Read news in NepalBhasa text-- www.hamroschool.com BACK 𑐫𑐾𑑃 𑐩𑐴𑐵𑐣𑐐𑐬𑐫𑐵 𑐁𑐬𑑂𑐠𑐶𑐎 𑐰𑐶𑐢𑐾𑐫𑐎 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐫𑐾𑑃 𑐩𑐴𑐵𑐣𑐐𑐬𑐫𑐵 𑐁𑐬𑑂𑐠𑐶𑐎 𑐰𑐶𑐢𑐾𑐫𑐎

𑐫𑐾𑑃- 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑑄 𑐁𑐬𑑂𑐠𑐶𑐎 𑐡𑑃 𑑐𑑗𑑙÷𑑘𑑐𑐫𑐵 𑐣𑐶𑑄𑐟𑐶𑑄 𑐁𑐬𑑂𑐠𑐶𑐎 𑐰𑐶𑐢𑐾𑐫𑐎 𑐣𑐐𑐬𑐳𑐨𑐵𑐫𑑂 𑐥𑐾𑐱 𑐫𑐵𑑅𑐐𑐸 𑐡𑐸 𑑋 𑐫𑐾𑑃 𑐩𑐴𑐵𑐣𑐐𑐬 𑐥𑑂𑐬𑐩𑐸𑐏 𑐧𑐵𑐮𑐾𑐣𑑂𑐡𑑂𑐬 𑐱𑐵𑐴𑑄 𑐬𑐵𑐲𑑂𑐚𑑂𑐬𑐶𑐫 𑐳𑐨𑐵 𑐐𑐺𑐴𑐫𑑂 𑐔𑑂𑐰𑑄𑐐𑐸 𑐣𑐐𑐬 𑐳𑐨𑐵𑐫𑐵 𑑑𑑑 𑐎𑑂𑐰𑑅𑐐𑐸 𑐀𑐢𑐶𑐰𑐾𑐱𑐣𑐫𑑂 𑐀𑐬𑑂𑐠 𑐳𑐩𑑂𑐧𑐣𑑂𑐢𑐷 𑐥𑑂𑐬𑐳𑑂𑐟𑐵𑐰 𑐎𑐵𑐬𑑂𑐫𑐵𑐣𑑂𑐰𑐫𑐣 𑐫𑐵𑐫𑐾𑐟 𑐟𑐫𑐵𑐬 𑐫𑐵𑑅𑐐𑐸 𑐰𑐶𑐢𑐾𑐫𑐎 𑐣𑑂𑐴𑑂𑐫𑐧𑑂𑐰𑐫𑐵𑐡𑐷𑐐𑐸 𑐏𑑅 𑑋

𑐥𑑂𑐬𑐳𑑂𑐟𑐸𑐟 𑐰𑐶𑐢𑐾𑐫𑐎𑐫𑑂 𑐳𑑂𑐠𑐵𑐣𑐷𑐫 𑐎𑐬, 𑐡𑐳𑑂𑐟𑐸𑐬, 𑐱𑐸𑐮𑑂𑐎, 𑐖𑐬𑐶𑐰𑐵𑐣𑐵 𑐳𑑄𑐎𑐮𑐣 𑐰 𑐕𑐸𑐚𑐮𑐶𑐳𑐾𑑄 𑐀𑐣𑑂𑐫 𑐁𑐫 𑐳𑑄𑐎𑐮𑐣𑐫𑐵 𑐥𑑂𑐬𑐱𑐵𑐳𑐣𑐶𑐎 𑐰𑑂𑐫𑐰𑐳𑑂𑐠𑐵𑐥𑐣𑐫𑐵 𑐥𑑂𑐬𑐧𑐣𑑂𑐢 𑐫𑐵𑐣𑐵𑐟𑑅𑐐𑐸 𑐡𑐸 𑑋 𑐀𑐠𑐾 𑐴𑐾 𑐰𑐶𑐢𑐾𑐫𑐎𑐫𑑂 𑐳𑐩𑑂𑐥𑐟𑑂𑐟𑐶, 𑐨𑐹𑐩𑐶, 𑐧𑐴𑐵𑐮, 𑐰𑑂𑐫𑐰𑐳𑐵𑐫, 𑐖𑐷𑐰𑐖𑐣𑑂𑐟𑐸, 𑐳𑐰𑐵𑐬𑐷 𑐳𑐵𑐢𑐣𑐫𑐵 𑐱𑐷𑐬𑑂𑐲𑐎𑐫𑑂 𑐧𑐶𑐳𑑂𑐎𑑄 𑐧𑐶𑐳𑑂𑐎𑑄 𑐎𑐬 𑐰𑑂𑐫𑐰𑐳𑑂𑐠𑐵 𑐫𑐵𑐣𑐵𑐟𑑅𑐐𑐸 𑐡𑐸 𑑋 𑐰𑐶𑐢𑐾𑐫𑐎𑐫𑑂 𑐰𑐶𑐖𑑂𑐘𑐵𑐣, 𑐩𑐣𑑀𑐬𑐘𑑂𑐖𑐣, 𑐧𑐴𑐵𑐮 𑐱𑐸𑐮𑑂𑐎, 𑐳𑐰𑐵𑐬𑐷 𑐳𑐵𑐢𑐣 𑐥𑐵𑐬𑑂𑐎𑐶𑐒, 𑐳𑐾𑐰𑐵 𑐱𑐸𑐮𑑂𑐎, 𑐥𑐬𑑂𑐫𑐚𑐣 𑐱𑐸𑐮𑑂𑐎, 𑐑𑐬 𑐖𑐐𑑂𑐐𑐵 𑐬𑐖𑐶𑐲𑑂𑐚𑑂𑐬𑐾𑐳𑐣, 𑐬𑐵𑐖𑐳𑑂𑐰 𑐰 𑐱𑐸𑐮𑑂𑐎 𑐳𑑄𑐎𑐮𑐣 𑐎𑐵𑐬𑑂𑐫𑐰𑐶𑐢𑐶 𑐮𑐐𑐵𑐫𑐟𑐫𑐵 𑐰𑑂𑐫𑐰𑐳𑑂𑐠𑐵 𑐫𑐵𑐣𑐵𑐟𑑅𑐐𑐸 𑐡𑐸 𑑋

𑐰𑐶𑐢𑐾𑐫𑐎𑐫𑑂 𑐡𑐸𑐠𑑂𑐫𑐵𑐎𑐵𑐟𑑅𑐐𑐸 𑐡𑐎𑑂𑐰𑑄 𑐰𑑂𑐫𑐰𑐳𑑂𑐠𑐵𑐫𑐵𑐟 𑑑𑑗 𑐐𑐹 𑐀𑐣𑐸𑐳𑐹𑐔𑐷𑐂 𑐡𑐬 𑐣𑐶𑐬𑑂𑐢𑐵𑐬𑐞 𑐫𑐵𑐣𑐵𑐟𑑅𑐐𑐸 𑐡𑐸 𑑋 𑐨𑐰𑐣 𑐩𑐹𑐮𑑂𑐫𑐵𑑄𑐎𑐣 𑐡𑐬, 𑐨𑐰𑐣 ¥𑐴𑐵𑐳𑐎𑐚𑑂𑐚𑐷 𑐥𑑂𑐬𑐟𑐶𑐱𑐟, ¥𑐴𑐵𑐳 𑐎𑐚𑑂𑐚𑐷 𑐫𑐵𑐫𑐾𑐐𑐸 𑐀𑐰𑐢𑐶, 𑐳𑐩𑑂𑐥𑐟𑐶 𑐎𑐬 𑐥𑑂𑐬𑐫𑑀𑐖𑐣𑐫𑐵 𑐣𑐶𑑄𑐟𑐶𑑄 𑐑𑐬𑐖𑐐𑑂𑐐𑐵𑐫𑐵 𑐥𑑂𑐬𑐟𑐶𑐁𑐣𑐵 𑐩𑐹𑐮𑑂𑐫 𑐀𑐣𑐸𑐳𑐹𑐔𑐷𑐟 𑐕𑐳𑐶𑐎𑐠𑑄 𑐟𑐫𑐵𑐟𑑅𑐐𑐸 𑐡𑐸 𑑋 𑐑𑐬𑐖𑐐𑑂𑐐𑐵𑐫𑐵 𑐥𑑂𑐬𑐟𑐶𑐁𑐣𑐵 𑐩𑐹𑐮𑑂𑐫𑐫𑐵𑐟 𑑑𑑗𑑗 𑐣𑑄.𑐫𑐵 𑐧𑐸𑑃𑐡𑐵𑐫𑑂 𑐡𑐸𑐠𑑂𑐫𑐵𑐎𑐵𑐟𑑅𑐐𑐸 𑐡𑐸 𑑋

𑐠𑐸𑐎𑐠𑑄 𑐴𑐾 𑐣𑐶𑐎𑐵𑐳 𑐡𑐸𑐐𑐸 𑐰 𑐩𑐡𑐸𑐐𑐸 𑐳𑐟𑐎𑐫𑐵 𑐖𑐰𑑄𑐏𑐰𑑄 𑐳𑐴𑐵𑐫𑐎 𑐥𑐶𑐔 𑐩𑑀𑐚𑐬 𑐮𑑃𑐥𑐸, 𑐥𑐶𑐔 𑐩𑑀𑐚𑐬 𑐮𑑃𑐥𑐸 𑐰 𑐐𑑀𑐬𑐾𑐚𑑀 𑐮𑑃𑐥𑐸𑐂 𑐧𑑂𑐰𑐠𑐮𑐵𑑅 𑐕𑐸𑐚 𑐥𑑂𑐬𑐟𑐶𑐱𑐟𑐫𑐵 𑐰𑑂𑐫𑐰𑐳𑑂𑐠𑐵 𑐫𑐵𑐣𑐵𑐟𑑅𑐐𑐸 𑐡𑐸 𑑋

𑐠𑐸𑐎𑐠𑑄 𑐴𑐾 𑐳𑐰𑐵𑐬𑐷 𑐳𑐵𑐢𑐣 𑐥𑐵𑐬𑑂𑐎𑐶𑐒𑐫𑐵𑐟 𑐰𑑂𑐫𑐰𑐳𑑂𑐠𑐶𑐟 𑐫𑐵𑐫𑐾𑐟 𑐎𑑂𑐲𑐾𑐟𑑂𑐬 𑐰 𑐳𑐰𑐵𑐬𑐷 𑐳𑐵𑐢𑐣𑐫𑐵 𑐥𑑂𑐬𑐎𑐺𑐟𑐶𑐫𑐵𑐟 𑐰𑐬𑑂𑐐𑐷𑐎𑐬𑐞 𑐫𑐵𑐣𑐵𑑅 𑐱𑐸𑐮𑑂𑐎 𑐎𑑂𑐰𑑅𑐕𑐶𑐣𑐵𑐟𑑅𑐐𑐸 𑐡𑐸 𑑋 𑐠𑐸𑐎𑐠𑑄 𑐎𑑂𑐰𑑅𑐕𑐶𑐣𑐵𑐟𑑅𑐐𑐸 𑐎𑑂𑐲𑐾𑐟𑑂𑐬 𑑒 𑐐𑐹 𑐡𑐸𑐳𑐵 𑐳𑐰𑐵𑐬𑐷 𑐳𑐵𑐢𑐣𑐫𑐵 𑐥𑑂𑐬𑐎𑐵𑐬𑐫𑑂 𑑒 𑐥𑐵𑑄𑐐𑐾𑑂𑐬, 𑑔 𑐥𑐵𑑄𑐐𑐾𑑂𑐬 𑐰 𑑔 𑐥𑐵𑑄𑐐𑑂𑐬𑐵 𑐳𑑂𑐰𑐫𑐵𑑄 𑐟𑐐𑑂𑐰𑑅𑐐𑐸 𑐳𑐰𑐵𑐬𑐷 𑐳𑐵𑐢𑐣 𑐢𑐎𑐵𑑅 𑐕𑐸𑐚𑐾 𑐫𑐵𑐣𑐵𑐟𑑅𑐐𑐸 𑐡𑐸 𑑋
𑐥𑐵𑐬𑑂𑐎𑐶𑑄𑐒 𑐫𑐵𑐂𑐐𑐸 𑐳𑐰𑐵𑐬𑐷 𑐳𑐵𑐢𑐣𑑄 𑐳𑐟𑐎𑐫𑐵 𑑒𑑕 𑐥𑑂𑐬𑐟𑐶𑐱𑐟 𑐳𑑂𑐰𑐫𑐵𑑄 𑐀𑐥𑑂𑐰𑑅 𑐠𑐵𑐫𑑂 𑐎𑐵𑐫𑐾 𑐩𑐡𑐂𑐐𑐸 𑐰 𑐥𑐵𑐬𑑂𑐎𑐶𑐒𑐳𑑂𑐠𑐮𑐫𑐵 𑐬𑐾𑐏𑐵𑑄𑐎𑐣 𑐫𑐵𑐣𑐵𑑅 𑐩𑐴𑐵𑐣𑐐𑐬 𑐠𑐩𑑂𑐴𑑄 𑐰𑐵 𑐣𑐶𑐖𑐷 𑐏𑑂𑐫𑑅𑐥𑐵𑐏𑐾𑑄 𑐳𑑄𑐔𑐵𑐮𑐣 𑐖𑐸𑐂𑐐𑐸 𑐰 𑐥𑐵𑐬𑑂𑐎𑐶𑐒𑐳𑑂𑐠𑐮𑐫𑑂 𑐳𑐰𑐵𑐬𑐷 𑐳𑐵𑐢𑐣 𑐡𑐸𑐴𑐵𑑄 𑐰𑐣𑐾𑐐𑐸 𑐰 𑐥𑐶𑐴𑐵𑑄 𑐰𑐫𑐾𑐐𑐸 𑐠𑐵𑐫𑑂 𑐧𑐶𑐳𑑂𑐎𑑄 𑐧𑐶𑐳𑑂𑐎𑑄 𑐖𑐸𑑂𑐂𑐩𑐵𑑅𑐐𑐸 𑐰𑑂𑐫𑐰𑐳𑑂𑐠𑐵 𑐫𑐵𑐣𑐵𑐟𑑅𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS