Read news in NepalBhasa text-- www.hamroschool.com BACK 𑐊𑐩𑐧𑐵𑐥𑐾 𑐰𑐣𑐷 𑐎𑐶 𑐔𑑂𑐰𑐣𑐷 ? – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐊𑐩𑐧𑐵𑐥𑐾 𑐰𑐣𑐷 𑐎𑐶 𑐔𑑂𑐰𑐣𑐷 ?

𑐴𑐶𑐩𑐾𑐱

𑐁𑑅𑐫𑐵 𑐰𑐶𑐱𑑂𑐰 𑐦𑐸𑐚𑐧𑐮𑐫𑑂 𑐠𑑂𑐰 𑐕𑐐𑐹 𑐠𑐖𑑂𑐫𑐵𑑅𑐐𑐸 𑐣𑑂𑐴𑑂𑐫𑐳𑑅 𑐏𑑅, 𑐐𑐸𑐎𑐶𑐫𑐵 𑐮𑐶𑐳𑑅 𑐁𑑅𑐟𑐎 𑐳𑐸𑐫𑐵𑐎𑐾𑑄 𑐩𑐡𑐸, 𑐳𑐵𑐫𑐡 𑐎𑐾𑐫𑐮𑐶𑐣 𑐊𑐩𑐧𑐵𑐥𑐾𑐫𑐵𑐎𑐾 𑐣𑑄 𑐩𑐡𑐸𑐣𑐶 𑐖𑐸𑐂 𑑋 𑐣𑑂𑐴𑑂𑐫𑐳𑑅 𑐏𑑅, 𑐠𑐸𑐩𑑂𑐴 𑐦𑑂𑐬𑐵𑐣𑑂𑐳𑐾𑐮𑐷 𑐎𑐵𑐳𑐵𑐩𑐶𑑄 𑐁𑑅 𑐰𑐂𑐐𑐸 𑐳𑐶𑐖𑐣 𑐕𑐸 𑐎𑑂𑐮𑐧𑐥𑐵𑐏𑐾𑑄 𑐩𑑂𑐴𑐶𑐟𑐷 𑐖𑐸𑐂 ? 𑐥𑐾𑐬𑐶𑐳 𑐳𑐾𑐣𑑂𑐚 𑐖𑐬𑑂𑐩𑐾𑐣 (𑐥𑐷𑐊𑐳𑐖𑐷) 𑐥𑐵𑐏𑐾𑑄 𑐴𑐾 𑐎𑐶 𑐬𑐶𑐫𑐮 𑐩𑑂𑐫𑐵𑐜𑑂𑐬𑐶𑐜𑐥𑐵𑐏𑐾𑑄 ? 𑐀𑐠𑐾 𑐮𑐵 𑐠𑑂𑐰 𑐣𑑂𑐴𑑂𑐫𑐳𑑅 𑐊𑐩𑐧𑐵𑐥𑐾𑐫𑐵𑐟 𑐣𑑄 𑐣𑑂𑐫𑐣𑐾𑐐𑐸 𑐖𑑂𑐫𑐵 𑐩𑐖𑐹𑐐𑐸 𑐩𑐏𑐸 ? 𑐟𑐬 𑐰𑐫𑐵 𑐮𑐶𑐳𑑅 𑐖𑐸𑐂, ‘𑐖𑐶𑑄 𑐠𑐸𑐎𑐶𑐫𑐵𑐧𑐵𑐬𑐾 𑐕𑐸𑑄 𑐴𑐾 𑐣𑐶𑐬𑑂𑐞𑐫 𑐫𑐵𑐣𑐵𑑅𑐐𑐸 𑐩𑐡𑐸 𑑋 𑐁𑑅 𑐠𑐟𑑂𑐠𑐾𑑄 𑐖𑐶𑐐𑐸 𑐢𑑂𑐫𑐵𑐣 𑐦𑐸𑐚𑐧𑐮 𑐩𑑂𑐴𑐶𑐟𑐾𑐐𑐸𑐮𑐶 𑐖𑐎 𑐡𑐸 𑑋’

𑐠𑑂𑐰 𑐮𑐵 𑐐𑐵𑐎𑑂𑐎𑑄 𑐎𑐸𑐚𑐣𑐷𑐟𑐶𑐎 𑐮𑐶𑐳𑑅 𑐴𑐾 𑐖𑐸𑐮 𑑋 𑐡𑐎𑐮𑐫𑑂 𑐣𑑂𑐴𑐵𑐥𑐵𑑄 𑐠𑑂𑐰 𑐣𑑂𑐴𑑂𑐫𑐳𑑅 𑐥𑐶𑐡𑑄𑐐𑐸𑐫𑐵 𑐥𑐺𑐲𑑂𑐛𑐨𑐹𑐩𑐶 𑐳𑑂𑐰𑐫𑐾 𑑋 𑐊𑐩𑐧𑐵𑐥𑐾 𑐁𑑅𑐫𑐵 𑐰𑐶𑐱𑑂𑐰 𑐦𑐸𑐚𑐧𑐮𑐫𑐵 𑐡𑐎𑐮𑐫𑑂 𑐥𑑂𑐬𑐟𑐶𑐨𑐵𑐱𑐵𑐮𑐷 𑐎𑐵𑐳𑐵𑐩𑐶𑐩𑐢𑑂𑐫𑐾 𑐕𑐩𑑂𑐴 𑐏𑑅 𑑋 𑐫𑐎𑑂𑐰𑐳𑐶𑐣𑑄 𑐢𑐵𑐫𑐾𑐐𑐸 𑐫𑐵𑑅 𑐮𑐶𑐫𑑀𑐣𑐮 𑐩𑐾𑐳𑐷 𑐰 𑐎𑑂𑐬𑐶𑐳𑑂𑐚𑐶𑐫𑐵𑐣𑑀 𑐬𑑀𑐣𑐵𑐮𑑂𑐜𑑀 𑐢𑐸𑑄𑐎𑐵𑑅 𑐳𑐸𑑄 𑐕𑐩𑑂𑐴 𑐎𑐵𑐳𑐵𑐩𑐶 𑐰𑐶𑐱𑑂𑐰 𑐦𑐸𑐚𑐧𑐮𑐫𑑂 𑐡𑐎𑐮𑐫𑑂 𑐟𑑅𑐢𑑄𑐩𑑂𑐴 𑐳𑑂𑐚𑐵𑐬 𑐖𑐸𑐂 𑐢𑐵𑑅𑐳𑐵 𑐰 𑐊𑐩𑐧𑐵𑐥𑐾 𑐴𑐾 𑐖𑐸𑐂 𑑋 𑐊𑐩𑐧𑐵𑐥𑐾 𑐕𑐩𑑂𑐴 𑐟𑐳𑐎𑑄 𑐧𑐵𑑄𑐮𑐵𑑅𑐩𑑂𑐴 𑐎𑐵𑐳𑐵𑐩𑐶 𑐏𑑅 𑐢𑐫𑐵𑐐𑐸 𑐏“𑐫𑑂 𑐣𑑄 𑐳𑐸𑐫𑐵𑑄 𑐱𑑄𑐎𑐵 𑐩𑐡𑐸 𑑋 𑐀𑐗 𑐰𑑄 𑐀𑐖𑑂𑐫𑐵𑑅𑐐𑐸 𑐫𑐵𑐣𑐵𑑅 𑐎𑑂𑐫𑑄𑐐𑐸 𑐡𑐸, 𑐐𑐸𑐐𑐸 𑐩𑐾𑐳𑐷 𑐰 𑐬𑑀𑐣𑐵𑐮𑑂𑐜𑐵𑐾𑑄 𑐣𑑄 𑐫𑐵𑐫𑐾𑐩𑐦𑐸 𑑋 𑐀𑐠𑐾 𑐢𑐫𑐵𑐐𑐸 𑐰𑐶𑐱𑑂𑐰𑐎𑐥 𑐟𑑂𑐫𑐵𑐎𑐾𑐐𑐸 𑑋 𑐦𑑂𑐬𑐵𑐣𑑂𑐳𑐫𑐵 𑐣𑐶𑑄𑐟𑐶𑑄 𑐰𑑄 𑐬𑐸𑐳𑐫𑑂 𑐖𑐹𑐐𑐸 𑐰𑐶𑐱𑑂𑐰𑐎𑐥 𑐟𑑂𑐫𑐵𑐎𑐹𑐐𑐸 𑐏𑑅 𑑋

𑐥𑐷𑐊𑐳𑐖𑐷𑐣𑐵𑐥 𑐰𑐫𑐵 𑐀𑐣𑐸𑐧𑐣𑑂𑐢 𑐠𑑂𑐰 𑐳𑐶𑐖𑐣𑐫𑐵 𑐮𑐶𑐳𑐾𑑄 𑐎𑑂𑐰𑐔𑐵𑐫𑐾 𑐟𑑂𑐫𑑄𑐐𑐸 𑐡𑐸, 𑐟𑐬 𑐰𑑄 𑐁𑐟𑐎 𑐣𑑂𑐴𑐹𑐐𑐸 𑐀𑐣𑐸𑐧𑐣𑑂𑐢 𑐫𑐵𑐫𑐾𑐐𑐸 𑐕𑐸𑑄 𑐣𑑄 𑐂𑐔𑑂𑐕𑐵 𑐎𑑂𑐫𑐣𑐵𑐔𑑂𑐰𑑄𑐐𑐸 𑐩𑐡𑐸 𑑋 𑐠𑐐𑐸𑐣𑐾 𑐴𑐾 𑐬𑐶𑐫𑐮𑑄 𑐰𑐫𑐵𑐟 𑐣𑑂𑐫𑐵𑐫𑐾𑐟 𑐟𑑅𑐢𑑄𑐐𑐸 𑐂𑐔𑑂𑐕𑐵 𑐎𑑂𑐫𑑄𑐐𑐸 𑐏𑑅, 𑐀𑐮𑐾 𑐠𑐸𑐎𑐶𑐫𑐵 𑐣𑐶𑑄𑐟𑐶𑑄 𑐎𑐷𑐬𑑂𑐟𑐶𑐩𑐵𑐣𑐷 𑐬𑐎𑐩 𑐥𑐸𑐮𑐾𑐟 𑐣𑑄 𑐟𑐫𑐵𑐬 𑐖𑐹𑐐𑐸 𑐏𑑅, 𑐀𑐠𑐾 𑐢𑐫𑐵𑑅𑐐𑐸 𑑒𑑐 𑐎𑐬𑑀𑐜 𑐜𑐮𑐬𑐳𑐶𑐧𑐾𑑄 𑐀𑐥𑑂𑐰𑑅 𑑋 𑐟𑐬 𑐥𑐷𑐊𑐳𑐖𑐷 𑐟𑐫𑐵𑐬 𑐩𑐖𑐹 𑑋 𑐦𑑂𑐬𑐵𑐣𑑂𑐳𑐫𑐵 𑐠𑑂𑐰 𑐎𑑂𑐮𑐧𑐫𑑂 𑐎𑐟𑐵𑐬𑐷 𑐮𑐐𑐵𑐣𑐷 𑐡𑐸, 𑐀𑐮𑐾 𑐄𑐩𑐶𑐐𑐸 𑐣𑐶𑑄𑐟𑐶𑑄 𑐢𑑂𑐫𑐧𑐵𑑅 𑐕𑐸𑑄 𑐟𑑅𑐢𑑄𑐐𑐸 𑐏𑑃 𑐩𑐏𑐸 𑑋

𑐥𑐷𑐊𑐳𑐖𑐷𑐫𑐵 𑐣𑐷𑐟𑐶 𑐴𑐾 𑐏𑑅, 𑐠𑑅𑐮𑐶𑐳𑐾 𑐀𑐣𑐸𑐧𑐣𑑂𑐢 𑐖𑐸𑐫𑐵𑐔𑑂𑐰𑑄𑐩𑑂𑐴 𑐎𑐵𑐳𑐵𑐩𑐶𑐟𑐫𑐵𑐟 𑐣𑑂𑐴𑑂𑐫𑐵𑐎𑑂𑐰 𑐴𑐾 𑐢𑑂𑐫𑐧𑐵𑐫𑐵 𑐥𑑂𑐬𑐳𑑂𑐟𑐵𑐰 𑐰𑑅𑐳𑐵𑑄 𑐩𑐶𑐫𑐵 𑐩𑐕𑑂𑐰𑐫𑐾𑐐𑐸 𑑋 𑐧𑐬𑐸 𑐩𑐾𑐐𑐸 𑐥𑐵𑐮𑐫𑑂 𑐰 𑐴𑐾 𑐎𑐵𑐳𑐵𑐩𑐶 𑐳𑐶𑐟𑐶𑐎𑑄 𑐐𑐣𑑄 𑐰𑑄𑐳𑐵 𑐕𑐸𑑄 𑐩𑐟𑐮𑐧 𑐩𑐡𑐸 𑑋 𑐥𑐷𑐊𑐳𑐖𑐷𑐫𑐵 𑐣𑐶𑑄𑐟𑐶𑑄 𑐠𑑂𑐰 𑐣𑐷𑐟𑐶 𑐥𑑂𑐬𑐟𑐶𑐲𑑂𑐛𑐵𑐣𑐵𑐥 𑐳𑑂𑐰𑐵𑐣𑐵𑐔𑑂𑐰𑑄𑐐𑐸 𑐏“ 𑐏𑑅 𑑋 𑐊𑐩𑐧𑐵𑐥𑐾 𑐩𑐾𑐥𑐶𑑄 𑐳𑐸𑑄 𑐎𑐵𑐳𑐵𑐩𑐶 𑐠𑐾𑑄 𑐮𑐵 𑐥𑐎𑑂𑐎𑐵𑑄 𑐩𑐏𑐸, 𑐄𑐎𑐶𑑄 𑐥𑐷𑐊𑐳𑐖𑐷𑑄 𑐰𑐫𑐵𑐟 𑐁𑑅 𑐴𑑂𑐫𑐫𑐾𑐎𑐵 𑐔𑑂𑐰𑑄𑐐𑐸 𑐡𑐸, 𑐀𑐮𑐾 𑐥𑑂𑐬𑐳𑑂𑐟𑐵𑐰 𑐟𑐫𑐵𑐔𑑂𑐰𑑄𑐐𑐸 𑐡𑐸, 𑐕𑐰𑐵𑑅𑐫𑐵 𑐟𑐮𑐧 𑐴𑐾, 𑑑𑑐 𑐮𑐵𑐏 𑐜𑐮𑐬𑐳𑐶𑐧𑐾𑑄 𑐀𑐥𑑂𑐰𑑅 𑐧𑐷𑐐𑐸 𑑋 𑐄𑐎𑐶𑐫𑐵 𑐀𑐬𑑂𑐠 𑐰 𑐰𑐶𑐱𑑂𑐰 𑐦𑐸𑐚𑐧𑐮𑐫𑑂 𑐡𑐎𑐮𑐫𑑂 𑐀𑐥𑑂𑐰𑑅 𑐎𑐩𑐾 𑐫𑐵𑐂𑐩𑑂𑐴 𑐎𑐵𑐳𑐵𑐩𑐶 𑐖𑐸𑐂 𑑋

𑐥𑐷𑐊𑐳𑐖𑐷𑐫𑐵 𑐡𑐎𑐮𑐫𑑂 𑐟𑑅𑐢𑑄𑐐𑐸 𑐁𑐖𑑂𑐖𑐸 𑐢𑐫𑐵𑐐𑐸 𑐴𑐾 𑐫𑐸𑐬𑑀𑐥𑐾𑐮𑐷 𑐔𑑂𑐫𑐵𑐩𑑂𑐥𑐶𑐫𑐣𑑂𑐳 𑐮𑐶𑐐 𑐟𑑂𑐫𑐵𑐎𑐾𑐐𑐸 𑐏𑑅 𑑋 𑐠𑐸𑐎𑐶𑐫𑐵 𑐣𑐶𑑄𑐟𑐶𑑄 𑐎𑑂𑐮𑐧𑐫𑐵𑐟 𑐊𑐩𑐧𑐵𑐥𑐾 𑐠𑐾𑑄𑐖𑑂𑐫𑐵𑑅𑐥𑐶𑑄 𑐎𑐵𑐳𑐵𑐩𑐶 𑐮𑐵 𑐥𑐎𑑂𑐎𑐵 𑐩𑐵𑐮𑐷𑐐𑐸 𑐴𑐾 𑐖𑐸𑐂 𑑋 𑐴𑐵𑐎𑐣𑑄 𑐥𑐷𑐊𑐳𑐖𑐷𑑄 𑐰𑐫𑐵𑐟 𑐐𑐸𑐮𑐶 𑐟𑐎 𑐢𑐵𑑅𑐐𑐸 𑐡𑐸 𑐢𑐵𑑅𑐳𑐵 𑐁𑑅 𑐰𑐂𑐐𑐸 𑐩𑐾𑐐𑐸 𑐳𑐶𑐖𑐣𑐫𑑂 𑐥𑐹𑐬𑐵 𑐚𑐶𑐩 𑐴𑐾 𑐰𑐫𑐵 𑐎𑐵𑐳𑐵𑐫𑐵 𑐖𑑅𑐏𑑅 𑐔𑑂𑐰𑐣𑐷𑐐𑐸 𑐎𑐠𑑄 𑐡𑐫𑐾𑐎𑐷𑐐𑐸 𑐖𑐸𑐂, 𑐰 𑐣𑑄 𑐎𑑂𑐮𑐧𑐫𑑂 𑐩𑐾𑐳𑐷 𑐰 𑐣𑐾𑐫𑐩𑐵𑐬 𑐠𑐾𑑄𑐖𑑂𑐫𑐵𑑅𑐥𑐶𑑄 𑐎𑐵𑐳𑐵𑐩𑐶 𑐡𑐸𑐳𑐵𑑄 𑑋 𑐕𑐐𑐹 𑐎𑐠𑑄 𑐥𑐷𑐊𑐳𑐖𑐷𑑄 𑐊𑐩𑐧𑐵𑐥𑐾𑐫𑐵 𑐣𑐶𑑄𑐟𑐶𑑄 𑐟𑑅𑐢𑑄𑐐𑐸 𑐖𑑀𑐏𑐶𑐩 𑐎𑐵𑐫𑐾𑐟 𑐟𑐎𑑄 𑐟𑐫𑐵𑐬 𑐏𑐣𑐾 𑐡𑐫𑐵𑐔𑑂𑐰𑑄𑐐𑐸 𑐡𑐸 𑑋

𑐊𑐩𑐧𑐵𑐥𑐾𑐫𑐵 𑐣𑑄 𑐕𑐐𑐹 𑐟𑑅𑐢𑑄𑐐𑐸 𑐁𑐖𑑂𑐖𑐸 𑐡𑐸, 𑐀𑐗 𑐢𑐵𑐫𑐾 𑐩𑑂𑐴𑐐𑐳 𑑋 𑐰 𑐏𑑅– 𑐬𑐶𑐫𑐮𑐫𑐵 𑐣𑐶𑐟𑐶𑑄 𑐩𑑂𑐴𑐶𑐟𑐾𑐐𑐸 𑑋 𑐰𑑄 𑐁𑑅 𑐖𑐎 𑐩𑐏𑐸, 𑐣𑑂𑐴𑐵𑐥𑐵𑑄𑐣𑐶𑐳𑐾𑑄 𑐢𑐫𑐵𑑅 𑐰𑐫𑐵𑐔𑑂𑐰𑑄𑐐𑐸 𑐏𑑅, 𑐕𑐣𑑂𑐴𑐸 𑐬𑐶𑐫𑐮𑐥𑐵𑐏𑐾𑑄 𑐩𑑂𑐴𑐶𑐟𑐾𑐩𑐵𑐣𑐷 𑑋 𑐬𑐶𑐫𑐮𑐫𑐵𑐟 𑐣𑑄 𑐮𑐵 𑐰 𑐠𑐾𑑄𑐖𑑂𑐫𑐵𑑅𑐩𑑂𑐴 𑐎𑐵𑐳𑐵𑐩𑐶 𑐡𑐸𑐳𑐵 𑐕𑐸 𑐩𑐵𑐮 𑐢𑐎𑐵𑑅 ? 𑐀𑐗 𑐁𑑅 𑐮𑐵 𑐰 𑐦𑑂𑐬𑐶–𑐚𑑂𑐬𑐵𑐣𑑂𑐳𑐦𑐬𑐫𑑂 𑐰𑐂𑐐𑐸 𑐖𑐸𑐂, 𑐀𑐠𑐾 𑐢𑐫𑐵𑐐𑐸 𑐰𑐫𑐵 𑐣𑐶𑑄𑐟𑐶𑑄 𑐥𑐷𑐊𑐳𑐖𑐷𑐫𑐵𑐟 𑐢𑑂𑐫𑐧𑐵 𑐥𑐸𑐮𑐵𑐔𑑂𑐰𑐣𑐾 𑐩𑑂𑐰𑐵𑑅𑐮 𑑋 𑐬𑐶𑐫𑐮𑐫𑑂 𑐠𑑁𑐎𑐣𑑂𑐴𑐫𑑂 𑐣𑑂𑐴𑐵𑐥𑐵 𑐠𑐾𑑄 𑐟𑑅𑐢𑑄𑐥𑐶𑑄 𑐳𑑂𑐚𑐵𑐬 𑐎𑐵𑐳𑐵𑐩𑐶𑐟 𑐣𑑄 𑐩𑐡𑐸, 𑐄𑐎𑐶𑑄 𑐰𑐫𑐵𑐟 𑐊𑐩𑐧𑐵𑐥𑐾 𑐩𑐵𑐮𑐵𑐔𑑂𑐰𑑄𑐐𑐸 𑐡𑐸 𑑋

𑐣𑐎𑐟𑐶𑐣𑐶 𑐴𑐾 𑐔𑑂𑐫𑐵𑐩𑑂𑐥𑐶𑐫𑐣𑑂𑐳 𑐮𑐶𑐐𑐫𑐵 𑐀𑐣𑑂𑐟𑐶𑐩 𑑑𑑖 𑐫𑐵 𑐣𑑂𑐴𑐵𑐥𑐵𑑄𑐐𑐸 𑐮𑐾𑐐𑐫𑑂 𑐥𑐷𑐊𑐳𑐖𑐷𑑄 𑐬𑐶𑐫𑐮𑐫𑐵𑐟 𑐧𑐸𑐎𑐮, 𑐰 𑐣𑑄 𑐕𑐐𑐹 𑐐𑑀𑐮𑑄 𑑋 𑐀𑐮𑐾 𑐰 𑐐𑑀𑐮 𑐫𑐵𑑅𑐩𑑂𑐴 𑐎𑐵𑐳𑐵𑐩𑐶 𑐩𑐾𑐥𑐶𑑄 𑐳𑐸𑑄 𑐩𑐏𑐸𑐳𑐾 𑐊𑐩𑐧𑐵𑐥𑐾 𑐴𑐾 𑐏𑑅 𑑋 𑐐𑑀𑐮 𑐫𑐵𑐫𑐾𑐰𑑄 𑐠𑑅 𑐳𑐩𑐬𑑂𑐠𑐎𑐟𑐥𑐵𑐏𑐾 𑐮𑑂𑐴𑐵𑑅 𑐮𑑂𑐴𑑂𑐰𑐣𑐵𑑅 𑐮𑐳𑐟𑐵 𑐣𑑄 𑐥𑑂𑐰𑑄𑐎𑐹𑐐𑐸 𑐏𑑅 𑑋 𑐠𑐸𑐎𑐶𑐫𑐵 𑐀𑐬𑑂𑐠 𑐳𑐵𑐫𑐡 𑐰𑐫𑐵 𑐂𑐔𑑂𑐕𑐵 𑐥𑐷𑐊𑐳𑐖𑐷𑐂 𑐟𑐸𑑄 𑐔𑑂𑐰𑐣𑐵𑐔𑑂𑐰𑐣𑐾𑐐𑐸 𑐴𑐾 𑐏𑑅 𑐎𑐶 ? 𑐄𑐧𑐮𑐫𑑂 𑐰𑑄 𑐢𑐵𑑅𑐐𑐸 𑐣𑑄 𑐏𑑅, ‘𑐁𑑅 𑐠𑐟𑑂𑐠𑐾𑑄 𑐖𑐶𑑄 𑐕𑐸𑑄 𑐣𑐶𑐬𑑂𑐞𑐫 𑐩𑐫𑐵𑐣𑐷 𑑋’ 𑐁𑑅 𑐳𑐎𑐳𑐶𑐫𑐵𑑄 𑐂𑐔𑑂𑐕𑐵 𑐏𑑅, 𑐰𑐫𑐵 𑐏𑐵𑐳 𑐣𑐸𑐐𑑅𑐫𑐵 𑐏“ 𑐣𑑂𑐫𑐣𑐾𑐐𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS