Read news in NepalBhasa text-- www.hamroschool.com BACK 𑐰𑐵𑐩 𑐎𑐵𑐬𑑂𑐫𑐎𑐬𑑂𑐟𑐵 𑐣𑐵𑐣𑐷𑐩𑐿𑑄𑐫𑐵 𑐟𑐟𑐵𑐫𑐵 𑐀𑐣𑑂𑐟𑑂𑐫𑐲𑑂𑐚𑐷 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐰𑐵𑐩 𑐎𑐵𑐬𑑂𑐫𑐎𑐬𑑂𑐟𑐵 𑐣𑐵𑐣𑐷𑐩𑐿𑑄𑐫𑐵 𑐟𑐟𑐵𑐫𑐵 𑐀𑐣𑑂𑐟𑑂𑐫𑐲𑑂𑐚𑐷

𑐫𑐾𑑃 – 𑐰𑐵𑐩𑐥𑐣𑑂𑐠𑐷 𑐎𑐵𑐬𑑂𑐫𑐎𑐬𑑂𑐟𑐵𑐟𑐫𑑂 𑐡𑐠𑐸𑐂 ‘𑐣𑐵𑐣𑐷𑐩𑐿𑑄𑐫𑐵 𑐟𑐟𑐵’ 𑐫𑐵 𑐣𑐵𑐩𑑄 𑐩𑑂𑐴𑐳𑐶𑐄𑐩𑑂𑐴 𑐰𑐵𑐩 𑐎𑐵𑐬𑑂𑐫𑐎𑐬𑑂𑐟𑐵 𑐮𑐶𑐳𑐾𑑄 𑐣𑐾𑐥𑐵𑐮𑐨𑐵𑐲𑐵 𑐴𑑂𑐫𑐩𑐶 𑐣𑐵𑐣𑐷𑐩𑐿𑑄𑐫𑐵 𑐣𑐎𑐬𑑂𑐩𑐷 𑐩𑑂𑐴𑐶𑐐𑑅 𑐩𑑄𑐟 𑑋 𑐰𑐫𑑂𑐎𑑅 𑑙𑑕 𑐡𑑃𑐫𑐵 𑐰𑐿𑑄𑐳𑐫𑑂 𑐩𑐡𑐸𑐐𑐸 𑐏𑑅 𑑋

𑐩𑑂𑐴𑐶𑐐𑑅 𑐴𑐾 𑐥𑐱𑐸𑐥𑐟𑐶𑐫𑐵 𑐰𑐶𑐡𑑂𑐫𑐸𑐟 𑐱𑐰𑐡𑐵𑐴 𑐐𑐺𑐴𑐫𑑂 𑐰𑐫𑑂𑐎𑑅𑐫𑐵 𑐀𑐣𑑂𑐟𑐶𑐩 𑐳𑑄𑐳𑑂𑐎𑐵𑐬 𑐣𑑄 𑐫𑐵𑐟 𑑋 𑐄𑐐𑐸 𑐂𑐮𑐫𑑂 𑐣𑐾𑐎𑐥𑐵 𑐊𑐩𑐵𑐮𑐾𑐫𑐵 𑐣𑐾𑐟𑐵 𑐎𑐺𑐲𑑂𑐞𑐐𑑀𑐥𑐵𑐮 𑐱𑑂𑐬𑐾𑐲𑑂𑐛𑑄 𑐰𑐫𑑂𑐎𑑅𑐫𑐵 𑐳𑐷𑐩𑑂𑐴𑐫𑑂 𑐥𑐵𑐬𑑂𑐚𑐷𑐫𑐵

𑐢𑑂𑐰𑐵𑑃𑐫𑐫𑑂 𑐦𑐵𑐫𑐾𑐎𑐵𑐡𑐷𑐐𑐸 𑐏𑑅 𑑋 𑐩𑐡𑐸𑐩𑑂𑐴 𑐣𑐎𑐬𑑂𑐩𑐷𑑄 𑐠𑑅 𑐩𑐡𑐫𑐾𑐢𑐸𑑄𑐎𑐵𑑅 𑐕𑐸𑑄 𑐣𑑄 𑐎𑐠𑑄𑐫𑐵 𑐢𑐵𑐬𑑂𑐩𑐶𑐎 𑐎𑑂𑐬𑐶𑐫𑐵𑐎𑐬𑑂𑐩 𑐩𑐫𑐵𑐳𑐾 𑐰𑐶𑐡𑑂𑐫𑐸𑐟𑐷𑐫 𑐱𑐰𑐡𑐵𑐴 𑐐𑐺𑐴𑐫𑑂 𑐀𑐣𑑂𑐟𑑂𑐫𑐾𑐲𑑂𑐚𑐶 𑐫𑐵𑐣𑐵 𑐧𑐶𑐄 𑐢𑐎𑐵𑑅 𑐥𑑂𑐰𑑄𑐎𑐵𑐟𑑅𑐐𑐸 𑐂𑐔𑑂𑐕𑐵 𑐎𑐠𑑄 𑐀𑐣𑑂𑐟𑐶𑐩 𑐳𑑄𑐳𑑂𑐎𑐵𑐬 𑐫𑐵𑑅𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋

𑐫𑐾𑑃𑐫𑑂 𑐴𑐾 𑐖𑐣𑑂𑐩 𑐖𑐸𑐫𑐵𑐡𑐷𑐩𑑂𑐴 𑐩𑐫𑑂𑐖𑐸 𑐣𑐎𑐬𑑂𑐩𑐷 𑐫𑐾𑑃𑐫𑐵 𑐖𑑂𑐫𑐵𑐥𑐸 𑐩𑑂𑐴𑑂𑐫𑐵𑐫𑑂𑐩𑐔𑐵 𑐏𑑅 𑑋 𑐮𑐶𑐥𑐵 𑐣𑐎𑐬𑑂𑐩𑐷𑐮𑐶𑐳𑐾 𑐂𑐴𑐶𑐥𑐵 𑐖𑐸𑐂𑐰𑑄 𑐰𑐫𑑂𑐎𑑅𑐫𑐵 𑐣𑐵𑑄𑐫𑐵 𑐮𑐶𑐄𑐣𑐾 𑐣𑐎𑐬𑑂𑐩𑐷 𑐔𑑂𑐰𑐣 𑑋 𑐰𑐫𑑂𑐎𑑅 𑐖𑑂𑐫𑐵𑐥𑐸 𑐣𑑂𑐴𑑂𑐫𑐮𑐸𑐰𑐵 𑐰𑐶𑐥𑐶𑐣 𑐩𑐴𑐬𑑂𑐖𑐣𑐫𑐵 𑐟𑐟𑐵 𑐖𑐸𑐫𑐵𑐡𑐷 𑑋

𑐰𑐶.𑐳𑑄. 𑑑𑑙𑑙𑑗 𑐳𑐵𑐮𑐫𑑂 𑐥𑑂𑐫𑐩𑑂𑐴 𑐳𑐴𑐶𑐡𑐥𑐶𑑄𑐟 𑐦𑐵𑑃𑐳𑐷 𑐧𑐶𑐮 𑐢𑐂𑐐𑐸 𑐏𑑃 𑐣𑑂𑐫𑐣𑐵𑑅 𑐥𑐬𑐶𑐰𑐬𑑂𑐟𑐣𑐫𑐵 𑐮𑐵𑐐𑐶𑑄 𑐬𑐵𑐖𑐣𑐷𑐟𑐶𑐂 𑐡𑐸𑐴𑐵𑑄 𑐗𑐵𑑅𑐩𑑂𑐴 𑐰𑐫𑐎𑑂𑐮𑑄 𑐥𑐸𑐲𑑂𑐥𑐮𑐵𑐮 𑐱𑑂𑐬𑐾𑐲𑑂𑐛, 𑐩𑐣𑐩𑑀𑐴𑐣 𑐀𑐢𑐶𑐎𑐵𑐬𑐷, 𑐥𑐸𑐲𑑂𑐥𑐮𑐵𑐮 𑐀𑐩𑐵𑐟𑑂𑐫𑐥𑐶𑑄 𑐮𑐶𑐳𑐾 𑐣𑑄 𑐫𑐎𑑂𑐰 𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐡𑐸 𑑋 𑐰𑐫𑑂𑐎𑑅 𑐥𑐬𑐶𑐰𑐬𑑂𑐟𑐣𑐫𑐵 𑐮𑐵𑐐𑐶𑑄 𑐖𑐸𑐂𑐐𑐸 𑐴𑐬𑐾𑐎 𑐁𑐣𑑂𑐡𑑀𑐮𑐣𑐫𑑂 𑐳𑐴𑐨𑐵𑐐𑐷 𑐖𑐸𑐫𑐵𑐡𑐷 𑑋 𑐣𑐾𑐰𑐵𑑅 𑐀𑐢𑐶𑐎𑐵𑐬𑐫𑐵 𑐮𑐵𑐐𑐶𑑄 𑐖𑐸𑐂𑐐𑐸 𑐠𑐷𑐠𑐷 𑐨𑐵𑐲𑐶𑐎 𑐁𑐣𑑂𑐡𑑀𑐮𑐣𑐫𑑂 𑐣𑑄 𑐰𑐫𑑂𑐎𑑅 𑐳𑐴𑐨𑐵𑐐𑐷 𑐖𑐸𑐫𑐵𑐡𑐷𑐐𑐸 𑐡𑐸 𑑋 𑐰𑐫𑑂𑐎𑑅𑐫𑐵 𑐫𑑀𑐐𑐡𑐵𑐣𑐫𑐵 𑐎𑐡𑐬 𑐫𑐵𑐳𑐾𑑄 𑐠𑐷𑐠𑐷 𑐳𑑄𑐑𑐳𑑄𑐳𑑂𑐠𑐵𑑄 𑐰𑐫𑑂𑐎𑑅𑐫𑐵𑐟 𑐳𑐩𑑂𑐩𑐵𑐣 𑐫𑐵𑐣𑐵𑐟𑑅𑐐𑐸 𑐡𑐸 𑑋

𑐰𑐫𑑂𑐎𑑅 𑐩𑐡𑐸𑐐𑐸 𑐡𑐸𑑅𑐏𑐫𑑂 𑐣𑐾𑐎𑐥𑐵 𑐊𑐩𑐵𑐮𑐾𑐫𑐵 𑐩𑐴𑐵𑐳𑐔𑐶𑐰 𑐱𑑄𑐎𑐬 𑐥𑑀𑐏𑐬𑐾𑐮𑑄 𑐩𑑂𑐴𑐶𑐐𑑅 𑐱𑑀𑐎 𑐰𑐎𑑂𑐟𑐰𑑂𑐫 𑐥𑐶𑐎𑐵𑐳𑐾𑑄 𑐰𑐫𑑂𑐎𑑅𑐫𑐵𑐟 𑐥𑐵𑐬𑑂𑐚𑐷𑐥𑐵𑐏𑐾 ‘𑐎𑐩𑑂𑐫𑐸𑐣𑐶𑐲𑑂𑐚 𑐫𑑀𑐡𑑂𑐢𑐵’ 𑐳𑐩𑑂𑐩𑐵𑐣𑑄 𑐕𑐵𑐫𑑂𑐥𑐶𑐫𑐵𑐟𑑅𑐐𑐸 𑐏𑑃 𑐣𑑂𑐴𑑂𑐫𑐠𑐣𑐵𑐡𑐷𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS