Read news in NepalBhasa text-- www.hamroschool.com BACK 𑐖𑐶𑑄 𑐰𑐶𑐥𑐎𑑂𑐲𑐷 𑐩𑐵𑐣𑐳𑐶𑐎𑐟𑐵𑑄 𑐄𑐩𑑂𑐩𑐾𑐡𑐰𑐵𑐬𑐷 𑐧𑐶𑐫𑐵𑐐𑐸 𑐩𑐏𑐸 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐖𑐶𑑄 𑐰𑐶𑐥𑐎𑑂𑐲𑐷 𑐩𑐵𑐣𑐳𑐶𑐎𑐟𑐵𑑄 𑐄𑐩𑑂𑐩𑐾𑐡𑐰𑐵𑐬𑐷 𑐧𑐶𑐫𑐵𑐐𑐸 𑐩𑐏𑐸

𑐕𑐶𑐐𑐸 𑐩𑐹 𑐩𑐹 𑐊𑐖𑐾𑐣𑑂𑐜𑐵 𑐕𑐸 𑐕𑐸 𑐏𑑅 ?
𑐰𑐜𑐵𑐫𑐵 𑐥𑑂𑐬𑐱𑐵𑐳𑐣𑐶𑐎 𑐖𑑂𑐫𑐵𑐫𑐵𑐟 𑐥𑐹𑐬𑑂𑐰𑐵𑐐𑑂𑐬𑐴 𑐩𑐟𑐳𑐾 𑐄𑐡𑑂𑐢𑐵𑐬 𑐰 𑐥𑐵𑐬𑐡𑐬𑑂𑐱𑐷 𑐬𑐸𑐥𑑄 𑐳𑐾𑐰𑐵𑐐𑑂𑐬𑐵𑐴𑐷𑐫𑐵𑐟 𑐳𑐾𑐰𑐵 𑐧𑐷𑐐𑐸 𑑋 𑐰𑐜𑐵𑐫𑑂 𑐳𑐾𑐰𑐵𑐫𑑂 𑐳𑐸𑐱𑐵𑐳𑐣 𑐎𑐵𑐫𑐩 𑐫𑐵𑐫𑐾𑐐𑐸 𑑋 𑐨𑑁𑐟𑐶𑐎 𑐣𑐶𑐬𑑂𑐩𑐵𑐞 𑐰 𑐰𑐶𑐎𑐵𑐳 𑐣𑐶𑐬𑑂𑐩𑐵𑐞𑐫𑐵 𑐖𑑂𑐫𑐵𑐫𑐵𑐟 𑐥𑐎𑑂𑐲𑐥𑐵𑐟 𑐩𑐫𑐵𑐳𑐾 𑐳𑐩𑐵𑐣𑐸𑐥𑐵𑐟𑐶𑐎 𑐬𑐸𑐥𑑄 𑐎𑐵𑐬𑑂𑐫𑐵𑐣𑑂𑐰𑐫𑐣 𑐫𑐵𑐣𑐵 𑐫𑑄𑐎𑐾𑐐𑐸 𑐖𑐸𑐂 𑑋

𑐕𑐶𑐐𑐸 𑐰𑐜𑐵𑐫𑑂 𑐡𑐸𑐐𑐸 𑐩𑐸𑐏𑑂𑐫 𑐳𑐩𑐳𑑂𑐫𑐵𑐟 𑐕𑐸 𑐕𑐸 𑐏𑑅 ?
𑐀𑐰𑑂𑐫𑐰𑐳𑑂𑐠𑐶𑐟 𑐥𑐵𑐬𑑂𑐎𑐶𑐒, 𑐳𑐴𑐬𑐷 𑐳𑐸𑐣𑑂𑐡𑐬𑐟𑐵 𑐎𑐸𑐬𑐸𑐥 𑐖𑐸𑐂𑐎 𑐟𑐫𑐵𑐟𑑅𑐐𑐸 𑐟𑐵𑐬𑐫𑐵 𑐰𑑂𑐫𑐰𑐳𑑂𑐠𑐵𑐥𑐣, 𑐰𑐜𑐵𑐫𑐵 𑐐𑐮𑑂𑐮𑐷 𑐐𑐮𑑂𑐮𑐷𑐂, 𑐧𑐴𑐵𑑅 𑐧𑐴𑐷, 𑐔𑐸𑐎, 𑐣𑐣𑐶𑐂 𑐩𑐟𑐫𑐵 𑐰𑑂𑐫𑐰𑐳𑑂𑐠𑐵𑐥𑐣 𑑋 𑐮𑑅, 𑐢𑑅 𑐰 𑐦𑑀𑐴𑐬𑐫𑐵 𑐳𑐩𑐸𑐔𑐶𑐟 𑐰𑑂𑐫𑐰𑐳𑑂𑐠𑐵𑐥𑐣 𑐩𑐸𑐏𑑂𑐫 𑐳𑐩𑐳𑑂𑐫𑐵 𑐏𑑅 𑑋

𑐕𑐶 𑐣𑐶𑐬𑑂𑐰𑐵𑐔𑐶𑐟 𑐖𑐸𑐫𑐵𑐡𑐷 𑐢𑐂𑐐𑐸 𑐁𑐢𑐵𑐬 𑐕𑐸 𑐡𑐸 ?
𑐖𑐶𑑄 𑐰𑐶𑐥𑐎𑑂𑐲𑐷𑐫𑐵 𑐩𑐵𑐣𑐳𑐶𑐎𑐟𑐵𑑄 𑐄𑐩𑑂𑐩𑐾𑐡𑐰𑐵𑐬𑐷 𑐧𑐶𑐫𑐵𑐐𑐸 𑐩𑐏𑐸 𑐢𑐂𑐐𑐸 𑐳𑑂𑐥𑐲𑑂𑐚 𑐫𑐵𑐣𑐵𑐔𑑂𑐰𑐣𑐵 𑑋 𑐖𑐶 𑐰𑐜𑐵𑐫𑐵 𑐳𑐵𑐩𑐵𑐖𑐶𑐎 𑐳𑑄𑐳𑑂𑐠𑐵𑐫𑑂 𑐔𑑂𑐰𑐣𑐵𑑅 𑐎𑑂𑐬𑐶𑐫𑐵𑐱𑐷𑐮 𑐖𑐸𑐫𑐵𑐔𑑂𑐰𑐣𑐵𑐩𑑂𑐴 𑐰𑑂𑐫𑐎𑑂𑐟𑐶 𑑋 𑐖𑐶𑐐𑐸 𑐳𑐵𑐩𑐵𑐖𑐶𑐎 𑐖𑑂𑐫𑐵 𑐏𑐣𑐵𑑅 𑐫𑐎𑑂𑐰 𑐩𑐣𑐹𑐟 𑐮𑐫𑑂𑐟𑐵𑑅 𑑋 𑐥𑑂𑐬𑐔𑐵𑐬 𑐥𑑂𑐬𑐳𑐵𑐬 𑐣𑑄 𑐄𑐟𑑂𑐳𑐵𑐴𑐥𑐹𑐬𑑂𑐰𑐎 𑐴𑐾 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐰𑐜𑐵𑐰𑐵𑐳𑐷𑑄 𑐔𑐵𑐴𑐣𑐵 𑐫𑐵𑐣𑐵𑐔𑑂𑐰𑑄𑐐𑐸 𑐥𑐬𑐶𑐰𑐬𑑂𑐟𑐣𑐫𑐵 𑐣𑐶𑑄𑐟𑐶𑑄 𑐖𑐶𑐟𑑅 𑐨𑑀𑐚 𑐧𑐶𑐫𑐵𑑅 𑐟𑑂𑐫𑐵𑐎𑐷 𑐢𑐂𑐐𑐸 𑐰𑐶𑐱𑑂𑐰𑐵𑐳 𑐡𑐸 𑑋

𑐣𑐶𑐬𑑂𑐰𑐵𑐔𑐶𑐟 𑐖𑐸𑐫𑐵𑐡𑐶𑐮 𑐢𑐵𑑅𑐳𑐵 𑐡𑐎𑐮𑐫𑑂 𑐣𑑂𑐴𑐵𑐥𑐵𑑄 𑐕𑐸 𑐫𑐵𑐣𑐵𑐡𑐷 ?
𑐰𑐜𑐵 𑐡𑐸𑐣𑐾 𑐔𑑂𑐰𑑄𑐥𑐶𑑄 𑐠𑐷𑐠𑐷 𑐖𑐵𑐟𑐖𑐵𑐟𑐶𑐫𑐵 𑐥𑐴𑐶𑐔𑐵𑐣 𑐎𑐵𑐫𑐩 𑐫𑐵𑐫𑐾𑐐𑐸 𑐰 𑐎𑐩𑐶 𑐎𑐩𑐖𑑀𑐬𑐷𑐫𑐵𑐟 𑐣𑑂𑐴𑑄𑐎𑐵 𑐰𑐣𑐾𑐐𑐸 𑐖𑐸𑐂 𑑋 𑐕𑐐𑐹𑐎𑐠𑑄 𑐩𑐵𑐥𑐡𑐞𑑂𑐜 𑐎𑐵𑐫𑐩 𑐫𑐵𑐣𑐵𑑅 𑐥𑑂𑐬𑐔𑐮𑐶𑐟 𑐩𑐹𑐮𑑂𑐫 𑐰 𑐩𑐵𑐣𑑂𑐫𑐟𑐵 𑐎𑐠𑑄 𑐖𑑂𑐫𑐵 𑐫𑐵𑐣𑐵 𑐰𑐣𑐾𑐐𑐸 𑐖𑐸𑐂 𑑋 𑐀𑐰𑑂𑐫𑐰𑐳𑑂𑐠𑐶𑐟 𑐖𑐸𑐫𑐵𑐔𑑂𑐰𑑄𑐐𑐸 𑐥𑐵𑐬𑑂𑐎𑐶𑐒, 𑐦𑑀𑐴𑐬, 𑐮𑑅 𑐰 𑐢𑑅𑐫𑐵 𑐳𑐩𑐳𑑂𑐫𑐵 𑐳𑐩𑐵𑐢𑐵𑐣𑐫𑐵 𑐣𑐶𑑄𑐟𑐶𑑄 𑐎𑐵𑐬𑑂𑐫𑐫𑑀𑐖𑐣𑐵 𑐡𑐫𑐾𑐎𑐵𑑅 𑐰𑐣𑐾𑐐𑐸 𑐖𑐸𑐂 𑑋

𑐳𑑂𑐠𑐵𑐣𑐷𑐫 𑐨𑐵𑐲𑐵, 𑐎𑐮𑐵, 𑐳𑑄𑐳𑑂𑐎𑐺𑐟𑐶𑐫𑐵 𑐄𑐟𑑂𑐠𑐵𑐣𑐫𑐵 𑐣𑐶𑑄𑐟𑐶𑑄 𑐕𑐶𑐐𑐸 𑐐𑑂𑐰𑐳𑐵𑑅 𑐕𑐸 𑐡𑐸 ?
𑐰𑐜𑐵𑐫𑑂 𑐔𑑂𑐰𑑄𑐐𑐸 𑐳𑐬𑐎𑐵𑐬𑐷 𑐰 𑐣𑐶𑐖𑐷 𑐧𑑂𑐰𑐣𑐾𑐎𑐸𑐠𑐶𑐂 𑐣𑐾𑐥𑐵𑐮𑐨𑐵𑐲𑐵𑑄 𑐁𑐏𑑅 𑐧𑑂𑐰𑑄𑐎𑐵 𑐰𑐫𑐵𑐔𑑂𑐰𑑄𑐐𑐸𑐫𑐵𑐟 𑐀𑐗 𑐠𑐥 𑐥𑐬𑐶𑐳𑑂𑐎𑐺𑐟 𑐫𑐵𑐣𑐵𑑅 𑐰𑑂𑐫𑐰𑐳𑑂𑐠𑐶𑐟 𑐫𑐵𑐣𑐵 𑐫𑑄𑐎𑐾𑐐𑐸 𑐖𑐸𑐂 𑑋 𑐰𑐜𑐵𑐫𑐵 𑐣𑐶𑑄𑐟𑐶𑑄 𑐰𑐂𑐐𑐸 𑐧𑐖𑐾𑐚𑐫𑐵𑐟 𑐳𑑂𑐠𑐵𑐣𑐷𑐫 𑐎𑐮𑐵, 𑐳𑑄𑐳𑑂𑐎𑐺𑐟𑐶𑐫𑐵 𑐣𑐶𑑄𑐟𑐶𑑄 𑐣𑑄 𑐰𑐶𑐣𑐶𑐫𑑀𑐖𑐣 𑐫𑐵𑐣𑐵𑑅 𑐳𑑄𑐬𑐎𑑂𑐲𑐞𑐫𑐵 𑐣𑐶𑑄𑐟𑐶𑑄 𑐥𑐮𑐵𑑅 𑐣𑑂𑐴𑑂𑐫𑐵𑐎𑐾 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS