Read news in NepalBhasa text-- www.hamroschool.com BACK 𑐂𑐟𑐸𑑄𑐧𑐴𑐵𑐮𑐫𑑂 𑐠𑐵𑐫𑑂𑐥𑐵𑐥𑐶𑑄𑐟 𑐴𑐣𑐾𑐖𑑂𑐫𑐵 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐂𑐟𑐸𑑄𑐧𑐴𑐵𑐮𑐫𑑂 𑐠𑐵𑐫𑑂𑐥𑐵𑐥𑐶𑑄𑐟 𑐴𑐣𑐾𑐖𑑂𑐫𑐵

𑐫𑐾𑑃 – 𑐱𑑂𑐬𑐷 𑐨𑐵𑐲𑑂𑐎𑐬𑐡𑐾𑐰 𑐳𑑄𑐳𑑂𑐎𑐵𑐬𑐶𑐟 𑐎𑐾𑐱𑐔𑐣𑑂𑐡𑑂𑐬𑐎𑐺𑐟 𑐥𑐵𑐬𑐵𑐰𑐬𑑂𑐟 𑐩𑐴𑐵𑐰𑐶𑐴𑐵𑐬 𑐂𑐟𑐸𑑄𑐧𑐴𑐵𑑅𑐫𑐵 𑐗𑐶𑐩𑑂𑐴 𑐠𑐵𑐫𑑂𑐥𑐵𑐥𑐶𑑄𑐟 𑐕𑐐𑐹 𑐰𑐶𑐱𑐾𑐲 𑐖𑑂𑐫𑐵𑐗𑑂𑐰𑑅𑐫𑐵 𑐡𑐠𑐸𑐂 𑐴𑐣𑐾𑐖𑑂𑐫𑐵 𑐫𑐵𑑅𑐐𑐸 𑐡𑐸 𑑋 𑐂𑐟𑐸𑑄𑐧𑐴𑐵𑑅 𑐳𑐸𑐢𑐵𑐬 𑐳𑐩𑐶𑐟𑐶𑐥𑐵𑐏𑐾𑑄 𑐔𑐎𑑂𑐬𑐾𑐱𑑂𑐰𑐬 𑐌𑐩𑐬𑐟𑑂𑐣 𑐰𑐖𑑂𑐬𑐵𑐔𑐵𑐬𑑂𑐫 (𑐳𑐵𑐣𑐸𑐬𑐟𑑂𑐣), 𑐩𑐹 𑐠𑐵𑐫𑑂𑐥𑐵 𑐩𑐞𑐶𑐬𑐟𑑂𑐣 𑐱𑐵𑐎𑑂𑐫, 𑐩𑑀𑐟𑐶𑐎𑐵𑐖𑐷 𑐱𑐵𑐎𑑂𑐫, 𑐀𑐩𑐶𑐬𑐬𑐟𑑂𑐣 𑐱𑐵𑐎𑑂𑐫, 𑐧𑑀𑐢𑐰𑐷𑐬 𑐱𑐵𑐎𑑂𑐫, 𑐬𑐰𑐶𑐧𑐴𑐵𑐡𑐸𑐬 𑐱𑐵𑐎𑑂𑐫 𑐳𑐵𑐣𑐸𑐧𑐵𑐧𑐸 𑐱𑐵𑐎𑑂𑐫, 𑐟𑐾𑐖𑐬𑐟𑑂𑐣 𑐱𑐵𑐎𑑂𑐫, 𑐰𑐶𑐖𑐾𑐣𑑂𑐡𑑂𑐬 𑐱𑐵𑐎𑑂𑐫 𑐰 𑐳𑐵𑐣𑐸𑐩𑐵𑐣 𑐱𑐵𑐎𑑂𑐫𑐫𑐵𑐟 𑐴𑐣𑐾𑐖𑑂𑐫𑐵 𑐫𑐵𑑅𑐐𑐸 𑐏𑑅 𑑋

𑐔𑐎𑑂𑐬𑐾𑐱𑑂𑐰𑐬 𑐌𑐩𑐬𑐟𑑂𑐣 𑐰𑐖𑑂𑐬𑐵𑐔𑐵𑐬𑑂𑐫, 𑐬𑐟𑑂𑐣𑐵𑐎𑐬 𑐰𑐖𑑂𑐬𑐵𑐔𑐵𑐬𑑂𑐫 𑐰 𑐳𑑄𑐖𑐶𑐧 𑐰𑐖𑑂𑐬𑐵𑐔𑐵𑐬𑑂𑐫𑑄 𑐳𑑂𑐰𑐳𑑂𑐟𑐶 𑐰𑐵𑐔𑐣 𑐫𑐵𑐣𑐵𑐧𑐶𑐖𑑂𑐫𑐵𑑅𑐐𑐸 𑐏𑑅𑐳𑐵 𑐂𑐟𑐸𑑄𑐧𑐴𑐵𑑅 𑐩𑐶𑐳𑐵 𑐥𑐸𑐔𑐮𑑄 𑐣𑐾𑐰𑐵𑑅 𑐥𑐬𑐩𑑂𑐥𑐬𑐵𑐎𑐠𑑄 𑐏𑑂𑐫𑐾𑑃 𑐳𑐐𑑄 𑐧𑐶𑐄𑐐𑐸 𑐏𑑅 𑑋 𑐀𑐠𑐾𑐴𑐾 𑐳𑐩𑑂𑐩𑐵𑐣𑐶𑐟 𑐖𑐸𑐫𑐵𑐡𑐷𑐥𑐶𑑄𑐟 𑐳𑐩𑐶𑐟𑐶𑐫𑐵 𑐣𑐵𑐫𑑅 𑐩𑐣𑑀𑐖 𑐱𑐵𑐎𑑂𑐫𑑄 𑐏𑐵𑐡𑐵 𑐎𑑂𑐰𑐏𑐵𑐫𑐾𑐎𑐵𑐡𑐷𑐐𑐸 𑐏𑑅𑐳𑐵 𑐳𑐮𑑂𑐮𑐵𑐴𑐎𑐵𑐬 𑐨𑐐𑐰𑐵𑐣 𑐱𑐵𑐎𑑂𑐫𑑄 𑐡𑑀𑐳𑐮𑑂𑐮𑐵𑑄 𑐣𑑂𑐫𑐫𑐾𑐎𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐳𑐬𑑂𑐰𑐳𑑄𑐑𑐫𑐵 𑐡𑐸𑐖𑑅 𑐨𑐐𑐰𑐵𑐣 𑐱𑐵𑐎𑑂𑐫, 𑐩𑐴𑐵𑐰𑐶𑐴𑐵𑐬𑐫𑐵 𑐕𑑂𑐫𑐵𑐘𑑂𑐖𑐾 𑐥𑑂𑐬𑐖𑑂𑐘𑐵𑐬𑐟𑑂𑐣 𑐱𑐵𑐎𑑂𑐫, 𑐎𑐾𑐱𑐔𑐣𑑂𑐡𑑂𑐬 𑐐𑐸𑑄𑐮𑐵 𑐧𑐵𑐖𑑄 𑐏𑐮𑑅𑐫𑐵 𑐐𑐸𑐬𑐸 𑐡𑐷𑐥𑐎𑐩𑐵𑐣 𑐱𑐵𑐎𑑂𑐫𑑄 𑐣𑐸𑐐𑑅𑐏𑑃 𑐟𑐫𑐵𑐡𑐷𑐐𑐸 𑐏𑑅 𑑋 𑐰𑑄𑐐𑐸 𑐦𑐵𑐐𑐸𑐣𑐫𑐵 𑐮𑐶𑐥𑐵𑑄𑐐𑐸 𑐰𑐵𑐮𑐫𑑂 𑐖𑐎 𑐰𑐳𑐥𑑀𑐮𑐥𑐶𑑄𑐟 𑐠𑐵𑐫𑑂𑐥𑐵 𑐮𑐸𑐂𑐐𑐸 𑐖𑑂𑐫𑐵𑐗𑑂𑐰𑑅 𑐖𑐹𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS