Read news in NepalBhasa text-- www.hamroschool.com BACK 𑐥𑑂𑐬𑐡𑐾𑐱 𑐳𑐵𑑄𑐳𑐡 𑐜𑐵. 𑐱𑐵𑐎𑑂𑐫𑐥𑐵𑐏𑐾𑑄 𑐳𑐵𑑄𑐳𑑂𑐎𑐺𑐟𑐶𑐎 𑐧𑐵𑐖𑑄 𑐐𑑂𑐰𑐵𑐴𑐵𑐮𑐶 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐥𑑂𑐬𑐡𑐾𑐱 𑐳𑐵𑑄𑐳𑐡 𑐜𑐵. 𑐱𑐵𑐎𑑂𑐫𑐥𑐵𑐏𑐾𑑄 𑐳𑐵𑑄𑐳𑑂𑐎𑐺𑐟𑐶𑐎 𑐧𑐵𑐖𑑄 𑐐𑑂𑐰𑐵𑐴𑐵𑐮𑐶

𑐫𑐾𑑃- 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐥𑑂𑐫𑑄𑐐𑐹 𑐰𑐜𑐵𑐫𑐵 𑑔𑑔 𑐟𑑂𑐰𑐵𑑅, 𑐐𑐸𑐠𑐶 𑐰 𑐧𑐵𑐖𑑄 𑐏𑐮𑑅𑐫𑐵𑐟 𑐥𑐬𑐩𑑂𑐥𑐬𑐵𑐐𑐟 𑐧𑐵𑐖𑑄𑐖𑑂𑐰𑐮𑑄 𑐮𑑅𑐮𑑂𑐴𑐵𑑅𑐐𑐸 𑐡𑐸 𑑋 𑐥𑐬𑐩𑑂𑐥𑐬𑐵𑐐𑐟 𑐳𑑄𑐳𑑂𑐎𑐺𑐟𑐶𑐫𑐵 𑐳𑑄𑐬𑐎𑑂𑐲𑐞 𑐰 𑐄𑐎𑐶𑐫𑐵𑐟 𑐮𑑂𑐫𑑄𑐎𑐾𑐐𑐸 𑐮𑑂𑐫𑐵𑐏𑑄 𑐧𑐵𑐖𑑄 𑐏𑐮𑑅𑐫𑐵𑐟 𑐧𑐵𑐖𑑄 𑐖𑑂𑐰𑐮𑑄 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋

𑐧𑐵𑐐𑐩𑐟𑐶 𑐥𑑂𑐬𑐡𑐾𑐱 𑐳𑐵𑑄𑐳𑐡𑐮𑐶𑐳𑐾𑑄 𑐥𑐸𑐮𑐵𑑄𑐩𑑂𑐴 𑐩𑐣𑑂𑐟𑑂𑐬𑐷 𑐜𑐵. 𑐀𑐖𑐫𑐎𑑂𑐬𑐵𑐣𑑂𑐟𑐶 𑐱𑐵𑐎𑑂𑐫𑑄 𑐠𑑅𑐐𑐸 𑐣𑐶𑐬𑑂𑐰𑐵𑐔𑐣 𑐎𑑂𑐲𑐾𑐟𑑂𑐬 𑐫𑐾𑑃 𑐎𑑂𑐲𑐾𑐟𑑂𑐬 𑑙 (𑐎)𑐫𑐵 𑐥𑑂𑐫𑑄𑐐𑐹 𑐰𑐜𑐵 𑑑𑑒, 𑑑𑑔, 𑑒𑑑 𑐰 𑑒𑑒 𑐫𑐵 𑐥𑐬𑐩𑑂𑐥𑐬𑐵𑐐𑐟 𑐰 𑐳𑐵𑑄𑐳𑑂𑐎𑐺𑐟𑐶𑐎 𑐟𑑂𑐰𑐵𑑅, 𑐐𑐸𑐠𑐶𑐮𑐶𑐳𑐾𑑄 𑐧𑐵𑐖𑑄 𑐏𑐮𑑅𑐫𑐵𑐟 𑐧𑐵𑐖𑑄 𑐖𑑂𑐰𑐮𑑄 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋

𑐧𑐵𑐐𑐩𑐟𑐶 𑐥𑑂𑐬𑐡𑐾𑐱 𑐳𑐬𑐎𑐵𑐬𑐫𑐵 𑐟𑐟𑑂𑐎𑐵𑐮𑐷𑐣 𑐄𑐡𑑂𑐫𑑀𑐐, 𑐥𑐬𑑂𑐫𑐚𑐣, 𑐰𑐣 𑐟𑐠𑐵 𑐰𑐵𑐟𑐵𑐰𑐬𑐞 𑐩𑐣𑑂𑐟𑑂𑐬𑐵𑐮𑐫𑐫𑐵 𑐣𑐶𑑄𑐟𑐶𑑄 𑐁𑐬𑑂𑐠𑐶𑐎 𑐡𑑃 𑑐𑑗𑑘÷𑑗𑑙 𑐮𑐫𑑂 𑐰𑐶𑐣𑐶𑐫𑑀𑐖𑐣 𑐫𑐵𑑅𑐐𑐸 𑐣𑑂𑐫𑐫𑑂𑐐𑐹 𑐮𑐏𑐥𑐵𑐏𑐾𑑄 𑐥𑑂𑐫𑑄𑐐𑐹 𑐰𑐜𑐵𑐫𑐵 𑑔𑑔 𑐐𑐹 𑐟𑑂𑐰𑐵𑑅, 𑐐𑐸𑐠𑐶, 𑐏𑐮𑑅𑐮𑐶𑐳𑐾𑑄 𑐥𑐬𑐩𑑂𑐥𑐬𑐵𑐐𑐟 𑐰 𑐳𑐵𑑄𑐳𑑂𑐎𑐺𑐟𑐶𑐎 𑐧𑐵𑐖𑑄 𑐏𑐮𑑅𑐫𑐵𑐟 𑐧𑐵𑐖𑑄𑐖𑑂𑐰𑐮𑑄 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋
𑐩𑐾𑐑𑐵 𑐣𑐾𑐥𑐵𑐮𑐫𑐵 𑐰𑑂𑐫𑐰𑐳𑑂𑐠𑐵𑐥𑐣𑐫𑑂 𑐠𑐣𑐫𑐵 𑐏𑐸𑐳𑐶𑐧𑐸𑑃𑐳𑑂𑐠𑐶𑐟 𑐣𑐾𑐥𑐵𑑅 𑐧𑑂𑐫𑐵𑑄𑐎𑑂𑐰𑐾𑐚𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐣𑐶𑐬𑑂𑐰𑐵𑐔𑐣 𑐎𑑂𑐲𑐾𑐟𑑂𑐬𑐫𑐵 𑐢𑐶𑐩𑐾 𑐧𑐵𑐖𑑄 𑐏𑐮𑑅, 𑐐𑐸𑑄𑐮𑐵 𑐧𑐵𑐖𑑄 𑐏𑐮𑑅, 𑐣𑐵𑐫𑑂𑐏𑐶 𑐧𑐵𑐖𑑄 𑐏𑐮𑑅, 𑐨𑐖𑐣𑐩𑐞𑑂𑐜𑐮 𑐳𑐴𑐶𑐟𑐫𑐵𑐟 𑐧𑐵𑐖𑑄 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋

𑐧𑐵𑐖𑑄 𑐮𑑅𑐮𑑂𑐴𑐵𑐳𑐾𑑄 𑐖𑑂𑐫𑐵𑐗𑑂𑐰𑑅𑐫𑐵 𑐩𑐹𑐥𑐵𑐴𑐵𑑄 𑐣𑐵𑐥𑑄 𑐥𑑂𑐬𑐡𑐾𑐱 𑐳𑐨𑐵 𑐳𑐡𑐳𑑂𑐫𑐮𑐶𑐳𑐾𑑄 𑐥𑐸𑐮𑐵𑑄𑐩𑑂𑐴 𑐩𑐣𑑂𑐟𑑂𑐬𑐷 𑐜𑐵. 𑐱𑐵𑐎𑑂𑐫𑑄 𑐣𑐾𑐰𑐵𑑅 𑐳𑐩𑐸𑐡𑐵𑐫 𑐡𑐸𑐣𑐾 𑐢𑐵𑐬𑑂𑐩𑐶𑐎, 𑐳𑐵𑑄𑐳𑑂𑐎𑐺𑐟𑐶𑐎 𑐰 𑐥𑐬𑐩𑑂𑐥𑐬𑐵𑐐𑐟 𑐬𑐸𑐥𑐫𑑂 𑐧𑐵𑐖𑑄𑐫𑐵 𑐩𑐴𑐟𑑂𑐰𑐫𑐵𑐟 𑐎𑐫𑐵𑑅 𑐎𑐸𑐮𑐵𑐡𑐷𑐐𑐸 𑐏𑑅 𑑋 𑐰𑐫𑑂𑐎𑐮𑑄 𑐠𑐸𑐎𑐠𑑄𑐫𑐵 𑐥𑐬𑐩𑑂𑐥𑐬𑐵𑐐𑐟 𑐧𑐵𑐖𑑄 𑐏𑐮𑐎𑑄 𑐫𑐾𑑃𑐫𑐵 𑐳𑑄𑐳𑑂𑐎𑐺𑐟𑐶 𑐳𑑄𑐬𑐎𑑂𑐲𑐞 𑐫𑐵𑐫𑐾𑐐𑐸 𑐣𑐵𑐥𑑄 𑐠𑐣𑐫𑐵 𑐩𑑁𑐮𑐶𑐎 𑐳𑑄𑐳𑑂𑐎𑐺𑐟𑐶 𑐰 𑐀𑐩𑐹𑐬𑑂𑐟 𑐳𑐩𑑂𑐥𑐡𑐵𑐫𑐵 𑐳𑑄𑐬𑐎𑑂𑐲𑐞 𑐫𑐵𑐫𑐾𑐐𑐸 𑐖𑑂𑐫𑐵𑐫𑑂 𑐫𑑀𑐐𑐡𑐵𑐣 𑐧𑐶𑐫𑐵 𑐰𑐫𑐵𑐔𑑂𑐰𑑄𑐐𑐸 𑐡𑐸 𑐢𑐫𑐵𑐡𑐶𑐮 𑑋

𑐄𑐐𑐸 𑐂𑐮𑐫𑑂 𑐧𑐵𑐖𑑄 𑐏𑐮𑑅𑐫𑐵𑐟 𑐢𑐵𑑅, 𑐢𑐶𑐩𑐫𑑂, 𑐨𑐸𑐳𑑂𑐫𑐵𑑅, 𑐣𑐵𑐫𑑂𑐏𑐶𑑄, 𑐕𑐸𑐳𑑂𑐫𑐵𑑅, 𑐟𑐵𑑅, 𑐧𑐵𑐳𑐸𑐬𑐶, 𑐧𑐫𑑂, 𑐴𑐵𑐬𑑂𑐩𑑀𑐣𑐶𑐫𑐩, 𑐥𑐕𑐶𑐩𑐵 𑐮𑐐𑐵𑐫𑐟𑐫𑐵 𑐧𑐵𑐖𑑄 𑐖𑑂𑐰𑐮𑑄 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS