Read news in NepalBhasa text-- www.hamroschool.com BACK 𑐩𑐶𑐳𑐵 𑐏𑐮𑑅𑐫𑐵 𑐔𑑂𑐫𑐵𑐎𑑂𑐰𑑅𑐐𑐸 𑐟𑑅𑐩𑐸𑑃𑐖𑑂𑐫𑐵 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐩𑐶𑐳𑐵 𑐏𑐮𑑅𑐫𑐵 𑐔𑑂𑐫𑐵𑐎𑑂𑐰𑑅𑐐𑐸 𑐟𑑅𑐩𑐸𑑃𑐖𑑂𑐫𑐵

𑐫𑐾𑑃(𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐣𑐾𑐥𑐵𑐮𑐨𑐵𑐲𑐵 𑐩𑐶𑐳𑐵 𑐏𑐮𑑅𑐫𑐵 𑐔𑑂𑐫𑐵𑐎𑑂𑐰𑑅𑐐𑐸 𑐟𑑅𑐩𑐸𑑃𑐖𑑂𑐫𑐵𑑄 𑐢𑐬𑑂𑐩𑐱𑑀𑐨𑐵 𑐟𑐸𑐮𑐵𑐢𑐬𑐫𑐵𑐟 𑐣𑐵𑐫𑑅 𑐮𑑂𑐫𑑅𑐐𑐸 𑐡𑐸 𑑋 𑐰𑑄𑐐𑐸 𑐱𑐣𑐶𑐰𑐵𑑅 𑐠𑐣𑐫𑐵 𑐳𑑂𑐰𑐫𑐩𑑂𑐨𑐹𑐳𑑂𑐠𑐶𑐟 𑐳𑐸𑐣𑐐𑐵𑐨𑐵 𑐴𑑀𑐩𑑂𑐳–𑐮𑐔𑐣𑐵 𑐧𑑁𑐡𑑂𑐢𑐶𑐎 𑐀𑐥𑐵·𑐟𑐵 𑐄𑐟𑐠𑐵𑐣 𑐳𑐩𑐵𑐖)𑐫𑐵 𑐴𑐮𑐫𑑂 𑐖𑐹𑐐𑐸 𑐏𑐮𑑅𑐫𑐵 𑐔𑑂𑐫𑐵𑐎𑑂𑐰𑑅𑐐𑐸 𑐟𑑅𑐩𑐸𑑃𑐖𑑂𑐫𑐵𑑄 𑐢𑐬𑑂𑐩𑐱𑑀𑐨𑐵 𑐟𑐸𑐮𑐵𑐢𑐬𑐫𑐵 𑐀𑐢𑑂𑐫𑐎𑑂𑐲𑐟𑐵𑐫𑑂 𑐣𑑂𑐴𑐹𑐐𑐸 𑐖𑑂𑐫𑐵𑐳𑐣𑐵 𑐥𑐸𑐔𑑅 𑐣𑐷𑐳𑑂𑐰𑑄𑐐𑐸 𑐏𑑅 𑑋

𑐣𑑂𑐴𑐹𑐐𑐸 𑐖𑑂𑐫𑐵𑐳𑐣𑐵 𑐥𑐸𑐔𑐮𑐫𑑂 𑐄𑐬𑑂𑐩𑐶𑐮𑐵 𑐟𑐸𑐮𑐵𑐢𑐬 𑐣𑑂𑐰𑐎𑐸, 𑐥𑐾𑑂𑐬𑐩𑐴𑐶𑐬𑐵 𑐟𑐸𑐮𑐵𑐢𑐬 𑐕𑑂𑐫𑐵𑐘𑑂𑐖𑐾, 𑐥𑐹𑐬𑑂𑐞𑐶𑐩𑐵 𑐱𑐵𑐎𑑂𑐫 𑐜𑑄𑐐𑑀𑐮 𑐡𑐵𑑄𑐨𑐬𑐶𑑄 𑐰 𑐥𑐡𑑂𑐩𑐵𑐡𑐾𑐰𑐷 𑐟𑐵𑐩𑑂𑐬𑐵𑐎𑐵𑐬𑐫𑐵𑐟 𑐮𑐶𑐄𑐕𑑂𑐫𑐵𑐘𑑂𑐖𑐾 𑐮𑑂𑐫𑑅𑐐𑐸 𑐡𑐸𑐳𑐵 𑐣𑐶𑐩𑑂𑐴 𑐡𑐸𑐖𑐮𑐫𑑂 𑐃. 𑐐𑐵𑐬𑑂𑐐𑐷 𑐥𑑂𑐬𑐢𑐵𑐣 𑐰 𑐣𑑅𑐮𑐶 𑐰𑐖𑑂𑐬𑐵𑐔𑐵𑐬𑑂𑐫𑐫𑐵𑐟 𑐮𑑂𑐫𑑅𑐐𑐸 𑐡𑐸 𑑋 𑐩𑐶𑐳𑐵 𑐏𑐮𑑅𑐫𑐵 𑐣𑑂𑐴𑐹𑐐𑐸 𑐖𑑂𑐫𑐵𑐳𑐣𑐵 𑐥𑐸𑐔𑐮𑐫𑑂 𑐣𑐶𑐬𑑂𑐰𑐵𑐔𑐶𑐟 𑐖𑐸𑐫𑐵𑐡𑐷𑐥𑐶𑑄 𑐳𑐎𑐮𑐾𑑄 𑐣𑐶𑐬𑑂𑐰𑐶𑐬𑑀𑐢 𑐖𑐸𑐫𑐵𑐡𑐷𑐐𑐸 𑐏𑑅 𑑋

𑐠𑑂𑐰 𑐳𑑂𑐰𑐫𑐵𑑄 𑐣𑑂𑐴𑑂𑐫𑑅 𑐏𑐮𑑅𑐫𑐵 𑐣𑐵𑐫𑑅 𑐩𑑄𑐐𑐮𑐵 𑐎𑐵𑐬𑑄𑐖𑐶𑐟𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐟𑑅𑐩𑐸𑑃𑐖𑑂𑐫𑐵𑐫𑐵 𑐣𑑂𑐴𑐵𑐥𑐵𑑄𑐐𑐸 𑐳𑐟𑑂𑐬𑐫𑐵 𑐖𑑂𑐫𑐵𑐗𑑂𑐰𑑅 𑐖𑐹𑐐𑐸 𑐏𑑅 𑑋 𑐣𑑂𑐴𑐵𑐥𑐵𑑄𑐐𑐸 𑐳𑐟𑑂𑐬𑐫𑑂 𑐏𑐮𑑅𑐫𑐵 𑐕𑑂𑐫𑐵𑐘𑑂𑐖𑐾 𑐄𑐬𑑂𑐩𑐶𑐮𑐵 𑐜𑑄𑐐𑑀𑐮𑑄 𑐰𑐵𑐬𑑂𑐲𑐶𑐎 𑐥𑑂𑐬𑐐𑐟𑐶 𑐥𑑂𑐬𑐟𑐶𑐰𑐾𑐡𑐣 𑐣𑑂𑐴𑑂𑐫𑐧𑑂𑐰𑐫𑐵𑐡𑐷𑐐𑐸 𑐏𑑅𑐳𑐵 𑐡𑐵𑑄𑐨𑐬𑐶𑑄 𑐄𑐬𑑂𑐩𑐶𑐮𑐵 𑐟𑐸𑐮𑐵𑐢𑐬𑑄 𑐁𑐬𑑂𑐠𑐶𑐎 𑐮𑑂𑐫𑐵𑑅𑐔𑐵𑑅 𑐣𑑂𑐴𑑂𑐫𑐧𑑂𑐰𑐫𑐵𑐡𑐷𑐐𑐸 𑐏𑑅 𑑋

𑐣𑐶𑐐𑐸𑐮𑐶𑑄 𑐥𑑂𑐬𑐟𑐶𑐰𑐾𑐡𑐣𑐫𑑂 𑐬𑐵𑐫 𑐳𑐮𑑂𑐮𑐵𑐴, 𑐳𑐸𑐗𑐵𑐰 𑐎𑐵𑐫𑐾𑐐𑐸 𑐣𑐵𑐥𑑄 𑐳𑐴𑐮𑐴 𑐫𑐵𑐣𑐵𑑅 𑐥𑐵𑐬𑐶𑐟 𑐫𑐵𑑅𑐐𑐸 𑐏𑑅𑐳𑐵 𑐰𑐂𑐐𑐸 𑐁𑐬𑑂𑐠𑐶𑐎 𑐡𑑃𑐫𑐵 𑐣𑐶𑑄𑐟𑐶𑑄 𑐮𑐾𑐏𑐵 𑐥𑐬𑐷𑐎𑑂𑐲𑐎𑐫𑐵 𑐣𑐶𑐫𑐸𑐎𑑂𑐟𑐶 𑐰 𑐥𑐵𑐬𑐶𑐱𑑂𑐬𑐩𑐶𑐎 𑐎𑑂𑐰𑑅𑐕𑐷𑐐𑐸 𑐣𑐵𑐥𑑄 𑐣𑑂𑐴𑐹𑐐𑐸 𑐖𑑂𑐫𑐵𑐳𑐣𑐵 𑐥𑐸𑐔𑑅 𑐮𑑂𑐫𑐫𑐾𑐟 𑐐𑐛𑐣 𑐫𑐵𑐣𑐵𑐟𑑅𑐐𑐸 𑐣𑐶𑐬𑑂𑐰𑐵𑐔𑐣 𑐳𑐩𑐶𑐟𑐶𑐫𑐵 𑐣𑑄 𑐀𑐣𑐸𑐩𑑀𑐡𑐣 𑐫𑐵𑑅𑐐𑐸 𑐏𑑅 𑑋

𑐣𑑂𑐴𑐹𑐐𑐸 𑐖𑑂𑐫𑐵𑐳𑐣𑐵 𑐥𑐸𑐔𑑅 𑐮𑑂𑐫𑐫𑐾𑐐𑐸 𑐣𑐶𑑄𑐟𑐶𑑄 𑐥𑑂𑐬𑐟𑐵𑐥𑐩𑐵𑐣 𑐱𑐵𑐎𑑂𑐫, 𑐱𑐬𑐡 𑐎𑐳𑐵𑑅 𑐰 𑐄𑐡𑐾𑐣 𑐣𑑂𑐴𑐹𑐳𑐵𑐫𑑂𑐩𑐶 𑐡𑐸𑐠𑑂𑐫𑐵𑑅𑐐𑐸 𑐮𑑂𑐫𑐖𑑂𑐫𑐵 𑐥𑐸𑐔𑑅 𑐐𑐛𑐣 𑐫𑐵𑑅𑐐𑐸 𑐏𑑅 𑑋
𑐖𑑂𑐫𑐵𑐗𑑂𑐰𑐮𑐫𑑂 𑐏𑐮𑑅𑐫𑐵 𑐳𑑄𑐬𑐎𑑂𑐲𑐎 𑐳𑐸𑐰𑐬𑑂𑐞𑐎𑐾𑐱𑐬𑐷 𑐔𑐶𑐟𑑂𑐬𑐎𑐵𑐬, 𑐣𑐵𑐫𑑅 𑐩𑑄𑐐𑐮𑐵 𑐎𑐵𑐬𑑄𑐖𑐶𑐟𑑄 𑐰 𑐣𑑂𑐴𑐹𑐩𑑂𑐴 𑐣𑐵𑐫𑑅 𑐟𑐸𑐮𑐵𑐢𑐬𑑄 𑐠𑑅𑐐𑐸 𑐣𑐸𑐐𑑅𑐏𑑃 𑐟𑐫𑐵𑐡𑐷𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS