Read news in NepalBhasa text-- www.hamroschool.com BACK 𑐬𑐰𑐶 𑐮𑐵𑐩𑐶𑐕𑐵𑐣𑐾𑐫𑐵 𑐥𑐵𑐬𑑂𑐚𑐷𑐫𑐵 𑐮𑐵𑐾𑐐𑐵𑐾 𑐀𑐩𑐾𑐬𑐶𑐎𑐷 𑐳𑑂𑐰𑐟𑐣𑑂𑐟𑑂𑐬 𑐥𑐵𑐬𑑂𑐚𑐷𑐫𑐵 𑐮𑐵𑐾𑐐𑐵𑐾𑐫𑐵 𑐴𑐹𑐧𑐴𑐸 𑐣𑐎𑑂𑐎𑐮 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐬𑐰𑐶 𑐮𑐵𑐩𑐶𑐕𑐵𑐣𑐾𑐫𑐵 𑐥𑐵𑐬𑑂𑐚𑐷𑐫𑐵 𑐮𑐵𑐾𑐐𑐵𑐾 𑐀𑐩𑐾𑐬𑐶𑐎𑐷 𑐳𑑂𑐰𑐟𑐣𑑂𑐟𑑂𑐬 𑐥𑐵𑐬𑑂𑐚𑐷𑐫𑐵 𑐮𑐵𑐾𑐐𑐵𑐾𑐫𑐵 𑐴𑐹𑐧𑐴𑐸 𑐣𑐎𑑂𑐎𑐮

𑐫𑐾𑑃- 𑐔𑐮𑐾 𑐖𑐸𑐫𑐵𑐔𑑂𑐰𑑄𑐐𑐸 𑐳𑐘𑑂𑐔𑐵𑐬 𑐩𑐵𑐢𑑂𑐫𑐩 𑐟𑑂𑐰𑑅𑐟𑐵𑑅 𑐁𑐎𑐵𑐗𑐵𑐎𑐵𑑄 𑐬𑐵𑐖𑐣𑐷𑐟𑐶𑐎 𑐥𑐵𑐬𑑂𑐚𑐷 𑐔𑐵𑐫𑐾𑐎𑐵𑑅 𑐬𑐵𑐖𑐣𑐷𑐟𑐶𑐂 𑐥𑑂𑐬𑐡𑐾𑐱 𑐖𑐸𑐫𑐵𑐡𑐷𑐩𑑂𑐴 𑐳𑐘𑑂𑐔𑐵𑐬𑐎𑐬𑑂𑐩𑐷 𑐬𑐰𑐶 𑐮𑐵𑐩𑐶𑐕𑐵𑐣𑐾𑑄 𑐔𑐵𑐫𑐾𑐎𑐵𑐡𑐷𑐐𑐸 ‘𑐬𑐵𑐲𑑂𑐚𑑂𑐬𑐶𑐫 𑐳𑑂𑐰𑐟𑐣𑑂𑐟𑑂𑐬 𑐥𑐵𑐬𑑂𑐚𑐷’ 𑐫𑐵 𑐮𑑀𑐐𑑀 𑐰𑐴𑐾 𑐣𑐵𑑄𑐫𑐵 𑐕𑐐𑐹 𑐀𑐩𑐾𑐬𑐶𑐎𑐷 𑐬𑐵𑐖𑐣𑐷𑐟𑐶𑐎 𑐥𑐵𑐬𑑂𑐚𑐷𑐫𑐵 𑐮𑑀𑐐𑑀𑐮𑐶𑐳𑐾 𑐴𑐸𑐧𑐴𑐹 𑐩𑐶𑐮𑐾 𑐖𑐹𑐐𑐸 𑐎𑐶𑐥𑐵 𑐥𑐶𑐴𑐵𑑄 𑐰𑑅𑐐𑐸 𑐡𑐸 𑑋 𑐳𑐵𑐩𑐵𑐖𑐶𑐎 𑐳𑐘𑑂𑐖𑐵𑐮𑐫𑑂 𑐩𑑂𑐴𑐶𑐐𑑅𑐣𑐶𑐳𑐾𑑄 𑐣𑐶𑐐𑐹 𑐥𑐵𑐬𑑂𑐚𑐷𑐫𑐵 𑐮𑑀𑐐𑑀 𑐕𑐠𑐵𑐳𑑄 𑐟𑐫𑐵𑑅 𑐠𑑂𑐰 𑐳𑑄𑐫𑑀𑐐 𑐖𑐎 𑐏𑑅 𑐮𑐵𑐎𑐶 𑐥𑐹𑐬𑑂𑐰 𑐣𑐶𑐫𑑀𑐖𑐶𑐟 𑐴𑐾 𑐏𑑅 𑐢𑐎𑐵𑑅 𑐣𑑂𑐴𑑂𑐫𑐳𑑅 𑐟𑐫𑐾𑐐𑐸 𑐖𑑂𑐫𑐵 𑐳𑐩𑐾𑐟 𑐫𑐵𑐣𑐵 𑐴𑑅𑐐𑐸 𑐡𑐸 𑑋

𑐀𑐩𑐾𑐬𑐶𑐎𑐵𑐫𑑂 𑐣𑑂𑐴𑐵𑐥𑐵 𑐴𑐾 𑐡𑐸𑐐𑐸 ‘𑐀𑐩𑐾𑐬𑐶𑐎𑐣 𑐦𑑂𑐬𑐶𑐜𑐩 𑐥𑐵𑐬𑑂𑐚𑐷’ 𑐫𑐵 𑐣𑐵𑑄 𑐳𑐩𑐾𑐟 ‘𑐬𑐵𑐲𑑂𑐚𑑂𑐬𑐶𑐫 𑐳𑑂𑐰𑐟𑐣𑑂𑐟𑑂𑐬 𑐥𑐵𑐬𑑂𑐚𑐷’ 𑐮𑐶𑐳𑐾 𑐐𑐣𑑄 𑐐𑐣𑑄 𑐩𑐶𑐮𑐾 𑐖𑐹𑐐𑐸 𑐏𑐣𑐾𑐡𑐸𑐳𑐵 𑐣𑐶𑐐𑐸𑐮𑐶𑑄 𑐥𑐵𑐬𑑂𑐚𑐷𑐫𑐵 𑐮𑑀𑐐𑑀 ‘𑐐𑑄 (𑐑𑐣𑑂𑐚𑐷)’ 𑐣𑑄 𑐩𑐶𑐮𑐾 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋

𑐀𑐠𑐾 𑐴𑐾 𑐣𑐶𑐐𑐸𑐮𑐶𑑄 𑐥𑐵𑐬𑑂𑐚𑐷𑐫𑐵 𑐮𑑀𑐐𑑀𑐫𑐵 𑐥𑐶𑐣𑐾 𑐣𑐐𑐸 (𑐟𑐵𑐬𑐵) 𑐔𑐶𑑄 𑐟𑐫𑐵𑐟𑑅𑐐𑐸 𑐡𑐸 𑑋 𑐀𑐩𑐾𑐬𑐶𑐎𑐣 𑐥𑐵𑐬𑑂𑐚𑐷𑐫𑐵 𑐔𑐶𑐣𑑂𑐴𑐫𑑂 𑑑𑑓 𑐐𑑅 𑐟𑐵𑐬𑐵 𑐡𑐸𑐳𑐵 𑐣𑐾𑐥𑐵𑑅𑐫𑐵 𑐳𑑂𑐰𑐟𑐣𑑂𑐟𑑂𑐬 𑐥𑐵𑐬𑑂𑐚𑐷𑐫𑐵 𑐮𑑀𑐐𑑀𑐫𑑂 𑑗 𑐥𑑂𑐬𑐡𑐾𑐱𑐫𑐵 𑐥𑑂𑐬𑐟𑐷𑐎 𑐎𑐠𑑄 𑑗 𑐐𑑅 𑐴𑐾 𑐟𑐵𑐬𑐵 𑐟𑐫𑐵𑐟𑑅𑐐𑐸 𑐡𑐸 𑑋 𑐣𑐶𑐐𑐹 𑐥𑐵𑐬𑑂𑐚𑐷𑐫𑐵 𑐠𑑂𑐰 𑐳𑐩𑐵𑐣𑐟𑐵𑐫𑐵𑐟 𑐎𑐫𑐵𑑅 𑐠𑐣 𑐠𑐷𑐠𑐷 𑐎𑐠𑑄𑐫𑐵 𑐣𑑂𑐴𑑂𑐫𑐳𑑅 𑐣𑑄 𑐥𑐶𑐴𑐵𑑄 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋

𑐬𑐰𑐶 𑐮𑐵𑐩𑐶𑐕𑐵𑐣𑐾 𑐕𑐐𑐹 𑐂𑐮𑐫𑑂 𑐀𑐩𑐾𑐬𑐶𑐎𑐵 𑐰𑐣𑐵𑑅 𑐰𑐴𑐾 𑐡𑐾𑐱𑐫𑐵 𑐣𑐵𑐐𑐬𑐶𑐎𑐟𑐵 𑐳𑐩𑐾𑐟 𑐎𑐫𑐵𑑅 𑐔𑑂𑐰𑐣𑐵𑐔𑑂𑐰𑐣𑐾𑐢𑐸𑑄𑐎𑐹𑐩𑑂𑐴 𑐏𑑅 𑑋 𑐰𑐫𑑂𑐎𑑅 𑐀𑐩𑐾𑐬𑐶𑐎𑐵𑑄 𑐮𑐶𑐴𑐵𑑄 𑐰𑐫𑐵𑑅 𑐣𑑄 𑐀𑐣𑐫𑐵 𑐣𑐵𑐐𑐬𑐶𑐎𑐟𑐵 𑐟𑑂𑐫𑐵𑐐 𑐩𑐫𑐵𑐳𑐾 𑐴𑐾 𑐣𑐾𑐥𑐵𑐮𑐫𑑂 𑐥𑐟𑑂𑐬𑐎𑐵𑐬𑐶𑐟𑐵 𑐫𑐵𑐣𑐵𑐔𑑂𑐰𑑄𑐐𑐸 𑐖𑐸𑐫𑐵𑑅 𑐟𑑅𑐢𑑄𑐐𑐸 𑐰𑐶𑐰𑐵𑐡 𑐖𑐹𑐐𑐸 𑐏𑑅𑐳𑐵 𑐰𑐶𑐰𑐵𑐡 𑐥𑐶𑐴𑐵𑑄 𑐰𑐫𑐾𑐰𑑄 𑐟𑐶𑐣𑐶 𑐰𑐫𑑂𑐎𑐮𑑄 𑐀𑐩𑐾𑐬𑐶𑐎𑐵𑐫𑐵 𑐣𑐵𑐐𑐬𑐶𑐎𑐟𑐵 𑐟𑑂𑐫𑐵𑐐 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐟𑐬 𑐀𑐩𑐾𑐬𑐶𑐎𑐵𑐫𑐵 𑐣𑐵𑐐𑐬𑐶𑐎𑐟𑐵 𑐟𑑂𑐫𑐵𑐐 𑐫𑐵𑑅𑐳𑐵𑑄 𑐣𑑄 𑐰𑐫𑑂𑐎𑑅𑐫𑐵 𑐄𑐔𑑂𑐔𑐳𑑂𑐟𑐬𑐫𑐵 𑐁𑐬𑑂𑐠𑐶𑐎 𑐴𑐿𑐳𑐶𑐫𑐟𑐫𑐵𑐟 𑐎𑐫𑐵𑑅 𑐢𑐵𑑅𑐳𑐵 𑐣𑐾𑐥𑐵𑐮𑐫𑑂 𑐣𑑂𑐴𑑂𑐫𑐳𑑅 𑐥𑐶𑐴𑐵𑑄 𑐰𑐫𑐾𑐐𑐸 𑐫𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐕𑐩𑑂𑐴 𑐳𑐵𑐩𑐵𑐣𑑂𑐫 𑐳𑐘𑑂𑐔𑐵𑐬𑐎𑐬𑑂𑐩𑐷 𑐖𑐸𑐫𑐵𑑅 𑐣𑑄 𑐰𑐫𑑂𑐎𑑅𑐫𑐵𑐎𑐾 𑐄𑐮𑐶𑐩𑐕𑐶 𑐳𑐩𑑂𑐥𑐟𑑂𑐟𑐶 𑐐𑐣𑑄 𑐰𑐮 𑐢𑐂𑐐𑐸 𑐏𑑃𑐫𑑂 𑐣𑐾𑐥𑐵𑐮𑐫𑑂 𑐳𑐬𑑂𑐰𑐳𑐵𑐢𑐵𑐬𑐞 𑐩𑐣𑐹𑐟𑐫𑑂𑐳𑑄 𑐣𑑂𑐴𑑂𑐫𑐳𑑅 𑐟𑐫𑐾𑐐𑐸 𑐫𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS