Read news in NepalBhasa text-- www.hamroschool.com BACK 𑐟𑐵𑐩𑑂𑐳𑐶𑐥𑐵𑐏𑐵 𑐳𑑂𑐥𑑀𑐬𑑂𑐚𑐳 𑐎𑐵𑐬𑑂𑐣𑐶𑐨𑐮 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐟𑐵𑐩𑑂𑐳𑐶𑐥𑐵𑐏𑐵 𑐳𑑂𑐥𑑀𑐬𑑂𑐚𑐳 𑐎𑐵𑐬𑑂𑐣𑐶𑐨𑐮

𑐫𑐾𑑃 – 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵 𑑑𑑘 𑐰𑐜𑐵𑐫𑐵 𑐐𑑂𑐰𑐳𑐵𑐮𑐫𑑂 𑐖𑐹𑐐𑐸 𑐣𑑂𑐴𑐵𑐥𑐵𑑄𑐐𑐸 𑐟𑐵𑐩𑑂𑐳𑐶𑐥𑐵𑐏𑐵 𑐳𑑂𑐥𑑀𑐬𑑂𑐚𑐳 𑐎𑐵𑐬𑑂𑐣𑐶𑐨𑐮–𑑒𑑐𑑗𑑘 𑐎𑑂𑐰𑐔𑐵𑑅𑐐𑐸 𑐡𑐸 𑑋 𑐎𑐵𑐬𑑂𑐣𑐶𑐨𑐮𑐫𑑂 𑐧𑐵𑐳𑑂𑐎𑐾𑐚𑐧𑐮, 𑐦𑐸𑐚𑐳𑐮, 𑐩𑑂𑐫𑐵𑐬𑐵𑐠𑐣, 𑐧𑑂𑐫𑐵𑐜𑐩𑐶𑐣𑑂𑐚𑐣 𑐰 𑐚𑐾𑐧𑐸𑐮𑐚𑐾𑐣𑐶𑐳 𑐫𑐵𑐣𑐵𑑅 𑐣𑑂𑐫𑐵𑐐𑐹 𑐎𑐵𑐳𑐵 𑐡𑐸𑐠𑑂𑐫𑐵𑐎𑐵𑐟𑑅𑐐𑐸 𑐏𑑅 𑑋

𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐥𑑂𑐬𑐩𑐸𑐏 𑐰𑐶𑐡𑑂𑐫𑐵𑐳𑐸𑐣𑑂𑐡𑐬 𑐱𑐵𑐎𑑂𑐫𑑄 𑐎𑐵𑐬𑑂𑐣𑐶𑐨𑐮𑐫𑑂 𑐡𑐸𑐠𑑂𑐫𑐵𑑅𑐐𑐸 𑐎𑐵𑐳𑐵𑐫𑑂 𑐰𑐶𑐖𑐫𑐷 𑐖𑐸𑐫𑐵𑐡𑐷𑐥𑐶𑑄 𑐎𑐵𑐳𑐵𑐩𑐶𑐥𑐶𑑄𑐟 𑐥𑐡𑐎, 𑐡𑐳𑐶𑐥𑑁 𑐰 𑐣𑐐𑐡 𑐥𑐸𑐬𑐳𑑂𑐎𑐵𑐬 𑐮𑑅𑐮𑑂𑐴𑐵𑐣𑐵𑐡𑐷𑐐𑐸 𑐏𑑅 𑑋 𑐎𑐵𑐳𑐵𑐫𑑂 𑐦𑐸𑐚𑐳𑐮 𑐰 𑐧𑐵𑐳𑑂𑐎𑐾𑐚𑐧𑐮𑐫𑑂 𑐣𑑂𑐴𑐵𑐥𑐫𑐵𑐟 𑐗𑐶𑑄𑐔𑑂𑐫𑐵𑐡𑑂𑐰𑑅, 𑐮𑐶𑐄𑐫𑐵𑐟 𑐗𑐶𑐡𑑂𑐰𑑅 𑐟𑐎𑐵, 𑐚𑐾𑐧𑐸𑐮𑐚𑐾𑐣𑐶𑐳 𑐰 𑐧𑑂𑐫𑐵𑐜𑐩𑐶𑐣𑑂𑐚𑐣𑐫𑑂 𑐣𑑂𑐴𑐵𑐥𑐫𑐵𑐟 𑐣𑑂𑐫𑐵𑐡𑑂𑐰𑑅 𑐰 𑐮𑐶𑐄𑐫𑐵𑐟 𑐳𑑂𑐰𑐡𑑂𑐰𑑅 𑐟𑐎𑐵 𑐀𑐠𑐾 𑐴𑐾 𑐩𑑂𑐫𑐵𑐬𑐵𑐠𑐣𑐫𑑂 𑐣𑑂𑐴𑐵𑐥𑐫𑐵𑐟 𑐔𑑂𑐫𑐵𑐡𑑂𑐰𑑅, 𑐮𑐶𑐄𑐫𑐵𑐟 𑐣𑑂𑐫𑐵𑐡𑑂𑐰𑑅 𑐰 𑐮𑐶𑐫𑐵𑑄𑐮𑐶𑐄𑐫𑐵𑐟 𑐳𑑂𑐰𑐡𑑂𑐰𑑅 𑐟𑐎𑐵 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐣𑐰𑐵𑐳𑐾𑑄 𑐩𑐴𑐵𑐣𑐐𑐬 𑐥𑑂𑐬𑐩𑐸𑐏 𑐱𑐵𑐎𑑂𑐫𑑄 𑐎𑐵𑐵𑐫𑐵 𑐩𑐵𑐢𑑂𑐫𑐩𑑄 𑐳𑑂𑐰𑐳𑑂𑐠 𑐳𑐴𑐬 𑐣𑐶𑐬𑑂𑐩𑐵𑐞𑐫𑑂 𑐩𑐴𑐵𑐣𑐐𑐬𑑄 𑐮𑐐𑐵𑐣𑐷 𑐫𑐵𑐣𑐵𑐔𑑂𑐰𑑄𑐐𑐸 𑐏𑑃 𑐎𑐣𑐵𑐡𑐶𑐮 𑑋 𑐎𑐵𑐳𑐵 𑐏𑑂𑐫𑑅𑐥𑐵𑐏𑐾𑑄 𑐩𑐾𑐩𑐾𑐐𑐸 𑐏𑑂𑐫𑐮𑑄 𑐣𑑄 𑐁𑐥𑐵𑐮𑑄 𑐳𑐫𑐾𑐎𑐾𑐩𑐵𑑅𑐐𑐸 𑐏𑑃𑐫𑑂 𑐧𑑅 𑐧𑐶𑐫𑐵𑐡𑐶𑐳𑐾𑑄 𑐎𑐵𑐳𑐵𑐫𑑂 𑐰𑐶𑐖𑐫𑐷 𑐖𑐸𑐂𑐟 𑐳𑐷𑐩𑐶𑐟 𑐀𑐰𑐢𑐷𑐫𑐵 𑐣𑐶𑑄𑐟𑐶𑑄 𑐎𑐜𑐵 𑐥𑑂𑐬𑐟𑐶𑐳𑑂𑐥𑐬𑑂𑐢𑐵 𑐖𑐸𑐂 𑑋 𑐟𑐬 𑐎𑐵𑐳𑐵 𑐳𑐶𑐢𑐫𑐾𑐢𑐸𑑄𑐎𑐵𑑅 𑐠𑐰𑑄𑐠𑐰𑐫𑑂 𑐣𑑂𑐴𑐵𑐥𑐵 𑐠𑐾𑑄 𑐴𑐾 𑐐𑐸𑐐𑐸 𑐳𑐡𑑂𑐨𑐵𑐰 𑐡𑐂𑐐𑐸 𑐏𑑅 𑐰 𑐩𑐾𑐩𑐾𑐐𑐸 𑐏𑑂𑐫𑐮𑑄 𑐣𑑄 𑐳𑐫𑐾𑐎𑐾𑐩𑐵𑑅 𑐢𑐫𑐵𑐡𑐶𑐮 𑑋

𑐰𑐜𑐵𑐀𑐢𑑂𑐫𑐎𑑂𑐲 𑐣𑑂𑐴𑐸𑐕𑐾𑐎𑐵𑐖𑐷 𑐩𑐴𑐬𑑂𑐖𑐣𑑄 𑐰𑐜𑐵𑐫𑐵 𑐣𑐶𑑄𑐟𑐶𑑄 𑐎𑐵𑐳𑐵 𑐕𑐐𑐹 𑐀𑐨𑐶𑐣𑑂𑐣 𑐖𑑂𑐫𑐵𑐗𑑂𑐰𑑅 𑐏𑑅 𑐢𑐵𑐳𑐾𑑄 𑐠𑐸𑐎𑐶𑐫𑐵𑐟 𑐣𑐶𑐬𑐣𑑂𑐟𑐬𑐟𑐵 𑐧𑐶𑐫𑐵 𑐰𑐣𑐾𑐐𑐸 𑐖𑐸𑐂 𑐢𑐫𑐵𑐡𑐶𑐮 𑑋 𑐰𑑄𑐐𑐸 𑐦𑐵𑐐𑐸𑐣 𑑗 𑐐𑐟𑐾𑐣𑐶𑐳𑐾𑑄 𑐣𑑂𑐴𑑂𑐫𑐵𑑅𑐐𑐸 𑐎𑐵𑐬𑑂𑐣𑐶𑐨𑐮𑐫𑑂 𑐟𑐵𑐩𑑂𑐳𑐶𑐥𑐵𑐏𑐵 𑐫𑐸𑐠 𑐎𑑂𑐮𑐧𑑄 𑐰𑑂𑐫𑐰𑐳𑑂𑐠𑐵𑐥𑐣𑐫𑑂 𑐐𑑂𑐰𑐵𑐴𑐵𑐮𑐶 𑐫𑐵𑑅𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS