Read news in NepalBhasa text-- www.hamroschool.com BACK 𑐥𑐥𑐸𑐰𑐵 𑐣𑑂𑐫𑐸𑐐𑐶𑐣𑐷𑐫𑐵𑐟 𑐧𑐸𑐎𑐵𑑅 𑐣𑐾𑐥𑐵𑑅𑐫𑐵𑐟 𑐄𑐥𑐵𑐢𑐷 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐥𑐥𑐸𑐰𑐵 𑐣𑑂𑐫𑐸𑐐𑐶𑐣𑐷𑐫𑐵𑐟 𑐧𑐸𑐎𑐵𑑅 𑐣𑐾𑐥𑐵𑑅𑐫𑐵𑐟 𑐄𑐥𑐵𑐢𑐷

𑐫𑐾𑑃 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)÷ 𑐥𑐥𑐸𑐰𑐵 𑐣𑑂𑐫𑐸𑐐𑐶𑐣𑐫𑐵𑐟 𑐥𑐬𑐵𑐖𑐶𑐟 𑐫𑐵𑐳𑐾𑑄 𑐣𑐾𑐥𑐵𑐮𑑄 𑐚𑐷–𑑒𑑐 𑐟𑑂𑐬𑐶𑐎𑑀𑐞𑐵𑐟𑑂𑐩𑐎 𑐱𑐺𑐒𑑂𑐏𑐮𑐵 𑐟𑑂𑐫𑐵𑐎𑐹𑐐𑐸 𑐡𑐸 𑑋 𑐟𑑂𑐬𑐶𑐰𑐶 𑐩𑐿𑐡𑐵𑐣𑐫𑑂 𑐳𑑀𑐩𑐰𑐵𑑅 𑐖𑐹𑐐𑐸 𑐦𑐵𑐂𑐣𑐮 𑐎𑐵𑐳𑐵𑐫𑑂 𑐡𑐷𑐥𑐾𑐣𑑂𑐡𑑂𑐬 𑐳𑐶𑑄𑐴 𑐋𑐬𑐷𑑄 𑐱𑐵𑐣𑐡𑐵𑐬 𑐥𑑂𑐬𑐡𑐬𑑂𑐱𑐣 𑐫𑐵𑐫𑐾𑐰𑑄 𑐣𑐾𑐥𑐵𑑅 𑑕𑑐 𑐬𑐣𑑄 𑐟𑑂𑐫𑐵𑑅𑐐𑐸 𑐏𑑅 𑑋 𑐋𑐬𑐷𑑄 𑐣𑐾𑐥𑐵𑑅𑐫𑐵 𑐣𑐶𑑄𑐟𑐶𑑄 𑑕𑑔 𑐬𑐣 𑐡𑐫𑐾𑐎𑐾𑐐𑐸 𑐮𑐶𑐳𑐾𑑄 𑐥𑑂𑐫𑑄𑐐𑐹 𑐰𑐶𑐎𑐾𑐚 𑐣𑑄 𑐎𑐵𑑅𑐐𑐸 𑐏𑑅 𑑋

𑐣𑑂𑐴𑐵𑐥𑐵𑑄𑐐𑐸 𑐧𑑂𑐫𑐵𑐚𑐶𑐒 𑐫𑐵𑑅𑐐𑐸 𑐣𑐾𑐥𑐵𑐮𑑄 𑐋𑐬𑐷 𑐠𑑂𑐰𑐵𑑅𑐐𑐸 𑑕𑑔 𑐬𑐣 𑐳𑐴𑐶𑐟 𑑑𑑖𑑘 𑐬𑐣 𑐡𑐫𑐾𑐎𑐹𑐐𑐸 𑐏𑑅 𑑋 𑐮𑐶𑐳𑐮𑐫𑑂 𑐧𑑂𑐫𑐵𑐚𑐶𑐒 𑐫𑐵𑑅𑐰𑑅𑐐𑐸 𑐥𑐥𑐸𑐰𑐵 𑐣𑑂𑐫𑐹𑐐𑐶𑐣𑐷𑐫𑐵 𑐥𑑂𑐫𑑄𑐐𑐹 𑐰𑐶𑐎𑐾𑐚 𑐋𑐬𑐷𑑄 𑐴𑐾 𑐎𑐵𑐫𑐾𑐰𑑄 𑐥𑑂𑐬𑐟𑐶𑐡𑑂𑐰𑐣𑑂𑐡𑑂𑐰𑐷 𑐚𑐶𑐩 𑑑𑑖.𑑑 𑐌𑐨𑐬𑐫𑑂 𑑑𑑑𑑘 𑐬𑐣𑐫𑑂 𑐳𑐷𑐩𑐶𑐟 𑐖𑐹𑐐𑐸 𑐏𑑅 𑑋 𑐋𑐬𑐷 𑐚𑐶–𑑒𑑐 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐎𑐵𑐳𑐵𑐫𑑂 𑑑,𑑐𑑐𑑐 𑐬𑐣 𑐡𑐫𑐾𑐎𑐹𑐩𑑂𑐴 𑐣𑑂𑐴𑐵𑐥𑐵𑑄 𑐣𑐾𑐥𑐵𑐮𑐷 𑐎𑐵𑐳𑐵𑐩𑐶 𑐣𑑄 𑐖𑐹𑐐𑐸 𑐡𑐸 𑑋 𑐳𑑀𑐩𑐰𑐵𑑅 𑐖𑐹𑐐𑐸 𑐎𑐵𑐳𑐵𑐫𑑂 𑑒𑑑 𑐬𑐣 𑐠𑑂𑐰𑐵𑐫𑐾𑐰𑑄 𑐋𑐬𑐷𑐫𑐵 𑑑𑑐𑑐𑑐 𑐬𑐣 𑐥𑐹𑐰𑑄𑐐𑐸 𑐏𑑅 𑑋

𑐥𑐥𑐸𑐰𑐵 𑐣𑑂𑐫𑐹𑐐𑐶𑐣𑐷𑐫𑐵 𑐟𑐾𑐖 𑐧𑐮𑐬 𑐳𑐾𑐩𑑀 𑐎𑐵𑐩𑐶𑐫𑐵𑑄 𑐳𑐸𑐬𑐸𑐂 𑐴𑐾 𑐣𑐾𑐥𑐵𑑅𑐫𑐵 𑐳𑑂𑐰𑑄𑐐𑐹 𑐰𑐶𑐎𑐾𑐚 𑐎𑐫𑐵𑑅 𑐣𑐾𑐥𑐵𑑅𑐫𑐵 𑐧𑑂𑐫𑐵𑐚𑑂𑐳𑐩𑑂𑐫𑐵𑐣𑐟𑐫𑑂𑐟 𑐟𑐔𑑂𑐰𑑅𑐐𑐸 𑐡𑐧𑐵𑐧 𑐧𑐶𑐄𑐐𑐸 𑐏𑑅 𑑋 𑐣𑑂𑐫𑐵𑐐𑐹 𑐰𑐶𑐎𑐾𑐚 𑐰𑑄𑐧𑐮𑐫𑑂 𑐣𑐾𑐥𑐵𑑅 𑐩𑐸𑐎𑑂𑐎𑑄 𑑘𑑒 𑐬𑐣𑐫𑐵 𑐳𑑂𑐠𑐶𑐟𑐶𑐂 𑐡𑐸𑐐𑐸 𑐏𑑅 𑑋 𑐋𑐬𑐷𑑄 𑐢𑐵𑑅𑐳𑐵 𑐠𑑅𑐐𑐸 𑐱𑐵𑐣𑐡𑐵𑐬 𑐥𑑂𑐬𑐡𑐬𑑂𑐱𑐣 𑐫𑐵𑐫𑐾𑐐𑐸 𑐗𑑂𑐰𑐮𑐫𑑂 𑐏𑐸𑐐𑐹𑐐𑐸 𑐰𑐶𑐎𑐾𑐚𑐫𑐵 𑐣𑐶𑑄𑐟𑐶𑑄 𑑓𑑒 𑐬𑐣𑐫𑐵 𑐳𑐵𑐗𑐾𑐡𑐵𑐬𑐷 𑐫𑐵𑑅𑐐𑐸 𑐏𑑅 𑑋 𑑑𑑒 𑐧𑐮𑐫𑑂 𑑑𑑕 𑐬𑐣 𑐡𑐫𑐾𑐎𑐵𑑅 𑐁𑐬𑐶𑐦 𑐁𑐮𑐩 𑐁𑐄𑐣 𑐖𑐸𑐂𑐢𑐸𑑄𑐎𑐵𑑅 𑐰𑑅𑐩𑑂𑐴 𑐎𑐬𑐞 𑐎𑐾𑐳𑐷𑑄 𑐋𑐬𑐷𑐮𑐶𑐳𑐾 𑐖𑐵𑐣𑐵𑑅 𑐳𑐸𑐢𑑂𑐬𑐶𑐝 𑐧𑑂𑐫𑐵𑐚𑐶𑐒 𑐫𑐵𑐫𑐾𑐰𑑄 𑐣𑐾𑐥𑐵𑑅𑐫𑐵 𑐳𑑂𑐎𑑀𑐬 𑐧𑐵𑑄𑐮𑐵𑐣𑐵𑐰𑑅𑐐𑐸 𑐏𑑅 𑑋 𑐎𑐾𑐳𑐷𑑄 𑑑𑑒 𑐧𑐮𑐫𑑂 𑑕 𑐔𑑁𑐎𑐵 𑐰 𑐕𑐐𑐹 𑐕𑐎𑑂𑐎𑐵 𑐠𑑂𑐰𑐵𑐳𑐾𑑄 𑐀𑐰𑐶𑐖𑐶𑐟 𑑓𑑓 𑐬𑐣 𑐡𑐫𑐾𑐎𑐹𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS