐣𑑂𑐫𑐵𑐡𑑃 𑐣𑑂𑐴𑑂𑐫𑑅 𑐣𑐷𑐳𑑂𑐰𑑄𑐐𑐸 𑐳𑐩𑐹𑐴𑐫𑐵 𑐬𑐖𑐟 𑐖𑐫𑐣𑑂𑐟𑐷 𑐖𑑂𑐫𑐵𑐗𑑂𑐰𑑅 𑐱𑑄𑐏𑐢𑐬 𑐔𑑀𑐎𑐫𑑂 𑐔𑑂𑐰𑑄𑐐𑐸 𑐠𑐶𑐩𑐶 𑐧𑑂𑐫𑐵𑑄𑐎𑑂𑐰𑐾𑐚𑐫𑑂 𑐖𑐹𑐐𑐸 𑐏𑑅 𑑋

‘𑐠𑑅𑐐𑐸 𑐢𑐬𑑂𑐩 𑐳𑑄𑐳𑑂𑐎𑐺𑐟𑐶𑐫𑐵𑐟 𑐣𑑂𑐴𑑂𑐫𑐵𑐧𑐮𑐾𑑄 𑐔𑑂𑐰𑐣𑑂𑐴𑑂𑐫𑐵𑐎𑐾 𑐣𑐸’ 𑐢𑐂𑐐𑐸 𑐩𑐹 𑐣𑐵𑐬𑐵 𑐧𑐶𑐫𑐵𑑅 𑐣𑐷𑐳𑑂𑐰𑑄𑐐𑐸 𑐳𑐩𑐹𑐴𑐫𑐵 𑐬𑐖𑐟 𑐖𑐫𑐣𑑂𑐟𑐷 𑐖𑑂𑐫𑐵𑐗𑑂𑐰𑐮𑐫𑑂 𑐩𑐹𑐥𑐵𑐴𑐵𑑄𑐎𑐠𑑄 𑐩𑐢𑑂𑐫𑐥𑐸𑐬 𑐠𑐶𑐩𑐶 𑐣𑐐𑐬𑐥𑐵𑐮𑐶𑐎𑐵𑐫𑐵 𑐥𑑂𑐬𑐩𑐸𑐏 𑐳𑐸𑐬𑐾𑐣𑑂𑐡𑑂𑐬 𑐱𑑂𑐬𑐾𑐲𑑂𑐛 𑐗𑐵𑐫𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐳𑐩𑐹𑐴𑐥𑐵𑐏𑐾𑑄 𑐮𑑀𑐥𑑀𑐣𑑂𑐩𑐸𑐏 𑐣𑑁𑐧𑐵𑐖𑑄𑐫𑐵 𑐧𑑂𑐰𑐖𑑂𑐫𑐵 𑐫𑐵𑑅𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑑅 𑐄𑐮𑐾𑐖𑑂𑐫𑐵 𑐫𑐵𑐳𑐾𑑄 𑐣𑐐𑐬 𑐥𑑂𑐬𑐩𑐸𑐏 𑐱𑑂𑐬𑐾𑐲𑑂𑐛𑑄 𑐣𑐐𑐬𑐫𑐵 𑐳𑑄𑐳𑑂𑐎𑐺𑐟𑐶 𑐳𑐩𑑂𑐥𑐡𑐵 𑐳𑑄𑐬𑐎𑑂𑐲𑐞 𑐫𑐵𑐫𑐾𑐩𑐵𑑅𑐐𑐸 𑐏𑑃𑐫𑑂 𑐧𑑅 𑐧𑐶𑐫𑐵𑐡𑐶𑐳𑐾𑑄 𑐠𑐸𑐎𑐠𑑄𑐫𑐵 𑐖𑑂𑐫𑐵𑐫𑑂 𑐩𑐵𑐣𑐣𑑂𑐢𑐬 𑐳𑐩𑐸𑐡𑐵𑐫𑑄 𑐀𑐐𑑂𑐬𑐞𑐷 𑐨𑐹𑐩𑐶𑐎𑐵 𑐩𑑂𑐴𑐶𑐟𑐵𑐔𑑂𑐰𑑄𑐐𑐸 𑐡𑐸 𑐢𑐫𑐵𑐡𑐶𑐮 𑑋 𑐮𑐶𑐳𑐾𑑄 𑐰𑐫𑑂𑐎𑐮𑑄 𑐮𑑀𑐥 𑐖𑐸𑐂𑐐𑐸 𑐀𑐰𑐳𑑂𑐠𑐵𑐫𑑂 𑐠𑑂𑐫𑐣𑐾𑐢𑐸𑑄𑐎𑐹𑐐𑐸 𑐳𑐩𑑂𑐥𑐡𑐵 𑐰 𑐳𑑄𑐳𑑂𑐎𑐺𑐟𑐶𑐫𑐵 𑐳𑑄𑐬𑐎𑑂𑐲𑐞 𑐫𑐵𑐫𑐾𑐐𑐸 𑐀𑐨𑐶𑐫𑐵𑐣𑐫𑑂 𑐳𑑂𑐠𑐵𑐣𑐷𑐫 𑐳𑐬𑐎𑐵𑐬𑐥𑐵𑐏𑐾𑑄 𑐣𑑂𑐴𑑂𑐫𑐵𑐧𑐮𑐾𑑄 𑐳𑐵𑐠 𑐧𑐶𑐫𑐵𑐔𑑂𑐰𑐣𑐷𑐐𑐸 𑐣𑐵𑐥𑑄 𑐐𑑂𑐰𑐵𑐴𑐵𑐮𑐶 𑐣𑑄 𑐫𑐵𑐫𑐾𑐐𑐸 𑐥𑑂𑐬𑐟𑐶𑐰𑐡𑑂𑐢𑐟𑐵 𑐥𑑂𑐰𑑄𑐎𑐵𑐡𑐶𑐮 𑑋

𑐰𑐶𑐱𑐾𑐲 𑐥𑐵𑐴𑐵𑑄 𑐄𑐥𑐥𑑂𑐬𑐩𑐸𑐏 𑐰𑐶𑐖𑐫𑐎𑐺𑐲𑑂𑐞 𑐱𑑂𑐬𑐾𑐲𑑂𑐛𑑄 𑐣𑑁𑐧𑐵𑐖𑑄𑐫𑐵 𑐥𑑂𑐬𑐳𑑂𑐟𑐸𑐟𑐶 𑐏𑐣𑐵𑑅 𑐠𑑅 𑐟𑐳𑐎𑑄 𑐮𑐫𑑂𑐟𑐵𑑅𑐐𑐸 𑐣𑐵𑐥𑑄 𑐁𑐣𑐣𑑂𑐡𑐶𑐟 𑐖𑐹𑐐𑐸 𑐀𑐣𑐸𑐨𑐰 𑐫𑐵𑐣𑐵𑐐𑐸 𑐏𑑃 𑐎𑐣𑐵𑐡𑐶𑐳𑐾𑑄 𑐣𑐐𑐬𑐥𑐵𑐮𑐶𑐎𑐵𑑄 𑐱𑐶𑐎𑑂𑐲𑐵, 𑐳𑑂𑐰𑐵𑐳𑑂𑐠𑑂𑐫 𑐰 𑐬𑑀𑐖𑐐𑐵𑐬𑐷𑐫𑐵 𑐳𑐩𑐳𑑂𑐫𑐵 𑐳𑐩𑐵𑐢𑐵𑐣 𑐫𑐵𑐫𑐾𑐐𑐸 𑐎𑑂𑐲𑐾𑐟𑑂𑐬𑐫𑑂 𑐠𑑅𑐐𑐸 𑐢𑑂𑐫𑐵𑐣 𑐎𑐾𑐣𑑂𑐡𑑂𑐬𑐷𑐟 𑐫𑐵𑐣𑐵𑑅 𑐫𑑀𑐖𑐣𑐵 𑐴𑐫𑐵𑐔𑑂𑐰𑑄𑐐𑐸 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐶𑐮 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐩𑐢𑑂𑐫𑐥𑐸𑐬 𑐠𑐶𑐩𑐶 𑐣𑐐𑐬𑐥𑐵𑐮𑐶𑐎𑐵 𑑕 𑐰𑐜𑐵𑐀𑐢𑑂𑐫𑐎𑑂𑐲 𑐧𑐵𑐮𑐎𑐺𑐲𑑂𑐞 𑐱𑑂𑐬𑐾𑐲𑑂𑐛, 𑐨𑐎𑑂𑐟𑐥𑐸𑐬 𑐄𑐡𑑂𑐫𑑀𑐐 𑐰𑐵𑐞𑐶𑐖𑑂𑐫 𑐳𑑄𑐑𑐫𑐵 𑐀𑐢𑑂𑐫𑐎𑑂𑐲 𑐱𑐶𑐰𑐥𑑂𑐬𑐳𑐵𑐡 𑐩𑐵𑐣𑐣𑑂𑐢𑐬, 𑐨𑐎𑑂𑐟𑐥𑐸𑐬 𑐂𑐮𑐾𑐎𑑂𑐚𑑂𑐬𑑀𑐣𑐶𑐎𑑂𑐳 𑐰𑑂𑐫𑐰𑐳𑐵𑐫𑐷 𑐳𑑄𑐑𑐫𑐵 𑐀𑐢𑑂𑐫𑐎𑑂𑐲 𑐐𑑄𑐐𑐵𑐬𑐵𑐩 𑐩𑐵𑐣𑐣𑑂𑐢𑐬, 𑐨𑐎𑑂𑐟𑐥𑐸𑐬 𑐔𑐾𑐩𑑂𑐧𑐬 𑐀𑐦 𑐎𑐩𑐬𑑂𑐳𑐫𑐵 𑐀𑐢𑑂𑐫𑐎𑑂𑐲 𑐣𑑂𑐴𑐸𑐕𑐾𑐬𑐟𑑂𑐣 𑐩𑐵𑐣𑐣𑑂𑐢𑐬, 𑐣𑐾𑐥𑐵𑐮 𑐬𑐵𑐲𑑂𑐚𑑂𑐬𑐶𑐫 𑐖𑑂𑐘𑐵𑐣𑐩𑐵𑐮𑐵 𑐳𑐩𑐶𑐟𑐶 𑐏𑑂𑐰𑐥 𑐎𑑂𑐲𑐾𑐟𑑂𑐬𑐷𑐫 𑐄𑐥𑐳𑐩𑐶𑐟𑐶𑐫𑐵 𑐳𑑄𑐫𑑀𑐖𑐎 𑐥𑐸𑐞𑑂𑐫𑐬𑐟𑑂𑐣 𑐱𑐵𑐎𑑂𑐫𑑄 𑐨𑐶𑑄𑐟𑐸𑐣𑐵 𑐡𑐾𑐕𑐵𑐳𑐾 𑐣𑐸𑐐𑑅𑐏𑑃 𑐟𑐫𑐵𑐡𑐷𑐐𑐸 𑐏𑑅 𑑋

𑐳𑐩𑐹𑐴𑐫𑐵 𑐣𑐵𑐫𑑅 𑐬𑐟𑑂𑐣𑐥𑑂𑐬𑐳𑐵𑐡 𑐩𑐵𑐣𑐣𑑂𑐢𑐬𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐳𑐔𑐶𑐰 𑐥𑐹𑐬𑑂𑐞𑐎𑐸𑐩𑐵𑐬 𑐩𑐵𑐣𑐣𑑂𑐢𑐬𑑄 𑐮𑐳𑐎𑐸𑐳 𑐫𑐵𑐣𑐵𑐡𑐐𑐶𑐸 𑐏𑑅 𑑋 𑐏𑑂𑐰𑐥 𑐖𑐶𑐮𑑂𑐮𑐵 𑐩𑐵𑐣𑐣𑑂𑐢𑐬 𑐫𑐸𑐰𑐵 𑐳𑑄𑐑𑐫𑐵 𑐣𑐵𑐫𑑅 𑐧𑐵𑐧𑐸𑐎𑐵𑐖𑐷 𑐩𑐵𑐣𑐣𑑂𑐢𑐬𑐮𑐶𑐳𑐾𑑄 𑐠𑐷𑐠𑐷 𑐳𑑄𑐑𑐳𑑄𑐳𑑂𑐠𑐵𑐫𑐵 𑐥𑑂𑐬𑐟𑐶𑐣𑐶𑐢𑐶𑐟𑐫𑑂 𑐄𑐥𑐳𑑂𑐠𑐶𑐟𑐶 𑐡𑐸𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐳𑐵𑑄𑐐𑐷𑐟𑐶𑐎 𑐖𑑂𑐫𑐵𑐗𑑂𑐰𑑅 𑐣𑑄 𑐣𑑂𑐴𑑂𑐫𑐧𑑂𑐰𑑅𑐐𑐸 𑐏𑑅 𑑋

𑐗𑐷𑐐𑐸 𑐣𑐾𑐰𑐵𑑅 𑐥𑐸𑐔𑑅𑐫𑐵 𑐰𑐶𑐰𑐾𑐎 𑐩𑐵𑐣𑐣𑑂𑐢𑐬, 𑐞𑑂𑐜𑐶𑐎𑐵 𑐑𑑅𑐖𑐹, 𑐬𑐘𑑂𑐖𑐣𑐵 𑐳𑐶𑐟𑐶𑐏𑐸, 𑐧𑐵𑐧𑐸𑐎𑐵𑐖𑐷 𑐩𑐵𑐣𑐣𑑂𑐢𑐬, 𑐔𑐣𑐾𑐮𑐵𑐮 𑐩𑐵𑐣𑐣𑑂𑐢𑐬 𑐮𑐐𑐵𑐫𑐟𑑄 𑐩𑑂𑐫𑐾𑑃 𑐣𑑂𑐫𑑄𑐎𑐵𑐡𑐷𑐐𑐸 𑐏𑑅𑐳𑐵 𑐴𑐸𑐮𑐵𑐥𑑂𑐫𑐵𑐏𑑄 𑐣𑑄 𑐣𑑂𑐴𑑂𑐫𑐧𑑂𑐰𑑅𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS