Read news in NepalBhasa text-- www.hamroschool.com BACK 𑐜𑐮𑐬 𑐧𑐮𑑂𑐮𑐵𑑅𑐐𑐸𑐮𑐶𑑄 𑐮𑐸𑑃𑐫𑐵 𑐨𑐵𑑅 𑐎𑐸𑐴𑐵𑑄 𑐰𑐣 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐜𑐮𑐬 𑐧𑐮𑑂𑐮𑐵𑑅𑐐𑐸𑐮𑐶𑑄 𑐮𑐸𑑃𑐫𑐵 𑐨𑐵𑑅 𑐎𑐸𑐴𑐵𑑄 𑐰𑐣

𑐫𑐾𑑃 – 𑐣𑐾𑐥𑐵𑑅𑐫𑐵 𑐮𑐸𑑃 𑐰𑐴𑑅𑐫𑐵 𑐧𑐖𑐵𑐬𑐫𑑂 𑐰𑑄𑐐𑐸 𑐕𑐸𑑄 𑐣𑑂𑐴𑐶𑑄 𑐣𑑂𑐴𑑂𑐫𑐰𑐣𑐶𑐳𑐾𑑄 𑐠𑐴𑐵𑑄𑐎𑐸𑐴𑐵𑑄 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐩𑑂𑐴𑐷𑐐 𑐖𑐎 𑐮𑐸𑑃 𑐕𑐟𑑀𑐮𑐵𑐫𑑂 𑑙𑑐𑑐 𑐟𑐎𑐵 𑐎𑐸𑐴𑐵𑑄 𑐰𑑄𑐐𑐸 𑐏𑑅𑐳𑐵 𑐩𑑂𑐴𑐶𑐐𑑅 𑐴𑐵𑐎𑐣𑑄 𑑕𑑐𑑐 𑐟𑐎𑐵 𑐠𑐴𑐵𑑄 𑐰𑑄𑐐𑐸 𑐡𑐸 𑑋 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐧𑐖𑐵𑐬𑐫𑑂 𑐮𑐸𑑃 𑐣𑑂𑐫𑐵𑐂𑐥𑐶𑑄 𑐳𑑂𑐰𑐫𑐵𑑄 𑐣𑑄 𑐩𑐷𑐥𑐶𑑄 𑐀𑐥𑑂𑐰𑐫𑐾𑐰𑑄 𑐁𑑅 𑐴𑐵𑐎𑐣𑑄 𑐮𑐸𑑃𑐫𑐵 𑐨𑐵𑑅 𑐎𑐸𑐴𑐵𑑄 𑐰𑐫𑐵𑐔𑑂𑐰𑑄𑐐𑐸 𑐏𑑃 𑐣𑐾𑐥𑐵𑐮 𑐳𑐸𑐣𑐔𑐵𑑃𑐡𑐷 𑐰𑑂𑐫𑐰𑐳𑐵𑐫𑐷 𑐩𑐴𑐵𑐳𑑄𑐑𑐫𑐵 𑐥𑐸𑐮𑐵𑑄𑐩𑑂𑐴 𑐀𑐢𑑂𑐫𑐎𑑂𑐲 𑐟𑐾𑐖𑐬𑐟𑑂𑐣 𑐱𑐵𑐎𑑂𑐫 ‘𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳’𑐫𑐵𑐟 𑐎𑐣𑐵𑐡𑐷𑐐𑐸 𑐡𑐸 𑑋

𑐄𑐎𑐠𑑄 𑐴𑐾 𑐜𑐮𑐬 𑐧𑐮𑑂𑐮𑐵𑐫𑐾𑐰𑑄 𑐮𑐸𑑃𑐂 𑐮𑐐𑐵𑐣𑐷 𑐫𑐵𑐣𑐵𑐔𑑂𑐰𑑄𑐥𑐶𑑄𑐳𑑄 𑐣𑑄 𑐜𑐮𑐬 𑐴𑐾 𑐳𑐘𑑂𑐔𑐶𑐟𑐶 𑐫𑐵𑐣𑐵𑐴𑑅𑐐𑐸𑐮𑐶𑑄 𑐣𑑄 𑐮𑐸𑑃𑐫𑐵 𑐨𑐵𑑅 𑐎𑐸𑐴𑐵𑑄 𑐰𑐫𑐵𑐔𑑂𑐰𑑄𑐐𑐸 𑐏𑑅 𑑋 𑐮𑐸𑑃𑐫𑐵 𑐨𑐵𑑅 𑐎𑐸𑐴𑐵𑑄 𑐰𑐫𑐵𑑅 𑑙𑑕𑑐𑑐𑑐 𑐟𑐎𑐵 𑐠𑑂𑐫𑐣𑐾𑐦𑐂𑐐𑐸 𑐀𑐣𑐸𑐩𑐵𑐣 𑐣𑑄 𑐰𑐫𑑂𑐎𑐮𑑄 𑐫𑐵𑐣𑐵𑐡𑐷𑐐𑐸 𑐡𑐸 𑑋

𑐬𑐸𑐳 𑐰 𑐫𑐸𑐎𑑂𑐬𑐾𑐣 𑐡𑐠𑐸𑐂 𑐖𑐹𑐐𑐸 𑐫𑐸𑐡𑑂𑐢𑐫𑐵 𑐎𑐵𑐬𑐞𑑄 𑐫𑐵𑐣𑐵𑑅 𑐮𑐸𑑃𑐫𑐵 𑐨𑐵𑑅 𑐠𑐴𑐵𑑄 𑐰𑐣𑐷 𑐢𑐎𑐵𑑅 𑐧𑐶𑐔𑐵𑑅 𑐫𑐵𑑅𑐐𑐸 𑐏𑑅𑐳𑐵𑑄 𑐣𑑄 𑐄𑐎𑐶𑐫𑐵 𑐮𑐶𑐔𑑂𑐰𑑅 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐧𑐖𑐵𑐬𑐫𑑂 𑐩𑐮𑐵𑐫𑐾𑐰𑑄 𑐮𑐸𑑃𑐫𑐵 𑐨𑐵𑑅 𑐎𑐸𑐴𑐵𑑄 𑐰𑐫𑐾𑐐𑐸 𑐱𑐸𑐬𑐸 𑐖𑐹𑐐𑐸 𑐏𑑅 𑑋

𑐮𑐸𑑃𑐫𑐵 𑐨𑐵𑑅 𑐠𑐴𑐵𑑄 𑐰𑐣𑐵𑑅 𑐕𑐟𑑀𑐮𑐵𑐫𑐵 𑑑 𑐮𑐵𑐏 𑑕 𑐴𑐖𑐵𑐬 𑑕 𑐳𑐫 𑐟𑐎 𑐠𑑂𑐫𑐣𑐾𑐢𑐸𑑄𑐎𑐹𑐐𑐸 𑐏𑑅𑐳𑐵𑑄 𑐁𑑅 𑐴𑐵𑐎𑐣𑑄 𑐧𑐸𑐮𑐸𑐴𑐸𑑃 𑐨𑐵𑑅 𑐎𑐸𑐴𑐵𑑄 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐩𑑂𑐴𑐶𑐐𑑅 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐧𑐖𑐵𑐬𑐫𑑂 𑐥𑑂𑐬𑐟𑐶𑐍𑐱 𑑑𑑘𑑑𑑗 𑐜𑐮𑐬 𑐎𑐵𑐫𑐩 𑐖𑐹𑐐𑐸 𑐏𑑅𑐳𑐵 𑐩𑑂𑐴𑐷𑐐 𑑑𑑘𑑐𑑙 𑐜𑐮𑐬 𑐎𑐵𑐫𑐩 𑐖𑐹𑐐𑐸 𑐏𑑅 𑑋 𑐠𑑂𑐰 𑐨𑐵𑑅 𑐎𑐸𑐴𑐵𑑄 𑐰𑐫𑐵𑑅 𑑑𑑘 𑐳𑐫 𑐳𑑂𑐰𑐫𑐵𑑄 𑐩𑑂𑐴𑑀 𑐖𑐸𑐂𑐦𑐸𑐐𑐸 𑐀𑐣𑐸𑐩𑐵𑐣 𑐨𑐵𑐖𑐸 𑐱𑐵𑐎𑑂𑐫𑐫𑐵 𑐡𑐸 𑑋

𑐩𑐾𑐏𑐾 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐥𑐾𑐚𑑂𑐬𑑀𑐮𑐶𑐫𑐩 𑐧𑐖𑐵𑐬𑐫𑑂 𑐥𑐾𑐚𑑂𑐬𑑀𑐮𑐶𑐫𑐩 𑐥𑐡𑐵𑐬𑑂𑐠𑐫𑐵 𑐨𑐵𑑅 𑐠𑐴𑐵𑑄 𑐰𑐣𑐷 𑐢𑐎𑐵𑑅 𑐀𑐣𑐸𑐩𑐵𑐣 𑐖𑐸𑐫𑐵𑐔𑑂𑐰𑑄𑐐𑐸 𑐏𑑅𑐳𑐵𑑄 𑐥𑐾𑐚𑑂𑐬𑑀𑐮𑐶𑐫𑐩 𑐥𑐡𑐵𑐬𑑂𑐠𑐫𑐵 𑐨𑐵𑑅 𑐠𑐴𑐵𑑄 𑐩𑐰𑑄𑐐𑐸𑐮𑐶𑑄 𑐣𑑄 𑐮𑐸𑑃𑐫𑐵 𑐨𑐵𑑅 𑐎𑐸𑐴𑐵𑑄 𑐰𑐫𑐾𑐟 𑐐𑑂𑐰𑐵𑐴𑐵𑐮𑐶 𑐖𑐹𑐰𑑄𑐐𑐸 𑐰𑐶𑐱𑑂𑐮𑐾𑐲𑐞 𑐰𑐫𑑂𑐎𑑅𑐫𑐵 𑐡𑐸 𑑋 𑐩𑑂𑐴𑐶𑐐𑑅 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐥𑐾𑐚𑑂𑐬𑑀𑐮𑐶𑐫𑐩 𑐥𑐡𑐵𑐬𑑂𑐠𑐫𑐵 𑐨𑐵𑑅 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐧𑐖𑐵𑐬𑐫𑑂 𑐥𑑂𑐬𑐟𑐶 𑐧𑑂𑐫𑐵𑐬𑐾𑐮 𑑑𑑑𑑐 𑐟𑐎𑐵 𑐎𑐵𑐫𑐩 𑐖𑐹𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS