Read news in NepalBhasa text-- www.hamroschool.com BACK 𑐟𑑀𑐏𑐵𑐫𑐵 𑐔𑐵𑐎𑐸𑐫𑐵𑐟 𑐧𑑂𑐬𑐵𑐞𑑂𑐜𑐶𑐒 𑐫𑐵𑐂𑐐𑐸 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐟𑑀𑐏𑐵𑐫𑐵 𑐔𑐵𑐎𑐸𑐫𑐵𑐟 𑐧𑑂𑐬𑐵𑐞𑑂𑐜𑐶𑐒 𑐫𑐵𑐂𑐐𑐸

𑐫𑐾𑑃- 𑐟𑑀𑐏𑐵 𑐣𑐐𑐬𑐥𑐵𑐮𑐶𑐎𑐵𑑄 𑐰𑐂𑐐𑐸 𑐁𑐬𑑂𑐠𑐶𑐎 𑐡𑑃 𑑐𑑗𑑙÷𑑘𑑐𑐫𑐵 𑐣𑐶𑑄𑐟𑐶𑑄 𑐧𑐖𑐾𑐚 𑐳𑐵𑐬𑑂𑐰𑐖𑐣𑐶𑐎 𑐫𑐵𑑅𑐐𑐸 𑐡𑐸 𑑋 𑐣𑐐𑐬𑐥𑐵𑐮𑐶𑐎𑐵𑑄 𑐰𑐂𑐐𑐸 𑐁𑐬𑑂𑐠𑐶𑐎 𑐡𑑃𑐫𑐵 𑐣𑐶𑑄𑐟𑐶𑑄 𑐣𑐶𑐐𑐹 𑐀𑐬𑑂𑐧 𑐗𑐶𑑄𑐕𑐐𑐹 𑐎𑐬𑑀𑐜 𑐣𑑂𑐫𑐫𑑂𑐏𑐸𑐐𑐹 𑐮𑐏 𑐣𑑂𑐴𑐫𑑂𑐡𑑂𑐰𑑅 𑐟𑐎𑐵 𑐧𑐬𑐵𑐧𑐬𑐫𑐵 𑐰𑐵𑐬𑑂𑐲𑐶𑐎 𑐁𑐫𑐰𑑂𑐫𑐫 𑐰𑐶𑐰𑐬𑐞 𑐥𑑂𑐬𑐳𑑂𑐟𑐸𑐟 𑐫𑐵𑑅𑐐𑐸 𑐏𑑅 𑑋

𑐋𑐟𑐶𑐴𑐵𑐳𑐶𑐎, 𑐳𑐵𑑄𑐳𑑂𑐎𑐺𑐟𑐶𑐎 𑐰 𑐥𑐬𑑂𑐫𑐚𑐎𑐷𑐫 𑐣𑐐𑐬𑐷 𑐟𑑀𑐏𑐵𑐫𑐵 𑐣𑐐𑐬 𑐥𑑂𑐬𑐩𑐸𑐏 𑐥𑑂𑐬𑐎𑐵𑐱 𑐀𑐢𑐶𑐎𑐵𑐬𑐷𑑄𑐰𑐂𑐐𑐸 𑐁𑐬𑑂𑐠𑐶𑐎 𑐡𑑃𑐫𑐵 𑐣𑐷𑐟𑐶 𑐟𑐠𑐵 𑐎𑐵𑐬𑑂𑐫𑐎𑑂𑐬𑐩 𑐎𑐵𑐬𑑂𑐫𑐵𑐣𑑂𑐰𑐫𑐣 𑐫𑐵𑐫𑐾𑐐𑐸 𑐮𑑂𑐫𑐵𑐏𑑄 𑑑𑑑 𑐎𑑂𑐰𑑅𑐐𑐸 𑐣𑐐𑐬𑐳𑐨𑐵𑐫𑑂 𑐄𑐐𑐸 𑐧𑐖𑐾𑐚 𑐥𑑂𑐬𑐳𑑂𑐟𑐸𑐟 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐣𑐐𑐬𑐥𑐵𑐮𑐶𑐎𑐵𑑄 𑐔𑐵𑐎𑐸 𑐄𑐟𑑂𑐥𑐵𑐡𑐣𑐫𑐵 𑐣𑐶𑑄𑐟𑐶𑑄 𑐀𑐟𑐶𑐎𑑄 𑐣𑐵𑑄𑐖𑐵𑑅𑐐𑐸 𑐟𑑀𑐏𑐵𑐫𑐵 𑐔𑐵𑐎𑐸𑐫𑐵𑐟 𑐧𑑂𑐬𑐵𑐞𑑂𑐜𑐶𑐒 𑐫𑐵𑐂𑐐𑐸 𑐖𑐹𑐐𑐸 𑐡𑐸 𑑋 𑐟𑑀𑐏𑐵 𑐣𑐐𑐬𑐥𑐵𑐮𑐶𑐎𑐵𑑄 𑐰𑐂𑐐𑐸 𑐁𑐬𑑂𑐠𑐶𑐎 𑐡𑑃𑐫𑐵 𑐣𑐶𑑄𑐟𑐶𑑄 𑐳𑐵𑐬𑑂𑐰𑐖𑐣𑐶𑐎 𑐫𑐵𑑅𑐐𑐸 𑐣𑐷𑐟𑐶 𑐟𑐠𑐵 𑐎𑐵𑐬𑑂𑐫𑐎𑑂𑐬𑐩𑐫𑑂 𑐄𑐐𑐸 𑐏𑑃 𑐣𑑂𑐴𑑂𑐫𑐠𑐣𑐵𑐟𑑅𑐐𑐸 𑐡𑐸 𑑋

𑐣𑐐𑐬 𑐥𑑂𑐬𑐩𑐸𑐏 𑐀𑐢𑐶𑐎𑐵𑐬𑐷𑑄 𑐣𑐷𑐟𑐶 𑐟𑐠𑐵 𑐎𑐵𑐬𑑂𑐫𑐎𑑂𑐬𑐩 𑐣𑑂𑐴𑑂𑐫𑐧𑑂𑐰𑐫𑐾𑐐𑐸 𑐗𑑂𑐰𑐮𑐫𑑂 𑐔𑐵𑐮𑐸 𑐁𑐬𑑂𑐠𑐶𑐎 𑐡𑑃𑐫𑑂 𑐳𑐩𑑂𑐗𑑁𑐟𑐵 𑐖𑐸𑐫𑐵𑑅 𑐁𑐬𑑂𑐠𑐶𑐎 𑐡𑑃𑐫𑐵 𑐀𑐣𑑂𑐟𑑂𑐫𑐟𑐎𑐫𑐵 𑐡𑐸𑐣𑐾 𑐎𑐵𑐬𑑂𑐫𑐵𑐣𑑂𑐰𑐫𑐣 𑐖𑐸𑐂 𑐩𑐦𑐂𑐐𑐸 𑐫𑑀𑐖𑐣𑐵 𑐰 𑐎𑐵𑐬𑑂𑐫𑐎𑑂𑐬𑐩𑐫𑐵𑐟 𑐎𑑂𑐬𑐩𑐵𑐐𑐟 𑐬𑐸𑐥𑑄 𑐣𑐶𑐬𑐣𑑂𑐟𑐬𑐟𑐵 𑐧𑐶𑐫𑐵 𑐰𑐣𑐾𑐐𑐸 𑐏𑑃 𑐢𑐫𑐵𑐡𑐷𑐐𑐸 𑐡𑐸 𑑋

𑐣𑐷𑐟𑐶 𑐟𑐠𑐵 𑐎𑐵𑐬𑑂𑐫𑐎𑑂𑐬𑐩𑐫𑑂 𑐣𑐐𑐬𑐫𑐵 𑐳𑐸𑐬𑐎𑑂𑐲𑐵𑐫𑐵 𑐣𑐶𑑄𑐟𑐶𑑄 𑐩𑐸𑐏𑑂𑐫 𑐩𑐸𑐏𑑂𑐫 𑐠𑐵𑐳𑐫𑑂 𑐳𑐷𑐳𑐷 𑐎𑑂𑐫𑐵𑐩𑐬𑐵, 𑐟𑑂𑐰𑐵𑑅 𑐟𑑂𑐰𑐵𑐮𑐫𑑂 𑐳𑐸𑐬𑐎𑑂𑐲𑐵 𑐳𑐵𑐂𑐬𑐣 𑐖𑐜𑐵𑐣 𑐫𑐵𑐫𑐾𑐐𑐸 𑐣𑐐𑐬𑐥𑐵𑐮𑐶𑐎𑐵 𑐰 𑐰𑐜𑐵 𑐖𑑂𑐫𑐵𑐎𑐸𑐠𑐶𑐂 𑐣𑐶𑑅𑐱𑐸𑐮𑑂𑐎 𑐰𑐵𑐂𑐦𑐵𑐂𑐫𑐵 𑐰𑑂𑐫𑐰𑐳𑑂𑐠𑐵 𑐫𑐵𑐫𑐾𑐐𑐸, 𑐀𑐣𑐮𑐵𑐂𑐣𑐥𑐵𑐏𑐾𑑄 𑐬𑐵𑐖𑐳𑑂𑐰 𑐥𑐸𑐮𑐾𑐐𑐸 𑐥𑑂𑐬𑐞𑐵𑐮𑐷 𑐮𑐵𑐐𑐹 𑐫𑐵𑐫𑐾𑐐𑐸 𑐣𑐷𑐟𑐶 𑐎𑐵𑑅𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS