Read news in NepalBhasa text-- www.hamroschool.com BACK 𑐎𑐶𑐥𑐹 𑐳𑐶𑐒𑑂𑐐𑐶𑐗 𑐁𑐂𑐜𑐮 𑐣𑐶𑐐𑐹𑐐𑐸 𑐔𑐬𑐞𑐫𑑂 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐎𑐶𑐥𑐹 𑐳𑐶𑐒𑑂𑐐𑐶𑐗 𑐁𑐂𑐜𑐮 𑐣𑐶𑐐𑐹𑐐𑐸 𑐔𑐬𑐞𑐫𑑂

𑐎𑐶𑐥𑐹- 𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵𑐫𑐵 𑐐𑑂𑐰𑐳𑐵𑐮𑐫𑑂 𑐣𑑂𑐴𑑂𑐫𑐵𑐣𑐵𑐔𑑂𑐰𑑄𑐐𑐸 𑐎𑐶𑐥𑐹 𑐳𑐶·𑐶𑐒 𑐁𑐂𑐜𑐮–𑑑𑑑𑑔𑑒 𑐣𑐶𑐐𑐹𑐐𑐸 𑐔𑐬𑐞𑐫𑑂 𑐠𑑂𑐫𑑄𑐐𑐸 𑐡𑐸 𑑋 𑐣𑐐𑐬𑐥𑐵𑐮𑐶𑐎𑐵𑐫𑐵 𑐐𑑂𑐰𑐳𑐵𑐮𑐫𑑂 𑐣𑑂𑐴𑑂𑐫𑐵𑐣𑐵𑐔𑑂𑐰𑑄𑐐𑐸 𑐠𑐸𑐐𑐸 𑐳𑐵𑑄𑐐𑐷𑐟𑐶𑐎 𑐖𑑂𑐫𑐵𑐗𑑂𑐰𑑅 𑐧𑑂𑐰𑐟𑐶 𑐎𑐵𑑅𑐥𑐶𑑄𑐳𑑄 𑐣𑐶𑐐𑐹𑐐𑐸 𑐔𑐬𑐞𑐫𑑂 𑐚𑑂𑐬𑐵𑐫𑐎𑐫𑑂 𑐠𑑅𑐐𑐸 𑐥𑑂𑐬𑐳𑑂𑐟𑐸𑐟𑐶 𑐣𑑂𑐴𑑂𑐫𑐧𑑂𑐰𑐂 𑑋

𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵𑑄 𑐣𑐾𑐥𑐵𑐮 𑐳𑑄𑐰𑐟𑑂 𑑑𑑑𑑔𑑒 𑐣𑑂𑐴𑐹𑐡𑑃𑐫𑐵 𑐮𑐳𑐟𑐵𑐫𑑂 𑐎𑐶𑐥𑐹 𑐣𑐐𑐬𑐳𑑂𑐟𑐬𑐫𑑂 𑐠𑐸𑐐𑐸 𑐳𑐵𑑄𑐐𑐷𑐟𑐶𑐎 𑐎𑐵𑐳𑐵 𑐫𑐵𑑅𑐐𑐸 𑐏𑑅 𑑋 𑐎𑐵𑐳𑐵𑐫𑑂 𑐎𑐶𑐥𑐹 𑐡𑐾𑐫𑑂𑐫𑐵 𑐩𑐸𑐎𑑂𑐎𑑄 𑑑𑑘 𑐩𑑂𑐴 𑐎𑐵𑐳𑐵𑐩𑐶𑐥𑐶𑑄𑐳𑑄 𑐧𑑂𑐰𑐟𑐶 𑐎𑐫𑐵𑐔𑑂𑐰𑑄𑐐𑐸 𑐡𑐸𑐳𑐵 𑐎𑐵𑐳𑐵𑐫𑑂 𑐧𑑂𑐰𑐟𑐶 𑐎𑐵𑐫𑐾𑐟 𑐎𑐵𑐳𑐵𑐩𑐶𑐥𑐶𑑄𑐳𑑄 𑐕𑑂𑐰𑐫𑐵 𑐴𑑅𑐐𑐸 𑐩𑑂𑐫𑐾𑑃 𑐰𑑄𑐐𑐸 𑐎𑐕𑐮𑐵𑐠𑑂𑐰 𑐥𑐵𑐬𑐸 (𑐎𑐵𑐟𑑂𑐟𑐶𑐎 𑑑𑑙 𑐐𑐟𑐾) 𑐩𑑂𑐴𑐥𑐸𑐖𑐵𑐎𑐸𑐣𑑂𑐴𑐸 𑐴𑐾 𑐫𑐸𑐚𑑂𑐫𑐸𑐧𑐫𑑂 𑐀𑐥𑐮𑑀𑐜 𑐫𑐵𑑅𑐐𑐸 𑐏𑑅 𑑋

𑐣𑑂𑐴𑐵𑐥𑐵𑑄𑐐𑐸 𑐔𑐬𑐞𑐫𑑂 𑐧𑑂𑐰𑐟𑐶 𑐎𑐵𑑅𑐥𑐶𑑄 𑐳𑐎𑐳𑐶𑐐𑐸𑑄 𑐩𑑂𑐫𑐾𑑃 ‘𑐎𑐷𑐬𑑂𑐟𑐶𑐥𑐸𑐬 𑐳𑐶𑐒𑑂𑐐𑐶𑐒 𑐁𑐂𑐜𑐮–𑑑𑑑𑑔𑑒’𑐫𑐵 𑐫𑐸𑐚𑑂𑐫𑐸𑐧𑐫𑑂 𑐀𑐥𑐮𑑀𑐜 𑐫𑐵𑐫𑐾𑐢𑐸𑑄𑐎𑐵𑑅 𑐳𑐎𑐳𑐶𑐟𑑄 𑐣𑐶𑐐𑐹𑐐𑐸 𑐔𑐬𑐞𑐫𑑂 𑐥𑑂𑐬𑐰𑐾𑐱 𑐫𑐵𑐎𑐹𑐐𑐸 𑐏𑑅 𑑋 𑐧𑑂𑐰𑐟𑐶 𑐎𑐵𑑅𑐥𑐶𑑄𑐟 𑐣𑐶𑐐𑐹𑐐𑐸 𑐔𑐬𑐞𑐫𑑂 𑐥𑑂𑐬𑐰𑐾𑐱 𑐫𑐵𑐎𑐾𑐐𑐸𑐮𑐶𑐳𑐾𑑄 𑐚𑑂𑐬𑐵𑐫𑐎 (𑐏𑐵𑐬𑐵𑐌𑐎𑐾)𑐫𑑂 𑐐𑐸𑐎𑐠𑑄 𑐩𑑂𑐫𑐾𑑃 𑐴𑐵𑐮𑐾𑐐𑐸 𑐢𑐎𑐵𑑅 𑐰𑑄𑐐𑐸 𑐰𑐵𑑅𑐫𑐵 𑐩𑑄𑐐𑐮𑐰𑐵𑑅 𑐰 𑐰𑑄𑐐𑐸 𑐱𑐣𑐶𑐰𑐵𑑅 𑐫𑐵𑐣𑐵𑑅 𑐣𑐶𑐐𑐹 𑐔𑐬𑐞𑐫𑑂 𑐀𑐨𑑂𑐫𑐵𑐳 𑐣𑑄 𑐫𑐵𑐎𑐹𑐐𑐸 𑐏𑑅 𑑋 𑐣𑐾𑐥𑐵𑐮𑐨𑐵𑐲𑐵 𑐊𑐎𑐾𑐡𑐾𑐩𑐶𑐫𑐵 𑐴𑐮𑐫𑑂 𑐖𑐹𑐐𑐸 𑐀𑐨𑑂𑐫𑐵𑐳𑐫𑑂 𑐧𑑂𑐰𑐟𑐶 𑐎𑐵𑑅𑐥𑐶𑑄 𑐳𑐎𑐳𑐶𑐣𑑄 𑐠𑐩𑑂𑐴𑑄 𑐮𑑂𑐫𑑅𑐐𑐸 𑐩𑑂𑐫𑐾𑑃 𑐚𑑂𑐬𑐵𑐫𑑂𑐎 𑐣𑑂𑐴𑑂𑐫𑐧𑑂𑐰𑑅𑐐𑐸 𑐏𑑅 𑑋

𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵𑑄 𑐎𑐶𑐥𑐹 𑐣𑐐𑐬𑐫𑐵 𑐮𑑂𑐫𑐵𑐫𑑂𑐩𑑂𑐴𑐟𑐫𑑂𑐎𑐾 𑐡𑐸𑐐𑐸 𑐥𑑂𑐬𑐟𑐶𑐨𑐵 𑐣𑑂𑐴𑑂𑐫𑑅𑐣𑐾 𑐴𑐫𑐾𑐐𑐸 𑐮𑑂𑐫𑐵𑐏𑑄 𑐄𑐐𑐸 𑐎𑐵𑐳𑐵𑐫𑐵 𑐐𑑂𑐰𑐳𑐵𑑅 𑐐𑑂𑐰𑑅𑐐𑐸 𑐏𑑅 𑑋 𑐣𑐐𑐬𑐫𑐵 𑐮𑑂𑐫𑐵𑐫𑑂𑐩𑑂𑐴𑐟𑐫𑑂𑐟 𑐮𑐎𑑂𑐲𑐶𑐟 𑐫𑐵𑐣𑐵𑑅 𑐐𑑂𑐰𑐳𑐵𑑅 𑐐𑑂𑐰𑑅𑐐𑐸 𑐠𑐸𑐸𑐐𑐸 𑐎𑐵𑐳𑐵𑐫 𑐄𑐡𑑂𑐡𑐾𑐱𑑂𑐫 𑐂𑐩𑐶𑐟 𑐳𑐵𑑄𑐐𑐷𑐟𑐶𑐎 𑐎𑑂𑐲𑐾𑐟𑑂𑐬𑐫𑑂 𑐁𑐎𑐬𑑂𑐲𑐶𑐟 𑐫𑐵𑐫𑐾𑐟 𑐖𑐹𑐐𑐸 𑐣𑐐𑐬𑐥𑐵𑐮𑐶𑐎𑐵𑑄 𑐣𑑂𑐴𑑂𑐫𑐠𑑄𑐐𑐸 𑐡𑐸 𑑋

𑐠𑐸𑐐𑐸 𑐖𑑂𑐫𑐵𑐗𑑂𑐰𑑅 𑐟𑐵𑑅𑐮𑐵𑐎𑐾𑐫𑐵 𑐣𑐶𑑄𑐟𑐶𑑄 𑐣𑐾𑐥𑐵𑐮𑐨𑐵𑐲𑐵𑐫𑐵 𑐣𑐵𑑄𑐖𑐵𑑅𑐩𑑂𑐴 𑐳𑑄𑐐𑐷𑐟𑐎𑑅𑐩𑐶 𑐴𑐬𑐶𑐱𑐬𑐞 𑐳𑐵𑐫𑑂𑐩𑐶𑐫𑐵 𑐳𑑄𑐫𑑀𑐖𑐎𑐟𑑂𑐰𑐫𑑂 𑐕𑐐𑐹 𑐳𑐩𑐶𑐟𑐶 𑐐𑐛𑐣 𑐫𑐵𑐣𑐵𑐟𑑅𑐐𑐸 𑐏𑑅𑐳𑐵 𑐣𑐶𑐐𑐹𑐐𑐸 𑐔𑐬𑐞 𑐀𑐣𑑂𑐟𑐬𑑂𑐐𑐟 𑐖𑐹𑐐𑐸 𑐀𑐨𑑂𑐫𑐵𑐳𑐫𑑂 𑐳𑑄𑐫𑑀𑐖𑐎 𑐳𑐵𑐫𑑂𑐩𑐶 𑐣𑐵𑐥𑑄 𑐳𑐩𑐶𑐟𑐶𑐫𑐵 𑐡𑐸𑐖𑑅𑐥𑐶𑑄 𑐖𑑂𑐘𑐵𑐣𑐾𑐱𑑂𑐰𑐬 ‘𑐣𑐶𑐨𑐵𑑅’, 𑐳𑐟𑐶𑐱 𑐩𑐴𑐬𑑂𑐖𑐣, 𑐟𑐷𑐬𑑂𑐠 𑐩𑐵𑐮𑐷, 𑐎𑐺𑐲𑑂𑐞𑐴𑐬𑐶 𑐩𑐴𑐬𑑂𑐖𑐣 𑐳𑐴𑐶𑐟𑐫𑐵 𑐄𑐥𑐳𑑂𑐠𑐶𑐟𑐶𑐂 𑐧𑑂𑐰𑐟𑐶 𑐎𑐵𑑅𑐥𑐶𑑄𑐳𑑄 𑐀𑐨𑑂𑐫𑐵𑐳 𑐫𑐵𑑅𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS