Read news in NepalBhasa text-- www.hamroschool.com BACK 𑐫𑐾𑑃 𑐩𑐴𑐵𑐣𑐐𑐬𑐫𑑂 𑑑𑑕𑑖 𑐣𑐶𑐬𑑂𑐰𑐵𑐔𑐣 𑐎𑐾𑐣𑑂𑐡𑑂𑐬, 𑑓𑑖𑑓 𑐧𑐸𑐠 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐫𑐾𑑃 𑐩𑐴𑐵𑐣𑐐𑐬𑐫𑑂 𑑑𑑕𑑖 𑐣𑐶𑐬𑑂𑐰𑐵𑐔𑐣 𑐎𑐾𑐣𑑂𑐡𑑂𑐬, 𑑓𑑖𑑓 𑐧𑐸𑐠

𑐫𑐾𑑃 – 𑐠𑑁𑑄 𑐡𑐾𑐫𑑂𑐣𑑂𑐫𑑄𑐎𑑄 𑐳𑑂𑐠𑐵𑐣𑐷𑐫 𑐟𑐴𑐫𑐵 𑐣𑐶𑐬𑑂𑐰𑐵𑐔𑐣 𑐖𑐹 𑐰𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐡𑐾𑐫𑑂𑐣𑑂𑐫𑑄𑐎𑑄𑐫𑐵 𑑗𑑕𑑓 𑐐𑐹 𑐳𑑂𑐠𑐵𑐣𑐷𑐫 𑐟𑐴𑐫𑑂 𑐣𑑂𑐴𑐹𑐐𑐸 𑐣𑐾𑐟𑐺𑐟𑑂𑐰 𑐮𑑂𑐫𑐫𑐾𑐟 𑐣𑐶𑐬𑑂𑐰𑐵𑐔𑐣 𑐖𑐹 𑐰𑐣𑐵𑐔𑑂𑐰𑑄𑐐𑐸 𑐡𑐸 𑑋
𑐡𑐾𑐫𑑂𑐫𑐵 𑐏𑐸𑐐𑐹 𑐩𑐴𑐵𑐣𑐐𑐬𑐥𑐵𑐮𑐶𑐎𑐵, 𑐗𑐶𑑄𑐕𑐐𑐹 𑐄𑐥𑐩𑐴𑐵𑐣𑐐𑐬𑐥𑐵𑐮𑐶𑐎𑐵 𑑒𑑗𑑖 𑐣𑐐𑐬𑐥𑐵𑐮𑐶𑐎𑐵 𑐰 𑑔𑑖𑑐 𑐐𑐵𑐄𑑃𑐥𑐵𑐮𑐶𑐎𑐵 𑐫𑐵𑐣𑐵𑑅 𑑗𑑕𑑓 𑐐𑐹 𑐳𑑂𑐠𑐵𑐣𑐷𑐫 𑐟𑐴𑐫𑑂 𑐥𑑂𑐬𑐩𑐸𑐏/𑐀𑐢𑑂𑐫𑐎𑑂𑐲, 𑐄𑐥𑐥𑑂𑐬𑐩𑐸𑐏/𑐄𑐥𑐵𑐢𑑂𑐫𑐎𑑂𑐲, 𑐰𑐜𑐵𑐀𑐢𑑂𑐫𑐎𑑂𑐲, 𑐩𑐶𑐳𑐵 𑐰𑐜𑐵 𑐳𑐡𑐳𑑂𑐫, 𑐡𑐮𑐶𑐟 𑐩𑐶𑐳𑐵 𑐳𑐡𑐳𑑂𑐫 𑐰 𑐏𑐸𑐮𑑂𑐮𑐵 𑐰𑐜𑐵 𑐳𑐡𑐳𑑂𑐫 𑐮𑑂𑐫𑐫𑐾𑐐𑐸 𑐖𑑂𑐫𑐵 𑐖𑐸𑐂 𑑋

𑐠𑐸𑐎𑐷𑐩𑐢𑑂𑐫𑐾 𑐡𑐾𑐫𑑂𑐫𑐵 𑐴𑐾 𑐳𑑄𑐑𑐷𑐫 𑐬𑐵𑐖𑐢𑐵𑐣𑐷 𑐖𑐸𑐫𑐵𑐔𑑂𑐰𑑄𑐐𑐸 𑐫𑐾𑑃 𑐩𑐴𑐵𑐣𑐐𑐬𑐫𑐵 𑐥𑑂𑐬𑐩𑐸𑐏, 𑐄𑐥𑐥𑑂𑐬𑐩𑐸𑐏, 𑐰𑐜𑐵𑐀𑐢𑑂𑐫𑐎𑑂𑐲, 𑐩𑐶𑐳𑐵 𑐰𑐜𑐵 𑐳𑐡𑐳𑑂𑐫, 𑐡𑐮𑐶𑐟 𑐩𑐶𑐳𑐵 𑐰𑐜𑐵 𑐳𑐡𑐳𑑂𑐫 𑐰 𑐏𑐸𑐮𑑂𑐮𑐵 𑐳𑐡𑐳𑑂𑐫 𑐫𑐵𑐣𑐵𑑅 𑐩𑐸𑐎𑑂𑐎𑑄 𑑑𑑖𑑒 𑐩𑑂𑐴 𑐣𑐶𑐬𑑂𑐰𑐵𑐔𑐶𑐟 𑐖𑐸𑐂 𑑋 𑐠𑐸𑐎𑐷𑐩𑐢𑑂𑐫𑐾 𑐣𑐶𑐐𑐹 𑐰𑐜𑐵𑐫𑑂 𑐡𑐮𑐶𑐟 𑐩𑐶𑐳𑐵 𑐳𑐡𑐳𑑂𑐫𑐫𑐵 𑐎𑑀𑐚𑐵𑐫𑑂 𑐕𑐐𑐹 𑐣𑑄 𑐄𑐩𑑂𑐩𑐾𑐡𑐰𑐵𑐬𑐷 𑐮𑐵𑑅𑐐𑐸 𑐩𑐡𑐸𑐳𑐵 𑐥𑑂𑐫𑑄𑐐𑐹 𑐰𑐜𑐵𑐫𑑂 𑐕𑐩𑑂𑐴 𑐕𑐩𑑂𑐴𑐾𑐳𑐶𑐫𑐵 𑐖𑐎 𑐄𑐩𑑂𑐩𑐾𑐡𑐰𑐵𑐬𑐷 𑐮𑐵𑑅𑐐𑐸𑐮𑐶𑑄 𑐣𑐶𑐬𑑂𑐰𑐶𑐬𑑀𑐢 𑐖𑐸𑐂𑐢𑐸𑑄𑐎𑐹𑐐𑐸 𑐡𑐸 𑑋 𑐁𑑅 𑐠𑑁𑑄 𑐖𑐸𑐂𑐐𑐸 𑐔𑐸𑐣𑐵𑐰𑑄 𑑑𑑕𑑖 𑐖𑐣𑐥𑑂𑐬𑐟𑐶𑐣𑐶𑐢𑐶 𑐮𑑂𑐫𑐂 𑑋

𑐠𑑁𑑄 𑐖𑐸𑐂𑐐𑐸 𑐳𑑂𑐠𑐵𑐣𑐷𑐫 𑐟𑐴 𑐣𑐶𑐬𑑂𑐰𑐵𑐔𑐣𑐫𑐵 𑐣𑐶𑑄𑐟𑐶𑑄 𑐫𑐾𑑃 𑐩𑐴𑐵𑐣𑐐𑐬𑐫𑑂 𑑑𑑕𑑖 𑐎𑐾𑐣𑑂𑐡𑑂𑐬 𑐰 𑑓𑑖𑑓 𑐧𑐸𑐠𑐫𑐵 𑐰𑑂𑐫𑐰𑐳𑑂𑐠𑐵 𑐫𑐵𑐣𑐵𑐟𑑅𑐐𑐸 𑐡𑐸 𑑋 𑐠𑐸𑐥𑐶𑑄 𑐴𑐾 𑐎𑐾𑐣𑑂𑐡𑑂𑐬 𑐰 𑐧𑐸𑐠𑐫𑑂 𑐖𑐸𑐂𑐐𑐸 𑐩𑐟𑐡𑐵𑐣𑐥𑐵𑐏𑐾𑑄 𑐫𑐾𑑃 𑐩𑐴𑐵𑐣𑐐𑐬𑐫𑐵 𑐣𑑂𑐴𑐹𑐐𑐸 𑐣𑐾𑐟𑐺𑐟𑑂𑐰 𑐮𑑂𑐫𑐂 𑑋 𑐡𑐎𑐮𑐫𑑂 𑐀𑐥𑑂𑐰𑑅 𑑓𑑑 𑐰𑐜𑐵𑐫𑑂 𑐩𑐟𑐡𑐵𑐣 𑐎𑐾𑐣𑑂𑐡𑑂𑐬 𑐡𑐸 𑑋 𑐠𑐣 𑐕𑐐𑐹 𑐰𑐜𑐵𑐫𑑂 𑑑𑑑 𑐐𑐹 𑐩𑐟𑐡𑐵𑐣 𑐎𑐾𑐣𑑂𑐡𑑂𑐬 𑐡𑐸𑐳𑐵 𑐀𑐣𑑄 𑐮𑐶𑐥𑐵 𑑑𑑖 𑐫𑑂 𑑑𑑐 𑐐𑐹 𑐩𑐟𑐡𑐵𑐣 𑐎𑐾𑐣𑑂𑐡𑑂𑐬 𑐡𑐸 𑑋 𑐀𑐣𑑄𑐮𑐶 𑑗 𑐰 𑑓𑑒 𑐰𑐜𑐵𑑂 𑐐𑐸𑑄𑐐𑐹 𑐐𑐸𑑄𑐐𑐹 𑐎𑐾𑐣𑑂𑐡𑑂𑐬 𑐡𑐸 𑑋

𑐡𑐎𑐮𑐫𑑂 𑐩𑑂𑐴𑑀 𑐩𑐟𑐡𑐵𑐣 𑐎𑐾𑐣𑑂𑐡𑑂𑐬 𑐡𑐸𑐐𑐸 𑐰𑐜𑐵 𑑒𑑓 𑐏𑑅𑐳𑐵 𑐠𑐣 𑐕𑐐𑐹 𑐖𑐎 𑐩𑐟𑐡𑐵𑐣 𑐎𑐾𑐣𑑂𑐡𑑂𑐬 𑐡𑐸 𑑋 𑐀𑐣𑑄𑐮𑐶 𑑑𑑙, 𑑒𑑐 𑐰 𑑒𑑔 𑐫𑑂 𑐣𑐶𑐐𑐹 𑐣𑐶𑐐𑐹 𑐎𑐾𑐣𑑂𑐡𑑂𑐬 𑐡𑐸𑐳𑐵 𑐠𑑂𑐰 𑐢𑐸𑑄𑐎𑐵𑑅 𑑑, 𑑕, 𑑘, 𑑑𑑒, 𑑑𑑘 𑐰 𑑒𑑙 𑐫𑑂 𑐳𑑂𑐰𑑄𑐐𑐹 𑐳𑑂𑐰𑑄𑐐𑐹 𑐎𑐾𑐣𑑂𑐡𑑂𑐬 𑐡𑐸 𑑋

𑐠𑐸𑐎𑐠𑑄 𑐴𑐾 𑑑𑑖 𑐰𑐜𑐵𑐫𑑂 𑐡𑐎𑐮𑐫𑑂 𑐀𑐥𑑂𑐰𑑅 𑑒𑑓 𑐐𑐹 𑐧𑐸𑐠 𑐡𑐸 𑑋 𑐀𑐣𑑄𑐮𑐶𑐥𑐵 𑑓𑑑 𑐰 𑑓𑑒 𑐰𑐜𑐵 𑐣𑐶𑐐𑐸𑐮𑐶𑐂 𑐣𑑄 𑑒𑑒÷𑑒𑑒 𑐐𑐹 𑐧𑐸𑐠 𑐡𑐸 𑑋 𑐰 𑐢𑐸𑑄𑐎𑐵𑑅 𑐳𑑂𑐰𑑄𑐐𑐹𑐐𑐸 𑐠𑐵𑐳𑐫𑑂 𑐫𑐎𑑂𑐰 𑐧𑐸𑐠 𑐡𑐸𑐐𑐸 𑐰𑐜𑐵 𑑑𑑔 𑐏𑑅𑐳𑐵 𑐠𑐣 𑑒𑑑 𑐐𑐹 𑐧𑐸𑐠 𑐡𑐸 𑑋

𑐫𑐾𑑃 𑐩𑐴𑐵𑐣𑐐𑐬𑐫𑐵 𑑓𑑒 𑐐𑐸𑐮𑐶𑑄 𑐰𑐜𑐵𑐫𑑂 𑐫𑐵𑐣𑐵𑑅 𑐩𑐸𑐎𑑂𑐎𑑄 𑑓 𑐐𑐹 𑐮𑐏 𑑒𑑔𑑒 𑐩𑑂𑐴 𑐩𑐟𑐡𑐵𑐟𑐵 𑐡𑐸 𑑋 𑐠𑐸𑐥𑐶𑑄 𑐴𑐾 𑐩𑐟𑐡𑐵𑐟𑐵𑐟𑐫𑑂𑐳𑑄 𑐣𑐶𑐬𑑂𑐰𑐵𑐔𑐣𑐫𑐵 𑐩𑐿𑐡𑐵𑐣𑐫𑑂 𑐎𑐸𑐴𑐵𑑄 𑐰𑐫𑐵𑐔𑑂𑐰𑑄𑐥𑐶𑑄 𑐄𑐩𑑂𑐩𑐾𑐡𑐰𑐵𑐬𑐟𑐫𑑂 𑐨𑐵𑐐𑑂𑐫 𑐣𑐶𑐬𑑂𑐢𑐵𑐬𑐞 𑐫𑐵𑐂 𑑋

𑐫𑐾𑑃 𑐩𑐴𑐵𑐣𑐐𑐬𑐫𑑂 𑐡𑐎𑐮𑐫𑑂 𑐀𑐥𑑂𑐰𑑅 𑐩𑐟𑐡𑐵𑐟𑐵 𑐡𑐸𑐐𑐸 𑐰𑐜𑐵 𑑑𑑖 𑐏𑑅𑐳𑐵 𑐀𑐣𑑄𑐮𑐶 𑑓𑑒 𑐰𑐜𑐵 𑐏𑑅 𑑋 𑑑𑑖 𑐰𑐜𑐵𑐫𑑂 𑑒𑑙,𑑑𑑗𑑕 𑐩𑐟𑐡𑐵𑐟 𑐡𑐸𑐳𑐵 𑑓𑑒 𑐫𑑂 𑑑𑑘,𑑙𑑑𑑓 𑐩𑐟𑐡𑐵𑐟𑐵 𑐡𑐸 𑑋 𑐳𑑂𑐰𑑄𑐐𑐹 𑐠𑐵𑐳𑐫𑑂 𑑓𑑑 𑐰𑐜𑐵 𑐏𑑅𑐳𑐵 𑐠𑐣 𑑑𑑘,𑑑𑑐𑑗 𑐩𑐟𑐡𑐵𑐟𑐵 𑐡𑐸 𑑋

𑐠𑐸𑐎𑐠𑑄 𑐴𑐾 𑐡𑐎𑐮𑐫𑑂 𑐩𑑂𑐴𑑀 𑐩𑐟𑐡𑐵𑐟𑐵 𑐡𑐸𑐐𑐸 𑐰𑐜𑐵 𑑑 𑐏𑑅 𑑋 𑐠𑐣 𑐩𑐸𑐎𑑂𑐎𑑄 𑑓,𑑗𑑒𑑙 𑐩𑐟𑐡𑐵𑐟𑐵 𑐡𑐸𑐳𑐵 𑐩𑐟𑐡𑐵𑐟𑐵 𑐡𑐸𑐐𑐸 𑐰𑐜𑐵𑐫𑑂 𑐣𑐶𑐐𑐹𑐐𑐸 𑐠𑐵𑐳𑐫𑑂 𑑑𑑘 𑐰 𑐳𑑂𑐰𑑄𑐐𑐹𑐐𑐸𑐮𑐶𑐂 𑑒𑑓 𑐰𑐜𑐵 𑐏𑑅 𑑋 𑑑𑑘 𑐰𑐜𑐵𑐫𑑂 𑑓,𑑙𑑓𑑙 𑐩𑑂𑐴 𑐩𑐟𑐡𑐵𑐟𑐵 𑐡𑐸𑐳𑐵 𑑒𑑓 𑐫𑑂 𑑔,𑑔𑑗𑑗 𑐩𑑂𑐴 𑐩𑐟𑐡𑐵𑐟𑐵 𑐡𑐸 𑑋 𑐩𑑂𑐴𑑀 𑐩𑐟𑐡𑐵𑐟𑐵 𑐡𑐸𑐐𑐸 𑐰𑐜𑐵𑐫𑑂 𑐥𑑂𑐫𑑄𑐐𑐹𑐐𑐸 𑐠𑐵𑐳𑐫𑑂 𑑒𑑐 𑐰𑐜𑐵 𑐡𑐸𑐳𑐵 𑐠𑐣 𑑔,𑑖𑑑𑑔 𑐩𑑂𑐴 𑐩𑐟𑐡𑐵𑐟𑐵 𑐡𑐸 𑑋

𑐗𑐶𑐡𑑂𑐰𑑅 𑐳𑑂𑐰𑐫𑐵𑑄 𑐀𑐥𑑂𑐰𑑅 𑐩𑐟𑐡𑐵𑐟𑐵 𑐡𑐸𑐐𑐸 𑐰𑐜𑐵 𑑓, 𑑔, 𑑖, 𑑗, 𑑙, 𑑑𑑐, 𑑑𑑓, 𑑑𑑔, 𑑑𑑕, 𑑑𑑖, 𑑒𑑖, 𑑓𑑑 𑐰 𑑓𑑒 𑐰𑐜𑐵 𑐏𑑅𑐳𑐵 𑐠𑐸𑐎𑐷𑐩𑐢𑑂𑐫𑐾 𑐰𑐜𑐵𑐫𑑂 𑐣𑑄. 𑑔, 𑑑𑑔, 𑑑𑑖, 𑑓𑑑 𑐰 𑑓𑑒𑐫𑑂 𑐗𑐶𑑄𑐣𑑂𑐫𑐵𑐡𑑂𑐰𑐮𑑄 𑐩𑐮𑑂𑐫𑐵𑐎 𑐩𑐟𑐡𑐵𑐟𑐵 𑐡𑐸 𑑋 𑐀𑐠𑐾𑐴𑐾 𑐣𑑂𑐫𑐵𑐡𑑂𑐰𑑅 𑐳𑑂𑐰𑐫𑐵𑑄 𑐩𑑂𑐴𑑀 𑐩𑐟𑐡𑐵𑐟𑐵 𑐡𑐸𑐐𑐸 𑐰𑐜𑐵 𑑑, 𑑑𑑘, 𑑒𑑐, 𑑒𑑓 𑐰 𑑒𑑘 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS