Read news in NepalBhasa text-- www.hamroschool.com BACK 𑐌𑐳𑑂𑐎𑐵𑐬𑐫𑐵 𑐩𑐘𑑂𑐔𑐫𑑂 𑐠𑐥𑑂𑐥𑐜 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐌𑐳𑑂𑐎𑐵𑐬𑐫𑐵 𑐩𑐘𑑂𑐔𑐫𑑂 𑐠𑐥𑑂𑐥𑐜

𑐊𑐖𑐾𑐣𑑂𑐳𑐷- 𑐌𑐳𑑂𑐎𑐵𑐬 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑐫𑐾𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐴𑐾 𑐀𑐨𑐶𑐣𑐾𑐟𑐵 𑐧𑐶𑐮 𑐳𑑂𑐩𑐶𑐠𑑄 𑐖𑑂𑐫𑐵𑐗𑑂𑐰𑑅 𑐣𑑂𑐴𑑂𑐫𑐵𑐎𑐵𑐔𑑂𑐰𑑄𑐩𑑂𑐴 𑐎𑑂𑐬𑐶𑐱 𑐬𑐎𑐫𑐵𑐟 𑐣𑑂𑐫𑐟𑐵𑐮𑐵𑐫𑑂 𑐡𑐵𑐫𑐵𑐧𑐶𑐄𑐐𑐸 𑐡𑐸 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐴𑐵𑐳𑑂𑐫 𑐎𑐮𑐵𑐎𑐵𑐬 𑐎𑑂𑐬𑐶𑐱 𑐬𑐎𑑄 𑐀𑐨𑐶𑐣𑐾𑐟𑐵 𑐳𑑂𑐩𑐶𑐠𑐫𑐵 𑐎𑐮𑐵𑑅 𑐖𑐵𑐜𑐵 𑐥𑐶𑐒𑑂𑐎𑐾𑐚𑐫𑐵 𑐳𑑃 𑐥𑐵𑐔𑐸𑐐𑐸 𑐕𑑂𑐫𑑄𑐫𑐵𑐟 𑐎𑐫𑐵𑑅 𑐏𑑂𑐫𑐵𑑅 𑐫𑐵𑐫𑐾𑐰𑑄 𑐀𑐨𑐶𑐣𑐾𑐟𑐵 𑐳𑑂𑐩𑐶𑐠 𑐩𑐘𑑂𑐔𑐫𑑂 𑐴𑐾 𑐰𑐣𑐵𑑅 𑐬𑐎𑐫𑐵𑐟 𑐠𑐥𑑂𑐥𑐜 𑐣𑐎𑐹𑐐𑐸 𑐏𑑅 𑑋 𑐬𑐎𑐫𑐵𑐟 𑐠𑐥𑑂𑐥𑐜 𑐣𑐎𑐵𑑅 𑐮𑐶𑐴𑐵𑑄 𑐰𑑅𑐩𑑂𑐴 𑐳𑑂𑐩𑐶𑐠𑑄 𑐩𑐘𑑂𑐔𑐫𑑂 𑐴𑐾 ‘𑐕𑑄𑐐𑐸 𑐩𑑂𑐴𑐸𑐟𑐸𑑄 𑐖𑐶𑐩𑐶 𑐎𑐮𑐵𑑅𑐫𑐵 𑐣𑐵𑑄 𑐎𑐵𑐫𑐾𑐩𑐟𑐾’ 𑐢𑐎𑐵𑑅 𑐴𑐵𑐮𑐵𑐰𑑄𑐐𑐸 𑐏𑑅 𑑋

𑐠𑐸𑐐𑐸𑐳𑐷𑐫𑐵 𑐄𑐟𑑂𑐎𑐺𑐲𑑂𑐚 𑐀𑐨𑐶𑐣𑐾𑐟𑐵𑐫𑐵 𑐳𑐶𑐬𑐥𑐵𑑅 𑐟𑑂𑐫𑐵𑐎𑐹𑐩𑑂𑐴 𑐳𑑂𑐩𑐶𑐠𑑄 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑐣𑐵 𑐎𑐵𑐫𑐾𑐐𑐸 𑐗𑑂𑐰𑐮𑐫𑑂 𑐩𑐶𑐏𑐵𑑄 𑐏𑑂𑐰𑐧𑐶 𑐴𑐵𑐫𑐾𑐎𑐵𑑅 𑐑𑐚𑐣𑐵𑐫𑐵𑐟 𑐎𑐫𑐵𑑅 𑐎𑑂𑐲𑐩𑐵 𑐣𑑄 𑐦𑑂𑐰𑑄𑐐𑐸 𑐏𑑅 𑑋 ‘𑐎𑐶𑐒 𑐬𑐶𑐔𑐬𑑂𑐜’ 𑐦𑐶𑐮𑑂𑐩𑐫𑑂 𑐣𑐵𑑄𑐖𑐵𑑅𑐥𑐶𑑄 𑐚𑐾𑐣𑐶𑐳 𑐎𑐵𑐳𑐵𑐩𑐶 𑐨𑐶𑐣𑐳 𑐰 𑐳𑐾𑐬𑐾𑐣𑐵 𑐰𑐶𑐮𑐶𑐫𑐩𑑂𑐳𑐫𑐵 𑐀𑐧𑐸𑐫𑐵 𑐨𑐹𑐩𑐶𑐎𑐵 𑐩𑑂𑐴𑐶𑐟𑐵𑑅 𑐌𑐳𑑂𑐎𑐵𑐬 𑐟𑑂𑐫𑐵𑐎𑐹𑐩𑑂𑐴 𑐳𑑂𑐩𑐶𑐠𑑄 𑐢𑐵𑑅𑐐𑐸 𑐏𑑅, ‘𑐖𑐶 𑐊𑐎𑐾𑐡𑐾𑐩𑐶 𑐰 𑐩𑐣𑑀𑐣𑐫𑐣𑐫𑑂 𑐮𑐵𑑅𑐥𑐶𑑄 𑐩𑐾𑐩𑐾𑐥𑐶𑑄𑐥𑑂𑐬𑐟𑐶 𑐎𑑂𑐲𑐩𑐵 𑐦𑑂𑐰𑐣𑐵𑐔𑑂𑐰𑐣𑐵 𑑋’

𑐳𑑂𑐩𑐶𑐠𑐫𑐵 𑐎𑐮𑐵𑑅 𑐥𑐶𑐒𑑂𑐎𑐾𑐚𑐫𑐵𑐟 𑐊𑐮𑑀𑐥𑐾𑐳𑐶𑐫𑐵 𑐢𑐫𑐵𑐐𑐸 𑐳𑑃 𑐴𑐵𑐂𑐐𑐸 𑐮𑑂𑐰𑐫𑑂 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸, 𑐄𑐎𑐶𑑄 𑐰𑐫𑐵𑐐𑐸 𑐕𑑂𑐫𑑄 𑐥𑐵𑐔𑐸𑐫𑐵𑐔𑑂𑐰𑑄𑐐𑐸 𑐏𑑅 𑑋 𑐎𑐮𑐵𑑅𑐫𑐵 𑐥𑐵𑐔𑐸𑐕𑑂𑐫𑑄𑐫𑐵𑐟 𑐎𑐫𑐵𑑅 𑐏𑑂𑐫𑐵𑑅 𑐫𑐵𑑅𑐐𑐸𑐮𑐶𑑄 𑐳𑑂𑐩𑐶𑐠𑑄 𑐟𑐩𑑂𑐰𑐫𑐵 𑐩𑐘𑑂𑐖𑐫𑑂 𑐴𑐾 𑐰𑐣𑐵𑑅 𑐬𑐎𑐫𑐵𑐟 𑐡𑐵𑑅𑐐𑐸 𑐏𑑅 𑑋 𑐬𑐎 𑐣𑑄 𑐣𑐵𑑄𑐖𑐵𑑅𑐩𑑂𑐴 𑐀𑐨𑐶𑐣𑐾𑐟𑐵 𑐖𑐹𑐐𑐸𑐮𑐶𑑄 𑐣𑑂𑐴𑐵𑐥𑐵𑑄 𑐮𑐵 𑐠𑑂𑐰 𑐑𑐚𑐣𑐵𑐫𑐵𑐟 𑐖𑑂𑐫𑐵𑐗𑑂𑐰𑑅 𑐣𑑂𑐴𑑂𑐫𑐵𑐂𑐥𑐸𑐎𑐾𑐟 𑐖𑐎 𑐡𑐫𑐾𑐎𑐵𑐟𑑅𑐐𑐸 𑐀𑐨𑐶𑐣𑐫 𑐢𑐎𑐵𑑅 𑐟𑐵𑐫𑐾𑐎𑐹𑐐𑐸 𑐏𑑅, 𑐮𑐶𑐥𑐵 𑐳𑑂𑐩𑐶𑐠𑑄 ‘𑐖𑐶𑐩𑐶 𑐎𑐮𑐵𑑅𑐫𑐵 𑐣𑐵𑑄 𑐎𑐵𑐫𑐾𑐩𑐟𑐾’ 𑐢𑐎𑐵𑑅 𑐴𑐵𑐮𑐵𑐰𑑄𑐧𑐮𑐫𑑂 𑐳𑐎𑐮𑐾𑑄 𑐳𑑂𑐟𑐧𑑂𑐢 𑐖𑐹𑐐𑐸 𑐏𑑅 𑑋 𑐠𑐥𑑂𑐥𑐜 𑐣𑑅𑐩𑑂𑐴 𑐬𑐎 𑐣𑑄 𑐳𑑂𑐟𑐧𑑂𑐢 𑐖𑐹𑐐𑐸 𑐏𑑅 𑑋 𑐮𑐶𑐥𑐵 𑐰𑑄 𑐡𑐬𑑂𑐱𑐎𑐟𑐫𑑂𑐟 𑐳𑐩𑑂𑐧𑑀𑐢𑐣 𑐫𑐵𑐳𑐾𑑄 𑐠𑑂𑐰 𑐚𑐾𑐮𑐶𑐨𑐶𑐖𑐣𑐫𑐵 𑐂𑐟𑐶𑐴𑐵𑐳𑐫𑐵 𑐴𑐾 𑐀𑐰𑐶𑐲𑑂𑐩𑐬𑐞𑐷𑐫 𑐑𑐚𑐣𑐵 𑐖𑐹𑐐𑐸 𑐚𑐶𑐥𑑂𑐥𑐞𑐷 𑐫𑐵𑑅𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS