Read news in NepalBhasa text-- www.hamroschool.com BACK 𑐩𑑀𑐟𑐶𑐮𑐵𑐣𑐶 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑐟 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐩𑑀𑐟𑐶𑐮𑐵𑐣𑐶 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑐟

𑐫𑐾𑑃(𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐊𑐳𑐂𑐂𑐣𑐶𑐳𑐾𑑄 𑐊𑐩𑐊 𑐟𑐐𑐶𑐩𑐫𑑂 𑐟𑐎 𑐣𑐾𑐥𑐵𑐮𑐨𑐵𑐲𑐵 𑐰𑐶𑐲𑐫𑐫𑑂 𑐡𑐎𑐮𑐫𑑂 𑐀𑐥𑑂𑐰𑑅 𑐮𑑂𑐫𑐵𑑅 𑐴𑐫𑐵𑑅 𑐕𑐎𑑂𑐰𑐮𑑄 𑐄𑐟𑑂𑐟𑐷𑐬𑑂𑐞 𑐖𑐹𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐟 𑐮𑑅𑐮𑑂𑐴𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐩𑑀𑐟𑐶𑐮𑐵𑐣𑐶 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑑅𑐐𑐸 𑐡𑐸 𑑋 𑐩𑑀𑐟𑐶𑐮𑐵𑐣𑐶 𑐳𑐶𑐬𑐥𑐵𑑅 𑐳𑐩𑐶𑐟𑐶𑐫𑐵 𑐐𑑂𑐰𑐳𑐵𑐮𑐫𑑂 𑐰𑑄𑐐𑐸 𑐱𑐣𑐶𑐰𑐵𑑅 𑐠𑐣𑐫𑐵 𑐔𑐾𑐩𑑂𑐧𑐬 𑐨𑐰𑐣𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐄𑐐𑐸 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋

𑐳𑐩𑐶𑐟𑐶𑐫𑐵 𑐣𑐵𑐫𑑅 𑐥𑑂𑐬𑐵. 𑐥𑐾𑑂𑐬𑐩𑐱𑐵𑐣𑑂𑐟𑐶 𑐟𑐸𑐮𑐵𑐢𑐬𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐩𑐹𑐥𑐵𑐴𑐵𑑄𑐎𑐠𑑄 𑐗𑐵𑐫𑐵𑐡𑐷𑐩𑑂𑐴 𑐣𑐾𑐥𑐵𑐮𑐨𑐵𑐲𑐵 𑐎𑐾𑐣𑑂𑐡𑑂𑐬𑐷𑐫 𑐰𑐶𑐨𑐵𑐐𑐫𑐵 𑐥𑑂𑐬𑐩𑐸𑐏 𑐜𑐵. 𑐬𑐵𑐖𑐣𑐮𑐵𑐮 𑐖𑑀𑐱𑐷𑑄 𑐄𑐐𑐸 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑐣𑐵𑐡𑐷𑐐𑐸 𑐏𑑅 𑑋

𑐎𑑀𑐬𑑀𑐣𑐵 𑐨𑐵𑐂𑐬𑐳 (𑐎𑑀𑐨𑐶𑐜–𑑑𑑙)𑐫𑐵 𑐳𑑄𑐎𑑂𑐬𑐩𑐞𑐫𑐵 𑐎𑐵𑐬𑐞𑑄 𑐰𑑄𑐐𑐸 𑐣𑐶𑐡𑑃 𑐣𑑂𑐴𑑂𑐫𑑅𑐣𑐶𑐳𑐾𑑄 𑐡𑐶𑐣𑐵𑐔𑑂𑐰𑑄𑐐𑐸 𑐳𑐶𑐬𑐥𑐵𑑅 𑐠𑐸𑐐𑐸𑐳𑐷 𑐕𑐎𑑂𑐰𑐮𑑄 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋 𑐣𑐾𑐥𑐵𑐮 𑐳𑑄𑐰𑐟𑑂 𑑑𑑑𑑓𑑙 𑐫𑑂 𑐊𑐳𑐂𑐂𑐂 𑐡𑐎𑐮𑐫𑑂 𑐀𑐥𑑂𑐰𑑅 𑐮𑑂𑐫𑐵𑑅 𑐴𑐫𑐵𑐡𑐷𑐩𑑂𑐴 𑐖𑐐𑐟𑐳𑐸𑐣𑑂𑐡𑐬 𑐧𑑂𑐰𑐣𑐾𑐎𑐸𑐠𑐶𑐫𑐵 𑐳𑐸𑐩𑐶𑐟𑐵 𑐬𑐵𑐖𑐨𑐞𑑂𑐜𑐵𑐬𑐷, 𑐧𑐷𑐊 𑐟𑐐𑐶𑐩𑐫𑑂 𑐀𑐥𑑂𑐰𑑅 𑐮𑑂𑐫𑐵𑑅 𑐴𑐫𑐵𑐡𑐷𑐩𑑂𑐴 𑐥𑐵𑐚𑐣 𑐳𑑄𑐫𑐸𑐎𑑂𑐟 𑐎𑑂𑐫𑐵𑐩𑑂𑐥𑐳𑐫𑐵 𑐣𑐶𑐳𑐵 𑐥𑑂𑐬𑐢𑐵𑐣 𑐰 𑐊𑐩 𑐟𑐐𑐶𑐩𑐫𑑂 𑐀𑐥𑑂𑐰𑑅 𑐮𑑂𑐫𑐵𑑅 𑐴𑐫𑐵𑑅 𑐄𑐟𑑂𑐟𑐷𑐬𑑂𑐞 𑐖𑐸𑐫𑐵𑐡𑐷𑐩𑑂𑐴 𑐣𑐾𑐥𑐵𑐮𑐨𑐵𑐲𑐵 𑐎𑐾𑐣𑑂𑐡𑑂𑐬𑐷𑐫 𑐰𑐶𑐨𑐵𑐐𑐫𑐵 𑐎𑐰𑐶𑐣 𑐱𑑂𑐬𑐾𑐲𑑂𑐛𑐫𑐵𑐟 𑐄𑐐𑐸 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋

𑐀𑐠𑐾 𑐴𑐾 𑐣𑐾.𑐳𑑄. 𑑑𑑑𑑔𑑐 𑐡𑑃𑐫𑐵 𑐣𑐶𑑄𑐟𑐶𑑄 𑐊𑐳𑐂𑐂𑐂 𑐳𑐡𑐷𑐎𑑂𑐲𑐵 𑐩𑐴𑐬𑑂𑐖𑐣 (𑐖𑐐𑐟𑐳𑐸𑐣𑑂𑐡𑐬 𑐧𑑂𑐰𑐣𑐾𑐎𑐸𑐠𑐶), 𑐧𑐷𑐊𑐫𑑂 𑐥𑑂𑐬𑐩𑐶𑐮𑐵 𑐔𑐶𑐟𑑂𑐬𑐎𑐵𑐬 (𑐥𑐵𑐚𑐣 𑐳𑑄𑐫𑐸𑐎𑑂𑐟 𑐎𑑂𑐫𑐵𑐩𑑂𑐥𑐳) 𑐰 𑐊𑐩𑐊𑐫𑑂 𑐥𑑂𑐬𑐖𑐶𑐟 𑐱𑐵𑐎𑑂𑐫 (𑐣𑐾𑐥𑐵𑐮𑐨𑐵𑐲𑐵 𑐎𑐾𑐣𑑂𑐡𑑂𑐬𑐷𑐫 𑐰𑐶𑐨𑐵𑐐)𑐫𑐵𑐟 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐊𑐳𑐂𑐂𑐂 𑐴𑐥𑑂𑐰𑑅 𑐮𑑂𑐫𑐵𑑅 𑐴𑐫𑐵𑐡𑐷𑐥𑐶𑑄𑐟 𑐏𑐸𑐡𑑂𑐰𑑅, 𑐧𑐷𑐊𑐫𑑂 𑐀𑐥𑑂𑐰𑑅 𑐮𑑂𑐫𑐵𑑅 𑐴𑐫𑐵𑐡𑐷𑐥𑐶𑑄𑐟 𑐔𑑂𑐫𑐵𑐡𑑂𑐰𑑅 𑐰 𑐊𑐩𑐊 𑐟𑐐𑐶𑐩𑐫𑑂 𑐀𑐥𑑂𑐰𑑅 𑐮𑑂𑐫𑐵𑑅 𑐴𑐫𑐵𑐡𑐷𑐥𑐶𑑄𑐟 𑐗𑐶𑐡𑑂𑐰𑑅 𑐟𑐎𑐵 𑐡𑐵𑑄𑐮𑐶𑐳𑐾𑑄 𑐴𑐣𑐵𑐥𑑁 𑐡𑐾𑐕𑐵𑑅𑐐𑐸 𑐏𑑅 𑑋

𑐠𑐸𑐐𑐸 𑐳𑐶𑐬𑐥𑐵𑑅 𑐩𑐵𑑄𑐨𑐵𑐫𑑂𑐫𑐵 𑐱𑐶𑐎𑑂𑐲𑐵𑐥𑐾𑑂𑐬𑐩𑐷 𑐩𑑀𑐟𑐶𑐮𑐵𑐣𑐶 𑐟𑐵𑐩𑑂𑐬𑐵𑐎𑐵𑐬𑑄 𑐣𑐷𑐳𑑂𑐰𑐣𑐵𑐡𑐷𑐐𑐸 𑐏𑑅𑐳𑐵 𑐠𑐸𑐳𑐸𑐳𑐷 𑐗𑐶𑑄𑐐𑐸𑐎𑑂𑐰𑑅𑐏𑐸𑐳𑐷 𑐠𑑂𑐰 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐡𑐵𑐟𑐵 𑐩𑑀𑐟𑐶𑐮𑐵𑐣𑐶𑐫𑐵 𑐎𑐵𑐫 𑐳𑐸𑐰𑐬𑑂𑐞𑐬𑐟𑑂𑐣 𑐟𑐵𑐩𑑂𑐬𑐵𑐎𑐵𑐬𑑄 𑐳𑐶𑐬𑐥𑐵𑑅𑐫𑐵 𑐣𑐶𑑄𑐟𑐶𑑄 𑐳𑑂𑐰𑐣𑐵𑐟𑑅𑐐𑐸 𑐎𑑀𑐲𑐫𑑂 𑐣𑐶𑐐𑐹 𑐮𑐏 𑐟𑐎𑐵 𑐰 𑐩𑑂𑐴𑑂𑐫𑐵𑐫𑑂𑐥𑐶𑑄 𑐣𑐵𑐬𑐵𑐫𑐞𑐡𑐾𑐰𑐷 𑐟𑐸𑐮𑐵𑐢𑐬 𑐰 𑐖𑑂𑐘𑐵𑐣𑐷 𑐳𑐬𑑀𑐖 𑐟𑐸𑐮𑐵𑐢𑐬𑑄 𑐩𑑂𑐴𑐟𑐶𑑄 𑐣𑑂𑐫𑐫𑑂𑐡𑑂𑐰𑑅 𑐣𑑂𑐫𑐫𑑂𑐡𑑂𑐰𑑅 𑐟𑐎 𑐡𑐵𑑄 𑐐𑑂𑐰𑐵𑐴𑐵𑐮𑐶 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS