Read news in NepalBhasa text-- www.hamroschool.com BACK 𑐀𑐣𑑂𑐟𑐶𑐩 𑐳𑐨𑐵𑐫𑑂 𑐡𑐮𑐫𑐵 𑐣𑐾𑐟𑐵𑐟𑐥𑐵𑐏𑐾𑑄 𑐀𑐣𑐾𑐎 𑐁𑐱𑑂𑐰𑐵𑐳𑐣 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐀𑐣𑑂𑐟𑐶𑐩 𑐳𑐨𑐵𑐫𑑂 𑐡𑐮𑐫𑐵 𑐣𑐾𑐟𑐵𑐟𑐥𑐵𑐏𑐾𑑄 𑐀𑐣𑐾𑐎 𑐁𑐱𑑂𑐰𑐵𑐳𑐣

𑐫𑐾𑑃 – 𑐳𑑂𑐠𑐵𑐣𑐷𑐫 𑐟𑐴 𑐣𑐶𑐬𑑂𑐰𑐵𑐔𑐣𑐫𑐵 𑐗𑑂𑐰𑐮𑐫𑑂 𑐩𑑂𑐴𑐶𑐐𑑅 𑐖𑐹𑐐𑐸 𑐀𑐣𑑂𑐟𑐶𑐩 𑐳𑐨𑐵𑐫𑑂 𑐣𑑂𑐰𑐰𑐵𑐳𑐾𑑄 𑐠𑐷𑐠𑐷 𑐥𑐵𑐬𑑂𑐚𑐷𑐫𑐵 𑐣𑐾𑐟𑐵𑐟𑐫𑑂𑐳𑑄 𑐠𑑅𑐠𑑅𑐐𑐸 𑐥𑐵𑐬𑑂𑐚𑐷𑐫𑐵 𑐄𑐩𑑂𑐩𑐾𑐡𑐰𑐵𑐬𑐥𑐶𑑄𑐟 𑐨𑑀𑐚 𑐧𑐶𑐫𑐵𑑅 𑐟𑑂𑐫𑐵𑐎𑐾𑐟 𑐂𑐣𑐵𑐥 𑐫𑐵𑐣𑐵𑐡𑐶𑐮 𑑋

𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐮𑐶𑐳𑐾𑑄 𑐣𑐾𑐥𑐵𑐮𑐷 𑐎𑐵𑑄𑐐𑑂𑐬𑐾𑐳𑐫𑐵 𑐳𑐨𑐵𑐥𑐟𑐶 𑐱𑐾𑐬 𑐧𑐴𑐵𑐡𑐸𑐬 𑐡𑐾𑐄𑐰𑐵𑑄 𑐩𑑂𑐴𑐶𑐐𑑅 𑐠𑑅𑐐𑐸 𑐴𑐾 𑐐𑐺𑐴 𑐖𑐶𑐮𑑂𑐮𑐵 𑐜𑐜𑐾𑐮𑑂𑐢𑐸𑐬𑐵𑐫𑑂 𑐀𑐣𑑂𑐟𑐶𑐩 𑐳𑐨𑐵 𑐫𑐵𑐣𑐵𑐡𑐶𑐮 𑑋 𑐀𑐣 𑐣𑑂𑐰𑐰𑐵𑐳𑐾𑑄 𑐰𑐫𑑂𑐎𑐮𑑄 𑐥𑐱𑑂𑐔𑐶𑐩 𑐳𑐾𑐟𑐷 𑐥𑐬𑐶𑐫𑑀𑐖𑐣𑐵 𑐫𑐡𑐶 𑐔𑐷𑐣𑐫𑐵𑐟 𑐡𑐫𑐾𑐎𑐾 𑐧𑐶𑐮 𑐢𑐵𑑅𑐳𑐵 𑐨𑐵𑐬𑐟𑑄 𑐰𑐶𑐡𑑂𑐫𑐸𑐟 𑐣𑑂𑐫𑐵𑐣𑐵 𑐎𑐵𑐂 𑐩𑐏𑐸, 𑐄𑐎𑐶𑑄 𑐠𑑂𑐰 𑐥𑐬𑐶𑐫𑑀𑐖𑐣𑐵 𑐨𑐵𑐬𑐟𑐫𑐵𑐟 𑐴𑐾 𑐡𑐫𑐾𑐎𑐾 𑐧𑐷𑐐𑐸 𑐑𑑀𑐲𑐞𑐵 𑐫𑐵𑐣𑐵𑐡𑐶𑐮 𑑋 𑐖𑐾𑐛 𑑒 𑐐𑐟𑐾 𑐮𑐸𑐩𑑂𑐧𑐶𑐣𑐷𑐂 𑐨𑐵𑐬𑐟𑐷𑐫 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐣𑐬𑐾𑐣𑑂𑐡𑑂𑐬 𑐩𑑀𑐡𑐷𑐮𑐶𑐳𑐾 𑐖𑐸𑐂𑐐𑐸 𑐏𑑃𑐮𑑂𑐴𑐵𑐧𑐮𑑂𑐴𑐵𑐫𑑂 𑐠𑐩𑑂𑐴𑑄 𑐠𑑂𑐰𑐴𑐾 𑐏𑑃 𑐟𑐫𑐾𑐐𑐸 𑐖𑐵𑐣𑐎𑐵𑐬𑐷 𑐣𑑄 𑐰𑐫𑑂𑐎𑐮𑑄 𑐧𑐶𑐫𑐵𑐡𑐶𑐮 𑑋 𑐄𑐮𑐶 𑐖𑐎 𑐩𑐏𑐸, 𑐫𑐡𑐶 𑐎𑐵𑑄𑐐𑑂𑐬𑐾𑐳 𑐟𑑂𑐫𑐵𑐟 𑐢𑐵𑑅𑐳𑐵 𑐳𑐸𑐡𑐸𑐬 𑐥𑐱𑑂𑐔𑐶𑐩 𑐥𑑂𑐬𑐡𑐾𑐱𑐫𑐵 𑐬𑐵𑐖𑐢𑐵𑐣𑐷 𑐴𑐾 𑐜𑐜𑐾𑐮𑑂𑐢𑐸𑐬𑐵𑐫𑑂 𑐳𑐵𑐬𑐾 𑐫𑐵𑐫𑐾𑐐𑐸 𑐁𑐱𑑂𑐰𑐵𑐳𑐣 𑐟𑐎𑑄 𑐧𑐶𑐫𑐵𑐡𑐶𑐮 𑑋

𑐩𑐾𑐏𑐾 𑐊𑐩𑐵𑐮𑐾𑐫𑐵 𑐀𑐢𑑂𑐫𑐎𑑂𑐲 𑐎𑐾𑐥𑐷 𑐌𑐮𑐷𑐫𑐵 𑐀𑐣𑑂𑐟𑐶𑐩 𑐳𑐩𑑂𑐧𑑀𑐢𑐣 𑐫𑐾𑑃𑐫𑐵 𑐨𑐺𑐎𑐸𑐚𑐷𑐩𑐞𑑂𑐜𑐥𑐫𑑂 𑐖𑐹𑐐𑐸 𑐳𑐨𑐵𑐫𑑂 𑐖𑐸𑐮 𑑋 𑐄𑐐𑐸 𑐳𑐨𑐵𑐫𑐵𑐟 𑐳𑐩𑑂𑐧𑑀𑐢𑐣 𑐫𑐵𑐳𑐾𑑄 𑐀𑐢𑑂𑐫𑐎𑑂𑐲 𑐌𑐮𑐷𑑄 𑐳𑐬𑑂𑐰𑑀𑐔𑑂𑐔 𑐀𑐡𑐵𑐮𑐟𑑄 𑐣𑑂𑐴𑐵𑐥𑐵 𑐎𑐵𑑄𑐐𑑂𑐬𑐾𑐳𑐥𑐵𑐏𑐾𑑄 𑐫𑐵𑑅𑐐𑐸 𑐳𑑄𑐳𑐡 𑐰𑐶𑐑𑐚𑐣𑐫𑐵𑐟 𑐰𑐿𑐢 𑐑𑑀𑐲𑐞𑐵 𑐫𑐵𑑅𑐐𑐸 𑐟𑐬 𑐊𑐩𑐵𑐮𑐾𑑄 𑐳𑑄𑐳𑐡 𑐰𑐶𑐑𑐚𑐣 𑐫𑐵𑑅𑐧𑐮𑐫𑑂 𑐀𑐰𑐿𑐢 𑐢𑐎𑐵𑑅 𑐦𑐿𑐳𑐮𑐵 𑐫𑐵𑑅𑐐𑐸 𑐢𑐵𑐳𑐾𑑄 𑐳𑐬𑑂𑐰𑑀𑐔𑑂𑐔 𑐀𑐡𑐵𑐮𑐟𑐫𑐵 𑐦𑐿𑐳𑐮𑐵𑐫𑐵𑐟 𑐁𑐮𑑀𑐔𑐣𑐵 𑐫𑐵𑐣𑐵𑐡𑐶𑐮 𑑋

𑐩𑐾𑐏𑐾 𑐣𑐾𑐥𑐵𑐮𑐷 𑐎𑐵𑑄𑐐𑑂𑐬𑐾𑐳𑐫𑐵 𑐣𑐾𑐟𑐵 𑐥𑑂𑐬𑐎𑐵𑐱𑐩𑐵𑐣 𑐳𑐶𑑄𑐴𑑄 𑐊𑐩𑐵𑐮𑐾 𑐀𑐢𑑂𑐫𑐎𑑂𑐲 𑐌𑐮𑐷 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐖𑐹𑐐𑐸 𑐂𑐮𑐫𑑂 𑐥𑐚𑐎 𑐥𑐚𑐎 𑐳𑑄𑐳𑐡 𑐰𑐶𑐑𑐚𑐣 𑐫𑐵𑐣𑐵𑑅 𑐡𑐾𑐱𑐫𑐵𑐟 𑐀𑐳𑑂𑐠𑐶𑐬 𑐫𑐵𑑅𑐐𑐸 𑐎𑐵𑐬𑐞𑑄 𑐴𑐾 𑐣𑑂𑐫𑐵𑐐𑐹 𑐡𑐮𑐫𑐵 𑐐𑐛𑐧𑐣𑑂𑐢𑐣 𑐡𑐫𑐾𑐎𑐾𑐩𑐵𑑅𑐐𑐸 𑐏𑑅 𑐢𑐫𑐵𑐡𑐶𑐮 𑑋 𑐀𑐠𑐾 𑐴𑐾 𑐫𑐾𑑃𑐫𑐵 𑐀𑐳𑐣𑐫𑑂 𑐖𑐹𑐐𑐸 𑐳𑐨𑐵𑐫𑑂 𑐣𑑂𑐰𑐰𑐵𑐳𑐾𑑄 𑐎𑐵𑑄𑐐𑑂𑐬𑐾𑐳 𑐣𑐾𑐟𑐵 𑐐𑐐𑐣 𑐠𑐵𑐥𑐵𑑄 𑐌𑐮𑐷𑐥𑐵𑐏𑐾𑑄 𑐳𑑄𑐳𑐡 𑐰𑐶𑐑𑐚𑐣𑐫𑐵 𑐖𑑂𑐫𑐵 𑐫𑐵𑑅𑐐𑐸 𑐎𑐵𑐬𑐞𑑄 𑐡𑐾𑐫𑑂𑐫𑐵 𑐣𑑂𑐫𑐵𑐡𑑃 𑐳𑐶𑐟𑐶𑐎𑑄 𑐰𑑄𑐐𑐸 𑐡𑐸 𑐢𑐵𑐳𑐾𑑄 𑐄𑐎𑐶𑐫𑐵 𑐮𑐵𑐐𑐶𑑄 𑐌𑐮𑐷𑐫𑐵𑐟 𑐳𑐖𑐵𑐫𑑃 𑐧𑐷𑐩𑐵𑑅𑐐𑐸 𑐏𑑃 𑐟𑐫𑐵𑐡𑐶𑐮 𑑋

𑐊𑐩𑐵𑐮𑐾 𑐀𑐢𑑂𑐫𑐎𑑂𑐲 𑐌𑐮𑐷𑑄 𑐎𑐵𑑄𑐐𑑂𑐬𑐾𑐳 𑐮𑐐𑐵𑐫𑐟𑐫𑐵 𑐣𑑂𑐫𑐵𑐐𑐹 𑐡𑐮 𑐕𑐠𑐵𑐫𑑂 𑐔𑑂𑐰𑑄𑐳𑐵𑑄 𑐣𑑄 𑐊𑐩𑐵𑐮𑐾𑐫𑐵𑐟 𑐧𑐸𑐎𑐾 𑐩𑐦𑐂𑐐𑐸 𑐡𑐵𑐰𑐷 𑐫𑐵𑐳𑐾𑑄 𑐊𑐩𑐵𑐮𑐾𑐫𑐵 𑐰𑐶𑐖𑐫 𑐣𑐶𑐱𑑂𑐔𑐶𑐟 𑐡𑐸𑐐𑐸 𑐏𑑃 𑐎𑐣𑐵𑐡𑐶𑐮 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS