Read news in NepalBhasa text-- www.hamroschool.com BACK 𑐳𑐵𑑄𑐑𑐵𑐃𑐮𑐫𑑂 𑐎𑑀𑐬𑑀𑐣𑐵 𑐳𑑄𑐎𑑂𑐬𑐩𑐞𑑄 𑐳𑑂𑐰𑐩𑑂𑐴 𑐳𑐶𑐟 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐳𑐵𑑄𑐑𑐵𑐃𑐮𑐫𑑂 𑐎𑑀𑐬𑑀𑐣𑐵 𑐳𑑄𑐎𑑂𑐬𑐩𑐞𑑄 𑐳𑑂𑐰𑐩𑑂𑐴 𑐳𑐶𑐟

𑐊𑐖𑐾𑐣𑑂𑐳𑐷- 𑐔𑐷𑐣𑐫𑐵 𑐳𑐵𑑄𑐑𑐵𑐂𑐮𑐫𑑂 𑐎𑑀𑐬𑑀𑐣𑐵 𑐳𑑄𑐎𑑂𑐬𑐩𑐞𑑄 𑐫𑐵𑐣𑐵𑑅 𑐳𑑂𑐰𑐩𑑂𑐴 𑐩𑐣𑐹 𑐳𑐷𑐐𑐸 𑐡𑐸 𑑋 𑐳𑐵𑑄𑐑𑐵𑐂𑐫𑐵 𑐳𑑂𑐰𑐵𑐳𑑂𑐠𑑂𑐫 𑐁𑐫𑑀𑐐𑑄 𑐧𑐶𑐄𑐐𑐸 𑐖𑐵𑐣𑐎𑐵𑐬𑐷𑐎𑐠𑑄 𑑘𑑙 𑐣𑐶𑐳𑐾𑑄 𑑙𑑑 𑐡𑑃 𑐡𑐸𑐥𑐶 𑐳𑑂𑐰𑐩𑑂𑐴 𑐖𑑂𑐫𑐵𑐠𑐥𑐶𑑄 𑐎𑑀𑐬𑑀𑐣𑐵 𑐳𑑄𑐎𑑂𑐬𑐩𑐞 𑐖𑐸𑐫𑐵𑑅 𑐳𑐷𑐐𑐸 𑐏𑑅 𑑋

𑐳𑐵𑑄𑐑𑐵𑐂𑐮𑐫𑑂 𑐎𑑀𑐬𑑀𑐣𑐵 𑐳𑑄𑐎𑑂𑐬𑐩𑐞 𑐫𑐵𑐣𑐵𑑅 𑐣𑑂𑐴𑐵𑐥𑐵𑑄𑐏𑐸𑐸𑐳𑐷 𑐩𑐣𑐹 𑐳𑐷𑐐𑐸 𑐔𑐷𑐣 𑐳𑐬𑐎𑐵𑐬𑐫𑐵 𑐡𑐵𑐧𑐷 𑐡𑐸, 𑐟𑐬 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐳𑐩𑐸𑐡𑐵𑐫𑑄 𑐠𑑂𑐰 𑐡𑐵𑐧𑐷 𑐱𑑄𑐎𑐵𑐳𑑂𑐥𑐡 𑐢𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐳𑐷𑐥𑐶𑑄 𑐳𑑂𑐰𑐩𑑂𑐴𑐾𑐳𑐶𑐣𑑄 𑐎𑑀𑐬𑑀𑐣𑐵 𑐰𑐶𑐬𑐸𑐡𑑂𑐢𑐫𑐵 𑐏𑑀𑐥 𑐩𑐎𑐵𑑅𑐣𑐷𑐐𑐸 𑐏𑑃 𑐢𑐵𑑅𑐐𑐸 𑑋 𑐀𑐢𑐶𑐎𑐵𑐬𑐷𑐟𑐫𑑂𑐳𑑄 𑐧𑐶𑐄𑐐𑐸 𑐖𑐵𑐣𑐎𑐵𑐬𑐷𑐎𑐠𑑄 𑐳𑐵𑑄𑐑𑐵𑐂𑐮𑐫𑑂 𑑖𑑐 𑐡𑑄 𑐔𑑂𑐰𑐫𑑂𑐫𑐵𑐥𑐶𑑄 𑑓𑑘 𑐥𑑂𑐬𑐟𑐶𑐱𑐟𑑄 𑐖𑐎 𑐎𑑀𑐬𑑀𑐣𑐵𑐫𑐵 𑐏𑑀𑐥 𑐎𑐵𑐫𑐾𑐢𑐸𑑄𑐎𑐹𑐐𑐸 𑐡𑐸 𑑋

𑐰𑑄𑐐𑐸 𑐩𑐵𑐬𑑂𑐔 𑑑 𑐟𑐵𑐬𑐶𑐏𑐣𑐶𑐳𑐾𑑄 𑐎𑑀𑐬𑑀𑐣𑐵 𑐳𑑄𑐎𑑂𑐬𑐩𑐞 𑐀𑐥𑑂𑐰𑐫𑐵 𑐰𑑅𑐐𑐸 𑐎𑐵𑐬𑐞𑑄 𑐠𑐣 𑐮𑐎𑐜𑐵𑐄𑐣 𑐟𑐫𑐵𑐟𑑅𑐐𑐸 𑐡𑐸 𑑋 𑐐𑐸𑐣𑑂𑐴𑐸𑐫𑐵 𑐣𑐶𑐟𑐶𑑄 𑐢𑐎𑐵𑑅 𑐟𑑅𑐐𑐸 𑐮𑐎𑐜𑐵𑐄𑐣 𑐮𑐕𑐶 𑐥𑐸𑐮𑐾 𑐢𑐸𑑄𑐎𑐹𑐐𑐸 𑐡𑐸 𑑋 𑐔𑐷𑐣𑐫𑐵 𑐥𑑂𑐬𑐩𑐸𑐏 𑐀𑐬𑑂𑐠𑐶𑐎 𑐱𑐴𑐬 𑐳𑐵𑑄𑐑𑐵𑐂𑐮𑐫𑑂 𑐣𑑂𑐴𑐶𑐫𑐵𑐣𑑂𑐴𑐶𑐠𑑄 𑐍𑐳𑐟 𑑒𑑕 𑐡𑑂𑐰𑐮𑑄 𑐩𑐮𑑂𑐫𑐵𑐎 𑐩𑐣𑐹𑐟𑐫𑑂𑐟 𑐎𑑀𑐬𑑀𑐣𑐵 𑐳𑑄𑐎𑑂𑐬𑐩𑐞 𑐏𑐣𑐾𑐡𑐫𑐵𑐔𑑂𑐰𑑄𑐐𑐸 𑐡𑐸 𑑋
𑐔𑐷𑐣𑑄 𑐠𑑁𑐎𑐣𑑂𑐴𑐫𑑂 𑐖𑐶𑐬𑑀 𑐎𑑀𑐨𑐶𑐜 𑐣𑐷𑐟𑐶 𑐣𑐵𑐮𑐵𑑅 𑐖𑑂𑐫𑐵 𑐫𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋

𑐔𑐷𑐣𑐫𑑂 𑐐𑐣𑑄 𑐣𑑄 𑐎𑑀𑐬𑑀𑐣𑐵 𑐳𑑄𑐎𑑂𑐬𑐩𑐞 𑐏𑐣𑐾𑐡𑐟 𑐢𑐵𑑅𑐳𑐵 𑐥𑑂𑐬𑐬𑐵 𑐳𑐴𑐬𑐫𑐵 𑐣𑐵𑐐𑐬𑐶𑐎𑐟𑐫𑑂𑐐𑐸 𑐎𑑀𑐬𑑀𑐣𑐵 𑐥𑐬𑐶𑐎𑑂𑐲𑐞 𑐫𑐵𑐫𑐾𑐐𑐸, 𑐠𑐷𑐠𑐷 𑐥𑑂𑐬𑐟𑐶𑐧𑐣𑑂𑐢 𑐟𑐫𑐾𑐐𑐸 𑐰 𑐮𑐎𑐜𑐵𑐄𑐣 𑐟𑐫𑐾𑐐𑐸 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐟𑐬 𑐳𑐬𑐎𑐵𑐬𑐫𑐵 𑐠𑑂𑐰 𑐣𑐷𑐟𑐶𑑄 𑐳𑑂𑐠𑐵𑐣𑐷𑐫 𑐩𑐣𑐹𑐟 𑐢𑐵𑑅𑐳𑐵 𑐁𑐎𑑂𑐬𑑀𑐱𑐶𑐟 𑐖𑐸𑐫𑐵𑐔𑑂𑐰𑑄𑐐𑐸 𑐏𑐣𑐾𑐡𑐸 𑑋 𑐩𑐣𑐹𑐟𑐫𑑂𑐳𑑄 𑐳𑐵𑐩𑐵𑐖𑐶𑐎 𑐳𑐘𑑂𑐖𑐵𑐮𑐥𑐵𑐏𑐾𑑄 𑐥𑑂𑐬𑐟𑐶𑐧𑐣𑑂𑐢 𑐰 𑐮𑐎𑐜𑐵𑐄𑐣𑑄 𑐫𑐵𑐣𑐵𑑅 𑐏𑐵𑐡𑑂𑐫𑐵𑐣𑑂𑐣 𑐁𑐥𑐹𑐬𑑂𑐟𑐶𑐫𑐵 𑐳𑐩𑐳𑑂𑐫𑐵 𑐖𑐸𑐫𑐵𑐔𑑂𑐰𑑄𑐐𑐸 𑐢𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐰𑐶𑐱𑑂𑐮𑐾𑐲𑐎𑐟𑐫𑑂𑐳𑑄 𑐢𑐵𑑅𑐎𑐠𑑄 𑐳𑐵𑑄𑐑𑐵𑐂 𑐣𑐐𑐬𑐰𑐵𑐳𑐷𑐟𑐫𑑂𑐳𑑄 𑐩𑐸𑐣𑐵𑐟𑑅𑐐𑐸 𑐏𑐵𑐡𑑂𑐫𑐵𑐣𑑂𑐣 𑐖𑑂𑐰𑐮𑑄 𑐦𑐸𑐂𑐐𑐸 𑐀𑐰𑐳𑑂𑐠𑐵𑐫𑑂 𑐠𑑂𑐫𑐣𑐾𑐢𑐸𑑄𑐎𑐹𑐐𑐸 𑐡𑐸 𑑋

𑐨𑐵𑐬𑐟𑐫𑑂 𑐣𑑄 𑐳𑑄𑐎𑑂𑐬𑐩𑐞 𑐠𑐴𑐵𑑄 𑐰𑐣
𑐊𑐖𑐾𑐣𑑂𑐳𑐷- 𑐨𑐵𑐬𑐟𑐫𑑂 𑐎𑑀𑐬𑑀𑐣𑐵 𑐳𑑄𑐎𑑂𑐬𑐩𑐞 𑐡𑐬 𑐴𑐵𑐎𑐣𑑄 𑐠𑐴𑐵𑑄𑐰𑑄𑐐𑐸 𑐡𑐸 𑑋 𑐕𑐰𑐵𑑅 𑐣𑑂𑐴𑑂𑐫𑑅𑐣𑐶𑐳𑐾𑑄 𑐨𑐵𑐬𑐟𑐫𑑂 𑐎𑑀𑐬𑑀𑐣𑐵 𑐳𑑄𑐎𑑂𑐬𑐩𑐞 𑐠𑐴𑐵𑑄 𑐰𑐣𑐵𑑅 𑐳𑑀𑐩𑐰𑐵𑑅 𑐠𑑂𑐫𑑄𑐩𑐠𑑂𑐫𑑄 𑑙𑑐 𑐥𑑂𑐬𑐟𑐶𑐱𑐟 𑐰𑐺𑐡𑑂𑐢𑐶 𑐖𑐹𑐐𑐸 𑐡𑐸 𑑋 𑐨𑐵𑐬𑐟𑐫𑐵 𑐳𑑂𑐰𑐵𑐳𑑂𑐠𑑂𑐫 𑐩𑐣𑑂𑐟𑑂𑐬𑐵𑐮𑐫𑑄 𑐧𑐶𑐄𑐐𑐸 𑐖𑐵𑐣𑐎𑐵𑐬𑐷𑐎𑐠𑑄 𑐳𑑀𑐩𑐰𑐵𑑅 𑐣𑐶𑐡𑑂𑐰𑑅 𑑑𑑘𑑓 𑐩𑑂𑐴𑐾𑐳𑐶𑐎𑐾 𑐎𑑀𑐬𑑀𑐣𑐵 𑐏𑐣𑐾𑐡𑐸𑐐𑐸 𑐏𑑅 𑑋 𑐁𑐂𑐟𑐰𑐵𑑅 𑐳𑐶𑐧𑐾𑑄 𑐠𑑂𑐰 𑑘𑑙.𑑘 𑐥𑑂𑐬𑐟𑐶𑐱𑐟𑑄 𑐀𑐥𑑂𑐰𑑅𑐐𑐸 𑐏𑑅 𑑋 𑐁𑐂𑐟𑐰𑐵𑑅 𑑑𑑑𑑕𑑐 𑐩𑑂𑐴𑐾𑐳𑐶𑐎𑐾 𑐎𑑀𑐬𑑀𑐣𑐵 𑐏𑐣𑐾𑐡𑐸𑐐𑐸 𑐏𑑅 𑑋 𑐨𑐵𑐬𑐟𑐫𑑂 𑐁𑑅 𑐎𑑀𑐬𑑀𑐣𑐵 𑐳𑑄𑐎𑑂𑐬𑐩𑐞 𑐡𑐬 𑑐.𑑓𑑑 𑐥𑑂𑐬𑐟𑐶𑐱𑐟𑑄 𑐠𑐴𑐵𑑄 𑐰𑐣𑐵𑑅 𑑓 𑐥𑑂𑐬𑐟𑐶𑐱𑐟 𑐠𑑂𑐫𑑄𑐐𑐸 𑐡𑐸 𑑋 𑐡𑐶𑐮𑑂𑐮𑐷 𑐰 𑐡𑐶𑐮𑑂𑐮𑐷𑐮𑐶𑐎𑑂𑐎𑐳𑑄 𑐮𑐵𑑅𑐐𑐸 𑐠𑐷𑐠𑐷 𑐱𑐴𑐬𑐫𑑂 𑐎𑑀𑐬𑑀𑐣𑐵 𑐳𑑄𑐎𑑂𑐬𑐩𑐞 𑐠𑐴𑐵𑑄 𑐰𑑄𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS