Read news in NepalBhasa text-- www.hamroschool.com BACK 𑐕𑐣𑑂𑐴𑐸𑑄 𑐳𑑂𑐰𑑄𑐐𑐹 𑐧𑐣𑑂𑐡𑐷𑐐𑐺𑐴𑐫𑑂 𑐢𑐬𑑂𑐩𑐡𑐾𑐱𑐣𑐵 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐕𑐣𑑂𑐴𑐸𑑄 𑐳𑑂𑐰𑑄𑐐𑐹 𑐧𑐣𑑂𑐡𑐷𑐐𑐺𑐴𑐫𑑂 𑐢𑐬𑑂𑐩𑐡𑐾𑐱𑐣𑐵

𑐫𑐾𑑃- 𑐧𑑁𑐡𑑂𑐢 𑐱𑐶𑐎𑑂𑐲𑐵 𑐟𑐠𑐵 𑐳𑐵𑐩𑐵𑐖𑐶𑐎 𑐎𑐾𑐣𑑂𑐡𑑂𑐬 𑐣𑐾𑐥𑐵𑐮𑑄 𑐠𑐣𑐫𑐵 𑐮𑐸𑑃𑐴𑐶𑐟𑐶𑐳𑑂𑐠𑐶𑐟 𑐖𑐐𑐣𑑂𑐣𑐵𑐠 𑐡𑐾𑐐𑑅 𑐥𑐬𑐶𑐳𑐬𑐫𑑂 𑐔𑑂𑐰𑑄𑐐𑐸 𑐳𑑂𑐰𑑄𑐐𑐹 𑐧𑐣𑑂𑐡𑐷𑐐𑐺𑐴𑐫𑐵 𑐧𑐣𑑂𑐡𑐷𑐟𑐫𑑂 𑐣𑐶𑑄𑐟𑐶𑑄 𑐢𑐬𑑂𑐩𑐡𑐾𑐱𑐣𑐵 𑐖𑑂𑐫𑐵𑐗𑑂𑐰𑑅 𑐫𑐵𑑅𑐐𑐸 𑐡𑐸 𑑋 𑐎𑐾𑐣𑑂𑐡𑑂𑐬𑑄 𑐖𑐐𑐣𑑂𑐣𑐵𑐠 𑐡𑐾𑐐𑑅 𑐥𑐬𑐶𑐳𑐬𑐫𑑂 𑐔𑑂𑐰𑑄𑐐𑐸 𑐨𑐡𑑂𑐬 𑐧𑐣𑑂𑐡𑐷𑐐𑐺𑐴, 𑐎𑐾𑐣𑑂𑐡𑑂𑐬𑐷𑐫 𑐎𑐵𑐬𑐵𑐐𑐵𑐬 𑐰 𑐩𑐴𑐶𑐮𑐵 𑐧𑐣𑑂𑐡𑐷𑐐𑐺𑐴𑐫𑐵 𑐧𑐣𑑂𑐡𑐷𑐟𑐫𑑂 𑐣𑐶𑑄𑐟𑐶𑑄 𑐄𑐐𑐸 𑐢𑐬𑑂𑐩𑐡𑐾𑐱𑐣𑐵 𑐖𑑂𑐫𑐵𑐗𑑂𑐰𑑅 𑐫𑐵𑑅𑐐𑐸 𑐏𑑅 𑑋

𑐎𑐾𑐣𑑂𑐡𑑂𑐬𑐥𑐵𑐏𑐾𑑄 𑑒𑑐𑑖𑑐 𑐳𑐵𑐮𑐣𑐶𑐳𑐾𑑄 𑐎𑐵𑐬𑐵𑐐𑐵𑐬 𑐡𑐸𑐣𑐾 𑐔𑑂𑐰𑑄𑐥𑐶𑑄 𑐧𑐣𑑂𑐡𑐷𑐟𑐫𑑂 𑐣𑐶𑑄𑐟𑐶𑑄 𑐠𑐸𑐎𑐠𑑄𑐫𑐵 𑐢𑐵𑐬𑑂𑐩𑐶𑐎 𑐰 𑐳𑐵𑐩𑐵𑐖𑐶𑐎 𑐖𑑂𑐫𑐵𑐗𑑂𑐰𑑅𑐫𑐵𑐟 𑐣𑐶𑐬𑐣𑑂𑐟𑐬𑐟𑐵 𑐧𑐷𑐐𑐸 𑐗𑑂𑐰𑐮𑐫𑑂 𑑒𑑐𑑗𑑐 𑐳𑐵𑐮𑐣𑐶𑐳𑐾𑑄 𑐮𑐸𑑃𑐴𑐶𑐟𑐶𑐂 𑐔𑑂𑐰𑑄𑐐𑐸 𑐖𑐐𑐣𑑂𑐣𑐵𑐠 𑐡𑐾𑐐𑑅 𑐥𑐬𑐶𑐳𑐬𑐫𑐵 𑐧𑐣𑑂𑐡𑐷𑐐𑐺𑐴𑐫𑑂 𑐔𑑂𑐰𑑄𑐥𑐶𑐣𑐶𑐐𑐸 𑐣𑐶𑑄𑐟𑐶𑑄 𑐮𑐵𑐫𑐵 𑐣𑑂𑐴𑐵𑐥𑐵𑑄𑐐𑐸 𑐰 𑐳𑑂𑐰𑑄𑐐𑐹 𑐱𑐣𑐶𑐰𑐵𑑅 𑐫𑐵𑐣𑐵𑑅 𑐮𑐫𑑂 𑐣𑐶𑐎𑑂𑐰𑑅 𑐣𑐶𑐫𑐩𑐶𑐟 𑐬𑐸𑐥𑑄 𑐢𑐬𑑂𑐩𑐡𑐾𑐱𑐣𑐵 𑐰 𑐥𑑂𑐬𑐰𑐔𑐣 𑐖𑑂𑐫𑐵𑐗𑑂𑐰𑑅 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐠𑑂𑐰 𑐗𑑂𑐰𑐮𑐫𑑂 𑐰𑑄𑐐𑐸 𑐀𑐳𑐵𑐬 𑑔 𑐐𑐟𑐾 𑐣𑑂𑐴𑐵𑐥𑐵𑑄𑐐𑐸 𑐱𑐣𑐶𑐰𑐵𑑅 𑐳𑑂𑐰𑑄𑐐𑐸𑐮𑐶𑑄 𑐧𑐣𑑂𑐡𑐷𑐐𑐺𑐴𑐫𑑂 𑐔𑑂𑐰𑑄𑐥𑐶𑑄 𑐧𑐣𑑂𑐡𑐷𑐟𑐫𑑂 𑐣𑐶𑑄𑐟𑐶𑑄 𑐄𑐐𑐸 𑐖𑑂𑐫𑐵𑐗𑑂𑐰𑑅 𑐫𑐵𑑅𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑑅𑐎𑐠𑑄 𑐎𑐾𑐣𑑂𑐡𑑂𑐬𑐷𑐫 𑐎𑐵𑐬𑐵𑐐𑐵𑐬𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐨𑐶𑐎𑑂𑐲𑐸 𑐰𑐶𑐩𑐮𑑀𑑄 𑐥𑑂𑐬𑐰𑐔𑐣 𑐧𑐶𑐫𑐵𑐧𑐶𑐖𑑂𑐫𑐵𑑅𑐐𑐸 𑐏𑑅 𑑋 𑐢𑐬𑑂𑐩 𑐥𑐵𑐳𑐵 𑐰𑐶𑐡𑑂𑐫𑐵𑐳𑐵𑐐𑐬 𑐟𑐸𑐮𑐵𑐢𑐬𑑄 𑐮𑐳𑐎𑐸𑐳 𑐫𑐵𑐳𑐾𑑄 𑐣𑑂𑐴𑑂𑐫𑐵𑑅𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐨𑐵𑐰𑐷 𑐖𑑂𑐫𑐵𑐗𑑂𑐰𑑅 𑐧𑐵𑐬𑐾 𑐎𑐾𑐣𑑂𑐡𑑂𑐬𑐫𑐵 𑐩𑐴𑐵𑐳𑐔𑐶𑐰𑐮𑐶𑐳𑐾𑑄 𑐖𑑂𑐫𑐵𑐗𑑂𑐰𑑅𑐫𑐵 𑐳𑑄𑐫𑑀𑐖𑐎 𑐰𑐶𑐖𑐫𑐬𑐟𑑂𑐣 𑐟𑐸𑐮𑐵𑐢𑐬𑑄 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐷𑐐𑐸 𑐏𑑅𑐳𑐵 𑐧𑐣𑑂𑐡𑐷𑐟𑐫𑑂𑐥𑐵𑐏𑐾𑑄 𑐦𑐸𑐬𑐷 𑐱𑐾𑐬𑑂𑐥𑐵 𑐰 𑐐𑑂𑐰𑐳𑐵𑑅 𑐏𑐮𑑅𑐥𑐵𑐏𑐾𑑄 𑐧𑑀𑐢𑐶 𑐚𑐾𑐮𑐶𑐨𑐶𑐖𑐣𑐫𑐵 𑐰𑐬𑐶𑐲𑑂𑐛 𑐎𑑂𑐫𑐵𑐩𑐬𑐵𑐥𑐬𑑂𑐳𑐣 𑐴𑐬𑐶 𑐮𑑀𑐴𑐣𑐷𑑄 𑐳𑐸𑐨𑐵𑐫𑑂 𑐡𑐾𑐕𑐵𑐣𑐵𑐡𑐷𑐐𑐸 𑐏𑑅 𑑋

𑐠𑐸𑐎𑐠𑑄 𑐴𑐾 𑐨𑐡𑑂𑐬 𑐧𑐣𑑂𑐡𑐷𑐐𑐺𑐴𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐰𑐶𑐱𑑂𑐰𑐱𑐵𑐣𑑂𑐟𑐶 𑐰𑐶𑐴𑐵𑐬𑐫𑐵 𑐱𑑂𑐬𑐡𑑂𑐢𑐾𑐫 𑐨𑐶𑐎𑑂𑐲𑐸 𑐖𑐣𑐎𑑄 𑐥𑑂𑐬𑐰𑐔𑐣 𑐧𑐶𑐫𑐵𑐧𑐶𑐖𑑂𑐫𑐵𑑅𑐐𑐸 𑐏𑑅𑐳𑐵 𑐎𑐾𑐣𑑂𑐡𑑂𑐬𑐫𑐵 𑐩𑐴𑐵𑐳𑐔𑐶𑐰𑐮𑐶𑐳𑐾𑑄 𑐖𑑂𑐫𑐵𑐗𑑂𑐰𑑅 𑐳𑑄𑐫𑑀𑐖𑐎 𑐟𑐸𑐮𑐵𑐢𑐬𑑄 𑐮𑐳𑐎𑐸𑐳 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐧𑐣𑑂𑐡𑐷𑐟𑐫𑑂𑐥𑐵𑐏𑐾𑑄 𑐳𑑄𑐖𑐫 𑐮𑐵𑐩𑐵𑑄 𑐳𑐸𑐨𑐵𑐫𑑂 𑐡𑐾𑐕𑐣𑐵𑐡𑐷𑐐𑐸 𑐏𑑅 𑑋

𑐩𑐴𑐶𑐮𑐵 𑐧𑐣𑑂𑐡𑐷𑐐𑐺𑐴𑐫𑑂 𑐜𑐵𑐎𑐶𑐮𑐵 𑐐𑐸𑐬𑐸𑐩𑐵𑑄 𑐣𑑄 𑐥𑑂𑐬𑐰𑐔𑐣 𑐧𑐶𑐫𑐵𑐧𑐶𑐖𑑂𑐫𑐵𑑅𑐐𑐸 𑐏𑑅𑐳𑐵 𑐖𑑂𑐫𑐵𑐗𑑂𑐰𑐮𑐫𑑂 𑐮𑐳𑐎𑐸𑐳 𑐣𑐵𑐥𑑄 𑐰𑐶𑐲𑐫𑐫𑐵𑐟 𑐎𑐫𑐵𑑅 𑐖𑑂𑐫𑐵𑐗𑑂𑐰𑑅𑐫𑐵 𑐳𑐴𑐫𑑀𑐐𑐷 𑐣𑐵𑐣𑐷𑐱𑑀𑐨𑐵 𑐩𑐵𑐣𑐣𑑂𑐢𑐬𑑄 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐷𑐐𑐸 𑐏𑑅𑐳𑐵 𑐳𑐩𑐵𑐖𑐳𑐾𑐰𑐷 𑐳𑐸𑐮𑑀𑐔𑐣𑐵 𑐩𑐵𑐣𑐣𑑂𑐢𑐬𑑄 𑐳𑐸𑐨𑐵𑐫𑑂 𑐡𑐾𑐕𑐵𑐣𑐵𑐡𑐷𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS