Read news in NepalBhasa text-- www.hamroschool.com BACK 𑐥𑐵𑐎𑐶𑐳𑑂𑐟𑐵𑐣𑐫𑑂 𑐱𑑂𑐬𑐷𑐮𑑄𑐎𑐵𑐫𑐵 𑐣𑐵𑐐𑐬𑐶𑐎𑐫𑐵𑐟 𑐡𑐵 𑐖𑐎 𑐡𑐵𑐫𑐵𑑅 𑐳𑑂𑐫𑐵𑑅𑐥𑐶𑑄 𑐏𑐸𑐩𑑂𑐴𑐾𑐳𑐶𑐟 𑐩𑐺𑐟𑑂𑐫𑐸𑐡𑐞𑑂𑐜 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐥𑐵𑐎𑐶𑐳𑑂𑐟𑐵𑐣𑐫𑑂 𑐱𑑂𑐬𑐷𑐮𑑄𑐎𑐵𑐫𑐵 𑐣𑐵𑐐𑐬𑐶𑐎𑐫𑐵𑐟 𑐡𑐵 𑐖𑐎 𑐡𑐵𑐫𑐵𑑅 𑐳𑑂𑐫𑐵𑑅𑐥𑐶𑑄 𑐏𑐸𑐩𑑂𑐴𑐾𑐳𑐶𑐟 𑐩𑐺𑐟𑑂𑐫𑐸𑐡𑐞𑑂𑐜

𑐊𑐖𑐾𑐣𑑂𑐳𑐷- 𑐥𑐵𑐎𑐶𑐳𑑂𑐟𑐵𑐣𑐫𑑂 𑐃𑐱𑐣𑐶𑐣𑑂𑐡𑐵 (𑐕𑐸𑑄 𑐣𑑄 𑐢𑐬𑑂𑐩𑐫𑐵 𑐀𑐥𑐩𑐵𑐣 𑐖𑐸𑐂𑐎𑐠𑑄 𑐣𑐰𑐵𑐫𑐾𑐐𑐸) 𑐫𑐵𑑅𑐐𑐸 𑐡𑑂𑐰𑐥𑐣𑐫𑑂 𑐕𑐩𑑂𑐴 𑐱𑑂𑐬𑐷𑐮𑑄𑐎𑐵𑐫𑐵 𑐣𑐵𑐐𑐬𑐶𑐎𑐫𑐵𑐟 𑐨𑐶𑐜𑑄 𑐡𑐵 𑐖𑐎 𑐡𑐵𑐫𑐵𑑅 𑐳𑑂𑐫𑐵𑑅𑐐𑐸 𑐏𑑅 𑑋 𑐄𑐐𑐸 𑐨𑐶𑐜𑐫𑑂 𑐡𑐸𑐠𑑂𑐫𑐵𑑅𑐥𑐶𑑄 𑐏𑐸𑐩𑑂𑐴𑐾𑐳𑐶𑐟 𑐥𑐵𑐎𑐶𑐳𑑂𑐟𑐵𑐣𑐫𑑂 𑐩𑐺𑐟𑑂𑐫𑐸𑐡𑐞𑑂𑐜 𑐧𑐶𑐄𑐐𑐸 𑐡𑐸 𑑋 𑐄𑐐𑐸 𑐑𑐚𑐣𑐵𑐫𑑂 𑐩𑐸𑐎𑑂𑐎𑑄 𑑘𑑘 𑐩𑑂𑐴 𑐡𑑀𑐲𑐷 𑐛𑐴𑐬 𑐖𑐹𑐐𑐸 𑐏𑑅 𑑋 𑐑𑐚𑐣𑐵𑐫𑑂 𑐡𑐸𑐠𑑂𑐫𑐵𑑅𑐥𑐶𑑄 𑑙 𑐩𑑂𑐴𑐾𑐳𑐶𑐟 𑐁𑐖𑐷𑐰𑐣 𑐎𑐵𑐬𑐵𑐰𑐵𑐳𑐫𑐵 𑐳𑐖𑐵𑐫 𑐧𑐶𑐄𑐐𑐸 𑐡𑐸𑐳𑐵 𑐩𑐾𑐥𑐶𑑄𑐟 𑐣𑐶𑐡𑑃 𑐣𑐶𑐳𑐾𑑄 𑐣𑑂𑐫𑐵𑐡𑑃 𑐖𑐾𑐮 𑐳𑐖𑐵𑐫 𑐧𑐶𑐄𑐐𑐸 𑐡𑐸 𑑋

𑐰𑑄𑐐𑐸 𑐜𑐶𑐳𑐾𑐩𑑂𑐧𑐬𑐫𑑂 𑐥𑐵𑐎𑐶𑐳𑑂𑐟𑐵𑐣𑐫𑐵 𑐳𑐶𑐫𑐵𑐮𑐎𑑀𑐚 𑐔𑑂𑐰𑑄𑐐𑐸 𑐎𑐵𑐬𑐏𑐵𑐣𑐵𑐫𑐵 𑐥𑑂𑐬𑐧𑐣𑑂𑐢𑐎𑐫𑑂 𑐖𑑂𑐫𑐵 𑐫𑐵𑐣𑐵𑐔𑑂𑐰𑑄𑐩𑑂𑐴 𑑔𑑘 𑐡𑑃 𑐡𑐸𑐩𑑂𑐴 𑐥𑑂𑐬𑐶𑐫𑐣𑑂𑐟 𑐡𑐶𑐫𑐵𑐰𑐵𑐡𑐵𑐣𑐵𑐐𑐾𑐫𑐵𑐟 𑐃𑐱𑐣𑐶𑐣𑑂𑐡𑐵 𑐫𑐵𑑅𑐐𑐸 𑐡𑑂𑐰𑐥𑑄 𑐧𑐶𑐳𑐾𑑄 𑐡𑐵 𑐖𑐎 𑐡𑐵𑐫𑐵𑑅 𑐳𑑂𑐫𑐵𑑅𑐐𑐸 𑐏𑑅 𑑋 𑐰𑐫𑐵𑐟 𑐳𑑂𑐫𑐵𑐫𑐾 𑐢𑐸𑑄𑐎𑐵𑑅 𑐳𑐷𑐩𑑂𑐴 𑐣𑑄 𑐔𑑂𑐫𑐵𑐎𑐵𑐧𑐶𑐄𑐐𑐸 𑐏𑑅 𑑋

𑐳𑐵𑐩𑐵𑐖𑐶𑐎 𑐳𑐘𑑂𑐖𑐵𑐮𑐫𑑂 𑐏𑐣𑐾𑐡𑐸𑐐𑐸 𑐨𑐶𑐜𑐶𑐫𑑀𑐫𑑂 𑐨𑐷𑐜𑑄 𑐱𑑂𑐬𑐷𑐮𑑄𑐎𑐵𑐫𑐵 𑐣𑐵𑐐𑐬𑐶𑐎 𑐡𑐶𑐫𑐵𑐰𑐵𑐡𑐵𑐣𑐵𑐐𑐾𑐫𑐵𑐟 𑐖𑑂𑐫𑐵𑐎𑐸𑐠𑐶𑑄 𑐮𑐸𑐫𑐵 𑐴𑐫𑐵𑑅 𑐡𑐵𑑅𑐐𑐸 𑐏𑑅 𑑋 𑐕𑐸𑑄 𑐩𑐣𑐹𑐟𑐫𑑂𑐳𑑄 𑐳𑐶𑐩𑑂𑐴 𑐩𑐣𑐹 𑐣𑐵𑐥 𑐔𑑂𑐰𑐣𑐵𑑅 𑐳𑐾𑐮𑑂𑐦𑐷 𑐣𑑄 𑐎𑐵𑑅𑐐𑐸 𑐏𑑅 𑑋 𑐳𑐷𑐩𑑂𑐴 𑐡𑐶𑐫𑐵𑐰𑐵𑐡𑐵𑐣𑐵𑐐𑐾𑐫𑐵 𑐎𑐮𑐵𑑅 𑐣𑐶𑐮𑐸𑐱𑐷 𑐡𑐶𑐫𑐵𑐰𑐵𑐡𑐵𑐣𑐵𑐐𑐾𑑄 𑐑𑐚𑐣𑐵𑐫𑐵𑐟 𑐀𑐟𑑂𑐫𑐣𑑂𑐟 𑐀𑐩𑐵𑐣𑐰𑐷𑐫 𑐢𑐵𑑅𑐐𑐸 𑐡𑐸 𑑋

𑐠𑑂𑐰 𑐑𑐚𑐣𑐵𑐫𑐵𑐟 𑐎𑐫𑐵𑑅 𑐥𑐵𑐎𑐶𑐳𑑂𑐟𑐵𑐣 𑐳𑑂𑐟𑐧𑑂𑐢 𑐖𑐹𑐐𑐸 𑐡𑐸 𑑋 𑐥𑐵𑐎𑐶𑐳𑑂𑐟𑐵𑐣𑐫𑐵 𑐥𑐸𑐮𑐵𑑄𑐩𑑂𑐴 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐂𑐩𑐬𑐵𑐣 𑐏𑐵𑐣𑑄 𑐄𑐐𑐸 𑐑𑐚𑐣𑐵 𑐖𑐹𑐐𑐸 𑐣𑑂𑐴𑐶𑐫𑐵𑐟 ‘𑐮𑐖𑑂𑐖𑐵𑐫𑐵 𑐣𑑂𑐴𑐶’ 𑐢𑐵𑑅𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS