Read news in NepalBhasa text-- www.hamroschool.com BACK 𑐮𑑃 𑐧𑐣𑑂𑐡 𑐖𑐸𑐫𑐵𑑅 𑐦𑑀𑐴𑑀𑐬 𑐡𑑂𑐰𑑃𑐔𑐶𑑄𑐐𑐸 𑐗𑐶𑐣𑑂𑐴𑐸 𑐡𑐟 ! – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐮𑑃 𑐧𑐣𑑂𑐡 𑐖𑐸𑐫𑐵𑑅 𑐦𑑀𑐴𑑀𑐬 𑐡𑑂𑐰𑑃𑐔𑐶𑑄𑐐𑐸 𑐗𑐶𑐣𑑂𑐴𑐸 𑐡𑐟 !

𑐫𑐾𑑃- 𑐫𑐾𑑃𑐫𑐵 𑐥𑐵𑐳𑐵𑐒𑐮𑑂𑐴𑐵𑐩𑐸 𑐬𑐵𑐖𑐩𑐵𑐬𑑂𑐐𑐫𑑂 𑐳𑑂𑐠𑐵𑐣𑐷𑐫 𑐰𑐵𑐳𑐶𑐣𑑂𑐡𑐵𑑄 𑐮𑑃 𑐧𑐣𑑂𑐡 𑐫𑐵𑐣𑐵 𑐧𑐶𑐄𑐐𑐸𑐮𑐶𑑄 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵 𑐮𑐐𑐵𑐫𑐟 𑐳𑑂𑐰𑐣𑐶𑐐𑑅𑐫𑐵 𑑑𑑘 𑐐𑐹 𑐣𑐐𑐬𑐥𑐵𑐮𑐶𑐎𑐵𑐫𑑂 𑐦𑑀𑐴𑑀𑐬 𑐡𑑂𑐰𑑃𑐔𑐶𑐣𑐵𑐔𑑂𑐰𑑄𑐐𑐸 𑐠𑐣𑐶𑑄 𑐗𑐶𑐣𑑂𑐴𑐸 𑐡𑐟 𑑋 𑐠𑐸𑐎𑐶𑑄 𑐫𑐵𑐣𑐵𑑅 𑐣𑐐𑐬𑐫𑑂 𑐡𑐸𑐬𑑂𑐐𑐣𑑂𑐢 𑐧𑑂𑐰𑐮𑐣𑐷𑐐𑐸 𑐳𑐩𑐾𑐟 𑐱𑐸𑐬𑐸 𑐖𑐹𑐐𑐸 𑐏𑑃 𑐳𑑂𑐠𑐵𑐣𑐷𑐫 𑐩𑐣𑐹𑐟𑐫𑑂𑐳𑑄 𑐢𑐫𑐵𑐴𑑅𑐐𑐸 𑐡𑐸 𑑋

𑐥𑐵𑐳𑐵𑐒 𑐮𑑂𑐴𑐵𑐩𑐸 𑐬𑐵𑐖𑐩𑐵𑐬𑑂𑐐𑐫𑑂 𑐮𑑃 𑐥𑐷𑐔 𑐫𑐵𑐫𑐾𑐐𑐸 𑐮𑐵𑐐𑐶𑑄 𑐳𑑂𑐠𑐵𑐣𑐷𑐫 𑐖𑐣𑐟𑐵𑑄 𑐳𑐬𑐎𑐵𑐬𑐫𑐵𑐟 𑐂𑐣𑐵𑐥 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐟𑑅𑐡𑑃 𑐴𑐾 𑐡𑐫𑐾𑐢𑐸𑑄𑐎𑐹𑐐𑐸 𑐡𑐸 𑑋 𑐟𑐬 𑐳𑐬𑐎𑐵𑐬𑑄 𑐐𑐧𑐮𑐾𑑄 𑐣𑑄 𑐰𑐵𑐳𑑂𑐟𑐵 𑐩𑐫𑐵𑑅𑐐𑐸 𑐎𑐵𑐬𑐞𑑄 𑐁𑐎𑑂𑐬𑑀𑐱𑐶𑐟 𑐖𑐹𑐥𑐶𑑄 𑐳𑑂𑐠𑐵𑐣𑐷𑐫 𑐖𑐣𑐟𑐵𑑄 𑐠𑐸𑐐𑐸𑐳𑐷 𑐮𑑃 𑐴𑐾 𑐥𑐣𑐵 𑐧𑐶𑐄𑐐𑐸 𑐏𑑅 𑑋 𑐀𑐣 𑐮𑑃 𑐡𑐫𑐾𑐎𑐾𑐐𑐸 𑐮𑐵𑐐𑐶𑑄 𑐳𑐬𑐎𑐵𑐬𑐮𑐶𑐳𑐾 𑐳𑑂𑐰𑐎𑑂𑐰𑑅 𑐟𑐎 𑐳𑐩𑑂𑐗𑑁𑐟𑐵 𑐖𑐹𑐐𑐸 𑐏𑑅𑐳𑐵𑑄 𑐳𑐬𑐎𑐵𑐬𑑄 𑐢𑐵𑑅𑐳𑐵 𑐮𑑃 𑐡𑐫𑐾𑐎𑐾𑐟 𑐰𑐵𑐳𑑂𑐟𑐵 𑐩𑐫𑐵𑑅𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋

𑐮𑑃 𑐧𑐣𑑂𑐡 𑐖𑐸𑐫𑐵𑑅 𑐦𑑀𑐴𑑀𑐬 𑐩𑐸𑐣𑐵 𑐫𑑄𑐎𑐾𑐐𑐸 𑐖𑑂𑐫𑐵 𑐩𑐖𑐸𑐂𑐰𑑄 𑐄𑐎𑐶𑐫𑐵 𑐡𑑀𑐲 𑐢𑐵𑑅𑐳𑐵 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵𑐟 𑐰𑐫𑐾𑐐𑐸 𑐫𑐵𑐣𑐵𑐔𑑂𑐰𑑄𑐐𑐸 𑐏𑑃 𑐩𑐣𑐥𑐵 𑐰𑐵𑐟𑐵𑐰𑐬𑐞 𑐰𑐶𑐨𑐵𑐐𑐫𑐵 𑐥𑑂𑐬𑐩𑐸𑐏 𑐳𑐬𑐶𑐟𑐵 𑐬𑐵𑐃𑑄 𑐎𑐣𑐵𑐡𑐷𑐐𑐸 𑐡𑐸 𑑋 𑐳𑑄𑐑𑐷𑐫 𑐳𑐬𑐎𑐵𑐬𑑄 𑐀𑐣 𑐡𑐫𑐾𑐎𑐵 𑐧𑐷𑐩𑐵𑑅𑐐𑐸 𑐮𑑃 𑐁𑑅 𑐟𑐎 𑐩𑐡𑐫𑐾𑐎𑐹𑐐𑐸 𑐎𑐵𑐬𑐞𑑄 𑐳𑑂𑐠𑐵𑐣𑐷𑐫 𑐖𑐣𑐟𑐵𑑄 𑐟𑑅𑐎𑑂𑐰𑑅 𑐴𑐾 𑐮𑑃 𑐧𑐣𑑂𑐡 𑐫𑐵𑐣𑐵𑑅 𑐰𑐶𑐬𑑀𑐢 𑐥𑑂𑐬𑐎𑐚 𑐫𑐵𑐫𑐾𑐢𑐸𑑄𑐎𑐹𑐐𑐸 𑐡𑐸 𑑋

𑐰𑐫𑑂𑐎𑑅𑐫𑐵 𑐎𑐠𑑄 𑐠𑑁𑑄𑐎𑐣𑑂𑐴𑐫𑑂 𑐦𑑀𑐴𑑀𑐬 𑐰𑐵𑐫𑐾𑐐𑐸 𑐫𑐵𑐣𑐵𑐔𑑂𑐰𑑄𑐐𑐸 𑐳𑐶𑐳𑐜𑑀𑐮𑐫𑐵 𑐜𑐩𑑂𑐥𑐶𑐒 𑐳𑐵𑐂𑐚 𑐖𑐵𑐫𑐾𑐢𑐸𑑄𑐎𑐹𑐐𑐸 𑐎𑐵𑐬𑐞𑑄 𑐰𑐫𑐵𑑄 𑐨𑐔𑐵 𑐔𑑂𑐰𑐫𑑂 𑐔𑑂𑐰𑑄𑐐𑐸 𑐧𑐘𑑂𑐔𑐬𑐾 𑐜𑐵𑑃𑐜𑐵𑐫𑑂 𑐦𑑀𑐴𑑀𑐬 𑐰𑐵𑐫𑐾𑐐𑐸 𑐠𑐵𑐫𑑂 𑐡𑐫𑐾𑐎𑐹𑐐𑐸 𑐏𑑅𑐳𑐵𑑄 𑐀𑐣 𑐣𑑄 𑐳𑐬𑐎𑐵𑐬𑑄 𑐥𑐹𑐰𑑄𑐎 𑐖𑑂𑐫𑐵 𑐫𑐵𑑅𑐐𑐸 𑐩𑐡𑐸 𑑋 𑐠𑑂𑐰𑐴𑐾 𑐗𑑂𑐰𑐮𑐫𑑂 𑐫𑐾𑑃 𑐩𑐣𑐥𑐵𑐫𑐵 𑐩𑐾𑐫𑐬 𑐰𑐶𑐡𑑂𑐫𑐵𑐳𑐸𑐣𑑂𑐡𑐬 𑐱𑐵𑐎𑑂𑐫𑑄 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐱𑐾𑐬𑐧𑐴𑐵𑐡𑐸𑐬 𑐡𑐾𑐄𑐰𑐵𑐫𑐵𑐟 𑐣𑐵𑐥𑐮𑐵𑐣𑐵𑑅 𑐮𑑃 𑐡𑐫𑐾𑐎𑐾𑐟 𑐥𑐴𑐮 𑐱𑐸𑐬𑐸 𑐫𑐵𑐣𑐵𑐡𑐷𑐐𑐸 𑐏𑑃 𑐳𑐷𑐡𑐸𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS