Read news in NepalBhasa text-- www.hamroschool.com BACK 𑐀𑐏𑑂𑐟𑐬𑐰𑐶𑐬𑐸𑐡𑑂𑐢 𑐗𑐶𑐐𑐹 𑐎𑐬𑑀𑐜 𑐖𑐬𑐶𑐰𑐵𑐣𑐵𑐫𑐵 𑐡𑐵𑐰𑐷 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐀𑐏𑑂𑐟𑐬𑐰𑐶𑐬𑐸𑐡𑑂𑐢 𑐗𑐶𑐐𑐹 𑐎𑐬𑑀𑐜 𑐖𑐬𑐶𑐰𑐵𑐣𑐵𑐫𑐵 𑐡𑐵𑐰𑐷

𑐊𑐖𑐾𑐣𑑂𑐳𑐷- 𑐥𑐵𑐎𑐶𑐳𑑂𑐟𑐵𑐣𑐫𑐵 𑐕𑐐𑐹 𑐚𑐾𑐮𑐶𑐨𑐶𑐖𑐣 𑐔𑑂𑐫𑐵𑐣𑐮𑑄 𑐥𑐸𑐮𑐵𑑄𑐩𑑂𑐴 𑐧𑐮𑐬 𑐱𑑀𑐊𑐧 𑐀𑐏𑑂𑐟𑐬𑐫𑐵𑐟 𑐗𑐶𑐐𑐹 𑐎𑐬𑑀𑐜 (𑐳𑑂𑐠𑐵𑐣𑐷𑐫 𑐢𑑂𑐫𑐧𑐵) 𑐖𑐬𑐶𑐰𑐵𑐣𑐵 𑐥𑐸𑐮𑐾𑐟 𑐣𑑀𑐚𑐶𑐳 𑐧𑐶𑐄𑐐𑐸 𑐡𑐸 𑑋 𑐀𑐏𑑂𑐟𑐬𑑄 𑐠𑑅𑐥𑐶𑑄𑐮𑐶𑐳𑐾 𑐫𑐵𑐣𑐵𑐟𑑅𑐐𑐸 𑐳𑐩𑑂𑐗𑑁𑐟𑐵 𑐄𑐮𑑂𑐮𑑄𑐑𑐣 𑐫𑐵𑑅𑐐𑐸 𑐢𑐵𑐳𑐾𑑄 𑐥𑐵𑐎𑐶𑐳𑑂𑐟𑐵𑐣 𑐚𑐾𑐮𑐶𑐨𑐶𑐖𑐣 (𑐥𑐶𑐚𑐶𑐨𑐷𑑄) 𑐗𑐶𑐐𑐹 𑐎𑐬𑑀𑐜 𑐖𑐬𑐶𑐰𑐵𑐣𑐵 𑐰 𑐳𑑂𑐰𑐮𑐵𑐫𑐵 𑐟𑐮𑐧 𑐮𑐶𑐟 𑐧𑐷𑐟 𑐣𑑀𑐚𑐶𑐳 𑐧𑐶𑐄𑐐𑐸 𑐏𑑅 𑑋

𑐀𑐏𑑂𑐟𑐬𑑄 𑐀𑐣 𑐊𑐫𑐬 𑐖𑐸𑐫𑐵𑐔𑑂𑐰𑑄𑐐𑐸 𑐎𑐵𑐬𑑂𑐫𑐎𑑂𑐬𑐩 𑐥𑐵𑐏𑐾𑑄 𑐴𑐾 𑐠𑑅𑐐𑐸 𑐬𑐵𑐖𑐷𑐣𑐵𑐩𑐵𑐫𑐵 𑐑𑑀𑐲𑐞𑐵 𑐫𑐵𑐣𑐵𑐧𑐶𑐄𑐐𑐸 𑐏𑑅 𑑋 𑐥𑐶𑐚𑐶𑐧𑐷𑑄 𑐀𑐏𑑂𑐟𑐬𑐫𑐵 𑐠𑑂𑐰 𑐑𑑀𑐲𑐞𑐵𑑄 𑐠𑑅𑐥𑐶𑑄𑐟 𑐁𑐬𑑂𑐠𑐶𑐎 𑐬𑐸𑐥𑑄 𑐣𑑀𑐎𑑂𑐳𑐵𑐣 𑐖𑐹𑐐𑐸 𑐢𑐵𑐳𑐾𑑄 𑐖𑐬𑐶𑐰𑐵𑐣𑐵 𑐡𑐵𑐰𑐷 𑐫𑐵𑑅𑐐𑐸 𑐏𑑅 𑑋
𑐥𑐶𑐚𑐶𑐨𑐷𑐮𑐶𑐳𑐾 𑐀𑐏𑑂𑐟𑐬𑑄 𑐫𑐵𑐣𑐵𑐟𑑅𑐐𑐸 𑐳𑐩𑑂𑐗𑑁𑐟𑐵𑐫𑑂 𑐣𑐶𑐐𑐸𑐮𑐶𑑄 𑐥𑐎𑑂𑐲𑑄 𑐳𑐩𑑂𑐗𑑁𑐟𑐵 𑐟𑑂𑐰𑐵𑑅𑐠𑐮𑐾 𑐦𑐂 𑐢𑐫𑐵𑐟𑑅𑐳𑐵𑑄 𑐠𑐸𑐎𑐶𑐫𑐵 𑐣𑐶𑑄𑐟𑐶𑑄 𑐳𑑂𑐰𑐮𑐵 𑐣𑑂𑐴𑑂𑐫𑑅 𑐴𑐾 𑐖𑐵𑐣𑐎𑐵𑐬𑐷 𑐧𑐷𑐩𑐵𑑅𑐐𑐸 𑐰 𑐀𑐠𑐾 𑐩𑐖𑐸𑐮 𑐢𑐵𑑅𑐳𑐵 𑐳𑑂𑐰𑐮𑐵𑐫𑐵 𑐟𑐮𑐧 𑐧𑐷𑐩𑐵𑑅𑐐𑐸 𑐏𑑃 𑐣𑑂𑐴𑑂𑐫𑐠𑐣𑐵𑐟𑑅𑐐𑐸 𑐡𑐸 𑑋

𑐥𑐶𑐚𑐶𑐨𑐷𑑄 𑐀𑐏𑑂𑐟𑐬𑑄 𑐠𑑅𑐥𑐶𑑄 𑐮𑐶𑐳𑐾 𑐫𑐵𑐣𑐵𑐟𑑅𑐐𑐸 𑐳𑐩𑑂𑐗𑑁𑐟𑐵 𑐀𑑅𑐏𑑅 𑐬𑐵𑐖𑐷𑐣𑐵𑐩𑐵 𑐧𑐶𑐄𑐐𑐸𑐮𑐶𑑄 𑐠𑑅𑐥𑐶𑑄𑐟 𑐁𑐬𑑂𑐠𑐶𑐎 𑐬𑐸𑐥𑑄 𑐀𑐳𑐵𑐢𑐵𑐬𑐞 𑐎𑑂𑐲𑐟𑐶 𑐖𑐹𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋 𑐀𑐏𑑂𑐟𑐬𑑄 𑑒𑑖 𑐀𑐎𑑂𑐚𑑀𑐰𑐬𑐫𑑂 𑐀𑐣 𑐊𑐫𑐬 𑐖𑐸𑐫𑐵𑐔𑑂𑐰𑑄𑐐𑐸 𑐎𑐵𑐬𑑂𑐫𑐎𑑂𑐬𑐩 𑐥𑐵𑐏𑐾𑑄 𑐴𑐾 𑐥𑐶𑐚𑐶𑐨𑐷𑑄 𑐬𑐵𑐖𑐷𑐣𑐵𑐩𑐵 𑐧𑐶𑐫𑐵𑐐𑐸 𑐑𑑀𑐲𑐞𑐵 𑐫𑐵𑑅𑐐𑐸 𑐏𑑅 𑑋 𑐥𑐶𑐚𑐶𑐨𑐷𑑄 𑐚𑐶 𑑒𑑐 𑐰𑐶𑐱𑑂𑐰𑐎𑐥𑐫𑐵 𑐗𑑂𑐰𑐮𑐫𑑂 𑐀𑐏𑑂𑐟𑐬 𑐠𑑅𑐥𑐶𑑄𑐟 𑐖𑐵𑐣𑐎𑐵𑐬𑐷 𑐴𑐾 𑐩𑐧𑐶𑐳𑐾 𑐡𑐸𑐧𑐃 𑐰𑑄𑐐𑐸 𑐰 𑐀𑐣 𑐰𑐣𑐵𑑅 𑐨𑐵𑐬𑐟𑐷𑐫 𑐎𑑂𑐬𑐶𑐎𑐾𑐚𑐬 𑐴𑐬𑐨𑐖𑐣 𑐳𑐶𑑄𑐴𑐮𑐶𑐳𑐾 𑐕𑐐𑐹 𑐨𑐵𑐬𑐟𑐷𑐫 𑐚𑐾𑐮𑐶𑐨𑐶𑐖𑐣 𑐎𑐵𑐬𑑂𑐫𑐎𑑂𑐬𑐩𑐫𑑂 𑐰𑑅𑐐𑐸 𑐢𑐵𑐳𑐾𑑄 𑐠𑑂𑐰 𑐗𑑂𑐰𑐮𑐫𑑂 𑐀𑐏𑑂𑐟𑐬𑐵𑑄 𑐥𑐶𑐚𑐶𑐨𑐷𑐫𑐵 𑐎𑐵𑐬𑑂𑐫𑐎𑑂𑐬𑐩 ‘𑐐𑐾𑐩 𑐀𑐣 𑐴𑐿’𑐫𑑂 𑐄𑐥𑐳𑑂𑐠𑐶𑐟𑐶 𑐩𑐖𑐸𑐳𑐾 𑐳𑐩𑑂𑐗𑑁𑐟𑐵𑐫𑐵 𑐄𑐮𑑂𑐮𑑄𑐑𑐣 𑐫𑐵𑑅𑐐𑐸 𑐡𑑂𑐰𑐥𑑄 𑐧𑐶𑐄𑐐𑐸 𑐡𑐸 𑑋

𑐀𑐏𑑂𑐟𑐬𑑄 𑐥𑐶𑐚𑐶𑐨𑐷𑐥𑐵𑐏𑐾𑑄 𑐰𑑅𑐐𑐸 𑐎𑐵𑐣𑐸𑐣𑐷 𑐣𑑀𑐚𑐶𑐳𑑄 𑐠𑑅 𑐣𑐶𑐬𑐵𑐱 𑐖𑐹𑐐𑐸 𑐢𑐵𑐳𑐾𑑄 𑐠𑑅𑐩𑑂𑐴𑑄 𑐎𑐵𑐣𑐸𑐣𑐷 𑐮𑐜𑐵𑐂 𑐮𑑂𑐰𑐵𑐫𑐾𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS