Read news in NepalBhasa text-- www.hamroschool.com BACK ‘𑐳𑑂𑐰𑐬𑐾 𑐕𑑄𑐐𑐸 𑐩𑐟𑐶𑐣𑐵 …. 𑐫𑐵 𑐩𑑂𑐫𑐹𑐖𑐶𑐎 𑐨𑐶𑐜𑐶𑐫𑐵𑐾 𑐮𑐘𑑂𑐔 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

‘𑐳𑑂𑐰𑐬𑐾 𑐕𑑄𑐐𑐸 𑐩𑐟𑐶𑐣𑐵 …. 𑐫𑐵 𑐩𑑂𑐫𑐹𑐖𑐶𑐎 𑐨𑐶𑐜𑐶𑐫𑐵𑐾 𑐮𑐘𑑂𑐔

𑐫𑐾𑑃 – 𑐣𑐾𑐥𑐵𑐮𑐨𑐵𑐲𑐵 𑐳𑐵𑑄𑐐𑐷𑐟𑐶𑐎 𑐏𑑂𑐫𑐮𑐫𑑂 𑐣𑑂𑐴𑐹 𑐥𑑂𑐬𑐟𑐶𑐨𑐵𑐫𑐵 𑐬𑐸𑐥𑐫𑑂 𑐥𑐶𑐮𑐹 𑐰𑐫𑐵𑐔𑑂𑐰𑑄𑐥𑐶𑑄 𑐰𑐷𑐬𑐾𑐣𑑂𑐡𑑂𑐬 𑐩𑐴𑐬𑑂𑐖𑐣 𑐰 𑐳𑐸𑐩𑐶𑐟𑑂𑐬𑐵 𑐩𑐴𑐬𑑂𑐖𑐣𑐫𑐵 𑐣𑑂𑐴𑐹𑐐𑐸 𑐖𑑂𑐰𑑅𑐩𑑂𑐫𑐾𑑃𑐫𑐵 𑐩𑑂𑐫𑐸𑐖𑐶𑐎 𑐨𑐶𑐜𑐶𑐫𑑀 𑐥𑐶𑐴𑐵𑑄 𑐰𑑅𑐐𑐸 𑐡𑐸 𑑋 𑐩𑐴𑐬𑑂𑐖𑐣 𑐣𑐶𑐩𑑂𑐴 𑐟𑐶𑐥𑐹𑐫𑐵 𑐳𑐮𑐫𑑂 𑐡𑐸𑐠𑑂𑐫𑐵𑐣𑐵𑐔𑑂𑐰𑑄𑐐𑐸 ‘𑐳𑑂𑐰𑐬𑐾 𑐕𑑄𑐐𑐸 𑐩𑐟𑐶𑐣𑐵 𑐳𑑂𑐰𑐟𑐸𑐩𑐟𑐸 𑐳𑑂𑐰𑑅𑐐𑐸 ….’ 𑐧𑑀𑐮𑐫𑐵 𑐩𑑂𑐫𑐾𑑃𑐫𑐵 𑐩𑑂𑐫𑐸𑐖𑐶𑐎 𑐨𑐶𑐜𑐶𑐫𑑀 𑐰𑑄𑐐𑐸 𑐱𑐣𑐶𑐰𑐵𑑅 𑐥𑐶𑐟𑐧𑑂𑐰𑐖𑑂𑐫𑐵 𑐖𑐹𑐐𑐸 𑐏𑑅 𑑋

𑐩𑑂𑐫𑐾𑑃 𑐴𑐵𑐮𑐵𑐩𑐶 𑐳𑐸𑐩𑐶𑐟𑑂𑐬𑐵 𑐩𑐴𑐬𑑂𑐖𑐣𑐫𑐵 𑐩𑐵𑑄 𑐧𑐳𑐸𑐡𑐾𑐰𑐷 𑐰 𑐀𑐧𑐸 𑐧𑐾𑐏𑐵𑐣𑐵𑐬𑐵𑐫𑐞 𑐩𑐴𑐬𑑂𑐖𑐣𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐎𑐮𑐵𑐣𑐶𑐢𑐶 𑐂𑐣𑑂𑐡𑐶𑐬𑐵 𑐳𑑄𑐐𑐷𑐟 𑐩𑐴𑐵𑐰𑐶𑐡𑑂𑐫𑐵𑐮𑐫𑐫𑐵 𑐩𑐴𑐵𑐳𑐔𑐶𑐰𑐮𑐶𑐳𑐾𑑄 𑐳𑐴𑐵𑐫𑐎 𑐥𑑂𑐬𑐶𑐣𑑂𑐳𑐶𑐥𑐮 𑐰𑐬𑐶𑐲𑑂𑐛 𑐳𑑄𑐐𑐷𑐟𑐖𑑂𑐘 𑐢𑐣𑐧𑐴𑐵𑐡𑐸𑐬 𑐐𑑀𑐥𑐵𑐮𑐷 𑐩𑐹𑐥𑐵𑐴𑐵𑑄𑐎𑐠𑑄 𑐗𑐵𑐫𑐵𑐡𑐷𑐐𑐸 𑐏𑑅 𑑋 𑐩𑑂𑐫𑐸𑐖𑐶𑐎 𑐨𑐶𑐜𑐶𑐫𑑀 𑐥𑐶𑐟𑐧𑑂𑐰𑐖𑑂𑐫𑐵 𑐖𑑂𑐫𑐵𑐗𑑂𑐰𑐮𑐫𑑂 𑐣𑐵𑑄𑐖𑐵𑑅𑐩𑑂𑐴 𑐩𑑂𑐫𑐾𑑃 𑐴𑐵𑐮𑐵𑐩𑐶 𑐳𑑄𑐐𑐷𑐟𑐵 𑐱𑐵𑐎𑑂𑐫, 𑐣𑐾𑐥𑐵𑐮𑐨𑐵𑐲𑐵 𑐩𑑂𑐫𑐸𑐖𑐶𑐎 𑐨𑐶𑐜𑐶𑐫𑑀𑐫𑐵 𑐣𑑂𑐴𑐵𑐥𑐵𑑄𑐩𑑂𑐴 𑐣𑐶𑐬𑑂𑐡𑐾𑐱𑐎 𑐰𑐶𑐖𑐫𑐬𑐟𑑂𑐣 𑐀𑐳𑑄𑐧𑐬𑐾 𑐰𑐶𑐱𑐾𑐲 𑐥𑐵𑐴𑐵𑑄𑐎𑐠𑑄 𑐗𑐵𑐫𑐵𑐡𑐷𑐐𑐸 𑐏𑑅 𑑋

𑐣𑐵𑑄𑐖𑐵𑑅𑐩𑑂𑐴 𑐳𑑄𑐎𑐶𑐥𑐵𑐎𑑅𑐩𑐶 𑐳𑐸𑐬𑐾𑐣𑑂𑐡𑑂𑐬 𑐟𑐸𑐮𑐵𑐢𑐬𑑄 𑐔𑑂𑐰𑐫𑐵𑐡𑐷𑐐𑐸 𑐰 𑐳𑑄𑐐𑐷𑐟𑐎𑐵𑐬 𑐳𑐸𑐬𑐾𑐣𑑂𑐡𑑂𑐬 𑐱𑑂𑐬𑐾𑐲𑑂𑐛𑑄 𑐮𑐳𑐫𑑂 𑐴𑐣𑐵𑐡𑐷𑐐𑐸 𑐩𑑂𑐫𑐾𑑃𑐫𑐵 𑐩𑑂𑐫𑐸𑐖𑐶𑐎 𑐨𑐶𑐜𑐶𑐫𑑀𑐫𑐵 𑐣𑐶𑐬𑑂𑐡𑐾𑐱𑐣 𑐣𑐵𑑄𑐖𑐵𑑅𑐩𑑂𑐴 𑐣𑐶𑐬𑑂𑐡𑐾𑐱𑐎 𑐬𑐵𑐩𑐎𑐺𑐲𑑂𑐞 𑐏𑐜𑑂𑐐𑐷𑑄 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐳𑐬𑐶𑐟𑐵 𑐰𑐖𑑂𑐬𑐵𑐔𑐵𑐬𑑂𑐫, 𑐎𑐶𑐬𑐞 𑐖𑑀𑐱𑐷 𑐰 𑐣𑐶𑐨𑐵 𑐜𑑄𑐐𑑀𑐮𑑄 𑐀𑐨𑐶𑐣𑐫 𑐫𑐵𑐣𑐵𑐡𑐷𑐐𑐸 𑐩𑑂𑐫𑐸𑐖𑐶𑐎 𑐨𑐶𑐜𑐶𑐫𑑀𑐫𑐵 𑐕𑐵𑐫𑐵𑑃𑐎𑐣 𑐬𑐎𑐶 𑐩𑐴𑐬𑑂𑐖𑐣𑑄 𑐫𑐵𑐣𑐵𑐡𑐷𑐐𑐸 𑐏𑑅𑐳𑐵 𑐳𑐩𑑂𑐥𑐵𑐡𑐣 𑐧𑐵𑐮𑐎𑐺𑐲𑑂𑐞 𑐧𑑄𑐱𑐷𑑄 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS