Read news in NepalBhasa text-- www.hamroschool.com BACK 𑐄𑐩𑑂𑐩𑐾𑐡𑐰𑐵𑐬𑑄 𑐬𑐵𑐖𑐷𑐣𑐵𑐩𑐵 𑐧𑐷𑐩𑐵𑑅𑐐𑐸 𑐖𑐸𑐮 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐄𑐩𑑂𑐩𑐾𑐡𑐰𑐵𑐬𑑄 𑐬𑐵𑐖𑐷𑐣𑐵𑐩𑐵 𑐧𑐷𑐩𑐵𑑅𑐐𑐸 𑐖𑐸𑐮

𑐫𑐾𑑃 – 𑐖𑐣𑐥𑑂𑐬𑐟𑐶𑐣𑐶𑐢𑐶𑑄 𑐬𑐵𑐖𑐷𑐣𑐵𑐩𑐵 𑐧𑐶𑐫𑐵𑑅 𑐖𑐎 𑐄𑐩𑑂𑐩𑐾𑐡𑐰𑐵𑐬 𑐖𑐸𑐂 𑐡𑐂𑐐𑐸 𑐣𑐶𑐬𑑂𑐰𑐵𑐔𑐣 𑐁𑐔𑐵𑐬 𑐳𑑄𑐴𑐶𑐟𑐵 𑐰𑐶𑐬𑐸𑐡𑑂𑐢 𑐮𑐵𑑅𑐐𑐸 𑐬𑐶𑐚 𑐏𑐵𑐬𑐾𑐖 𑐖𑐹𑐐𑐸 𑐡𑐸 𑑋 𑐳𑐶𑐣𑑂𑐢𑐸𑐥𑐵𑐮𑑂𑐔𑑀𑐎 𑐴𑐾𑐮𑐩𑑂𑐧𑐸 𑐐𑐵𑐄𑑃𑐥𑐵𑐮𑐶𑐎𑐵𑐫𑐵 𑐀𑐢𑑂𑐫𑐎𑑂𑐲 𑐣𑐶𑐩𑐵 𑐐𑑂𑐫𑐵𑐮𑑂𑐖𑐾𑐣 𑐱𑐾𑐬𑑂𑐥𑐵𑑄 𑐁𑐫𑑀𑐐𑐫𑐵 𑐥𑑂𑐬𑐵𑐰𑐢𑐵𑐣 𑐰𑐶𑐬𑐸𑐡𑑂𑐢 𑐬𑐶𑐚 𑐡𑐵𑐫𑐬 𑐫𑐵𑑅𑐐𑐸 𑐏𑑅𑐳𑐵 𑐳𑐬𑑂𑐰𑑀𑐔𑑂𑐔 𑐀𑐡𑐵𑐮𑐟𑑄 𑐄𑐐𑐸 𑐬𑐶𑐚 𑐏𑐵𑐬𑐾𑐖 𑐫𑐵𑐣𑐵 𑐧𑐶𑐄𑐐𑐸 𑐏𑑅 𑑋

𑐬𑐶𑐚 𑐏𑐵𑐬𑐾𑐖 𑐖𑐹𑐐𑐸𑐮𑐶𑑄 𑐁𑑅 𑐄𑐩𑑂𑐩𑐾𑐡𑐰𑐵𑐬 𑐖𑐸𑐂𑐥𑐶𑑄 𑐧𑐴𑐵𑐮𑐰𑐵𑐮𑐵 𑐖𑐣𑐥𑑂𑐬𑐟𑐶𑐣𑐶𑐢𑐶𑐟𑐫𑑂𑐳𑑄 𑐥𑐡𑑄 𑐬𑐵𑐖𑐷𑐣𑐵𑐩𑐵 𑐧𑐷𑐩𑐵𑑅𑐐𑐸 𑐖𑐹𑐐𑐸 𑐡𑐸 𑑋

𑐩𑑂𑐴𑐶𑐐𑑅 𑐣𑑂𑐫𑐵𑐫𑐵𑐢𑐷𑐱𑐥𑐶𑑄 𑐟𑐾𑐖𑐧𑐴𑐵𑐡𑐸𑐬 𑐎𑐾𑐳𑐷 𑐰 𑐟𑐶𑐮𑐥𑑂𑐬𑐳𑐵𑐡 𑐱𑑂𑐬𑐾𑐲𑑂𑐛𑐫𑐵 𑐩𑑄𑐎𑐵𑑅 𑐂𑐖𑐮𑐵𑐳𑑄 𑐳𑑂𑐠𑐵𑐣𑐷𑐫 𑐟𑐴𑐫𑐵 𑐔𑐸𑐣𑐵𑐰𑐫𑑂 𑐄𑐩𑑂𑐩𑐾𑐡𑐰𑐵𑐬 𑐖𑐸𑐂𑐩𑑂𑐴 𑐖𑐣𑐥𑑂𑐬𑐟𑐶𑐣𑐶𑐢𑐶𑑄 𑐬𑐵𑐖𑐷𑐣𑐵𑐩𑐵 𑐧𑐷𑐩𑐵𑑅 𑐢𑐎𑐵𑑅 𑐁𑐫𑑀𑐐𑑄 𑐡𑐫𑐾𑐎𑐹𑐐𑐸 𑐥𑑂𑐬𑐵𑐰𑐢𑐵𑐣𑐫𑐵𑐟 𑐳𑐡𑐬 𑐫𑐵𑐣𑐵 𑐧𑐶𑐄𑐐𑐸 𑐏𑑅 𑑋

𑐣𑐶𑐬𑑂𑐰𑐵𑐔𑐣 𑐁𑐫𑑀𑐐𑑄 𑐳𑑂𑐠𑐵𑐣𑐷𑐫 𑐣𑐶𑐬𑑂𑐰𑐵𑐔𑐣𑐫𑑂 𑐳𑐬𑐎𑐵𑐬𑐷 𑐎𑑀𑐲𑑄 𑐥𑐵𑐬𑐶𑐱𑑂𑐬𑐩𑐶𑐎 𑐮𑐶𑐳𑐾𑑄 𑐁𑐬𑑂𑐠𑐶𑐎 𑐳𑐸𑐰𑐶𑐢𑐵 𑐎𑐵𑐂𑐩𑑂𑐴 𑐰𑑂𑐫𑐎𑑂𑐟𑐶𑑄 𑐮𑐵𑐨𑐫𑐵 𑐥𑐡 𑐢𑐵𑐬𑐞 𑐩𑐫𑐵𑐣𑐵 𑐢𑐎𑐵𑑅 𑐳𑑂𑐰𑐑𑑀𑐲𑐞𑐵 𑐫𑐵𑐳𑐾𑑄 𑐳𑑂𑐠𑐵𑐣𑐷𑐫 𑐟𑐴𑐫𑐵 𑐧𑐴𑐵𑐮𑐰𑐵𑐮𑐵 𑐖𑐣𑐥𑑂𑐬𑐟𑐶𑐣𑐶𑐢𑐶𑑄 𑐬𑐵𑐖𑐷𑐣𑐵𑐩𑐵 𑐧𑐷𑐩𑐵𑑅𑐐𑐸 𑐧𑐵𑐢𑑂𑐫𑐎𑐵𑐬𑐷 𑐁𑐔𑐵𑐬 𑐳𑑄𑐴𑐶𑐟𑐵 𑐮𑐵𑐐𑐹 𑐫𑐵𑑅𑐐𑐸 𑐏𑑅 𑑋

𑐁𑐫𑑀𑐐𑑄 𑐠𑐸𑐐𑐸𑐳𑐷 𑑒𑑐𑑗𑑔 𑐳𑐵𑐮𑐫𑑂 𑐴𑐾 𑐎𑐵𑐬𑑂𑐫𑐵𑐣𑑂𑐰𑐫𑐣 𑐫𑐵𑑅𑐐𑐸 𑐣𑐶𑐫𑐩𑐵𑐰𑐮𑐷𑐫𑐵 𑐥𑑂𑐬𑐵𑐰𑐢𑐵𑐣 𑐎𑐠𑑄 𑐳𑐵𑐬𑑂𑐰𑐖𑐣𑐶𑐎 𑐥𑐡 𑐢𑐵𑐬𑐞 𑐫𑐵𑑅𑐩𑑂𑐴 𑐰𑑂𑐫𑐎𑑂𑐟𑐶𑑄 𑐄𑐩𑑂𑐩𑐾𑐡𑐰𑐵𑐬 𑐖𑐸𑐂 𑐩𑐡𑐂 𑐎𑐠𑑄 𑐳𑑂𑐰𑐑𑑀𑐲𑐞𑐵𑐫𑐵 𑐰𑑂𑐫𑐰𑐳𑑂𑐠𑐵𑐫𑐵𑐟 𑐎𑐵𑐬𑑂𑐫𑐵𑐣𑑂𑐰𑐫𑐣𑐫𑑂 𑐴𑑅𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS