Read news in NepalBhasa text-- www.hamroschool.com BACK 𑐣𑑂𑐴𑐵𑐫𑑂𑐥𑑄 𑐟𑐵𑑅𑐴𑐵𑐎𑑅𑐩𑑂𑐴 𑐡𑐸𑐐𑐸𑐫𑐵 𑐔𑐬𑑂𑐔𑐵 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐣𑑂𑐴𑐵𑐫𑑂𑐥𑑄 𑐟𑐵𑑅𑐴𑐵𑐎𑑅𑐩𑑂𑐴 𑐡𑐸𑐐𑐸𑐫𑐵 𑐔𑐬𑑂𑐔𑐵

𑐊𑐖𑐾𑐣𑑂𑐳𑐷- 𑐥𑐵𑐎𑐶𑐳𑑂𑐟𑐵𑐣𑐫𑑂 𑐮𑐴𑐶𑐣𑐵𑐟𑑅𑐩𑑂𑐴 𑐕𑐩𑑂𑐴 𑐩𑐔𑐵𑐩𑑂𑐴 𑐡𑐸𑐐𑐸𑐔𑐵 𑐣𑑂𑐴𑐵𑐫𑑂𑐥𑑄𑐫𑐵 𑐎𑐵𑐬𑐞𑑄 𑐰𑐶𑐱𑑂𑐰𑐫𑑂 𑐔𑐬𑑂𑐔𑐶𑐟 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐎𑐬𑐵𑑃𑐔𑐷𑐂 𑐮𑐴𑐶𑐣𑐵𑐟𑑅𑐐𑐸 𑐳𑐶𑐩𑑂𑐧𑐵 𑐣𑐵𑑄𑐫𑐵 𑐠𑑂𑐰 𑐡𑐸𑐐𑐸𑐔𑐶𑐫𑐵 𑐕𑐥𑐵 𑐣𑑂𑐴𑐵𑐫𑑂𑐥𑑄 𑐴𑐾 𑑒𑑑 𑐂𑐘𑑂𑐔 𑐟𑐵𑑅𑐴𑐵𑐎𑑅 𑑋 𑐳𑐶𑐩𑑂𑐧𑐵𑐫𑐵𑐟 𑐮𑐴𑐶𑐣𑐵𑐟𑑅𑐩𑑂𑐴 𑐩𑑀𑐴𑐩𑑂𑐩𑐡 𑐴𑐳𑐣 𑐣𑐵𑐬𑐾𑐖𑑀𑑄 𑐐𑐶𑐣𑐶𑐖 𑐧𑐸𑐎 𑐀𑐦 𑐰𑐮𑑂𑐬𑑂𑐜 𑐬𑐾𑐎𑐬𑑂𑐜𑐫𑑂 𑐳𑐶𑐩𑑂𑐧𑐵𑐫𑐵 𑐣𑐵𑑄 𑐁𑑅𑐟𑐎𑐫𑐵 𑐴𑐾 𑐡𑐎𑐮𑐫𑑂 𑐧𑐵𑑄𑐮𑐵𑑅𑐩𑑂𑐴 𑐡𑐸𑐐𑐸𑐔𑐵 𑐎𑐠𑑄 𑐡𑐸𑐠𑑂𑐫𑐵𑐎𑐾𑐐𑐸 𑐎𑐸𑐟𑑅 𑐫𑐵𑐣𑐵𑐔𑑂𑐰𑐣𑐵𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋

𑐟𑐵𑑅𑐴𑐵𑐎𑑅 𑐣𑑂𑐴𑐵𑐫𑑂𑐥𑑄 𑐡𑐫𑐵𑑅 𑐳𑐶𑐩𑑂𑐧𑐵𑐫𑐵 𑐔𑐬𑑂𑐔𑐵 𑐮𑐵 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸, 𑐟𑐬 𑐠𑑂𑐰 𑐟𑐵𑑅𑐴𑐵𑐎𑑅𑐐𑐸 𑐣𑑂𑐴𑐵𑐫𑑂𑐥𑑄 𑐴𑐾 𑐰𑐫𑐵𑐐𑐸 𑐣𑐶𑑄𑐟𑐶𑑄 𑐳𑐩𑐳𑑂𑐫𑐵 𑐣𑑄 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐣𑑂𑐴𑐵𑐥𑐵𑑄𑐐𑐸 𑐳𑐩𑐳𑑂𑐫𑐵 𑐮𑐵 𑐠𑑂𑐰 𑐟𑐵𑑅𑐴𑐵𑐎𑑅𑐐𑐸 𑐣𑑂𑐴𑐵𑐫𑑂𑐥𑐣𑐫𑑂 𑐴𑐾 𑐟𑐎𑑂𑐫𑐣𑐵𑑅 𑐰 𑐡𑐂𑐐𑐸 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐄𑐎𑐶𑑄 𑐣𑐵𑐬𑐾𑐖𑑀𑑄 𑐰𑐫𑐵𑐐𑐸 𑐣𑑂𑐴𑐵𑐫𑑂𑐥𑑄 𑐮𑐶𑐄𑐣𑐾 𑐩𑑂𑐴𑐫𑑂 𑐫𑑄𑐎𑐵𑑅 𑐔𑐶𑐣𑐵𑐟𑐫𑐾𑐟 𑐕𑐥𑐸 𑐥𑐾𑐚𑐷 𑐴𑐾 𑐡𑐫𑐾𑐎𑐵𑐟𑑅𑐐𑐸 𑐡𑐸 𑑋

𑐳𑐶𑐩𑑂𑐧𑐵 𑐮𑐴𑐶𑐣𑐵𑐟𑑅𑐩𑑂𑐴 𑐣𑐵𑐬𑐾𑐖𑑀𑐫𑐵 𑐩𑐾𑐐𑐸 𑐟𑐣𑐵𑐰 𑐢𑐫𑐵𑐐𑐸 𑐠𑑅 𑐥𑑂𑐬𑐟𑐶𑐡𑑂𑐰𑐣𑑂𑐡𑑂𑐰𑐷 𑐥𑐱𑐸𑐥𑐵𑐮𑐎𑐟 𑐥𑐵𑐏𑐾𑑄 𑐡𑐸 𑑋 𑐳𑐶𑐩𑑂𑐧𑐵𑐫𑐵 𑐣𑑂𑐴𑐵𑐫𑑂𑐥𑑄 𑐏𑐣𑐵𑑅 𑐮𑑂𑐰𑑅 𑐰𑑄𑐥𑐶𑑄 𑐄𑐩𑐶𑐳𑑄 𑐰𑐫𑐵𑐐𑐸 𑐳𑐸𑐣𑑂𑐡𑐬𑐟𑐵𑐫𑑂 𑐩𑐶𑐏𑐵 𑐟𑐂 𑐢𑐎𑐵𑑅 𑐣𑐵𑐬𑐾𑐖𑑀 𑐟𑐳𑐎𑑄 𑐐𑑂𑐫𑐵𑑅 𑑋

‘𑐠𑐖𑑂𑐫𑐵𑑅𑐐𑐸 𑐏𑐬𑐵𑐧 𑐡𑐺𑐲𑑂𑐚𑐶𑑄 𑐧𑐔𑐾 𑐖𑐸𑐂 𑐫𑐵𑐫𑐾𑐐𑐸 𑐣𑐶𑑄𑐟𑐶𑑄 𑐖𑐶𑐩𑐶𑐳𑑄 𑐣𑑂𑐴𑐶𑑄 𑐣𑑂𑐴𑐶𑑄 𑐎𑐸𑐬𑐵𑐣 𑐥𑐵𑐛 𑐫𑐵𑐣𑐵𑐔𑑂𑐰𑐣𑐵𑐐𑐸 𑐡𑐸’ 𑐣𑐵𑐬𑐾𑐖𑑀𑑄 𑐊𑐊𑐦𑐥𑐷𑐫𑐵𑐟 𑐢𑐵𑑅𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS