Read news in NepalBhasa text-- www.hamroschool.com BACK 𑐧𑐸𑐢𑐰𑐵𑑅 𑐧𑐸𑑄𑐐𑐡𑑂𑐫𑑅 𑐳𑐵𑐮𑐷𑐐𑐸 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐧𑐸𑐢𑐰𑐵𑑅 𑐧𑐸𑑄𑐐𑐡𑑂𑐫𑑅 𑐳𑐵𑐮𑐷𑐐𑐸

𑐫𑐮 – 𑐠𑐣𑐫𑐵 𑐠𑐟𑐶 𑐟𑑂𑐰𑐵𑐮𑐫𑑂 𑐮𑐵𑐣𑐵𑐔𑑂𑐰𑑄𑐐𑐸 𑐧𑐸𑑄𑐐𑐡𑑂𑐫𑑅𑐫𑐵 𑐬𑐠 𑐠𑑂𑐰𑐴𑐾 𑐰𑐂𑐐𑐸 𑐖𑐾𑐛 𑑑𑑘 𑐐𑐟𑐾 𑐧𑐸𑐢𑐰𑐵𑑅 𑐳𑐵𑐮𑐷𑐐𑐸 𑐖𑐹𑐐𑐸 𑐡𑐸 𑑋 𑐰𑐎𑐸𑐣𑑂𑐴𑐸 𑐡𑑂𑐫𑑅 𑐳𑐵𑐮𑐵𑑅 𑐫𑐵𑑅 𑐣𑑂𑐫𑐵𑐟 𑐢𑐵𑑅𑐳𑐵 𑐥𑑂𑐫𑐣𑑂𑐴𑐸 𑐮𑐶𑐥𑐵 𑐨𑑀𑐚𑑀 𑐎𑑂𑐫𑐣𑐾𑐐𑐸 𑐔𑐮 𑐣 𑐎𑐠𑑄 𑐖𑐾𑐛 𑑒𑑑 𑐐𑐟𑐾 𑐱𑐣𑐶𑐰𑐵𑑅 𑐧𑐸𑑄𑐐𑐡𑑂𑐫𑑅𑐫𑐵 𑐨𑑀𑐚𑑀 𑐎𑑂𑐫𑐣𑐾𑐐𑐸 𑐖𑐵𑐟𑑂𑐬𑐵 𑐖𑐸𑐂𑐦𑐸 𑑋 𑐠𑐣𑐫𑐵 𑐩𑑄𑐐𑐮𑐫𑑂 𑐔𑑂𑐰𑑄𑐐𑐸 𑐩𑐞𑐶𑐩𑐞𑑂𑐜𑐥 𑐦𑐮𑑂𑐔𑐵𑐫𑑂 𑐩𑑂𑐴𑐶𑐐𑑅 𑐳𑐵𑐂𑐟 𑐳𑑂𑐰𑐫𑐾𑐢𑐸𑑄𑐎𑐵𑑅 𑐖𑑀𑐱𑐷 𑐎𑐷𑐬𑑂𑐟𑐶𑐎𑐶𑐬𑐞 𑐖𑑀𑐱𑐷𑑄 𑑑𑑘 𑐐𑐟𑐾 𑐡𑑂𑐫𑑅 𑐳𑐵𑐮𑐷𑐐𑐸 𑐳𑐵𑐂𑐟 𑐥𑐶𑐎𑐵𑑅𑐐𑐸 𑐏𑑅 𑑋

𑐡𑑃𑐫𑑂𑐡𑐳𑑄 𑐠𑑂𑐰𑐴𑐾 𑐦𑐮𑑂𑐔𑐵𑐫𑑂 𑐔𑑂𑐰𑐣𑐵𑑅 𑐖𑑀𑐱𑐷𑐟𑐫𑑂𑐳𑑄 𑐧𑐸𑑄𑐐𑐡𑑂𑐫𑑅 𑐳𑐵𑐮𑐷𑐐𑐸 𑐳𑐵𑐂𑐟 𑐳𑑂𑐰𑐂𑐐𑐸 𑐏𑑅 𑑋 𑐖𑑀𑐱𑐷𑐫𑐵 𑐎𑐠𑑄 𑐰𑐂𑐐𑐸 𑑑𑑘 𑐐𑐟𑐾 𑐬𑐠 𑐳𑐵𑐮𑐵𑑅 𑐖𑐵𑐰𑐮𑐵𑐏𑑂𑐫𑑅 𑐠𑑂𑐫𑑄𑐎𑐾𑐐𑐸 𑐳𑐵𑐂𑐟 𑐥𑐶𑐴𑐵𑑄 𑐰𑑅𑐐𑐸 𑐡𑐸 𑑋 𑐨𑑀𑐚𑑀 𑐎𑑂𑐫𑐣𑐷 𑐎𑐸𑐣𑑂𑐴𑐸 𑐬𑐵𑐲𑑂𑐚𑑂𑐬𑐥𑐟𑐶, 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷𑐥𑐶𑑄 𑐣𑑄 𑐄𑐥𑐳𑑂𑐠𑐶𑐟 𑐖𑐸𑐂𑐐𑐸 𑐔𑐮𑐣 𑐡𑐸 𑑋 𑐨𑑀𑐚𑑀 𑐎𑑂𑐫𑐣𑐾𑐢𑐸𑑄𑐎𑐵𑑅 𑐧𑐸𑑄𑐐𑐡𑑂𑐫𑑅𑐫𑐵𑐟 𑐏𑐟𑐫𑑂 𑐟𑐫𑐵𑑅 𑐧𑐸𑑄𑐐𑐫𑐵 𑐡𑐾𑐐𑐮𑐫𑑂 𑐟𑐫𑐾 𑐫𑑄𑐎𑐷 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS