Read news in NepalBhasa text-- www.hamroschool.com BACK 𑐕𑐎𑑂𑐰𑐮𑑄 𑐳𑑂𑐰𑐥𑐸 𑐩𑑂𑐫𑐾𑑃𑐫𑐵 𑐩𑑂𑐫𑐸𑐖𑐶𑐎 𑐨𑐶𑐜𑐶𑐫𑑀 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐕𑐎𑑂𑐰𑐮𑑄 𑐳𑑂𑐰𑐥𑐸 𑐩𑑂𑐫𑐾𑑃𑐫𑐵 𑐩𑑂𑐫𑐸𑐖𑐶𑐎 𑐨𑐶𑐜𑐶𑐫𑑀

𑐫𑐮- 𑐋𑐟𑐶𑐴𑐵𑐳𑐶𑐎 𑐰 𑐳𑐵𑑄𑐳𑑂𑐎𑐺𑐟𑐶𑐎 𑐣𑐐𑐬𑐷 𑐴𑐬𑐶𑐳𑐶𑐡𑑂𑐢𑐶 𑐖𑐮𑐫𑑂 𑐖𑐹𑐐𑐸 𑐕𑐐𑐹 𑐖𑑂𑐫𑐵𑐗𑑂𑐰𑐮𑐫𑑂 𑐕𑐎𑑂𑐰𑐮𑑄 𑐳𑑂𑐰𑑄𑐐𑐹 𑐣𑐾𑐥𑐵𑐮𑐨𑐵𑐲𑐵 𑐩𑑂𑐫𑐸𑐖𑐶𑐎 𑐨𑐶𑐜𑐶𑐫𑑀 𑐳𑐵𑐬𑑂𑐰𑐖𑐣𑐶𑐎 𑐫𑐵𑑅𑐐𑐸 𑐡𑐸 𑑋 𑐰𑑄𑐐𑐸 𑐱𑐣𑐶𑐰𑐵𑑅 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 ‘𑐳𑐶𑐮𑐵𑐔𑑅¥𑐴𑐾, 𑐥𑐵𑐴𑐵𑑄𑐔𑑅¥𑐴𑐾’, ‘𑐳𑑂𑐰𑐵𑑄𑐫𑐵 𑐰𑐵𑐳𑐣𑐵’ 𑐰 ‘𑐕𑑄𑐐𑐸 𑐬𑐸𑐥 𑐏𑐣𑐵𑑅’ 𑐩𑑂𑐫𑐾𑑃𑐫𑐵 𑐩𑑂𑐫𑐸𑐖𑐶𑐎 𑐨𑐶𑐜𑐶𑐫𑑀 𑐥𑐶𑐟𑐧𑑂𑐰𑐖𑑂𑐫𑐵 𑐫𑐵𑑅𑐐𑐸 𑐏𑑅 𑑋
𑐖𑐮 𑐡𑐾𑐫𑑂𑐫𑐵 𑐣𑐵𑑄𑐖𑐵𑑅𑐩𑑂𑐴 𑐟𑐧𑐮𑐵 𑐐𑐸𑐬𑐸 𑐣𑐶𑐬𑐘𑑂𑐖𑐣 𑐩𑐴𑐬𑑂𑐖𑐣𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐣𑐾𑐥𑐵𑐮𑐨𑐵𑐲𑐵𑐫𑐵 𑐣𑑂𑐴𑐵𑐥𑐵𑑄𑐩𑑂𑐴 𑐩𑑂𑐫𑐸𑐖𑐶𑐎 𑐨𑐶𑐜𑐶𑐫𑑀 𑐣𑐶𑐬𑑂𑐡𑐾𑐱𑐎 𑐰𑐶𑐖𑐫𑐬𑐟𑑂𑐣 𑐀𑐳𑑄𑐧𑐬𑐾 𑐩𑐹𑐥𑐵𑐴𑐵𑑄𑐎𑐠𑑄 𑐗𑐵𑐫𑐵𑐡𑐷𑐐𑐸 𑐏𑑅 𑑋

𑐰𑐶𑐱𑐾𑐲 𑐥𑐵𑐴𑐵𑑄𑐎𑐠𑑄 𑐳𑐩𑐟𑐵 𑐳𑑄𑐐𑐷𑐟 𑐳𑐵𑐢𑐣𑐵 𑐎𑐾𑐣𑑂𑐡𑑂𑐬𑐫𑐵 𑐟𑐸𑐮𑐳𑐷 𑐩𑐴𑐬𑑂𑐖𑐣, 𑐴𑐬𑐶𑐳𑐶𑐡𑑂𑐢𑐶 𑐨𑐖𑐣 𑐩𑐞𑑂𑐜𑐮𑐫𑐵 𑐳𑐔𑐶𑐡𑐵𑐣𑐣𑑂𑐡 𑐩𑐴𑐬𑑂𑐖𑐣, 𑐳𑐩𑐵𑐖𑐳𑐾𑐰𑐷 𑐩𑐴𑐾𑐣𑑂𑐡𑑂𑐬 𑐱𑑂𑐬𑐾𑐲𑑂𑐛, 𑐩𑑄𑐐𑐮 𑐩𑐴𑐬𑑂𑐖𑐣, 𑐣𑐵𑑄𑐖𑐵𑑅𑐩𑑂𑐴 𑐳𑑄𑐐𑐷𑐟𑐎𑐵𑐬 𑐖𑐷𑐰𑐶𑐟 𑐖𑐮𑑂𑐩𑐷 𑐗𑐵𑐫𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐩𑐹𑐥𑐵𑐴𑐵𑑄 𑐀𑐳𑑄𑐧𑐬𑐾, 𑐥𑐶𑐟𑐧𑑂𑐰𑐖𑑂𑐫𑐵 𑐖𑐹𑐐𑐸 𑐳𑑂𑐰𑑄𑐥𑐸𑑄 𑐩𑑂𑐫𑐾𑑃𑐫𑐵 𑐩𑑂𑐫𑐾𑑃 𑐴𑐵𑐮𑐵𑐩𑐶𑐥𑐶𑑄 𑐀𑐱𑑀𑐎 𑐩𑐴𑐬𑑂𑐖𑐣 𑐰 𑐬𑐵𑐖𑐾𑐣𑑂𑐡𑑂𑐬 𑐩𑐴𑐬𑑂𑐖𑐣𑑄 𑐠𑑅𑐠𑑅𑐐𑐸 𑐣𑐸𑐐𑑅𑐏𑑃 𑐟𑐫𑐵𑐡𑐷𑐐𑐸 𑐏𑑅 𑑋

𑐥𑐶𑐟𑐧𑑂𑐰𑐖𑑂𑐫𑐵 𑐖𑐹𑐐𑐸 𑐩𑑂𑐫𑐸𑐖𑐶𑐎 𑐨𑐶𑐜𑐶𑐫𑑀𑐩𑐢𑑂𑐫𑐾 ‘𑐳𑐶𑐮𑐵𑐔𑑅¥𑐴𑐾, 𑐥𑐵𑐴𑐵𑑄𑐔𑑅¥𑐴𑐾’ 𑐩𑑂𑐫𑐾𑑃 𑐩𑐴𑐬𑑂𑐖𑐣𑐡𑑂𑐰𑐫𑑄 𑐴𑐵𑐮𑐵𑐡𑐷𑐐𑐸 𑐏𑑅𑐳𑐵 𑐣𑐵𑑄𑐖𑐵𑑅𑐩𑑂𑐴 𑐩𑑂𑐫𑐾𑑃 𑐴𑐵𑐮𑐵𑐩𑐶 𑐰𑐶𑐲𑑂𑐞𑐸 𑐖𑐮𑑂𑐩𑐷𑑄 𑐔𑑂𑐰𑐫𑐵𑐡𑐷𑐐𑐸 𑐏𑑅 𑑋 𑐠𑐸𑐐𑐸 𑐩𑑂𑐫𑐾𑑃𑐫𑐵 𑐳𑑄𑐐𑐷𑐟 𑐳𑑄𑐫𑑀𑐖𑐣 𑐣𑐶𑐬𑐘𑑂𑐖𑐣 𑐩𑐴𑐬𑑂𑐖𑐣 𑐎𑐸𑐩𑐵𑐬𑐷𑑄 𑐫𑐵𑐣𑐵𑐡𑐷𑐐𑐸 𑐏𑑅𑐳𑐵 𑐩𑑂𑐫𑐸𑐖𑐶𑐎 𑐨𑐶𑐜𑐶𑐫𑑀𑐫𑐵 𑐕𑐵𑑃𑐫𑐵𑐎𑐣𑑄 𑐬𑐰𑐶𑐣 𑐜𑑄𑐐𑑀𑐮 𑐰 𑐣𑐶𑐬𑑂𑐡𑐾𑐱𑐣 𑐰 𑐳𑐩𑑂𑐥𑐵𑐡𑐣 𑐧𑐷𑐎𑐾 𑐖𑐮𑑂𑐩𑐷𑑄 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐩𑑂𑐫𑐸𑐖𑐶𑐎 𑐨𑐶𑐜𑐶𑐫𑑀𑐫𑑂 𑐰𑐶𑐱𑑂𑐰𑐣𑐵𑐠 𑐩𑐴𑐬𑑂𑐖𑐣, 𑐰𑐶𑐎𑑂𑐬𑐩 𑐩𑐴𑐬𑑂𑐖𑐣𑑄 𑐩𑑂𑐴𑐶𑐟𑐵𑐡𑐷𑐐𑐸 𑐏𑑅𑑋

𑐀𑐠𑐾 𑐴𑐾 𑐀𑐱𑑀𑐎 𑐩𑐴𑐬𑑂𑐖𑐣𑑄 𑐴𑐵𑐮𑐵𑐡𑐷𑐐𑐸 ‘𑐳𑑂𑐰𑐵𑑄𑐫𑐵 𑐰𑐵𑐳𑐣𑐵’ 𑐩𑑂𑐫𑐾𑑃 𑐎𑐺𑐲𑑂𑐞𑐬𑐵𑐩 𑐩𑐴𑐬𑑂𑐖𑐣𑑄 𑐔𑑂𑐰𑐫𑐵𑐡𑐷𑐐𑐸 𑐏𑑅𑐳𑐵 𑐳𑑄𑐐𑐷𑐟 𑐣𑐶𑐬𑐘𑑂𑐖𑐣 𑐩𑐴𑐬𑑂𑐖𑐣 𑐎𑐸𑐩𑐵𑐬𑐷𑐫𑐵 𑐏𑑅 𑑋 𑐠𑐸𑐐𑐸 𑐩𑑂𑐫𑐾𑑃𑐫𑐵 𑐩𑑂𑐫𑐸𑐖𑐶𑐎 𑐨𑐶𑐜𑐶𑐫𑑀𑐫𑐵 𑐕𑐵𑑃𑐫𑐵𑐎𑐣 𑐰 𑐳𑐩𑑂𑐥𑐵𑐡𑐣 𑐧𑐷𑐎𑐾 𑐖𑐮𑑂𑐩𑐷, 𑐣𑐶𑐬𑑂𑐡𑐾𑐱𑐣 𑐰 𑐎𑑀𑐬𑐶𑐫𑑀𑐐𑑂𑐬𑐵𑐦𑐷 𑐳𑐸𑐬𑐖 𑐣𑐵𑐥𑐶𑐟𑑄 𑐫𑐵𑐣𑐵𑐡𑐷𑐐𑐸 𑐏𑑅𑐳𑐵 𑐎𑐶𑐱𑑀𑐬 𑐔𑐶𑐥𑐵𑐮𑐸 𑐰 𑐬𑑀𑐖𑐶𑐣𑐵 𑐳𑐸𑐰𑐵𑐮𑐫𑐵 𑐀𑐨𑐶𑐣𑐫 𑐡𑐸𑐠𑑂𑐫𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋

𑐠𑐸𑐎𑐠 𑐴𑐾 ‘𑐕𑑄𑐐𑐸 𑐬𑐸𑐥 𑐏𑐣𑐵𑑅’ 𑐩𑑂𑐫𑐾𑑃 𑐣𑐶𑐬𑐘𑑂𑐖𑐣 𑐩𑐴𑐬𑑂𑐖𑐣 𑐎𑐸𑐩𑐵𑐬𑐷 𑐔𑑂𑐰𑐫𑐵𑐡𑐷𑐐𑐸 𑐰 𑐮𑐳𑐫𑑂 𑐴𑐣𑐵𑐡𑐷𑐐𑐸 𑐏𑑅𑐳𑐵 𑐬𑐵𑐖𑐾𑐣𑑂𑐡𑑂𑐬 𑐩𑐴𑐬𑑂𑐖𑐣 𑐰 𑐡𑐶𑐥𑐵 𑐩𑐴𑐬𑑂𑐖𑐣𑑄 𑐴𑐵𑐮𑐵𑐡𑐷𑐐𑐸 𑐏𑑅 𑑋 𑐳𑑀𑐴𑐣 𑐩𑐵𑐣𑐣𑑂𑐢𑐬𑑄 𑐕𑐵𑑃𑐫𑐵𑐎𑐣 𑐫𑐵𑐣𑐵𑐡𑐷𑐐𑐸 𑐩𑑂𑐫𑐾𑑃𑐫𑑂 𑐁𑐬𑐵𑐢𑑂𑐫𑐮𑐎𑑂𑐲𑑂𑐩𑐷 𑐏𑐜𑑂𑐐𑐷𑑄 𑐎𑑀𑐬𑐶𑐫𑑀𑐐𑑂𑐬𑐵𑐦𑐷 𑐫𑐵𑐣𑐵𑐡𑐷𑐐𑐸 𑐏𑑅𑐳𑐵 𑐠𑐸𑐐𑐸 𑐩𑑂𑐫𑐾𑑃𑐫𑐵 𑐩𑑂𑐫𑐸𑐖𑐶𑐎 𑐨𑐶𑐜𑐶𑐫𑑀𑐫𑑂 𑐬𑐵𑐖𑐸 𑐩𑐴𑐬𑑂𑐖𑐣, 𑐁𑐬𑐵𑐢𑑂𑐫𑐮𑐎𑑂𑐲𑑂𑐩𑐷 𑐏𑐜𑑂𑐐𑐷, 𑐥𑐹𑐬𑑂𑐞𑐎𑐵𑐖𑐷 𑐖𑑂𑐫𑐵𑐥𑐸 𑐮𑐐𑐵𑐫𑐟𑐫𑐵 𑐎𑐮𑐵𑐎𑐵𑐬𑑄 𑐩𑑂𑐴𑐶𑐟𑐵𑐡𑐷𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS