Read news in NepalBhasa text-- www.hamroschool.com BACK 𑐡𑐎𑐮𑐫𑑂 𑐟𑐥𑐵𑑅𑐐𑐸 𑐩𑐟𑐥𑐟𑑂𑐬 𑐫𑐾𑑃 𑐩𑐴𑐵𑐣𑐐𑐬𑐫𑐵 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐡𑐎𑐮𑐫𑑂 𑐟𑐥𑐵𑑅𑐐𑐸 𑐩𑐟𑐥𑐟𑑂𑐬 𑐫𑐾𑑃 𑐩𑐴𑐵𑐣𑐐𑐬𑐫𑐵

𑐫𑐾𑑃- 𑐣𑐶𑐬𑑂𑐰𑐵𑐔𑐣 𑐁𑐫𑑀𑐐𑑄 𑐏𑐸𑐐𑐸𑐮𑐶𑑄 𑐩𑐴𑐵𑐣𑐐𑐬𑐫𑐵 𑐩𑐟𑐥𑐟𑑂𑐬 𑐳𑐵𑐬𑑂𑐰𑐖𑐣𑐶𑐎 𑐫𑐵𑑅𑐐𑐸 𑐡𑐸 𑑋 𑐁𑐫𑑀𑐐𑑄 𑐳𑐵𑐬𑑂𑐰𑐖𑐣𑐶𑐎 𑐫𑐵𑑅𑐐𑐸 𑐩𑐟𑐥𑐟𑑂𑐬𑐫𑑂 𑐡𑐎𑐮𑐫𑑂 𑐟𑐥𑐵𑑅𑐐𑐸 𑐫𑐾𑑃 𑐩𑐴𑐵𑐣𑐐𑐬𑐫𑐵 𑐩𑐟𑐥𑐟𑑂𑐬 𑐏𑑅 𑑋

𑐳𑑂𑐠𑐵𑐣𑐷𑐫 𑐟𑐴 𑐣𑐶𑐬𑑂𑐰𑐵𑐔𑐣𑐫𑑂 𑐡𑐎𑐮𑐫𑑂 𑐀𑐥𑑂𑐰𑑅 𑐔𑐸𑐣𑐵𑐰 𑐔𑐶𑑄 𑐡𑐸𑐐𑐸 𑐩𑐟𑐥𑐟𑑂𑐬 𑐣𑑄 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐏𑑅 𑑋 𑐫𑐾𑑃 𑐩𑐴𑐵𑐣𑐐𑐬𑐫𑐵 𑐩𑐟𑐥𑐟𑑂𑐬 𑐡𑐾𑐫𑑂𑐣𑑂𑐫𑑄𑐎𑑄𑐫𑐵 𑐡𑐎𑑂𑐰𑑄 𑐳𑑂𑐠𑐵𑐣𑐷𑐫 𑐟𑐴𑐫𑐵 𑐩𑐟𑐥𑐟𑑂𑐬𑐩𑐢𑑂𑐫𑐾 𑐡𑐎𑐮𑐫𑑂 𑐟𑐥𑐵𑑅𑐐𑐸 𑐩𑐟𑐥𑐟𑑂𑐬 𑐏𑑅 𑑋 𑐫𑐾𑑃 𑐩𑐴𑐵𑐣𑐐𑐬𑐫𑑂 𑐄𑐩𑑂𑐩𑐾𑐡𑐰𑐵𑐬 𑐖𑐸𑐂𑐥𑐶𑑄 𑐁𑐥𑐵𑐮𑑄 𑐡𑐸𑐐𑐸𑐮𑐶𑑄 𑐔𑐸𑐣𑐵𑐰 𑐔𑐶𑑄𑐫𑐵 𑐮𑑂𑐫𑐵𑐏𑐫𑑂 𑐩𑐟𑐥𑐟𑑂𑐬 𑐣𑑄 𑐡𑐎𑐮𑐫𑑂 𑐟𑐥𑐵𑑅𑐐𑐸 𑐖𑐹𑐐𑐸 𑐁𑐫𑑀𑐐𑑄 𑐣𑑂𑐴𑑂𑐫𑐠𑑄𑐐𑐸 𑐡𑐸 𑑋

𑐫𑐾𑑃 𑐩𑐴𑐵𑐣𑐐𑐬𑐫𑐵 𑐩𑐟𑐥𑐟𑑂𑐬𑐫𑑂 𑑖𑑔 𑐟𑐵𑐖𑐶𑐫𑐵 𑐔𑐸𑐣𑐵𑐰 𑐔𑐶𑑄 𑐡𑐸𑐠𑑂𑐫𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐬𑐵𑐖𑐣𑐷𑐟𑐶𑐎 𑐡𑐮 𑐰 𑐳𑑂𑐰𑐟𑐣𑑂𑐟𑑂𑐬𑐫𑐵 𑐣𑐶𑐐𑐹 𑐴𑐾 𑐧𑐶𑐳𑑂𑐎𑑄 𑐮𑐴𑐬𑐫𑑂 𑐔𑐸𑐣𑐵𑐰 𑐔𑐶𑑄 𑐟𑐫𑐵𑑅 𑐩𑐟𑐥𑐟𑑂𑐬 𑐟𑐫𑐵𑐬 𑐫𑐵𑐣𑐵𑐟𑑅𑐐𑐸 𑐡𑐸 𑑋 𑐫𑐾𑑃 𑐩𑐴𑐵𑐣𑐐𑐬𑐫𑐵 𑐥𑑂𑐬𑐩𑐸𑐏, 𑐄𑐥𑐥𑑂𑐬𑐩𑐸𑐏, 𑑓𑑒 𑐰𑐜𑐵𑐫𑑂 𑐰𑐜𑐵𑐀𑐢𑑂𑐫𑐎𑑂𑐲, 𑐩𑐶𑐳𑐵 𑐳𑐡𑐳𑑂𑐫, 𑐡𑐮𑐶𑐟 𑐩𑐶𑐳𑐵 𑐳𑐡𑐳𑑂𑐫 𑐰 𑐏𑐸𑐮𑑂𑐮𑐵 𑐳𑐡𑐳𑑂𑐫𑐫𑑂 𑑑𑑖𑑒 𑐥𑐡𑐫𑐵 𑐣𑐶𑑄𑐟𑐶𑑄 𑐔𑐸𑐣𑐵𑐰 𑐖𑐸𑐂 𑑋 𑐄𑐎𑐷𑐩𑐢𑑂𑐫𑐾 𑐣𑐶𑐐𑐹 𑐰𑐜𑐵𑐫𑑂 𑐡𑐮𑐶𑐟 𑐩𑐶𑐳𑐵 𑐳𑐡𑐳𑑂𑐫𑐫𑑂 𑐄𑐩𑑂𑐩𑐾𑐡𑐰𑐵𑐬𑐷 𑐴𑐾 𑐡𑐬𑑂𑐟𑐵 𑐖𑐹𑐐𑐸 𑐩𑐡𑐸𑐳𑐵 𑐥𑑂𑐫𑑄𑐐𑐹 𑐰𑐜𑐵𑐫𑑂 𑐡𑐮𑐶𑐟 𑐩𑐶𑐳𑐵 𑐳𑐡𑐳𑑂𑐫 𑐣𑐶𑐬𑑂𑐰𑐶𑐬𑑀𑐢 𑐖𑐸𑐂𑐢𑐸𑑄𑐎𑐹𑐐𑐸 𑐡𑐸 𑑋

𑐬𑐵𑐲𑑂𑐚𑑂𑐬𑐶𑐫 𑐩𑐵𑐣𑑂𑐫𑐟𑐵 𑐥𑑂𑐬𑐵𑐥𑑂𑐟 𑐬𑐵𑐖𑐣𑐷𑐟𑐶𑐎 𑐡𑐮, 𑐬𑐵𑐲𑑂𑐚𑑂𑐬𑐶𑐫 𑐩𑐵𑐣𑑂𑐫𑐟𑐵 𑐥𑑂𑐬𑐵𑐥𑑂𑐟 𑐩𑐖𑐹𑐐𑐸 𑐬𑐵𑐖𑐣𑐷𑐟𑐶𑐎 𑐡𑐮 𑐰 𑐳𑑂𑐰𑐟𑐣𑑂𑐟𑑂𑐬𑐥𑐵𑐏𑐾𑑄 𑑘𑑒𑑖 𑐩𑑂𑐴 𑐥𑑂𑐬𑐟𑑂𑐫𑐵𑐱𑐷 𑐔𑐸𑐣𑐵𑐰𑐷 𑐩𑐿𑐡𑐵𑐣𑐫𑑂 𑐎𑐸𑐴𑐵𑑄 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐫𑐾𑑃 𑐩𑐴𑐵𑐣𑐐𑐬𑐫𑑂 𑐳𑑂𑐰𑐟𑐣𑑂𑐟𑑂𑐬 𑐄𑐩𑑂𑐩𑐾𑐡𑐰𑐵𑐬𑐷 𑐧𑐶𑐄𑐥𑐶𑑄 𑐁𑐥𑐵𑐮𑑄 𑐡𑐸𑐐𑐸 𑐰 𑐂𑐩𑐶𑐐𑐸 𑐔𑐸𑐣𑐵𑐰𑑄 𑐔𑐶𑑄 𑐣𑑄 𑐧𑐶𑐳𑑂𑐎𑑄 𑐧𑐶𑐳𑑂𑐎𑑄 𑐖𑐹𑐐𑐸𑐮𑐶𑑄 𑐩𑐟𑐥𑐟𑑂𑐬 𑐣𑑄 𑐟𑐥𑐵𑑅 𑐖𑐹𑐐𑐸 𑐏𑑅 𑑋
𑐄𑐏𑐾 𑐡𑐎𑐮𑐫𑑂 𑐩𑑂𑐴𑑀 𑐄𑐩𑑂𑐩𑐾𑐡𑐰𑐵𑐬𑐷 𑐫𑐮 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑑂 𑐮𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐫𑐮 𑐩𑐴𑐵𑐣𑐐𑐬𑐫𑐵 𑐩𑐟𑐥𑐟𑑂𑐬 𑐕𑐐𑐹 𑐖𑐎 𑐮𑐴𑐬𑐫𑐵 𑐡𑐸 𑑋 𑐡𑐎𑐮𑐫𑑂 𑐩𑑂𑐴𑑀 𑐄𑐩𑑂𑐩𑐾𑐡𑐰𑐵𑐬𑐷 𑐮𑐵𑐣𑐵𑐔𑑂𑐰𑐐𑐸 𑐫𑐮 𑐩𑐴𑐵𑐣𑐐𑐬𑐫𑑂 𑑑𑑙 𑐐𑐹 𑐔𑐸𑐣𑐵𑐰 𑐔𑐶𑑄 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS