Read news in NepalBhasa text-- www.hamroschool.com BACK 𑐖𑐐𑑂𑐐𑐵 𑐧𑐴𑑂𑐬𑑅 𑐟𑐫𑐾𑐐𑐸 𑐦𑐸𑐎𑐸𑐰𑐵 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐖𑐐𑑂𑐐𑐵 𑐧𑐴𑑂𑐬𑑅 𑐟𑐫𑐾𑐐𑐸 𑐦𑐸𑐎𑐸𑐰𑐵

𑐫𑐾𑑃 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐳𑐬𑑂𑐰𑑀𑐔𑑂𑐔 𑐀𑐡𑐵𑐮𑐟𑑄 𑐰𑐬𑑂𑐐𑐷𑐎𑐬𑐞 𑐩𑐖𑐹𑐐𑐸 𑐖𑐐𑑂𑐐𑐵 𑐧𑐴𑑂𑐬𑑅 𑐟𑐫𑐾 𑐩𑐡𑐂𑐐𑐸 𑐳𑐬𑐎𑐵𑐬𑐫𑐵 𑐣𑐶𑐬𑑂𑐞𑐫 𑐟𑐟𑑂𑐎𑐵𑐮 𑐎𑐵𑐬𑑂𑐫𑐵𑐣𑑂𑐰𑐫𑐣 𑐩𑐫𑐵𑐫𑐾𑐟 𑐁𑐡𑐾𑐱 𑐧𑐶𑐄𑐐𑐸 𑐡𑐸 𑑋 𑐧𑐶𑐲𑑂𑐞𑐸𑐧𑐴𑐵𑐡𑐸𑐬 𑐳𑐸𑐣𑐸𑐰𑐵𑐬𑐫𑐵 𑐣𑐶𑐰𑐾𑐡𑐣𑐫𑑂 𑐳𑐸𑐣𑐸𑐰𑐵𑐂 𑐫𑐵𑐳𑐾𑑄 𑐣𑑂𑐫𑐵𑐫𑐵𑐢𑐷𑐱 𑐃𑐱𑑂𑐰𑐬𑐥𑑂𑐬𑐳𑐵𑐡 𑐏𑐟𑐶𑐰𑐜𑐵𑐫𑐵 𑐂𑐖𑐮𑐵𑐳𑑄 𑐩𑑂𑐴𑐶𑐐𑑅 𑐄𑐐𑐸 𑐁𑐡𑐾𑐱 𑐧𑐶𑐄𑐐𑐸 𑐏𑑅 𑑋

𑐩𑐣𑑂𑐟𑑂𑐬𑐶𑐥𑐬𑐶𑐲𑐡𑑄 𑐨𑐹𑐩𑐶 𑐰𑑂𑐫𑐰𑐳𑑂𑐠𑐵, 𑐳𑐴𑐎𑐵𑐬𑐷 𑐟𑐠𑐵 𑐐𑐬𑐶𑐧𑐷 𑐣𑐶𑐰𑐵𑐬𑐞 𑐩𑐣𑑂𑐟𑑂𑐬𑐷 𑐱𑐱𑐷 𑐱𑑂𑐬𑐾𑐲𑑂𑐛𑐫𑐵 𑐥𑑂𑐬𑐳𑑂𑐟𑐵𑐰𑐫𑑂 𑐖𑐐𑑂𑐐𑐵𑐫𑐵 𑐰𑐬𑑂𑐐𑐷𑐎𑐬𑐞 𑐩𑐖𑐹𑐟𑐮𑐾 𑐧𑐿𑑄𑐎 𑐰 𑐰𑐶𑐟𑑂𑐟𑐷𑐫 𑐳𑑄𑐳𑑂𑐠𑐵𑐥𑐵𑐏𑐾𑑄 𑐖𑐐𑑂𑐐𑐵 𑐧𑐴𑑂𑐬𑑅 𑐟𑐫𑐵𑑅 𑐢𑐶𑐟𑑀 𑐧𑐣𑑂𑐢𑐣 𑐥𑐵𑐬𑐶𑐟 𑐩𑐖𑐸𑐂𑐐𑐸 𑐣𑐶𑐬𑑂𑐞𑐫 𑐫𑐵𑑅𑐐𑐸 𑐏𑑅 𑑋 𑐏𑐾𑐟𑐷𑐫𑑀𑐐𑑂𑐫 𑐖𑐐𑑂𑐐𑐵 𑐰 𑐐𑐿𑐬𑐎𑐺𑐲𑐶 𑐎𑑂𑐲𑐾𑐟𑑂𑐬𑐫𑐵 𑐖𑐐𑑂𑐐𑐵 𑐰𑐬𑑂𑐐𑐷𑐎𑐬𑐞 𑐖𑐸𑐂𑐢𑐸𑑄𑐎𑐵𑑅 𑐖𑐎 𑐢𑐶𑐟𑑀 𑐧𑐣𑑂𑐢𑐎 𑐟𑐫𑐾 𑐡𑐂 𑐢𑐎𑐵𑑅 𑐳𑐬𑐎𑐵𑐬𑑄 𑐣𑐶𑐬𑑂𑐞𑐫 𑐫𑐵𑑅𑐐𑐸 𑐏𑑅 𑑋

𑐄𑐐𑐸 𑐣𑐶𑐬𑑂𑐞𑐫 𑐎𑐵𑐬𑑂𑐫𑐵𑐣𑑂𑐰𑐫𑐣 𑐩𑐫𑐵𑐫𑐾𑐟 𑐳𑐬𑑂𑐰𑑀𑐔𑑂𑐔𑑄 𑐖𑐵𑐬𑐷 𑐫𑐵𑑅𑐐𑐸 𑐁𑐡𑐾𑐱𑐫𑑂 𑐢𑐫𑐵𑐟𑑅𑐐𑐸 𑐡𑐸, ‘𑐁𑑅 𑐟𑐎 𑐖𑐐𑑂𑐐𑐵𑐫𑐵 𑐰𑐬𑑂𑐐𑐷𑐎𑐬𑐞 𑐖𑐸𑐂𑐢𑐸𑑄𑐎𑐹𑐐𑐸 𑐏𑐣𑐾𑐩𑐡𑐸, 𑐖𑐐𑑂𑐐𑐵𑐫𑐵 𑐰𑐬𑑂𑐐𑐷𑐎𑐬𑐞 𑐩𑐖𑐹𑐟𑐮𑐾 𑐀𑐣𑐶𑐱𑑂𑐔𑐶𑐟𑐎𑐵𑐮 𑐟𑐎 𑐖𑐐𑑂𑐐𑐵 𑐖𑐩𑐶𑐣 𑐢𑐶𑐟𑑀 𑐧𑐣𑑂𑐢𑐎𑐷 𑐟𑐫𑐾 𑐩𑐡𑐂𑐐𑐸 𑐰𑑂𑐫𑐰𑐳𑑂𑐠𑐵 𑐫𑐵𑐫𑐾𑐧𑐮𑐫𑑂 𑐣𑐵𑐐𑐬𑐶𑐎𑐫𑐵 𑐩𑑁𑐮𑐶𑐎 𑐴𑐎𑐮𑐶𑐳𑐾𑑄 𑐳𑐩𑑂𑐧𑐣𑑂𑐢𑐶𑐟 𑐐𑐸𑐮𑐶𑐏𑐾 𑐏𑑃𑐫𑑂 𑐀𑐣𑐸𑐔𑐶𑐟 𑐮𑐶𑐔𑑂𑐰𑑅 𑐮𑐵𑐂𑐐𑐸 𑐖𑐹𑐐𑐸𑐮𑐶𑑄 𑐣𑐶𑐰𑐾𑐡𑐣 𑐎𑐠𑑄 𑐎𑑂𑐰𑑅𑐩𑐖𑐶𑐄𑐟𑐮𑐾 𑐎𑐵𑐬𑑂𑐫𑐵𑐣𑑂𑐰𑐫𑐣 𑐩𑐫𑐵𑐫𑐾, 𑐩𑐫𑐵𑐎𑐾 𑑋’

𑐳𑐬𑐎𑐵𑐬𑐫𑐵 𑐄𑐐𑐸 𑐣𑐶𑐬𑑂𑐞𑐫 𑐰𑐶𑐬𑐸𑐡𑑂𑐢 𑐳𑑄𑐳𑐡𑐫𑑂 𑐣𑑄 𑐳𑑅 𑐠𑑂𑐰𑐫𑐾𑐎𑐹𑐐𑐸 𑐏𑑅 𑑋 𑐄𑐔𑑂𑐔 𑐱𑐶𑐎𑑂𑐲𑐵 𑐀𑐢𑑂𑐫𑐫𑐣𑐫𑐵 𑐣𑐶𑐟𑐶𑑄 𑐰𑐶𑐡𑐾𑐱 𑐰𑐣𑐷𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐟 𑐖𑐐𑑂𑐐𑐵 𑐧𑐴𑑂𑐬𑑅 𑐟𑐫𑐾𑐩𑐡𑐸𑐐𑐸𑐮𑐶𑑄 𑐳𑐩𑐳𑑂𑐫𑐵 𑐧𑑂𑐰𑐮𑑄𑐐𑐸 𑐳𑐵𑑄𑐳𑐡𑐥𑐶𑐣𑐶 𑐢𑐵𑐥𑐹 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS