Read news in NepalBhasa text-- www.hamroschool.com BACK 𑐮𑐸𑑃𑐴𑐶𑐟𑐶𑑄 𑐮𑑅 𑐴𑐵𑐫𑐾𑐎𑐾𑐐𑐸 𑐟𑐫𑐵𑐬𑐷 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐮𑐸𑑃𑐴𑐶𑐟𑐶𑑄 𑐮𑑅 𑐴𑐵𑐫𑐾𑐎𑐾𑐐𑐸 𑐟𑐫𑐵𑐬𑐷

𑐫𑐾𑑃 – 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐁𑐴𑑂𑐰𑐣𑐫𑐵𑐟 𑐳𑑂𑐰𑐷𑐎𑐵𑐬 𑐫𑐵𑐳𑐾𑑄 𑐠𑑅𑐠𑑅𑐥𑐶𑐣𑐶 𑐔𑑅𑐧𑐶 𑐏𑐸𑐮𑑂𑐮𑐵 𑐫𑐵𑐣𑐵 𑐧𑐶𑐄𑐥𑐶𑑄 𑐬𑐾𑐲𑑂𑐚𑐸𑐬𑐾𑐣𑑂𑐚𑐟𑐫𑑂𑐟 𑐕𑐸𑑄 𑐣𑑄 𑐎𑐠𑑄𑐫𑐵 𑐎𑐬 𑐕𑐸𑐚 𑐩𑐧𑐷𑐐𑐸 𑐏𑑃 𑐩𑐣𑐥𑐵𑑄 𑐢𑐵𑑅𑐐𑐸 𑐡𑐸 𑑋 𑐩𑑂𑐴𑐶𑐐𑑅 𑐔𑑂𑐰𑑄𑐐𑐸 𑐧𑑀𑐬𑑂𑐜 𑐧𑐿𑐛𑐎𑐫𑑂 𑐣𑑂𑐰𑐰𑐵𑐳𑐾𑑄 𑐩𑐾𑐫𑐬 𑐧𑐵𑐮𑐾𑐣 𑐳𑐵𑐴𑑄 𑐔𑑅𑐧𑐶 𑐏𑐸𑐮𑑂𑐮𑐵 𑐫𑐵𑐫𑐾𑐐𑐸 𑐖𑑂𑐫𑐵 𑐄𑐩𑐶𑐳𑑄 𑐳𑑂𑐰𑐟𑑅𑐳𑑂𑐦𑐸𑐬𑑂𑐟 𑐬𑐸𑐥𑑄 𑐫𑐵𑑅𑐐𑐸 𑐖𑐹𑐐𑐸𑐮𑐶𑑄 𑐎𑐬 𑐕𑐸𑐚 𑐩𑐏𑐸 𑐧𑐬𑐸 𑐳𑐦𑐵𑐂 𑐳𑐵𑐩𑐐𑑂𑐬𑐷 𑐄𑐥𑐮𑐧𑑂𑐢 𑐫𑐵𑐎𑐾𑐐𑐸 𑐏𑑃 𑐎𑐣𑐵𑐡𑐷𑐐𑐸 𑐏𑑅 𑑋

𑐮𑐶𑐳𑐾𑑄 𑐧𑐿𑐛𑐎𑑄 𑐠𑑂𑐰𑐴𑐾 𑐰𑐂𑐐𑐸 𑐀𑐳𑐵𑐬 𑑕 𑐐𑐟𑐾 𑐣𑐐𑐬𑐳𑐨𑐵𑐫𑐵 𑑑𑑑 𑐎𑑂𑐰𑑅𑐐𑐸 𑐰 𑐠𑐸𑐐𑐸 𑐎𑐵𑐬𑑂𑐫𑐎𑐵𑐮𑐫𑐵 𑐣𑑂𑐴𑐵𑐥𑐵𑑄𑐐𑐸 𑐧𑐿𑐛𑐎 𑐔𑑂𑐰𑐣𑐾𑐐𑐸 𑐥𑑂𑐬𑐳𑑂𑐟𑐵𑐰 𑐣𑑄 𑐥𑐵𑐬𑐶𑐟 𑐫𑐵𑑅𑐐𑐸 𑐡𑐸 𑑋 𑐫𑐾𑑃𑐫𑐵 𑐬𑐵𑐲𑑂𑐚𑑂𑐬𑐶𑐫 𑐳𑐨𑐵𑐐𑐺𑐴𑐫𑑂 𑐄𑐐𑐸 𑐧𑐿𑐛𑐎 𑐔𑑂𑐰𑐣𑐷 𑑋

𑐧𑐿𑐛𑐎𑐫𑑂 𑐫𑐾𑑃𑐫𑑂 𑐟𑐵𑑅 𑐃 𑐣𑑂𑐴𑑂𑐫𑐰𑑄𑐣𑐶𑐳𑐾𑑄 𑐖𑐸𑐫𑐵𑐔𑑂𑐰𑑄𑐐𑐸 𑐦𑑀𑐴𑑀𑐬𑐫𑐵 𑐳𑐩𑐳𑑂𑐫𑐵 𑐳𑐩𑐵𑐢𑐵𑐣 𑐖𑐹𑐐𑐸 𑐏𑑃𑐫𑑂 𑐣𑑄 𑐔𑐬𑑂𑐔𑐵 𑐖𑐹𑐐𑐸 𑐏𑑅 𑑋 𑐮𑐶𑐳𑐾𑑄 𑐁𑑅 𑐰𑐶𑐡𑑂𑐫𑐸𑐟 𑐥𑑂𑐬𑐵𑐢𑐶𑐎𑐬𑐞𑑄 𑐕𑐸𑑄 𑐃𑐫𑐵 𑐡𑐸𑐣𑐾 𑐴𑐾 𑐫𑐾𑑃𑐫𑑂 𑐟𑐵𑐬 𑐨𑐹𑐩𑐶𑐐𑐟 𑐫𑐵𑐫𑐾𑐐𑐸 𑐖𑑂𑐫𑐵 𑐎𑑂𑐰𑐔𑐵𑐫𑐾𑐎𑐷𑐐𑐸 𑐖𑐵𑐣𑐎𑐵𑐬𑐷 𑐣𑑄 𑐩𑐾𑐫𑐬 𑐳𑐵𑐴𑑄 𑐧𑐿𑐛𑐎𑐫𑑂 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐄𑐐𑐸 𑐴𑐾 𑐧𑐿𑐛𑐎𑐫𑑂 𑑒𑑒 𑐰𑐜𑐵𑐫𑐵 𑐀𑐢𑑂𑐫𑐎𑑂𑐲 𑐔𑐶𑐣𑐷𑐎𑐵𑐖𑐷 𑐩𑐴𑐬𑑂𑐖𑐣𑑄 𑐩𑐾𑐫𑐬 𑐳𑐵𑐴 𑑒𑑒 𑐰𑐜𑐵𑐫𑐵 𑐮𑐸𑑃𑐴𑐶𑐟𑐶𑐫𑐵 𑐣𑐶𑐬𑐷𑐎𑑂𑐲𑐞𑐫𑑂 𑐰𑑅𑐧𑐮𑐫𑑂 𑐠𑑅𑐥𑐶𑑄𑐟 𑐖𑐵𑐣𑐎𑐵𑐬𑐷 𑐩𑐧𑐶𑐄𑐐𑐸 𑐏𑑃𑐫𑑂 𑐢𑑂𑐫𑐵𑐣𑐵𑐎𑐬𑑂𑐲𑐞 𑐫𑐵𑐣𑐵𑐡𑐷𑐐𑐸 𑐏𑑅𑐳𑐵 𑐩𑐾𑐫𑐬 𑐳𑐵𑐴𑑄 𑐮𑐶𑐥𑐵𑑄𑐣𑐶𑐳𑐾𑑄 𑐖𑐵𑐣𑐎𑐵𑐬𑐷 𑐧𑐶𑐫𑐵𑑅 𑐰𑐫𑐾𑐐𑐸 𑐏𑑃 𑐎𑐣𑐵𑐡𑐶𑐮 𑑋 𑐩𑐾𑐫𑐬 𑐳𑐵𑐴𑑄 𑐧𑐣𑑂𑐡 𑐖𑐸𑐫𑐵𑐔𑑂𑐰𑑄𑐐𑐸 𑐮𑐸𑑃𑐴𑐶𑐟𑐶 𑐔𑐵𑐫𑐾𑐎𑐵𑑅 𑐀𑐣 𑐮𑑅 𑐴𑐵𑐫𑐾𑐎𑐾𑐐𑐸 𑐮𑐵𑐐𑐶𑑄 𑐥𑐴𑐮 𑐫𑐵𑐫𑐾𑐐𑐸 𑐏𑑃 𑐎𑐣𑐵𑐡𑐷𑐐𑐸 𑐏𑑅 𑑋

𑐮𑐸𑑃𑐴𑐶𑐟𑐶𑑄 𑐮𑑅 𑐴𑐵𑑅𑐳𑐵𑑄 𑐮𑑅 𑐥𑐶𑐴𑐵𑑄 𑐰𑐣𑐷𑐐𑐸 𑐣𑐶𑐎𑐵𑐳 𑐩𑐡𑐸𑐐𑐸 𑐰 𑐁𑑅 𑐡𑐫𑐾𑐎𑐵𑐔𑑂𑐰𑑄𑐐𑐸 𑐢𑐬𑐴𑐬𑐵𑑄 𑐫𑐵𑐣𑐵𑑅 𑐀𑐣 𑐣𑐶𑐎𑐵𑐳 𑐳𑐩𑐾𑐟 𑐧𑐣𑑂𑐡 𑐖𑐸𑐂𑐢𑐸𑑄𑐎𑐹𑐐𑐸 𑐎𑐵𑐬𑐞𑑄 𑐣𑐶𑐎𑐵𑐳𑐫𑐵 𑐮𑐵𑐐𑐶𑑄 𑐩𑐾𑐐𑐸 𑐴𑐾 𑐰𑑂𑐫𑐰𑐳𑑂𑐠𑐵 𑐫𑐵𑐫𑐾 𑐩𑐵𑐮𑐷𑐐𑐸 𑐏𑑃 𑐰𑐫𑐵𑐔𑑂𑐰𑑄𑐐𑐸 𑐏𑑅 𑑋

𑐄𑐎𑐸𑐣𑑂𑐴𑐸 𑐠𑐾𑑄 𑐩𑑂𑐴𑐶𑐐𑑅𑐫𑐵 𑐎𑐵𑐬𑑂𑐫𑐥𑐵𑐮𑐶𑐎𑐵 𑐧𑐿𑐛𑐎 𑐣𑑄 𑐁𑐩𑐳𑐘𑑂𑐔𑐵𑐬𑐫𑑂 𑐥𑑂𑐬𑐟𑑂𑐫𑐎𑑂𑐲 𑐥𑑂𑐬𑐱𑐵𑐬𑐞 𑐫𑐵𑑅𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS