Read news in NepalBhasa text-- www.hamroschool.com BACK 𑐎𑐸𑐟𑑅 𑐬𑐵𑐖𑐡𑐵𑐳 𑐳𑐵𑐴𑐶𑐟𑑂𑐫 𑐳𑐶𑐬𑐥𑐵 𑐮𑑅𑐮𑑂𑐴𑐵𑐟 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐎𑐸𑐟𑑅 𑐬𑐵𑐖𑐡𑐵𑐳 𑐳𑐵𑐴𑐶𑐟𑑂𑐫 𑐳𑐶𑐬𑐥𑐵 𑐮𑑅𑐮𑑂𑐴𑐵𑐟

𑐏𑑂𑐰𑐥 –  𑐏𑑂𑐰𑐥𑐫𑑂 𑐥𑑂𑐫𑑄𑐐𑐹 𑐡𑐱𑐎𑐫𑐵 𑐂𑐟𑐶𑐴𑐵𑐳 𑐡𑐸𑐐𑐸 𑐎𑐸𑐟𑑅 𑐥𑐶𑐎𑐵𑐎 𑐥𑑂𑐬𑐎𑐵𑐱𑐣𑐥𑐵𑐏𑐾𑑄 𑐠𑐷𑐠𑐷 𑐰𑐶𑐢𑐵𑐫𑑂 𑐔𑑂𑐰𑐫𑐵𑐟𑑅𑐐𑐸 𑐣𑑂𑐴𑐫𑑂𑐐𑐸 𑐳𑐦𑐹𑐫𑐵 𑐥𑐶𑐟𑐧𑑂𑐰𑐖𑑂𑐫𑐵 𑐫𑐵𑑅𑐐𑐸 𑐡𑐸 𑑋 𑐠𑐠𑐾 𑐥𑐶𑐟𑐧𑑂𑐰𑐖𑑂𑐫𑐵 𑐖𑐹𑐐𑐸 𑐳𑐦𑐸𑐟𑐶𑐂 𑐳𑐩𑐵𑐮𑑀𑐔𑐎 𑐀𑐥𑐬𑑂𑐞𑐵 𑐥𑑂𑐬𑐢𑐵𑐣𑐫𑐵 𑐣𑑂𑐴𑐵𑐫𑐎𑑄, 𑐖𑐶𑐖𑑂𑐘𑐵𑐳𑐵 𑐰 𑐩𑑂𑐴𑐩𑐳𑑂𑐫𑐹𑐩𑑂𑐴 𑐩𑐣𑐹 𑐣𑐵𑐥𑑄 𑐫𑐵𑐣𑐵𑑅 𑐳𑑂𑐰𑑄𑐐𑐹 𑐳𑐦𑐹 𑐀𑐮𑐾 𑐁𑐏𑑂𑐫𑐵𑐣𑐎𑐵𑐬 𑐩𑐠𑐸𑐬𑐵 𑐳𑐵𑐫𑑂𑐩𑐶𑐫𑐵 𑐩𑐴𑐵𑐀𑐨𑐶𑐫𑐵𑐣, 𑐧𑐵𑐏𑑄 𑐔𑑂𑐰𑐩𑐶 𑐥𑐱𑐸𑐥𑐟𑐶𑐩𑐵𑐣 𑐥𑑅𑐩𑐵𑑄𑐫𑐵 𑐣𑐾𑐰𑐵𑑅 𑐰𑐵𑐄𑑃𑐨𑐟𑐸 𑐰 𑐩𑐮𑐏𑑄 𑐎𑑅𑐐𑐸 𑐕𑐾𑑃 𑐣𑐵𑐥𑑄 𑐫𑐵𑐣𑐵𑑅 𑐣𑐶𑐐𑐹 𑐳𑐦𑐹 𑐰 𑐥𑐹𑐬𑑂𑐞 𑐟𑐵𑐩𑑂𑐬𑐵𑐎𑐵𑐬𑐫𑐵 𑐎𑐰𑐶 𑐳𑐸𑐣𑑂𑐡𑐬 𑐩𑐢𑐶𑐎𑐬𑑂𑐩𑐷 𑐣𑐵𑑄𑐫𑐵𑐐𑐸 𑐳𑐦𑐹 𑐥𑐶𑐟𑐧𑑂𑐰𑐖𑑂𑐫𑐵 𑐫𑐵𑑅𑐐𑐸 𑐏𑑅 𑑋

𑐠𑐠𑐾 𑐥𑐶𑐟𑐧𑑂𑐰𑐖𑑂𑐫𑐵 𑐖𑐹𑐐𑐸 𑐳𑐦𑐹 𑐩𑐢𑑂𑐫𑐾 𑐩𑐴𑐵𑐀𑐨𑐶𑐫𑐵𑐣 𑐳𑐦𑐹 𑐀𑑄𑐐𑑂𑐬𑐾𑐖𑐷, 𑐣𑐾𑐥𑐵𑐮𑐷 𑐰 𑐣𑐾𑐥𑐵𑐮𑐨𑐵𑐲𑐵 𑐣𑐵𑐥𑑄 𑐫𑐵𑐣𑐵𑑅 𑐳𑑂𑐰𑑄𑐐𑐸 𑐨𑐵𑐲𑐵𑑄 𑐥𑐶𑐡𑑄𑐐𑐸 𑐳𑐦𑐹 𑐏𑑅 𑑋 𑐖𑑂𑐫𑐵𑐗𑑂𑐰𑑅𑐫𑐵 𑐣𑑂𑐴𑐵𑐥𑐵𑑄𑐐𑐸 𑐔𑐬𑐞𑐩𑐵 𑐳𑐦𑐹 𑐥𑐶𑐟𑐧𑑂𑐰𑐖𑑂𑐫𑐵, 𑐀𑐣𑑄𑐮𑐶 𑐎𑐸𑐟𑑅 𑐬𑐵𑐖𑐡𑐵𑐳 𑐳𑐵𑐴𑐶𑐟𑑂𑐫 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑐫𑐾𑐐𑐸 𑐰 𑐳𑑄𑐐𑐷𑐟 , 𑐳𑐵𑐴𑐶𑐟𑑂𑐫 𑐎𑑂𑐲𑐾𑐟𑑂𑐬𑐫𑑂 𑐫𑑀𑐐𑐡𑐵𑐣 𑐡𑐸𑐥𑐶𑑄 𑐰𑑂𑐫𑐎𑑂𑐟𑐶𑐟𑑂𑐰𑐫𑐵𑐟 𑐳𑐩𑑂𑐩𑐵𑐣 𑐫𑐵𑑅𑐐𑐸 𑐏𑑅 𑑋 𑐳𑐶𑐬𑐥𑐵 𑐟𑑂𑐫𑐵𑐎𑐹𑐥𑐶𑑄 𑐣𑑂𑐫𑐵𑐩𑑂𑐴 𑐳𑐵𑐴𑐶𑐟𑑂𑐫𑐎𑐵𑐬 𑐩𑐢𑑂𑐫𑐾 𑐣𑐶𑐧𑐣𑑂𑐢𑐎𑐵𑐬 𑐥𑐹𑐬𑑂𑐞𑐬𑐵𑐩 𑐩𑐸𑐣𑑄𑐎𑐬𑑂𑐩𑐷𑐫𑐵𑐟 𑐣𑐐𑐡 𑐣𑑂𑐫𑐫𑑂𑐡𑑂𑐰𑑅𑐟𑐎𑐵 𑐳𑐴𑐶𑐟 𑐎𑐸𑐟𑑅 𑐬𑐵𑐖𑐡𑐵𑐳 𑐳𑐵𑐴𑐶𑐟𑑂𑐫 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋

𑐔𑑂𑐰𑐩𑐶 𑐩𑐸𑐣𑐎𑐬𑑂𑐩𑐷𑐫𑐵 𑐀𑐣𑐸𑐳𑐣𑑂𑐢𑐵𑐣𑐩𑐹𑐮𑐎 𑐳𑐦𑐹 𑐳𑑄𑐰𑐟𑑂 𑐳𑐣𑑂𑐡𑐬𑑂𑐨 𑐕𑐐𑐹 𑐡𑐸𑐰𑐵𑐮𑐵𑐫𑐵 𑐮𑐵𑐐𑐶 𑐄𑐟𑑂𑐎𑐺𑐲𑑂𑐚 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋 𑐀𑐠𑐾𑐴𑐾 𑐟𑐸𑑄 𑐩𑑂𑐴𑐟𑐶𑑄 𑐗𑐶𑐡𑑂𑐰𑑅𑐟𑐎𑐵 𑐳𑐴𑐶𑐟 𑐎𑐸𑐟𑑅 𑐬𑐵𑐖𑐡𑐵𑐳 𑐳𑐵𑐴𑐶𑐟𑑂𑐫 𑐴𑑅𑐥𑐵𑑅 𑐳𑐶𑐬𑐥𑐵 𑐕𑐳𑐶𑐎𑐠𑑄 𑐄𑐥𑐣𑑂𑐫𑐵𑐳𑐎𑐵𑐬 𑐜𑐵. 𑐬𑐷𑐣𑐵 𑐟𑐸𑐮𑐵𑐢𑐬, 𑐧𑐵𑐏𑑄 𑐔𑑂𑐰𑐩𑐶 𑐥𑐱𑐸𑐥𑐟𑐶𑐩𑐵𑐣 𑐥𑑅𑐩𑐵𑑄, 𑐴𑐵𑐂𑐖𑐶𑐣 𑐩𑑀𑐎𑑂𑐲𑐧𑐴𑐵𑐡𑐸𑐬 𑐀𑐩𑐵𑐟𑑂𑐫 𑐰 𑐳𑐩𑐵𑐮𑑀𑐔𑐎 𑐀𑐥𑐬𑑂𑐞𑐵 𑐥𑑂𑐬𑐢𑐵𑐣𑐫𑐵𑐟 𑐮𑑅𑐮𑑂𑐴𑐵𑐐𑐸 𑐏𑑅 𑑋 𑐩𑐸𑐎𑑂𑐎𑑄 𑐥𑐷𑐕𑐐𑐹 𑐳𑐦𑐹 𑐡𑐸𑐠𑑂𑐫𑐵𑑅𑐐𑐸 𑐩𑐢𑑂𑐫𑐾 𑐄𑐟𑑂𑐎𑐺𑐲𑑂𑐚 𑐣𑑂𑐫𑐵𑐩𑑂𑐴 𑐳𑐵𑐴𑐶𑐟𑑂𑐫𑐎𑐵𑐬𑐫𑐵 𑐳𑐦𑐸𑐮𑐶𑑄 𑐳𑐶𑐬𑐥𑐵𑑅 𑐟𑑂𑐫𑐵𑐎𑐹𑐐𑐸 𑐏𑑅 𑑋

𑐣𑐾𑐥𑐵𑐮𑐨𑐵𑐲𑐵 𑐊𑐎𑐾𑐜𑐾𑐩𑐷𑐫𑐵 𑐳𑐡𑐳𑑂𑐫 𑐳𑐔𑐶𑐰 𑐜𑐵. 𑐥𑐸𑐲𑑂𑐥𑐬𑐵𑐖 𑐬𑐵𑐖𑐎𑐬𑑂𑐞𑐶𑐎𑐵𑐬 𑐰 𑐳𑐩𑐵𑐮𑑀𑐔𑐎 𑐥𑐹𑐬𑑂𑐞 𑐟𑐵𑐩𑑂𑐬𑐵𑐎𑐵𑐬 𑐖𑐵𑐣𑐵𑑅 𑐳𑐶𑐬𑐥𑐮𑐫𑐵 𑐣𑐶𑑄𑐟𑐶𑑄 𑐩𑐹𑐮𑑂𑐫𑐵𑑄𑐎𑐣 𑐫𑐵𑑅𑐐𑐸 𑐏𑑅 𑑋
𑐨𑐵𑐲𑐵 𑐳𑐾𑐰𑐷 𑐥𑑄𑐔𑐧𑐷𑐬 𑐳𑐶𑑄𑐴 𑐟𑐸𑐮𑐵𑐢𑐬𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑑅𑐫𑐵 𑐳𑑂𑐰𑑄𑐐𑐹𑐐𑐸 𑐔𑐬𑐞𑐫𑑂 𑐳𑐵𑐴𑐶𑐟𑑂𑐫 𑐰 𑐳𑑄𑐐𑐷𑐟𑐏𑑂𑐫𑐮𑐫𑑂 𑐫𑑀𑐐𑐡𑐵𑐣 𑐡𑐸𑐥𑐶𑑄 𑐰𑑂𑐫𑐎𑑂𑐟𑐶𑐟𑑂𑐰𑐥𑐶𑐟 𑐳𑐩𑑂𑐩𑐵𑐣 𑐣𑑄 𑐫𑐵𑑅𑐐𑐸 𑐏𑑅 𑑋

𑐳𑐩𑑂𑐩𑐵𑐣𑐫𑐵 𑐖𑑂𑐫𑐵𑐗𑑂𑐰𑐮𑐫𑑂 𑐣𑐵𑑄𑐖𑐵𑑅𑐩𑑂𑐴 𑐳𑐵𑐴𑐶𑐟𑑂𑐫𑐎𑐵𑐬 𑐩𑐠𑐸𑐬𑐵 𑐳𑐵𑐫𑐩𑐶𑑄 𑐳𑑄𑐐𑐷𑐟𑐥𑐵𑐏𑐾𑐫𑐵 𑐳𑐩𑑂𑐩𑐵𑐣 𑐖𑐣𑐐𑐵𑐫𑐎 𑐬𑐵𑐩𑐎𑐺𑐲𑑂𑐞 𑐡𑐸𑐰𑐵𑐮 𑐰 𑐳𑐵𑐴𑐶𑐟𑑂𑐫𑐥𑐵𑐏𑐾𑐫𑐵 𑐳𑐩𑑂𑐩𑐵𑐣 𑐳𑐵𑐴𑐶𑐟𑑂𑐫𑐎𑐵𑐬 𑐰𑐶𑐩𑐮 𑐟𑐵𑐩𑑂𑐬𑐵𑐎𑐵𑐬𑐫𑐵𑐟 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋 𑐄𑐎𑐸𑐣𑑂𑐴𑐸 𑐧𑐶𑐄𑐐𑐸 𑐬𑐵𑐖𑐡𑐵𑐳 𑐳𑐵𑐴𑐶𑐟𑑂𑐫 𑐳𑐶𑐬𑐥𑐵𑑅𑐫𑐵 𑐡𑐵𑐟𑐵 𑐎𑐾𑐩𑐶𑐎𑐮 𑐂𑐣𑑂𑐖𑐶𑐣𑐶𑐫𑐬 𑐟𑐠𑐵 𑐨𑐵𑐲𑐵𑐳𑐾𑐰𑐷 𑐬𑐵𑐖𑐡𑐵𑐳 𑐱𑑂𑐬𑐾𑐲𑑂𑐛 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS