Read news in NepalBhasa text-- www.hamroschool.com BACK 𑐟𑐰𑑅 𑐳𑐩𑐵𑐖𑐫𑐵 𑐣𑑂𑐴𑐵𑐥𑐵𑑄𑐐𑐸 𑐟𑑅𑐩𑐸𑑃𑐖𑑂𑐫𑐵 𑐰 𑐣𑐶𑐎𑑂𑐰𑑅𑐐𑐸 𑐡𑑃𑑄𑐩𑐸𑑃𑐖𑑂𑐫𑐵 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐟𑐰𑑅 𑐳𑐩𑐵𑐖𑐫𑐵 𑐣𑑂𑐴𑐵𑐥𑐵𑑄𑐐𑐸 𑐟𑑅𑐩𑐸𑑃𑐖𑑂𑐫𑐵 𑐰 𑐣𑐶𑐎𑑂𑐰𑑅𑐐𑐸 𑐡𑑃𑑄𑐩𑐸𑑃𑐖𑑂𑐫𑐵

𑐫𑐾𑑃(𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐄𑐡𑐵𑐫 𑐳𑐩𑐸𑐡𑐵𑐫 𑐡𑐸𑐣𑐾𑐫𑐵 𑐕𑐐𑐹 𑐎𑐰𑑅 𑐟𑐧𑑅 (𑐟𑐵𑐩𑑂𑐬𑐵𑐎𑐵𑐬) 𑐳𑐩𑐵𑐖𑐫𑐵 𑐣𑑂𑐴𑐵𑐥𑐵𑑄𑐐𑐸 𑐟𑑅𑐩𑐸𑑃𑐖𑑂𑐫𑐵 𑐰 𑐣𑐶𑐎𑑂𑐰𑑅𑐐𑐸 𑐡𑑃𑐩𑐸𑑃𑐖𑑂𑐫𑐵 𑐎𑑂𑐰𑐔𑐵𑑅𑐐𑐸 𑐡𑐸 𑑋 𑐳𑐩𑐵𑐖𑐫𑐵 𑐣𑐵𑐫𑑅 𑐟𑐾𑐖𑐬𑐟𑑂𑐣 𑐟𑐵𑐩𑑂𑐬𑐵𑐎𑐵𑐬𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐠𑐣𑐫𑐵 𑐖𑐐𑐟𑐳𑐸𑐣𑑂𑐡𑐬 𑐧𑑂𑐰𑐣𑐾𑐎𑐸𑐠𑐶𑐂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐩𑐹𑐥𑐵𑐴𑐵𑑄𑐎𑐠𑑄 𑐄𑐡𑐵𑐫 𑐳𑐩𑐵𑐖𑐫𑐵 𑐣𑐵𑐫𑑅 𑐜𑐵. 𑐬𑐸𑐥𑐖𑑂𑐫𑑀𑐟𑐶 𑐎𑐳𑐵𑑅 𑐗𑐵𑐫𑐵𑐡𑐷𑐐𑐸 𑐏𑑅 𑑋

𑐄𑐡𑐵𑐫 𑐩𑑂𑐫𑐾𑑃 𑐴𑐵𑐫𑐾𑐎𑐵𑑅 𑐩𑐡𑐸𑐥𑐶𑑄 𑐟𑐵𑐩𑑂𑐬𑐵𑐎𑐵𑐬 𑐖𑑅𑐥𑐶𑐣𑐶 𑐮𑐸𑐩𑐣𑑂𑐟𑐶𑐂 𑐕𑐐𑐹 𑐩𑐶𑐣𑐾𑐚 𑐩𑑁𑐣 𑐢𑐵𑐬𑐞 𑐫𑐵𑐳𑐾𑑄 𑐣𑑂𑐴𑑂𑐫𑐵𑑅𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐣𑑂𑐰𑐎𑐸 𑐄𑐡𑐫𑐬𑐟𑑂𑐣 𑐟𑐵𑐩𑑂𑐬𑐵𑐎𑐵𑐬𑑄 𑐮𑐳𑐎𑐸𑐳 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐩𑐹𑐕𑑂𑐫𑐵𑐘𑑂𑐖𑐾 𑐩𑑄𑐐𑐮𑐬𑐟𑑂𑐣 𑐟𑐵𑐩𑑂𑐬𑐵𑐎𑐵𑐬𑑄 𑐥𑑂𑐬𑐐𑐟𑐶 𑐥𑑂𑐬𑐟𑐶𑐰𑐡𑐾𑐣 𑐰 𑐡𑐵𑑄𑐨𑐬𑐶𑑄 𑐥𑐡𑐩 𑐟𑐵𑐩𑑂𑐬𑐵𑐎𑐵𑐬𑑄 𑐁𑐬𑑂𑐠𑐶𑐎 𑐥𑑂𑐬𑐟𑐶𑐰𑐾𑐡𑐣 𑐣𑑂𑐴𑑂𑐫𑐧𑑂𑐰𑐫𑐵𑐡𑐷𑐐𑐸 𑐏𑑅𑐳𑐵 𑐟𑐧𑑅 𑐩𑐶𑐳𑐵 𑐥𑐸𑐔𑑅𑐫𑐵 𑐕𑑂𑐫𑐵𑐘𑑂𑐖𑐾 𑐟𑐵𑐬𑐵 𑐟𑐵𑐩𑑂𑐬𑐵𑐎𑐵𑐬𑑄 𑐥𑐸𑐔𑑅𑐫𑐵 𑐥𑑂𑐬𑐐𑐟𑐶 𑐰𑐶𑐰𑐬𑐞 𑐧𑑂𑐰𑐣𑐵𑑅 𑐣𑑂𑐫𑑄𑐎𑐵𑐡𑐷𑐐𑐸 𑐏𑑅 𑑋

𑐳𑐩𑐵𑐖𑐥𑐵𑐏𑐾𑑄 𑐥𑐶𑐠𑑄𑐐𑐸 𑐥𑑂𑐬𑐟𑐶𑐰𑐾𑐡𑐣 𑐥𑑁 𑐄𑐡𑐵𑐫 𑐳𑐩𑐵𑐖𑐫𑐵 𑐣𑐵𑐫𑑅 𑐜𑐵. 𑐬𑐸𑐥𑐖𑑂𑐫𑑀𑐟𑐶 𑐎𑐳𑐵𑑅, 𑐟𑐧𑑅 𑐳𑐩𑐵𑐖𑐫𑐵 𑐳𑐮𑑂𑐮𑐵𑐴𑐎𑐵𑐬 𑐀𑐩𑐶𑐬𑐬𑐟𑑂𑐣 𑐟𑐵𑐩𑑂𑐬𑐵𑐎𑐵𑐬 𑐰 𑐣𑐵𑐫𑑅 𑐟𑐾𑐖𑐬𑐟𑑂𑐣 𑐟𑐵𑐩𑑂𑐬𑐵𑐎𑐵𑐬𑑄 𑐩𑑄𑐎𑐵𑑅𑐎𑐠𑑄 𑐄𑐮𑐾𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐊𑐳𑐂𑐂 𑐰 𑐥𑑂𑐮𑐳 𑐚𑐸 𑐟𑐐𑐶𑑄 𑐄𑐟𑑂𑐟𑐷𑐬𑑂𑐞 𑐟𑐧𑑅 𑐳𑐩𑐵𑐖𑐫𑐵 𑐰𑐶𑐡𑑂𑐫𑐵𑐬𑑂𑐠𑐷𑐥𑐶𑑄𑐟 𑐴𑐣𑐾𑐖𑑂𑐫𑐵 𑐣𑑄 𑐫𑐵𑑅𑐐𑐸 𑐏𑑅 𑑋 𑐩𑐹𑐥𑐵𑐴𑐵𑑄 𑐎𑐳𑐵𑑄 𑐴𑐣𑐵𑐥𑑁 𑐡𑐾𑐕𑐵𑐣𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐣𑐵𑐫𑑅 𑐟𑐵𑐩𑑂𑐬𑐵𑐎𑐵𑐬𑑄 𑐏𑐵𑐡𑐵 𑐎𑑂𑐰𑐏𑐵𑐫𑐾𑐎𑐵𑐡𑐷𑐐𑐸 𑐏𑑅𑐳𑐵 𑐡𑐵𑐟𑐵 𑐔𑐎𑑂𑐬𑐰𑐷𑐬 𑐟𑐵𑐩𑑂𑐬𑐵𑐎𑐵𑐬𑑄 𑐣𑐐𑐡 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑐣𑐵𑐡𑐷𑐐𑐸 𑐏𑑅 𑑋 𑐟𑐧𑑅 𑐳𑐩𑐵𑐖𑐫𑐵𑐟 𑐔𑑂𑐰𑐣𑑂𑐴𑑂𑐫𑐵𑐎𑐾𑐐𑐸 𑐖𑑂𑐫𑐵𑐫𑑂 𑐫𑑀𑐐𑐡𑐵𑐣 𑐧𑐶𑐫𑐵𑐡𑐷𑐩𑑂𑐴 𑐔𑐎𑑂𑐬𑐰𑐷𑐬 𑐟𑐵𑐩𑑂𑐬𑐵𑐎𑐵𑐬𑐫𑐵𑐟 𑐰𑐶𑐱𑐾𑐲 𑐴𑐣𑐾𑐖𑑂𑐫𑐵 𑐣𑑄 𑐫𑐵𑑅𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐩𑐹𑐥𑐵𑐴𑐵𑑄 𑐎𑐳𑐵𑑅, 𑐳𑐩𑐵𑐖𑐫𑐵 𑐣𑐵𑐫𑑅 𑐟𑐵𑐩𑑂𑐬𑐵𑐎𑐵𑐬, 𑐩𑐶𑐳𑐵 𑐥𑐸𑐔𑑅𑐫𑐵 𑐣𑐵𑐫𑑅 𑐥𑑂𑐬𑐦𑐸𑐮𑑂𑐮𑐎𑐩𑐮 𑐟𑐵𑐩𑑂𑐬𑐵𑐎𑐵𑐬 𑐮𑐐𑐵𑐫𑐟𑑄 𑐣𑐸𑐐𑑅𑐏𑑃 𑐟𑐫𑐵𑐡𑐷𑐐𑐸 𑐏𑑅 𑑋

𑐣𑐵𑐫𑑅 𑐟𑐵𑐩𑑂𑐬𑐵𑐎𑐵𑐬𑑄 𑐠𑑅𑐐𑐸 𑐣𑐾𑐟𑐺𑐟𑑂𑐰𑐫𑐵 𑐖𑑂𑐫𑐵𑐳𑐣𑐵 𑐥𑐸𑐔𑑅 𑐨𑑄𑐐 𑐖𑐹𑐐𑐸 𑐑𑑀𑐲𑐞𑐵 𑐫𑐵𑐣𑐵𑐡𑐷𑐰𑑄 𑐣𑑂𑐴𑐹𑐐𑐸 𑐖𑑂𑐫𑐵𑐳𑐣𑐵 𑐥𑐸𑐔𑑅 𑐮𑑂𑐫𑐫𑐾𑐐𑐸 𑐥𑑂𑐬𑐎𑑂𑐬𑐶𑐫𑐵 𑐣𑑂𑐴𑑂𑐫𑐵𑑅𑐐𑐸 𑐏𑑅 𑑋 𑐟𑑅𑐩𑐸𑑃𑐖𑑂𑐫𑐵𑑄 𑐳𑐹𑐬𑑂𑐫𑐬𑐟𑑂𑐣 𑐟𑐵𑐩𑑂𑐬𑐵𑐎𑐵𑐬𑐫𑐵 𑐀𑐢𑑂𑐫𑐎𑑂𑐲𑐟𑐵𑐫𑑂 𑐣𑑂𑐴𑐹𑐐𑐸 𑐖𑑂𑐫𑐵𑐳𑐣𑐵 𑐥𑐸𑐔𑑅 𑐮𑑂𑐫𑑅𑐐𑐸 𑐏𑑅 𑑋 𑐣𑑂𑐴𑐹𑐐𑐸 𑐖𑑂𑐫𑐵𑐳𑐣𑐵 𑐥𑐸𑐔𑐮𑐫𑑂 𑐥𑑂𑐬𑐰𑐾𑐱𑐩𑐵𑐣 𑐟𑐵𑐩𑑂𑐬𑐵𑐎𑐵𑐬 𑐣𑑂𑐰𑐎𑐸, 𑐡𑐶𑐣𑐾𑐱 𑐟𑐵𑐩𑑂𑐬𑐵𑐎𑐵𑐬 𑐩𑐹𑐕𑑂𑐫𑐵𑐘𑑂𑐖𑐾, 𑐣𑐶𑐬𑐖𑐩𑐵𑐣 𑐟𑐵𑐩𑑂𑐬𑐵𑐎𑐵𑐬 𑐕𑑂𑐫𑐵𑐘𑑂𑐖𑐾, 𑐳𑐬𑐖𑐸 𑐟𑐵𑐩𑑂𑐬𑐵𑐎𑐵𑐬 𑐡𑐵𑑄𑐨𑐬𑐶𑑄 𑐥𑐡𑐫𑑂 𑐣𑐶𑐬𑑂𑐰𑐵𑐔𑐶𑐟 𑐖𑐸𑐫𑐵𑐡𑐷𑐐𑐸 𑐡𑐸 𑑋 𑐀𑐠𑐾 𑐴𑐾 𑐡𑐸𑐖𑐮𑐫𑑂 𑐱𑐵𑐣𑑂𑐟𑐩𑐹𑐣𑐶 𑐟𑐵𑐩𑑂𑐬𑐵𑐎𑐵𑐬, 𑐀𑐱𑑀𑐎 𑐟𑐵𑐩𑑂𑐬𑐵𑐎𑐵𑐬, 𑐖𑑂𑐫𑑀𑐟𑐶𑐬𑐟𑑂𑐣 𑐟𑐵𑐩𑑂𑐬𑐵𑐎𑐵𑐬 𑐰 𑐩𑐶𑐳𑐵 𑐡𑐸𑐖𑐮𑐫𑑂 𑐳𑐸𑐣𑐶𑐟𑐵 𑐟𑐵𑐩𑑂𑐬𑐵𑐎𑐵𑐬 𑐣𑐶𑐬𑑂𑐰𑐵𑐔𑐶𑐟 𑐖𑐸𑐫𑐵𑐡𑐷𑐐𑐸 𑐡𑐸 𑑋

𑐣𑐵𑑄𑐖𑐵𑑅𑐩𑑂𑐴 𑐳𑐩𑐵𑐮𑑀𑐔𑐎 𑐥𑐹𑐬𑑂𑐞 𑐟𑐵𑐩𑑂𑐬𑐵𑐎𑐵𑐬𑐫𑐵 𑐳𑑄𑐫𑑀𑐖𑐎𑐟𑑂𑐰𑐫𑑂 𑐃𑐱𑑂𑐰𑐬𑐩𑐵𑐣 𑐟𑐵𑐩𑑂𑐬𑐵𑐎𑐵𑐬 𑐰 𑐣𑐬𑐾𑐱𑐎𑐵𑐖𑐷 𑐟𑐵𑐩𑑂𑐬𑐵𑐎𑐵𑐬 𑐡𑐸𑐠𑑂𑐫𑐵𑑅𑐐𑐸 𑐣𑐶𑐬𑑂𑐰𑐵𑐔𑐣 𑐎𑐩𑐶𑐚𑐷𑑄 𑐣𑑂𑐴𑐹𑐐𑐸 𑐖𑑂𑐫𑐵𑐳𑐣𑐵 𑐥𑐸𑐔𑑅𑐫𑐵 𑐮𑑂𑐫𑐖𑑂𑐫𑐵 𑐫𑐵𑑅𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS