Read news in NepalBhasa text-- www.hamroschool.com BACK 𑐥𑐧𑑂𑐖𑐷 𑐩𑑂𑐴𑐶𑐟𑐎𑐾 𑐩𑐧𑐶𑐄𑐐𑐸𑐮𑐶𑑄 𑐩𑐵𑑄𑐩𑑂𑐴𑐾𑐳𑐶𑐟 𑐐𑑀𑐮𑐷𑑄 𑐎𑐫𑐾𑐎𑐮 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐥𑐧𑑂𑐖𑐷 𑐩𑑂𑐴𑐶𑐟𑐎𑐾 𑐩𑐧𑐶𑐄𑐐𑐸𑐮𑐶𑑄 𑐩𑐵𑑄𑐩𑑂𑐴𑐾𑐳𑐶𑐟 𑐐𑑀𑐮𑐷𑑄 𑐎𑐫𑐾𑐎𑐮

𑐊𑐖𑐾𑐣𑑂𑐳𑐷- 𑐨𑐵𑐬𑐟𑐫𑑂 𑐀𑐣𑐮𑐵𑐂𑐣 𑐎𑐵𑐳𑐵 𑐥𑐧𑑂𑐖𑐷 𑐩𑑂𑐴𑐶𑐟𑐎𑐾 𑐩𑐧𑐶𑐮 𑐢𑐎𑐵𑑅 𑐕𑐩𑑂𑐴 𑐗𑐶𑑄𑐏𑐸𑐡𑑃 𑐡𑐸𑐩𑑂𑐴 𑐣𑐔𑐵𑐮𑑂𑐫𑐵𑐫𑑂𑐩𑑂𑐴 𑐠𑑅 𑐴𑐾 𑐩𑐵𑑄𑐫𑐵𑐟 𑐐𑑀𑐮𑐷𑑄 𑐎𑐫𑐾𑐎𑐵𑑅 𑐳𑑂𑐫𑐵𑐣𑐵𑐧𑐶𑐄𑐐𑐸 𑐡𑐸 𑑋 𑐨𑐵𑐬𑐟𑐫𑐵 𑐄𑐟𑑂𑐟𑐬 𑐥𑑂𑐬𑐡𑐾𑐱𑐫𑐵 𑐮𑐏𑐣𑐅𑐮𑐫𑑂𑐮𑐵𑑅𑐐𑐸 𑐫𑐩𑐸𑐣𑐵𑐥𑐸𑐬𑐩 𑐎𑑀𑐮𑑀𑐣𑐷𑑄 𑐠𑑂𑐰 𑐑𑐚𑐣𑐵 𑐖𑐹𑐐𑐸 𑐏𑑅 𑑋

𑐳𑑂𑐠𑐵𑐣𑐷𑐫 𑐥𑑂𑐬𑐴𑐬𑐷𑑄 𑐢𑐵𑑅𑐎𑐠𑑄 𑐑𑐚𑐣𑐵 𑐖𑐹𑐐𑐸 𑐥𑐬𑐶𑐰𑐵𑐬𑐫𑑂 𑐩𑐵𑑄𑐩𑑂𑐴 𑐠𑑅 𑐣𑐶𑐩𑑂𑐴 𑐩𑐳𑑂𑐟 𑐮𑐶𑐳𑐾 𑐎𑑀𑐮𑑀𑐣𑐷 𑐔𑑂𑐰𑐣𑐵𑐔𑑂𑐰𑑄𑐐𑐸 𑐏𑑅𑐳𑐵 𑐀𑐧𑐸𑐩𑑂𑐴 𑐢𑐵𑑅𑐳𑐵 𑐖𑐵𑐐𑐶𑐬𑐫𑐵 𑐎𑐵𑐬𑐞𑑄 𑐥𑐱𑑂𑐔𑐶𑐩 𑐧𑑄𑐐𑐵𑐮𑐫𑑂 𑐔𑑂𑐰𑐣𑐵𑐔𑑂𑐰𑑄𑐐𑐸 𑐖𑐸𑐫𑐵𑐔𑑂𑐰𑐣 𑑋 𑐩𑐵𑑄𑐩𑑂𑐴𑐾𑐳𑐶𑐣𑑄 𑐗𑐶𑑄𑐏𑐸𑐡𑑃𑐫𑐵 𑐎𑐵𑐫𑐩𑑂𑐴𑐾𑐳𑐶𑐟 𑐣𑑂𑐴𑑂𑐫𑐵𑐧𑐮𑐾𑑄 𑐥𑐧𑑂𑐖𑐷 𑐩𑑂𑐴𑐶𑐟𑐾𑐟 𑐥𑐣𑐷𑐐𑐸 𑐖𑐸𑐫𑐵𑐔𑑂𑐰𑐣 𑑋

𑐥𑐧𑑂𑐖𑐷𑐫𑐵 𑐎𑐸𑐮𑐟𑐫𑑂 𑐮𑐵𑑅𑐩𑑂𑐴 𑐎𑐵𑐫𑐩𑑂𑐴𑐾𑐳𑐶𑐣𑑄 𑐁𑐂𑐟𑐰𑐵𑑅 𑐳𑐸𑐠𑐫𑑂 𑐠𑑅 𑐀𑐧𑐸𑐫𑐵 𑐮𑐵𑐂𑐳𑐾𑐣𑑂𑐳 𑐎𑐫𑐵𑐟𑑅𑐐𑐸 𑐥𑐶𑐳𑑂𑐟𑑀𑐮𑑄 𑐩𑐵𑑄𑐩𑑂𑐴𑐾𑐳𑐶𑐟 𑐐𑑀𑐮𑐷𑑄 𑐎𑐫𑐾𑐎𑐵𑑅 𑐳𑑂𑐫𑐵𑐣𑐵𑐧𑐶𑐄𑐐𑐸 𑐖𑐸𑐫𑐵𑐔𑑂𑐰𑐣 𑑋 𑐩𑐵𑑄𑐩𑑂𑐴𑐾𑐳𑐶𑐫𑐵 𑐳𑐷𑐩𑑂𑐴 𑐩𑑄𑐐𑐮𑐰𑐵𑑅 𑐖𑐎 𑐮𑐸𑐂𑐎𑐹𑐐𑐸 𑐏𑑅 𑑋 𑐎𑑂𑐲𑐟𑐰𑐶𑐎𑑂𑐲𑐟 𑐀𑐰𑐳𑑂𑐠𑐵𑐫𑑂 𑐡𑐸𑐐𑐸 𑐳𑐷𑐩𑑂𑐴 𑐥𑑀𑐳𑑂𑐚𑐩𑐵𑐬𑑂𑐚𑐩𑐫𑐵 𑐣𑐶𑑄𑐟𑐶𑑄 𑐀𑐳𑑂𑐥𑐟𑐵𑐮 𑐫𑑄𑐎𑐹𑐐𑐸 𑐡𑐸𑐳𑐵 𑐎𑐵𑐫𑐩𑑂𑐴𑐾𑐳𑐶𑐟 𑐥𑑂𑐬𑐴𑐬𑐷𑑄 𑐖𑑂𑐰𑐣𑐾𑐢𑐸𑑄𑐎𑐹𑐐𑐸 𑐡𑐸 𑑋

𑐥𑑂𑐬𑐴𑐬𑐷𑑄 𑐢𑐵𑑅𑐎𑐠𑑄 𑐩𑐵𑑄𑐩𑑂𑐴𑐾𑐳𑐶𑐟 𑐳𑑂𑐫𑐵𑐫𑐾𑐢𑐸𑑄𑐎𑐵𑑅 𑐎𑐵𑐫𑐩𑑂𑐴𑐾𑐳𑐶𑐣𑑄 𑐳𑐷𑐩𑑂𑐴 𑐣𑐶𑐣𑑂𑐴𑐸 𑐟𑐎 𑐎𑑂𑐰𑐠𑐵𑐫𑑂 𑐴𑐾 𑐟𑐫𑐵𑐟𑑅𑐐𑐸 𑐖𑐸𑐫𑐵𑐔𑑂𑐰𑐣 𑑋 𑐩𑐵𑑄𑐩𑑂𑐴𑐾𑐳𑐶𑐟 𑐐𑑀𑐮𑐷𑑄 𑐎𑐫𑐾𑐎𑐹𑐧𑐮𑐫𑑂 𑐰𑐫𑐵 𑐐𑐸𑐡𑑃 𑐡𑐸𑐩𑑂𑐴 𑐎𑐾𑐴𑐾𑑃𑐩𑑂𑐴 𑐣𑑄 𑐣𑑂𑐴𑑂𑐫𑑅𑐣𑐾 𑐴𑐾 𑐡𑐸𑐐𑐸 𑐏𑑅 𑑋 𑐡𑐵𑐖𑐸𑐩𑑂𑐴𑑄 𑐎𑐾𑐴𑐾𑑃𑐩𑑂𑐴𑐾𑐳𑐶𑐟 𑐳𑐸𑐫𑐵𑐟𑑄 𑐢𑐵𑐫𑐾𑐩𑐟𑐾 𑐢𑐎𑐵𑑅 𑐏𑑂𑐫𑐵𑐣𑐵𑐟𑑅𑐐𑐸 𑐏𑑅 𑑋 𑐣𑐶𑐣𑑂𑐴𑐸 𑐮𑐶𑐥𑐵 𑐳𑐷𑐩𑑂𑐴 𑐣𑐰𑐫𑐵𑐰𑐫𑐾𑐰𑑄 𑐬𑐸𑐩 𑐦𑑂𑐬𑐾𑐳𑐣𑐬 𑐟𑐫𑐵𑑅 𑐣𑐰𑑅𑐐𑐸 𑐟𑑄𑐎𑐾𑐐𑐸 𑐎𑐸𑐟𑑅 𑐣𑑄 𑐫𑐵𑑅𑐐𑐸 𑐖𑐸𑐫𑐵𑐔𑑂𑐰𑐣 𑑋

𑐳𑐷𑐩𑑂𑐴 𑐟𑐳𑐎𑑄 𑐣𑐰𑐫𑐵𑐰𑐫𑐾𑐰𑑄 𑐎𑐵𑐩𑑂𑐴𑑄 𑐀𑐧𑐸𑐩𑑂𑐴𑐾𑐳𑐶𑐟 𑐦𑑀𑐣 𑐫𑐵𑐣𑐵𑑅 𑐑𑐚𑐣𑐵𑐧𑐵𑐬𑐾 𑐖𑐵𑐣𑐎𑐵𑐬𑐷 𑐧𑐶𑐄𑐐𑐸 𑐏𑑅𑐳𑐵 𑐀𑐧𑐸𑐩𑑂𑐴𑑄 𑐟𑐸𑐬𑐸𑐣𑑂𑐟 𑐖𑑅𑐮𑐵𑐏𑑅𑐮𑐵𑐫𑐵𑐟 𑐦𑑀𑐣 𑐫𑐵𑐟𑐳𑐵 𑐖𑑅𑐮𑐵𑐏𑑅𑐮𑐵𑑄 𑐥𑑂𑐬𑐴𑐬𑐷𑐫𑐵𑐟 𑐳𑑅𑐟𑐹𑐐𑐸 𑐏𑑅 𑑋

𑐥𑑂𑐬𑐴𑐬𑐷𑐫𑐵 𑐎𑐠𑑄 𑐳𑐸𑐬𑐸𑐂 𑐎𑐵𑐫𑐩𑑂𑐴𑐾𑐳𑐶𑐣𑑄 𑐑𑐚𑐣𑐵𑐫𑐵𑐟 𑐎𑐫𑐵𑑅 𑐩𑐏𑐸𑐐𑐸 𑐏𑑃 𑐮𑑂𑐴𑐵𑑅𑐐𑐸 𑐏𑑅 𑑋 𑐰𑑄 𑐴𑐟𑑂𑐫𑐵 𑐠𑑅𑐩𑑂𑐴𑐾𑐳𑐶𑐣𑑄 𑐫𑐵𑐣𑐵𑐐𑐸 𑐩𑐏𑐸𑐳𑐾 𑐕𑐾𑑃𑐫𑑂 𑐩𑐟 𑐡𑐫𑐾𑐎𑑅 𑐰𑐫𑐵𑐔𑑂𑐰𑑄𑐩𑑂𑐴𑐾𑐳𑐶𑐣𑑄 𑐫𑐵𑑅𑐐𑐸 𑐢𑐎𑐵𑑅 𑐢𑐵𑑅𑐐𑐸 𑐏𑑅 𑑋 𑐄𑐩𑑂𑐴 𑐩𑐣𑐹𑐫𑐵𑐟 𑐣𑑂𑐫𑐣𑐾𑐎𑐣𑐾 𑐫𑐵𑐫𑐾𑐢𑐸𑑄𑐎𑐵𑑅 𑐎𑐵𑐫𑐩𑑂𑐴𑑄 𑐩𑐏𑐸𑐐𑐸 𑐏𑑃 𑐮𑑂𑐴𑐵𑐣𑐵𑐔𑑂𑐰𑑄𑐐𑐸 𑐳𑐶𑐂𑐎𑐹𑐐𑐸 𑐏𑑅 𑑋 𑐨𑐵𑐬𑐟𑐫𑑂 𑐥𑐧𑑂𑐖𑐷 𑐥𑑂𑐬𑐟𑐶𑐧𑐣𑑂𑐢 𑐟𑐫𑐵𑐟𑑅𑐐𑐸 𑐡𑐸 𑑋 𑐟𑐬 𑐠𑑂𑐰 𑐥𑑂𑐬𑐟𑐶𑐧𑐣𑑂𑐢 𑐩𑑀𑐧𑐵𑐂𑐮 𑐨𑐬𑑂𑐳𑐣𑐫𑑂 𑐖𑐎 𑐡𑐸, 𑐜𑐾𑐳𑑂𑐎𑐚𑐥𑐫𑑂 𑐩𑑂𑐴𑐶𑐟𑐾 𑐖𑐶𑐄 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS