Read news in NepalBhasa text-- www.hamroschool.com BACK 𑐥𑐾𑐚𑑂𑐬𑑀𑐮𑐶𑐫𑐩 𑐝𑐸𑐰𑐵𑐣𑐷 𑐡𑐶𑐎𑐷𑐐𑐸 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐥𑐾𑐚𑑂𑐬𑑀𑐮𑐶𑐫𑐩 𑐝𑐸𑐰𑐵𑐣𑐷 𑐡𑐶𑐎𑐷𑐐𑐸

𑐫𑐾𑑃(𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐥𑐾𑐚𑑂𑐬𑑀𑐮𑐶𑐫𑐩 𑐝𑐸𑐰𑐵𑐣𑐷 𑐰𑑂𑐫𑐰𑐳𑐵𑐫𑐷𑐟𑐫𑑂𑐳𑑄 𑐠𑐣𑐶𑑄𑐣𑐶𑐳𑐾𑑄 𑐡𑐾𑐫𑑂𑐣𑑂𑐫𑑄𑐎𑑄 𑐁𑐣𑑂𑐡𑑀𑐮𑐣 𑐫𑐵𑑅𑐐𑐸 𑐡𑐸 𑑋 𑐥𑐾𑐚𑑂𑐬𑑀𑐮𑐶𑐫𑐩 𑐥𑐡𑐵𑐬𑑂𑐠𑐫𑐵 𑐝𑐸𑐰𑐵𑐣𑐷 𑐨𑐵𑐜𑐵 𑐳𑐩𑐵𑐫𑑀𑐖𑐣𑐵 𑐳𑐴𑐶𑐟𑐫𑐵 𑐳𑑂𑐰𑑄𑐐𑐹 𑐧𑐸𑑃𑐡𑐾 𑐩𑐵𑐐 𑐟𑐫𑐵𑑅 𑐄𑐩𑐶𑐳𑑄 𑐁𑐣𑑂𑐡𑑀𑐮𑐣𑐫𑐵 𑐑𑑀𑐲𑐞𑐵 𑐫𑐵𑑅𑐐𑐸 𑐏𑑅 𑑋

𑐣𑐾𑐥𑐵𑐮 𑐥𑐾𑐚𑑂𑐬𑑀𑐮𑐶𑐫𑐩 𑐝𑐸𑐰𑐵𑐣𑐷 𑐰𑑂𑐫𑐰𑐳𑐵𑐫𑐷 𑐩𑐴𑐵𑐳𑑄𑐑𑑄 𑐩𑑂𑐴𑐶𑐐𑑅 𑐕𑐐𑐹 𑐰𑐶𑐖𑑂𑐘𑐥𑑂𑐟𑐶 𑐥𑐶𑐟 𑐧𑐶𑐳𑐾𑑄 𑐠𑐣𑐶𑑄𑐣𑐶𑐳𑐾𑑄 𑐴𑐰𑐵𑐃 𑐂𑐣𑑂𑐢𑐣𑐫𑐵 𑐝𑐸𑐰𑐵𑐣𑐷 𑐡𑐶𑐎𑐾𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋 𑐄𑐎𑐠𑑄 𑐴𑐾 𑑒𑑐 𑐐𑐟𑐾 𑐥𑐾𑐚𑑂𑐬𑑀𑐮𑐶𑐫𑐩 𑐝𑐸𑐰𑐵𑐣𑐷 𑐫𑐵𑐂𑐐𑐸 𑐚𑑂𑐫𑐵𑑄𑐎𑐬𑑄 𑐥𑐷𑐜𑐷𑐌 𑐩𑐎𑐵𑐫𑐾𑐐𑐸 𑐰 𑑒𑑑 𑐐𑐟𑐾 𑐣𑐶𑐳𑐾𑑄 𑐦𑐸𑐎𑑂𑐎𑑄 𑐚𑑂𑐫𑐵𑑄𑐎𑐬𑑄 𑐮𑑀𑐜÷𑐀𑐣𑐮𑑀𑐜 𑐩𑐫𑐵𑐫𑐾𑐐𑐸 𑐏𑑃 𑐄𑐎𑐷 𑐢𑐫𑐵𑐟𑑅𑐐𑐸 𑐡𑐸 𑑋

𑐁𑑅𑐫𑐵 𑐝𑐸𑐰𑐵𑐣𑐷 𑐨𑐵𑐜𑐵𑑄 𑐚𑑂𑐫𑐵𑑄𑐎𑐬 𑐳𑐘𑑂𑐔𑐵𑐮𑐣 𑐫𑐵𑐫𑐾 𑐩𑐦𑐂𑐐𑐸 𑐏𑑃 𑐩𑐴𑐵𑐳𑑄𑐑𑑄 𑐢𑐵𑑅𑐐𑐸 𑐡𑐸 𑑋 𑐫𑐡𑐶 𑐁𑐫𑐮 𑐣𑐶𑐐𑐩𑑄 𑐳𑐘𑑂𑐔𑐵𑐮𑐣 𑐫𑐵𑐫𑐾𑐐𑐸 𑐏𑑅𑐳𑐵 𑐠𑑅𑐥𑐶𑐣𑐶𑐐𑐸 𑐚𑑂𑐫𑐵𑑄𑐎𑐬 𑐟𑐎𑑄 𑐳𑐬𑐎𑐵𑐬𑐫𑐵𑐟 𑐄𑐥𑐮𑐧𑑂𑐢 𑐫𑐵𑐎𑐾𑐐𑐸 𑐏𑑃 𑐣𑑄 𑐰𑐶𑐖𑑂𑐘𑐥𑑂𑐟𑐶𑐂 𑐣𑑂𑐴𑑂𑐫𑐠𑐣𑐵𑐟𑑅𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS