Read news in NepalBhasa text-- www.hamroschool.com BACK 𑐡𑑂𑐰𑑅𑐕𑐶 𑐰𑑄𑐐𑐸 𑐨𑐵𑐬𑐸 𑐔𑐮𑐾 𑐫𑐵𑐫𑐾𑐟 𑐂𑐣𑐵𑐥 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐡𑑂𑐰𑑅𑐕𑐶 𑐰𑑄𑐐𑐸 𑐨𑐵𑐬𑐸 𑐔𑐮𑐾 𑐫𑐵𑐫𑐾𑐟 𑐂𑐣𑐵𑐥

𑐫𑐾𑑃 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)÷𑐏𑐸𑐡𑑃 𑐣𑑂𑐴𑑂𑐫𑑅 𑐨𑐵𑐬𑐟𑐫𑑂 𑐖𑐹𑐐𑐸 𑐣𑑀𑐚𑐧𑐣𑑂𑐡𑐷𑐫𑐵 𑐎𑐵𑐬𑐞𑑄 𑐣𑐾𑐥𑐵𑐮𑐫𑑂 𑐎𑐵𑐬𑑀𑐰𑐵𑐬 𑐧𑐣𑑂𑐡 𑐖𑐸𑐫𑐵𑐔𑑂𑐰𑑄𑐐𑐸 𑐣𑑂𑐫𑐵𑐳𑑅 𑐰 𑐡𑑂𑐰𑑅𑐕𑐶 𑐟𑐎𑐵 𑐰𑑄𑐐𑐸 𑐨𑐵𑐬𑐸 𑐴𑐵𑐣𑑄 𑐔𑐮𑐾 𑐫𑐵𑐫𑐾𑐐𑐸 𑐮𑐵𑐐𑐶𑑄 𑐣𑐾𑐥𑐵𑑅𑐫𑐵 𑐰𑑂𑐫𑐵𑐥𑐵𑐬𑐷𑐟𑐫𑑂𑐳𑑄 𑐣𑐾𑐥𑐵𑑅 𑐳𑐬𑐎𑐵𑐬𑐫𑐵𑐟 𑐂𑐣𑐵𑐥 𑐫𑐵𑐣𑐵 𑐴𑑅𑐐𑐸 𑐡𑐸 𑑋

𑐄𑐐𑐸 𑐂𑐮𑐫𑑂 𑐨𑐵𑐬𑐟𑑄 𑐣𑑀𑐚𑐧𑐣𑑂𑐡𑐷 𑐫𑐵𑐫𑐾𑐰𑑄 𑐣𑐾𑐥𑐵𑐮𑐫𑑂 𑐨𑐵𑐬𑐸 𑐩𑐸𑑄𑐎𑐵𑐟𑑅𑐥𑐶𑑄 𑐁𑐥𑐵𑐮𑑄 𑐰𑑂𑐫𑐵𑐥𑐵𑐬𑐷𑐟 𑐩𑐬𑑂𑐎𑐵𑐫𑑂 𑐮𑐵𑑅𑐐𑐸 𑐏𑑅 𑑋 𑐣𑐾𑐥𑐵𑐮𑑄 𑐨𑐵𑐬𑐟𑐫𑐵𑐟 𑐂𑐣𑐵𑐥 𑐫𑐵𑑅𑐧𑐮𑐫𑑂 𑐨𑐵𑐬𑐟 𑐳𑐬𑐎𑐵𑐬𑑄 𑐬𑐵𑐲𑑂𑐚𑑂𑐬 𑐧𑐿𑑄𑐎𑐫𑐵𑐎𑐾 𑐡𑐸𑐐𑐸 𑐢𑑂𑐫𑐧𑐵 𑐖𑐎 𑐴𑐶𑐮𑐵 𑐧𑐷 𑐢𑐎𑐵𑑅 𑐮𑐶𑐳𑑅 𑐧𑐶𑐫𑐵𑐴𑑅𑐐𑐸 𑐏𑑅 𑑋 𑐀𑐧𑐮𑐫𑑂 𑐬𑐵𑐲𑑂𑐚𑑂𑐬 𑐧𑐿𑑄𑐎𑐫𑐵𑐎𑐾 𑐩𑐸𑐎𑑂𑐎𑑄 𑑖 𑐎𑐬𑑀𑐜 𑐨𑐵𑐬𑐸 𑐖𑐎 𑐡𑐸𑐐𑐸 𑐏𑑅 𑑋 𑐟𑐬 𑐨𑐵𑐬𑐟𑐷𑐫 𑐰𑑂𑐫𑐵𑐥𑐵𑐬𑐷𑐟𑐫𑑂𑐎𑐾 𑐢𑐵𑑅𑐳𑐵 𑐀𑐬𑑂𑐧𑑁𑑄 𑐟𑐎𑐵 𑐡𑐫𑐾𑐩𑐵𑑅𑐐𑐸 𑐀𑐣𑐸𑐩𑐵𑐣 𑐫𑐵𑑅𑐐𑐸 𑐏𑑅 𑑋 𑐀𑐧𑐮𑐫𑑂 𑐨𑐵𑐬𑐟𑑄 𑐣𑑀𑐚 𑐴𑐶𑐮𑐵 𑐩𑐧𑐶𑐄𑐐𑐸 𑐎𑐵𑐬𑐞𑑄 𑐣𑐾𑐥𑐵𑐮𑐫𑑂 𑐨𑐵𑐬𑐸 𑐳𑐸𑐔𑐸𑐎𑐵𑐟𑑅𑐥𑐶𑑄 𑐰𑑂𑐫𑐵𑐥𑐵𑐬𑐷𑐟𑐫𑑂𑐐𑐸 𑐀𑐬𑑂𑐧𑑁𑑄 𑐟𑐎𑐵 𑐡𑐵𑑄 𑐨𑑂𑐰𑑄 𑐖𑐹𑐐𑐸 𑐰𑑄𑐐𑐸 𑐏𑑅 𑑋 𑐰𑐫𑐵𑑄 𑐮𑐶𑐥𑐵 𑐣𑐾𑐥𑐵𑐮𑑄 𑐣𑑂𑐫𑐵𑐳𑑅 𑐰 𑐡𑑂𑐰𑑅𑐕𑐶 𑐰𑑄𑐐𑐸 𑐨𑐵𑐬𑐸 𑐣𑐾𑐥𑐵𑐮𑐫𑑂 𑐔𑐮𑐾 𑐩𑐫𑐵𑐳𑐾 𑐧𑐣𑑂𑐡 𑐫𑐵𑐣𑐵 𑐧𑐶𑐄𑐐𑐸 𑐏𑑅 𑑋
𑐣𑐾𑐥𑐵𑐮𑑄 𑐟𑑅𑐢𑑄𑐐𑐸 𑐬𑐎𑐩𑐫𑐵 𑐨𑐵𑐬𑐸 𑐧𑐣𑑂𑐡 𑐫𑐵𑑅𑐳𑐵𑑄 𑐄𑐎𑐶𑐫𑐵𑐟 𑐰𑑂𑐫𑐰𑐳𑐵𑐫𑐷𑐟𑐫𑑂𑐳𑑄 𑐏𑐵𑐳 𑐴𑐾 𑐁𑐥𑐟𑑂𑐟𑐶 𑐩𑐥𑑂𑐰𑑄𑐎𑐹𑐐𑐸 𑐏𑑅𑐳𑐵𑑄 𑐁𑑅 𑐰𑐫𑐵𑑅 𑐢𑐵𑑅𑐳𑐵 𑐣𑑂𑐫𑐵𑐳𑑅 𑐰 𑐡𑑂𑐰𑑅𑐕𑐶 𑐟𑐎𑐵 𑐰𑑄𑐐𑐸 𑐨𑐵𑐬𑐸 𑐴𑐵𑐣𑑄 𑐔𑐮𑐾 𑐫𑐵𑐫𑐾 𑐩𑐵𑐮 𑐢𑐎𑐵𑑅 𑐣𑐾𑐥𑐵𑑅 𑐳𑐬𑐎𑐵𑐬𑐫𑐵𑐟 𑐂𑐣𑐵𑐥 𑐫𑐵𑐣𑐵 𑐴𑑅𑐐𑐸 𑐡𑐸 𑑋

𑐰𑐶𑐖𑑂𑐘 𑐳𑐹𑐟𑑂𑐬𑑄 𑐢𑐵𑑅 𑐎𑐠𑑄 𑐠𑑁𑑄𑐎𑐣𑑂𑐴𑐫𑑂 𑐎𑑀𑐬𑑀𑐣𑐵𑐫𑐵 𑐩𑐴𑐩𑐵𑐬𑐷 𑐩𑑂𑐴𑑀 𑐖𑐸𑐂𑐰𑑄 𑐣𑐾𑐥𑐵𑑅 𑐔𑐵𑑅𑐴𑐶𑐄 𑐰𑐂𑐥𑐶𑑄 𑐨𑐵𑐬𑐟𑐷𑐫 𑐥𑐬𑑂𑐫𑐚𑐎𑐟 𑐣𑑄 𑐀𑐥𑑂𑐰𑐫𑐵 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐣𑐾𑐥𑐵𑑅 𑐔𑐵𑑅𑐴𑐶𑐄 𑐰𑐂𑐥𑐶𑑄 𑐨𑐵𑐬𑐟𑐷𑐫 𑐥𑐬𑑂𑐫𑐚𑐎𑐟 𑐣𑑂𑐫𑐵𑐳𑑅 𑐰 𑐡𑑂𑐰𑑅𑐕𑐶 𑐰𑑄𑐐𑐸 𑐨𑐵𑐬𑐸 𑐖𑑂𑐰𑐣𑐵𑑅 𑐰𑐂𑐐𑐸 𑐰𑐵 𑐎𑐵𑐬𑑂𑐜 𑐴𑐾 𑐖𑑂𑐰𑐣𑐵 𑐰𑑅𑐳𑐵𑑄 𑐄𑐩𑐶𑐟 𑐠𑐣 𑐣𑑂𑐫𑐵𑐳𑑅 𑐰 𑐡𑑂𑐰𑑅𑐕𑐶 𑐟𑐎𑐵 𑐰𑑄𑐐𑐸 𑐨𑐵𑐬𑐸 𑐩𑐵𑐮𑐷𑐐𑐸 𑐖𑐹𑐐𑐸𑐮𑐶𑑄 𑐄𑐩𑐶𑐟 𑐀𑑅𑐥𑐸𑐎𑐾𑐐𑐸 𑐮𑐵𑐐𑐶𑑄 𑐣𑑄 𑐣𑐾𑐥𑐵𑐮𑐫𑑂 𑐠𑑂𑐰 𑐨𑐵𑐬𑐸 𑐔𑐮𑐾 𑐫𑐵𑐎𑐾 𑐩𑐵𑐮𑐷 𑐢𑐎𑐵𑑅 𑐣𑐾𑐥𑐵𑑅𑐫𑐵 𑐰𑑂𑐫𑐰𑐳𑐵𑐫𑐷𑐟𑐫𑑂𑐳𑑄 𑐩𑐵𑐐 𑐫𑐵𑐣𑐵 𑐴𑑅𑐐𑐸 𑐏𑑅 𑑋 𑐠𑑂𑐰 𑐢𑑂𑐫𑐧𑐵 𑐨𑐵𑐬𑐟𑐫𑑂 𑐔𑐮𑐾 𑐖𑐹𑐐𑐸 𑐟𑐬 𑐣𑐾𑐥𑐵𑐮𑐫𑑂 𑐖𑐎 𑐔𑐮𑐾 𑐩𑐖𑐹𑐐𑐸 𑐎𑐵𑐬𑐞𑑄 𑐳𑐩𑐳𑑂𑐫𑐵 𑐖𑐸𑐫𑐵𑐔𑑂𑐰𑑄𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋

 

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS